Le Pese a Solomona
Ua ou tau laʻu muro ma laʻu mea manogi.+
Ua ou ʻaina laʻu meli mai i le faamoega lagomeli;
Ua ou inu foʻi laʻu uaina ma laʻu suāsusu.”+
“Aʻu uō pele e, inā taumamafa ia!
Inā feinu ia ma onanā i faailoaga o le alofa!”+
2 “Ua ou moe, ae o loo ala loʻu loto.+
Ua ou lagona le leo o le tuʻituʻi mai o laʻu pele!
‘Loʻu tuafafine, laʻu pele e, inā tatala mai ia le faitoto‘a iā te aʻu,
La‘u lupe e, o lē ua lē ponā!
Auā ua susū loʻu ulu i le sau,
O lauulu foʻi o loʻu ulu i le maʻulu o le sau o le pō.’+
3 Ua tatala ese loʻu ofu talaloa.
Pe e tatau ona ou toe ofu ai?
Ua ou fufulu oʻu vae.
Pe e tatau ona ou toe faapalapalāina?
4 Ua aveese e laʻu pele lona lima mai i le pū o le faitotoʻa,
Ma ua faagaee ai o‘u faalogona mo ia.
5 Na ou tulaʻi e tatala le faitotoʻa i laʻu pele;
Ona sisina ifo lea o le muro mai i oʻu lima,
Ma le muro ua sisina ifo mai i oʻu tamatamaʻilima
I luga o le loka.
6 Na ou tatala atu le faitoto‘a i laʻu pele,
Ae ua toe liliuese o ia, ua alu ese.
Na ou mafatia ina ua alu ese o ia.*
Na ou saʻili iā te ia, ae ou te leʻi maua o ia.+
Na ou valaau foʻi iā te ia, ae e leʻi tali mai o ia iā te aʻu.
7 Na maua aʻu e tagata vāai na feoaʻi solo i le aai.
Na latou fasia aʻu, ma latou faamanuʻalia aʻu.
Na aveese e leoleo o pā loʻu ʻie pulupulu* mai iā te aʻu.
8 Tama fafine a Ierusalema e, ou te faatautō iā te outou:
Afai tou te mauaina laʻu pele,
Ia ta‘u atu iā te ia ua ou maʻi i loʻu alofa.”
9 “O oe lenā o lē e silisili ona lalelei i fafine,
E faapefea ona sili lau pele nai lo o se isi pele?
E faapefea ona sili lau pele nai lo o se isi pele,
Ua e faatautō ai i matou faapenei?”
10 “E aulelei ma e enaena le tino o laʻu pele;
E matilatila ese o ia i le faitau sefulu afe.
11 O lona ulu o le auro lea, o le auro e sili ona lelei.
O lona lauulu e pei o le lelelelea o lau o le pama,*
E uliuli e pei o le oreva.
12 O ona mata e pei o lupe o loo i tafatafa o alāvai,
O loo tāʻeele i le suāsusu
Ma nonofo i tafatafa o se vai tā‘ele ua tumu i vai.*
O ona laugutu o lili o loo sisina ifo ai le muro.+
14 O ona lima o auro ia, ua tumu i le tasesa.
O lona manava ua pei o nifo elefane ua faaiila, ua ufitia i safaira.
15 O ona vae o poutū o maamora ua faatūina i luga o faavae e faia i le auro e sili ona lelei.
O ona foliga ua pei o Lepanona, e lē mafaatusalia e pei o arasi.+
Tama fafine a Ierusalema e, o laʻu manamea lenei, ma o laʻu pele.”