Sapakuka
1 O le feʻau na maua e le perofeta o Sapakuka* i se faaaliga:
2 Ieova e, o le ā le umi ou te alaga atu ai mo se fesoasoani ae e te lē faafofoga mai?+
O le ā le umi ou te talosaga atu ai mo se fesoasoani ona o faiga sauā, ae e te lē faalaa* mai?+
3 Aiseā ea ua e faaali mai ai iā te aʻu mea sesē?
Aiseā ua e silasila mai ai pea i puapuaga?
Aiseā ua iai le faatafunaina ma faiga sauā i oʻu luma?
Aiseā foʻi ua faateleina ai fefinauaʻiga ma misa?
4 O le mea lea ua lē toe faamalosia ai le tulafono,
Ma ua lē faia ai foʻi le faamasinotonu.
Auā ua siʻomia lē ua amiotonu e lē ua amioleaga;
O le mea lea ua faapi‘oina ai le faamasinogatonu.+
5 “Ia outou vāai atu i nuu ma ia ua‘i i le mea o le a tupu!
Ia pulatoʻa atu foʻi ma ia matuā taufaiofo;
Auā e iai se mea o le a tupu i o outou aso,
Lea e tou te lē talitonu i ai e tusa pe taʻu atu iā te outou.+
E latou te ō atu i le lautele o le lalolagi
Ina ia faoa laueleele e lē o i latou e ana.+
7 E mataʻutia i latou ma e fefefe i ai tagata.
E fai a latou lava tulafono ma e iai le pule* i o latou lima.+
E tamomo‘e saoasaoa a latou solofanua o le taua;
E mamao tele le mea ua ō mai ai a latou solofanua.
E latou te felelei ifo e pei o aeto, e televavave atu e aai i se mea.+
9 E ō mai uma i latou ina ia faasauā.+
O le faasasaga i luma o o latou mata, e pei o le matagi mai i sasaʻe;+
E latou te aoaoina pagota e pei o le oneone.
E latou te taliē i nofoaga malupuipuia uma;+
E latou te tanuina mea maupuʻepuʻe ma a‘ea.
11 Ona latou agaʻi atu lea i luma e pei o se matagi ma ui ane ai,
Ae o le a nofosala i latou,+
Auā ua latou faapea mai, o lo latou malosi e mai i lo latou atua.”*+
12 Ieova e, pe e te lē mai le faavavau ea?+
Loʻu Atua e, o Lē e Paia iā te aʻu, e te lē maliu lava.*+
Ieova e, ua e tofia i latou ina ia faaoo atu le faasalaga;
Lo‘u Papa e,+ ua e faavaeina i latou ina ia fai ai aʻoaʻiga.+
13 E matuā mamā ou fofoga e te lē fia silasila ai i mea leaga,
E lē mafai foʻi ona e silasila i le amioleaga.+
Aiseā la ua e silasila ai i lē ua faa‘ole‘ole+
Ma e lē fetalai ai pe a faatamaʻia e lē e amioleaga o lē ua sili ona amiotonu nai lo o ia?+
14 Aiseā foʻi ua e faia ai tagata e pei o iʻa o le sami,
E pei o mea fetolofi e leai so latou pule?
15 Ua ia* ave aʻe i latou uma i le mātau.
Ua ia pu‘ea i latou i lana upega,
Ma ua ia aoaoina i latou i lana upega fagota.
O le mea lea ua ia matuā olioli ai.+
16 O le mea lea ua ia avatu ai taulaga i lana upega
Ma faia taulaga* i lana upega fagota;
Auā o mea ia ua lelei* ai ana mea ua maua,
Ma o lana meaʻai e malosi ai le tino.
17 Po o le a ia faagaogao pea lana upega?*
Po o le a ia faaumatia pea nuu e aunoa ma le alofa mutimutivale?+