Le Pese a Solomona
1 O le pese silisili a Solomona:+
2 “Ia sogi mai o ia iā te aʻu i sogi a lona fofoga,
Auā o faailoaga o lou alofa, ua sili ia nai lo o le uaina.+
3 E sasala manaia le manogi o ou suāuu.+
O lou suafa foʻi ua pei o le suāuu manogi ua liligiina atu.+
O le mea lea ua alolofa ai tama‘ita‘i talavou iā te oe.
4 Ia e ave aʻu;* seʻi o ta tamomoʻe.
Ua ave aʻu e le tupu i ona potu i totonu!
Seʻi o ta olioli ia ma fiafia faatasi.
Seʻi o ta talanoa i* faailoaga o lou alofa ua sili ia nai lo o le uaina.
O le mea lea ua tatau ai ona latou* alolofa iā te oe.
5 Tama fafine a Ierusalema e, o aʻu o se teine uliuli ae e lalelei,
E pei o faleʻie o Kitara,+ e pei foʻi o faleʻie+ o Solomona.
6 Aua tou te vaavaai mai iā te aʻu ona ou te uliuli,
Auā ua lāina aʻu.
Ua feita mai le fanau tama a loʻu tinā iā te aʻu;
Ua latou tofia ai aʻu e leoleo i togāvine,
A o loʻu lava togāvine ou te leʻi leoleoina.
7 O oe lenā, o lē ou te alofa tele i ai, ia e taʻu mai iā te aʻu
Po o fea e te fafaga ai lau lafu mamoe,+
Po o fea foʻi e te ave i ai le lafu e taooto ai i le aoauli.
Aiseā e avea ai aʻu e pei o se fafine ua ufiufi ona foliga i se ufimata*
I totonu o lafu a au uō?”
8 “O oe o lē ua sili ona lalelei i fafine, afai e te lē iloa,
Inā alu atu ia e mulimuli i le lafu,
Ma fafaga i au tamaʻi ʻoti i tafatafa o faleʻie o leoleo mamoe.”
9 “Laʻu pele e, ou te faatusaina oe i se* solofanua fafine i kariota a Farao.+
15 “Faauta! Laʻu pele e, ua lalelei oe.
Faauta! Ua e lalelei lava. Ua pei o ni mata o se lupe ou mata.”+
16 “Faauta! Laʻu pele e, ua lalelei oe, ua matagofie lava.+
O lo taʻua moega o laulaau ia.