Salamo

I le faatonu o le ʻaufaimusika; ia faaaogā ma meafaifaaili e iai uaua. O le salamo. O le pese.

67 E faaalia e le Atua lona alofa iā i tatou ma faamanuia i tatou;

E faasusulu mai e ia ona fofoga iā i tatou+ (Selā)

2 Ina ia iloa lou ala i le lalolagi uma,+

Ma au galuega o le faaolataga i atunuu uma lava.+

3 Le Atua e, ia vivii atu nuu iā te oe;

Ia vivii atu nuu uma lava iā te oe.

4 Ia olioli atunuu ma alalaga fiafia,+

Auā e te faamasinoina ma le tonu tagata.+

E te taʻitaʻiina foʻi atunuu o le lalolagi. (Selā)

5 Le Atua e, ia vivii atu nuu iā te oe;

Ia vivii atu nuu uma lava iā te oe.

6 E fua mai e le laueleele ona fua;+

E faamanuia foʻi i matou e le Atua, o lo matou Atua.+

7 E faamanuia i matou e le Atua,

Ma e matataʻu* iā te ia tuluʻiga uma o le lalolagi.+