Iopu

 2 “Pe e tali atu ea le tagata atamai i upu e lē aogā,*

Pe e na te faatumuina ea lona manava i le matagi mai i sasaʻe?

 3 E lē aogā le aʻoaʻi atu tau o le upu,

Ma e lē aogā foʻi iā i latou upu.

 4 Auā ua e faalēaogāina le mataʻu i le Atua,

Ma ua e faaitiitia le manatu mamafa i le Atua.

 5 Auā o lou sesē ua e tautala ai faapea,*

Ma ua e filifilia foʻi faamatalaga taufaa‘ole‘ole.

 6 Ua taʻusalaina oe e lou lava gutu, ae e lē o aʻu;

Ua molimau foʻi ou laugutu i lau mea sesē.+

 7 Po o oe ea le tagata muamua na fanau mai,

Pe na muamua ona e fanau mai a o leʻi iai mauga?

 8 Pe e te faalogo i fetalaiga faalilolilo a le Atua,

Po ua e taofia ea le atamai mo oe lava?

10 O loo iā i matou le ulusinā ma lē ua toeaina,+

O tane e sili atu ona matutua nai lo o lou tamā.

11 Po ua lē lava ea upu faamāfanafana a le Atua mo oe,

Po o upu mālū ua fai atu iā te oe?

12 Aiseā ua taʻitaʻieseina ai oe e lou loto,

Aiseā foʻi ua e foliga ita ai?

13 Auā ua e liliuina lou loto e tetee i le Atua,

Ma o le māfuaaga lea ua e tautala ai faapea.

14 O ai ea le tagata e mamā ai o ia,

Po o ai ea foʻi se tasi e fanau mai i se fafine e amiotonu ai o ia?+

15 Faauta! Ua lē faatuatua o ia i ona tagata paia,

Ma e oo foʻi i le lagi ua lē mamā i lana silafaga.+

16 E matuā sili atu la ona inosia ma piʻopiʻo se tasi,+

O se tagata o loo inu i le amiolētonu e pei o le vai!

Ou te faamatalaina atu le mea ua ou vaai i ai,

18 O mea ua faamatalaina e tagata atamamai,

O mea na latou maua mai i o latou tamā+ ma e latou te leʻi natiaina.

19 E na o i latou ua tuuina atu i ai le laueleele,

Ma e leai foʻi se tagata ese e ui ane iā i latou.

20 Ua puapuagatia le tagata amioleaga i ona aso uma,

I tausaga uma ua taofia mo le tagata e pule sauā.

21 Ua lagona e ia le leo o mea mataʻutia;+

I le taimi foʻi e filemu ai, ua osofaʻia o ia e ē faomea.

22 E lē talitonu o ia e sao o ia mai i le pōuliuli;+

Ua taofia o ia mo le pelu.

24 Ua faamata‘uina pea o ia i puapuaga ma tigā;

Ua la faatoʻilaloina o ia e pei o se tupu ua sauni mo le osofaʻiga.

25 Auā ua faaloaloa atu lona lima e faasaga i le Atua,

Ma ua taumafai e tetee* i Lē e ona le malosi uma lava;

26 Ua ia osofaʻi iā te Ia ma le faauamaaa,

Faatasi ai ma lana talita e mafiafia ma malosi;

27 E puputa ona foliga,

E lapoʻa foʻi lona manava,*

28 Ua nofo o ia i aai o le a faaumatia,

I fale foʻi e lē o nonofo ai ni tagata,

O le a avea ma faaputuga maa.

29 E lē mauoloa o ia, ma e lē faatuputeleina ana ʻoa,

E lē faasalalauina foʻi i le laueleele ana oloa.

30 E lē sao o ia mai i le pōuliuli;

E mago lona tātupu* i le mumū o le afi,

E aveesea foʻi o ia i le mānava o le fofoga o le Atua.*+

31 Aua neʻi taʻitaʻisesēina o ia i lona faatuatua i mea e lē aogā,

Auā e leai sona taui e maua mai ai;

32 E tauia o ia a o leʻi oo i lona aso,

E lē tupu olaola foʻi ona lālā.+

33 E pei o ia o le vine e lafoaʻi ona fua moto,

Ma e pei o le olive e salaeseina ona fuga.

34 Auā e lē tupu olaola le faapotopotoga o tagata amioleaga,*+

Ma e susunuina foʻi i le afi faleʻie o faiga faatogafalea.

35 Ua latou afuafuaina le faalavelave ma ua fanau mai ai le amioleaga,

Ua saunia foʻi e o latou manava le mea faaʻoleʻole.”