Salamo
3 Ia mitamita i lona suafa paia.+
Ia olioli foʻi loto o i latou e saʻiliʻili iā Ieova.+
4 Inā saʻili atu ia iā Ieova+ ma lona malosi.
Ia saʻili atu pea iā te ia.
5 Ia manatua galuega ofoofogia na ia faia,
O ana vavega ma iʻuga o faamasinoga na ia fetalai mai ai,+
6 O outou le fanau a* Aperaamo lana auauna,+
O outou o atalii o Iakopo, o ē na ia filifilia.+
7 O ia o Ieova lo tatou Atua.+
E na te faamasinoina le lalolagi uma.+
8 E na te manatua lana feagaiga e faavavau,+
Le folafolaga na ia faia* i le faitau afe o tupulaga,+
9 O le feagaiga na ia osia ma Aperaamo,+
Ma le tautoga na ia tautō ai iā Isaako,+
10 Lea na ia faavaeina e avea o se tulafono iā Iakopo
Ma o se feagaiga ma Isaraelu i aso uma lava,
11 E faapea, “Ou te tuuina atu iā te oe le laueleele o Kanana,+
O lo outou tofi lea.”+
12 Na faia lenei mea ina o toʻaitiiti i latou,+
Ioe, a o matuā toʻaitiiti lava, ma o tagata ese i latou i le nuu.+
14 E na te leʻi faatagaina se tasi e faapuapuagatia i latou,+
Ae na ia aʻoaʻia tupu ona o i latou,+
15 E faapea, “Aua neʻi fetagofi atu i ē ua ou faauuina,
Aua foʻi neʻi faia se mea leaga i aʻu perofeta.”+
17 Na ia auina atu se tagata e muamua atu iā i latou,
O Iosefa lea, o lē na faatauina atu e fai ma pologa.+
18 Na latou faamau* ona vae i filifili,+
Na faamau lona ua i uʻamea;
19 Seʻia oo i le taimi na faataunuu ai lana afioga,+
O le afioga a Ieova na faamamāina ai o ia.
21 Na ia tofia o ia e fai ma matai i lona aiga
Ma ia pule i ana mea uma,+
22 Ina ia pule* i ona perenise e tusa ma lana faitalia
Ma aʻoaʻo ona toeaina i le atamai.+
24 Na faatoʻateleina e le Atua lona nuu;+
Na ia faia i latou ina ia malolosi atu i o latou fili,+
25 Na ia liua o latou loto ina ia feita i lona nuu,
Ina ia faufau faasaga i ana auauna.+
28 Na ia auina atu le pōuliuli ma ua pogisa ai le laueleele;+
E la te leʻi fouvale foʻi i ana afioga.
33 Na ia taia o latou vine ma o latou mati
Ma faatama‘ia laau o lo latou nuu.
34 Na ia fetalai e tatau ona osofa‘i sē akerise,
Ona ō mai ai lea o le lē mafaitaulia o tama‘i sē akerise.+
35 Na latou ʻaina laau uma o le nuu,
Na latou ʻaina foʻi fua o le laueleele.
37 Na ia aumaia ona tagata faatasi ma siliva ma auro;+
E leai foʻi se tasi o ona ituaiga na tautevateva.
39 Na ia fofola le ao e fai ma pupuni mo i latou,+
Ma le afi e faamalamalama i le pō.+
40 Na latou talosaga atu, ona ia aumaia lea o salu;*+
Na ia faamaoona pea i latou i le meaʻai mai i le lagi.+
42 Auā na ia manatua lana folafolaga paia i lana auauna o Aperaamo.+
44 Na ia avatu iā i latou fanua o atunuu;+
Na maua e i latou fua o galuega mamafa a isi tagata,+
45 Ina ia latou tausia ana poloaʻiga+
Ma mulimuli i ana tulafono.
Ia vivii atu iā Ioa!*