Iopu
6 Ona tali atu lea o Iopu e faapea:
3 Auā ua sili atu lona mamafa i lo o oneone o le sami.
O le mea lenā ua soonafai ai aʻu upu.+
4 Auā ua ati mai iā te aʻu o aū fanafana a Lē e ona le malosi uma lava,
O le mea oona o iai e inumia e loʻu agaga;+
Ua faasaga mai iā te aʻu mea mataʻutia mai i le Atua.
6 Pe e ʻaina ea meaʻai e leai se tofo e aunoa ma le masima,
Pe e iai ea se tofo i le niu o le fuāmoa?
7 E lē mafai lava ona ou tago i se mea o na mea.
Ua pei ia mea o ni meaʻai ua leaga.
8 E! pe ana talia laʻu talosaga,
Ma foaʻi mai e le Atua le mea o oʻu faamoemoe i ai.
10 Ae e avea pea lea ma faamāfanafanaga iā te aʻu;
Ma ou te matuā olioli e ui i loʻu tigā tele,
Auā ou te leʻi teena afioga a Lē e Paia.+
11 Pe e lava ea loʻu malosi ou te saga faatalitali ai?+
O le ā foʻi loʻu iʻuga e faaumiumi ai pea loʻu ola?
12 Pe e pei loʻu malosi o le malosi o maa?
Pe e pei foʻi loʻu tino o le ʻapamemea?
13 Pe e iai se auala ou te fesoasoani ai iā te aʻu lava,
Pe afai ua leai se tasi e lagolagoina aʻu?
14 O se tasi e lē faaalia le alofa faamaoni i lona lava uso,+
Ua tuua e ia le mataʻu i Lē e ona le malosi uma lava.+
15 Ua faaʻoleʻole oʻu lava uso+ e pei o le ālia i le tau mālūlū,
E pei foʻi o alāvai o ālia ua mātūtū.
16 Ua sua palapalā ona o le aisa,
Ua ufitia i latou i le kiona ua liusuāvai.
17 Ua leai ni vai i lona lava tau, ma ua mamate i latou;
Pe a vevela le tau, ona pē ai lea.
18 Ua faaliliuese o latou ala;
Ua latou tafe atu i le toafa ma mou ese atu.
19 Ua vaavaai atu le ʻaumalaga a Tema+ mo i latou;
Ua faatalitali foʻi mo i latou le ʻaumalaga mai i Seepa.+
20 Ua māsiasi i latou auā ua tuusesē lo latou faatuatua;
Ua latou oo mai foʻi i lea nofoaga ma ua faanoanoa ai.
22 Pe na ou fai atu ea, ‘Aumai se mea iā te aʻu,’
Pe talosaga atu mo se meaalofa mai i a outou oloa?
24 Inā aʻoaʻo mai ia iā te aʻu, ae o le a ou filemu;+
Ia faamalamalama mai foʻi iā te aʻu le mea sesē ua ou faia.
Ae o le ā se aogā o a outou aʻoaʻiga?+
26 Po ua outou faufau ina ia aʻoaʻia aʻu upu,
O upu a le tagata ua leai sona faamoemoe,+ ia e lelea i le matagi?
28 A o lenei, ia liliu ma vaai mai iā te a‘u,
Auā ou te lē pepelo i o outou luma.
29 Ia toe mafaufau faamolemole, aua ne‘i outou tuua‘ia sesē a‘u,
Ioe, ia toe mafaufau, auā o loo tumau pea laʻu amiotonu.
30 Po o tautala ma le lē tonu loʻu laulaufaiva?
Pe e lē iloa ea e loʻu gutu se mea leaga?