O le Tusi Muamua o Nofoaiga a Tupu
16 Ua latou avatu le Atolaau a le Atua moni ma tuu i totonu o le faleʻie na faatū e Tavita;+ ma ua latou faia foʻi taulaga mū ma taulaga faifaatasi i luma o le Atua moni.+ 2 Ina ua uma ona faia e Tavita o taulaga mū+ ma taulaga faifaatasi,+ ona ia faamanuia lea o le nuu i le suafa o Ieova. 3 Ua ia tufatufa atu foʻi i tagata Isaraelu uma, ia tofu tane ma fafine ta‘ito‘atasi ma le falaoa lapotopoto, ma le keke e faia i fua o le pama, ma le keke vine. 4 Ona ia tofia lea o nisi o le ʻau sa Levī e auauna i luma o le Atolaau a Ieova,+ ina ia faamamaluina,* faafetaia ma viia Ieova le Atua o Isaraelu. 5 E ta‘imua Asafo,+ ma e lona lua atu iā te ia Sakaria; a o Ieielu, o Semiramota, o Ikielu, o Maatatia, o Eliapo, o Penaia, o Opete-etoma, ma Ieielu+ na tāina meafaifaaili e iai uaua ma kitara;+ a o Asafo na tāina sumepalo,+ 6 o Penaia ma Iaaseelu o ositaulaga ia na faaauau ona iliina pū i luma o le atolaau o le feagaiga a le Atua moni.
7 O le aso lenā na fatuina ai mo le uluaʻi taimi e Tavita se pese faafetai iā Ieova, e ala iā Asafo+ ma ona uso:
10 Ia mitamita i lona suafa paia.+
Ia olioli foʻi loto o i latou e saʻiliʻili iā Ieova.+
11 Inā saʻili atu ia iā Ieova+ ma lona malosi.
Ia saʻili atu pea iā te ia.+
12 Ia manatua galuega ofoofogia na ia faia,+
O ana vavega ma iʻuga o faamasinoga na ia fetalai mai ai,
13 O outou le fanau a* Isaraelu lana auauna,+
O outou o atalii o Iakopo, o ē na ia filifilia.+
14 O ia o Ieova lo tatou Atua.+
E na te faamasinoina le lalolagi uma.+
15 Ia manatua lana feagaiga e faavavau,
Le folafolaga na ia faia* i le faitau afe o tupulaga,+
16 O le feagaiga na ia osia ma Aperaamo,+
Ma le tautoga na ia tautō ai iā Isaako,+
17 Lea na ia faavaeina e avea o se tulafono iā Iakopo+
Ma o se feagaiga ma Isaraelu i aso uma lava,
18 E faapea, ‘Ou te tuuina atu iā te oe le laueleele o Kanana,+
O lo outou tofi+ lea.’
19 Na faia lenei mea ina o toʻaitiiti outou,
Ioe, a o matuā toʻaitiiti lava, ma o tagata ese outou i le nuu.+
21 E na te leʻi faatagaina se tasi e faapuapuagatia i latou,+
Ae na ia aʻoaʻia tupu+ ona o i latou,
22 E faapea, ‘Aua neʻi fetagofi atu i ē ua ou faauuina,
Aua foʻi neʻi faia se mea leaga i aʻu perofeta.’+
23 Inā pepese atu ia le lalolagi uma iā Ieova!
Ia faalauiloa atu i lea aso ma lea aso le faaolataga mai iā te ia!+
24 Ia taʻutaʻu atu i nuu lona mamalu,
Ma ana galuega ofoofogia i tagata uma lava.
25 Auā e sili Ieova ma e tatau ona matuā viia o ia.
E sili atu ona ofoofogia o ia i lo o isi atua uma.+
28 Aiga e o nuu, ia avatu iā Ieova le mea e tatau iā te ia,
Ia avatu iā Ieova le mea e tatau iā te ia ona o lona mamalu ma le malosi.+
Ia ifo* atu iā Ieova i ofu paia.*+
30 Ia matuā gatete* le lalolagi uma i ona luma!
Ua matuā faatumauina le lalolagi;* e lē maluelue* lava.+
32 Ia taalili mai le sami ma mea uma o tumu ai;
Ia olioli foʻi le fanua ma mea uma o iai.
33 Ia alalaga fiafia mai fo‘i laau o le vaomatua i luma o Ieova,
Auā o loo afio mai* o ia e faamasino le lalolagi.
35 Ia faapea atu, ‘Le Atua e, o lo matou faaolataga, ia e faaolaina i matou,+
Ia faapotopoto iā i matou, ma laveaʻi i matou mai i nuu,
Ina ia matou faafetai atu i lou suafa paia+
Ona faapea atu lea o le nuu uma, “Amene!”* ma ua latou avatu le viiga iā Ieova.
37 Ona tuu ai lea e Tavita o Asafo+ ma ona uso i inā i luma o le atolaau o le feagaiga a Ieova, e auauna ai e lē aunoa i luma o le Atolaau,+ e tusa ma mea e manaʻomia i aso taʻitasi.+ 38 O Opete-etoma ma ona uso, e toʻa 68, ma o Opete-etoma le atalii o Iutana, faapea ma Hosa, e fai ma leoleo faitotoʻa; 39 ma Satoka+ le ositaulaga, ma ona uso a ositaulaga i luma o le faleʻie paia o Ieova i le mea maualuga i Kipeona,+ 40 ina ia ofo atu e lē aunoa taulaga mū iā Ieova i luga o le fata faitaulaga o taulaga mū, i le taeao ma le afiafi, ma faia mea uma ua tusia i le Tulafono a Ieova lea na ia poloaʻi mai ai iā Isaraelu.+ 41 Na faatasi ma i latou o Hemana, o Iutana,+ ma ē na totoe o tagata filifilia, ina ia faafetai atu iā Ieova,+ auā “e tumau e faavavau lona alofa faamaoni”;+ 42 na faatasi ma i latou o Hemana+ ma Iutana, ina ia ili pū, ma tā sumepalo ma meafaifaaili e faaaogā e viia ai le* Atua moni; a o atalii o Iutana+ sa vaavaaia le faitoto‘a. 43 Ona ō lea o le nuu uma i o latou fale, ma ua alu atu Tavita e faamanuia i lona lava aiga.