Iopu
3 Pe e faatele ea ona ʻaiʻoi atu o ia iā te oe,
Pe e tautala atu iā te oe i upu mālū?
4 Pe e lua te osia ea se feagaiga ma ia,
Ina ia avea ai o ia ma au pologa i aso uma lava?
5 Pe e lua te taaalo ea ma ia e pei ona taaalo ma se manulele,
Pe nonoa o ia e faafiafia ai lau fanau teine lāiti?
6 Pe e faia ai e tagata ni fefaatauaʻiga?
Pe e latou te vaevaeina ea i ē e faatau‘oa?
8 Ia tuu ai i luga lou lima;
O le a e manatua ai le taua, ma e te lē toe faia lava!
9 O so o se faamoemoe e puʻea o ia, e lē taulau.
E te matuā fefe lava* pe a e vaai atu iā te ia.
10 E leai se tasi e fia toa e faateʻi iā te ia.
O lea, o ai se tasi e mafai ona tū mai i oʻu luma?+
11 O ai na ia muaʻi tuuina mai se mea iā te aʻu, ina ia ou tauia ai o ia?+
O mea uma o i lalo o le lagi, o aʻu mea ia.+
12 Ou te lē filemu e uiga i ona vae,
Po o lona malosi ma le matagofie o lona tino.
13 O ai e na te aveesea lona ofu tele?
O ai foʻi e mafai ona ulu atu i lona gutu?
14 O ai e toa e tatala lona gutu?*
E mataʻutia ona nifo.
16 E sosoo le tasi i le isi,
E oo lava i le ʻea e lē mafai ona sao i ai.
17 Ua pipii faatasi le tasi i le isi;
Ua taofimau e le tasi le isi ma e lē mafai ona tuueseese.
18 E emo mai le malamalama pe a mafatua o ia,
O ona mata foʻi e pei o le susulu mai o le tafa o ata.
19 E emo mai le uila mai i lona gutu;
E alu atu aloiafi mai i lona gutu.
20 E alu atu le asu mai i ona pogaʻiisu,
E pei o se ogaumu ua mū i vao.
21 O lana mānava e mū ai malala,
E alu atu foʻi le afi mai i lona gutu.
22 E i lona ua le malosi tele,
E matataʻu foʻi i latou e fetaia‘i ma ia.
23 E malō le paʻu i lalo o lona manava;
E pei o se uʻamea, e lē mafai ona aveesea.
24 O lona fatu e malō e pei o le maa,
Ioe, e malō e pei o le maa pito i lalo e olo ai saito.
25 Pe a tulaʻi o ia, e fefefe ai tagata malolosi;
O lana tafiti ua lē mautonu ai i latou.
27 E manatu o ia i le uʻamea e na o se vao mago,
O le ʻapamemea foʻi e na o se laau pala.
28 E lē sola o ia i le aū;
Ua suia foʻi maatā e avea e na o ni tagutugutu o saito iā te ia.
29 E manatu o ia i le uatogi e na o ni tagutugutu o saito,
E ʻataʻata o ia i le tete o le tao.
30 O lona pito i lalo e pei o taʻega omea maamaʻai;
E faaloloa atu o ia i le palapala e pei o se mea e soli ai saito.+
31 E na te faapupuna le mea loloto e pei o se ulo;
Ma faagaepu le sami e pei o se ulo o loo iai le suāuu.
32 Ua ia faamalamalamaina le ala i ona tua.
E manatu ai se tasi ua ulusinā le vai loloto.
33 E leai se mea e tusa ma ia i luga o le fogāeleele,
O se meaola na faia ina ia lē mataʻu.
34 E vaai ifo o ia i meaola uma e faasausili.
O ia foʻi o le tupu o manufeʻai mataʻutia uma lava.”