Esekielu

2 Ona ia fetalai mai lea iā te aʻu: “Le atalii e o le tagata,* inā tulaʻi ia i ou vae ae seʻi oʻu tautala atu iā te oe.”+ 2 Ina ua ia fetalai mai iā te aʻu, ona faatumuina ai lea o aʻu i le agaga ma faatūina ai aʻu i luga i oʻu vae,+ ina ia ou faalogo atu i Lē o loo fetalai mai iā te aʻu.

3 Ua ia toe fetalai mai iā te aʻu: “Le atalii e o le tagata, ou te auina atu oe i le fanauga a Isaraelu,+ o nuu fouvale ia ua fouvale mai iā te aʻu.+ O i latou ma o latou augātamā, ua latou solia aʻu tulafono e oo mai lava i le asō.+ 4 Ou te auina atu oe i atalii mata faasiasia ma lotomaaa,+ ma e ao ona e faapea atu iā i latou, ‘O le fetalaiga lenei a le Alii Pule Silisili Ese o Ieova.’ 5 A o i latou, e tusa pe e latou te faalogo pe mumusu e faalogo, auā o le aiga fouvale i latou,+ ae o le a latou iloa lava sa iai le perofeta iā i latou.+

6 “A o oe, le atalii e o le tagata, aua e te fefe iā i latou,+ aua foʻi e te fefe i a latou upu, e ui o loo siʻomia oe i laau talatala ma laau tuitui,*+ ma e te nofo faatasi ma akarava. Aua lava e te fefe i a latou upu,+ ma aua e te mataʻu i o latou foliga,+ auā o i latou o le aiga fouvale. 7 E ao ona e fai atu aʻu upu iā i latou, e tusa pe e faalogo pe leai, auā o i latou o le nuu fouvale.+

8 “A o oe, le atalii e o le tagata, ia e faalogo mai i le mea ou te fai atu ai iā te oe. Aua e te fouvale e pei o lenei aiga fouvale. Inā faamaga ia lou gutu ma ʻai le mea ou te avatu iā te oe.”+

9 Ina ua ou vaai atu, na ou iloa ai se lima o faaloaloa mai iā te aʻu,+ ma na uu i le lima se tusi tāʻai ua tusia ai mea.*+ 10 Ina ua ia fofola le tusi tāʻai i oʻu luma, o loo tusia ai mea i luma ma tua.+ Ua tusia ai pese faanoanoa,* o le ōi ma le auega.+