Iopu

7 “Pe e lē pei ea le ola o le tagata i le lalolagi o se galuega mamafa,

Ma po ua lē pei ea ona aso o aso o le tagata faigaluega?+

 2 Ua matuā naunau o ia i le paolo e pei o se pologa,

Ua faatalitali foʻi o ia i lona totogi e pei o se tagata faigaluega.+

 3 O loʻu tofi o masina lē aogā ia

Ma o loʻu taui o pō e puapuagatia ai.+

 5 Ua lilofia loʻu tino i ilo ma mea patupatu o le pefu;+

Ua paʻupaʻua loʻu paʻu, ma ua tafe mai ai le sua.+

 6 Ua sili atu le televavave o oʻu aso nai lo o le nila a lē e lalaga,+

Ma ua oo ina uma e aunoa ma se faamoemoe.+

 7 Ia manatua, o loʻu ola o le matagi lava lea,+

E lē toe vaai foʻi oʻu mata i le fiafia.*

 8 E lē toe iloa mai aʻu e mata o lē e vaai mai iā te aʻu;

E silasila mai ou fofoga iā te aʻu, ae ua ou leai.+

 9 E pei o le ao lea e taape ma mou atu,

O lē e alu ifo i le Tuugamau,* e lē toe alu aʻe o ia.+

10 E lē toe foʻi mai o ia i lona fale,

E lē toe iloa lava foʻi o ia i le mea sa iai.+

Ou te tautala atu i le tigā o loʻu agaga;

Ou te faitio i le tigā o loʻu loto!+

12 Po o aʻu ea o le sami po o se meaola lapoʻa o le sami,

Ua e tofia ai se leoleo iā te aʻu?

13 Pe a ou faapea ane, ‘E faamāfanafana aʻu e loʻu moega;

E fesoasoani loʻu moega e faamāmā oʻu mafatiaga,’

14 Ona e faaatuatuvale lea o aʻu i miti,

Ma ua e faafefe aʻu i faaaliga,

15 O lea, ua ou filifili ai ina ia ou mole,

Ioe, ia ou oti nai lo o loʻu lava tino.*+

17 Se ā ea le tagata ua e tausia ai o ia

Ma ua e manatu mamafa mai ai* iā te ia?+

18 Aiseā e te asiasi mai ai iā te ia i taeao uma

Ma e tofotofoina o ia i taimi uma?+

19 Pe e lē ʻalo ea ou fofoga mai iā te aʻu

Ma tuu ai pea aʻu seʻia ou foloina oʻu fāua?+

21 Aiseā ua e lē faamagalo ai aʻu solitulafono

Ma faagalo ai oʻu sesē?

Auā ua toeitiiti ona ou taoto lea i le efuefu,+

E te saʻili mai foʻi iā te aʻu, ae ua ou leai.”