Salamo

 3 Ia avea oe ma oʻu papa malosi

Ou te alu atu i ai e lē aunoa.

Ia e poloaʻi ina ia faaolaina aʻu,

Auā o oe o loʻu papa ma loʻu ʻolo malosi.+

 4 Loʻu Atua e, ia e lavea‘i iā te a‘u mai i le lima o lē e amioleaga,+

Mai i le lima o le tagata sauā e faia mea e lē tonu.

 5 Auā o oe o loʻu faamoemoega, Ieova e, le Alii Pule Silisili Ese;

Na ou faatuatua iā te oe* talu mai loʻu talavou.+

 6 Na ou faalagolago atu iā te oe talu ona ou fanau mai;

O oe na e aumaia aʻu mai i le manava o loʻu tinā.+

 7 Ua avea aʻu e pei o se vavega i le toʻatele o tagata,

Ae o oe o loʻu sulufaʻiga malosi.

 8 Ua tumu loʻu gutu i ou viiga;+

Ou te ta‘uta‘u atu lou matagofie i le aso atoa.

 9 Aua e te lafoa‘ia aʻu ina ua ou toeaina;+

Aua e te tuulafoa‘ia aʻu ina ua mou atu loʻu malosi.+

10 Ua upuleaga mai oʻu fili iā te aʻu,

Ma o ē o loo taulamalama e fasiotia a‘u, ua latou taupulepule faatasi,+

11 Ua faapea ane: “Ua tuulafoa‘ia o ia e le Atua.

13 Tau ina ia māsiasi ma fano

Ē o loo tetee mai iā te aʻu.+

Tau ina ia ufitia i le faalumaina ma le faamāina

Ē o loo saʻili ina ia ou malaia.+

14 A o aʻu, ou te faatalitali atu pea;

Ou te faaopoopo atu i ou viiga.

15 E taʻutaʻu atu e loʻu gutu lau amiotonu,+

Ma au galuega o le faaolataga i le aso atoa,

E ui e matuā tele lava, e lē mafai ona ou faitaulia.+

16 Ou te alu atu ma ta‘u atu au galuega mamana,

Ieova e, le Alii Pule Silisili Ese;

Ou te taʻu atu lau amiotonu, e na o oe lava.

Seʻi o‘u taʻu atu e uiga i lou mana* i le tupulaga o loo fāi mai,

Ma lou malosi iā i latou uma o loo fāi mai.+

19 Le Atua e, ua silisili lava lau amiotonu;+

Ua e faia foʻi mea tetele;

Le Atua e, o ai ea se tasi e pei o oe?+

20 E ui ua e faapogaia a‘u e tofo i le tele o puapuaga ma mala,+

Ia e toe faaola mai iā te aʻu;

Ia e ave aʻe aʻu mai i mea loloto* o le lalolagi.+

21 Tau ina ia e faateleina loʻu mamalu,

Ma siʻosiʻomia ma faamāfanafana mai iā te aʻu.

22 Ona ou vivii atu lea iā te oe i le meafaifaaili e iai uaua,

Ona o lou faamaoni, loʻu Atua e.+

Ou te usuina ou viiga* i le kitara,

Lē e Paia o Isaraelu e.

23 E alaga fiafia oʻu laugutu a o o‘u usuina viiga iā te oe,+

Auā ua e laveaʻiina lo‘u ola.+

24 E taʻutaʻu atu* e loʻu laulaufaiva lau amiotonu i le aso atoa,+

Auā e māsiasi ma faamāina i latou o ē e saʻili ia faaumatia aʻu.+