Salamo
I le faatonu o le ʻaufaimusika. O le pese a Tavita.
140 Ieova e, ia e laveaʻi iā te aʻu mai i tagata leaga;
Ia e puipui iā te aʻu mai i tagata sauā,+
2 O i latou e faufau mea leaga i o latou loto+
Ma faatupu fevaevaea‘iga i le aso atoa.
4 Ieova e, ia e puipui iā te aʻu mai i lima o lē e amioleaga;+
Ia e leoleo iā te aʻu mai i tagata sauā,
O ē ua faufau ina ia ou tautevateva.
Ua latou faataatitia mailei mo aʻu.+ (Selā)
6 Ua ou faapea atu iā Ieova: “O oe o loʻu Atua.
Ieova e, ia e faafofoga mai i aʻu ʻaiʻoiga mo se fesoasoani.”+
7 Ieova e, le Alii Pule Silisili Ese, o loʻu Faaola malosi,
Ua e puipuia loʻu ulu i le aso o le taua.+
8 Ieova e, aua e te avatua mea e manaʻo i ai le tagata amioleaga.
Aua foʻi e te faataulauina a latou faufauga, ina neʻi faasilisilia ai i latou.+ (Selā)
10 Tau ina ia to‘ulu ifo malala ola i o latou luga.+
11 Tau ina ia lē maua e le tagata taufaaleaga se nofoaga i le lalolagi.*+
Tau ina ia tuliloa e mea leaga tagata faasauā ma fasiotia i latou.