Mika
2 “Oi talofa i ē e faufau i mea leaga,
O ē e manatunatu i le faia o mea leaga a o taooto i o latou moega!
Pe a malama aʻe le taeao, ona latou faia lea o ia mea,
Auā ua i o latou lima le malosi e faia ai.+
2 Ua latou mananaʻo i fanua ma latou faoa ai;+
Atoa ma fale, ma ua latou aveina;
Ua latou maua le fale o se tagata i se auala taufaasesē,+
Faapea fo‘i ma lona tofi.
3 O lea, o le fetalaiga lenei a Ieova:
‘O loo oʻu mafaufau i se malaia faasaga i lenei aiga,+ lea e lē mafai ona sosola ese ai.*+
E tou te lē toe savavali ma le faamaualuluga,+ auā o le aso lea o le malaia.+
4 O lenā aso, e faia ai e se tasi se faataoto e faatatau iā te outou,
Ma o le a latou matuā lauē iā te outou.+
O le a latou fai mai: “Ua matuā faatafunaina i tatou!+
Ua ia aveesea le tofi o o tatou tagata mai iā i tatou ma avatu i isi nuu!+
Ua ia vaevae o tatou fanua i ē e lē faamaoni.”
5 O lea, o le a leai se isi iā te oe e na te fuaina le fanua i le manoa,
Ina ia vaevae ai i le vili* i le faapotopotoga a Ieova.
6 Ua latou vavalo: “Aua tou te toe vavalo!
E lē tatau ona latou vavalo i ia mea;
E lē faalumaina i tatou!”
7 Le aiga o Iakopo e, ua outou faalogo o faapea mai tagata:
“Po ua lē onosa‘i ea le agaga o Ieova?
Po o ana gaoioiga ea ia?”
Pe e lē o aʻu upu ea e lelei ai lē e savali ma le amiotonu?
8 Ae e leʻi leva atu na tulaʻi ai loʻu nuu ma avea ma fili.
Ua outou sasaeesea le teuteu matagofie faatasi ma le ofu,*
Mai i ē ua ui ane ma le mautinoa, e pei o ē ua toe foʻi mai i le taua.
9 Ua outou tutuliesea fafine o loʻu nuu mai i o latou fale e fiafia i ai;
Ua outou aveesea mai i a latou fanau aʻu faamanuiaga matagofie e faavavau.
10 Inā tutulaʻi ia ma ō, auā e lē o se nofoaga lenei e mālōlō ai.
Talu ai ua lē mamā o ia,+ o le a faaumatia ai, i le faaumatiaga e tigā ai.+
11 Afai e mulimuli se tagata i le matagi ma le taufaa‘ole‘ole, ma fai atu lenei pepelo:
“Ou te vavalo iā te oe e faatatau i le uaina ma le ʻava malosi,”
O ia tonu e tatau ona avea ma perofeta i lea nuu!+
12 Ou te faapotopotoina outou uma lava, Iakopo e;
Ou te faapotopotoina faatasi foʻi o ē e totoe o Isaraelu.+
Ou te autasia i latou e pei o se lafu i le lotoā,
E pei o se lafu i totonu o le laufanua e aai ai manu;+
O le a iai le pisapisaō o tagata i inā.’+
13 E alu aʻe i o latou luma o lē e na te lepetia;
E latou te lepetia ma ui ane i le faitotoʻa o le pā ma ō atu ai.+
E muamua lo latou tupu i o latou luma,
Ae e taʻimua Ieova iā i latou uma.”+