Iopu

 2 “O le ā ea le umi e tou te faatigā mai ai pea iā te aʻu+

Ma tuʻimomomoina aʻu i a outou upu?+

 3 Ua faasefulu nei ona outou aʻoaʻia* aʻu;

E tou te lē o māsiasi ona o lo outou soonafai o aʻu.+

 4 Ma afai e moni ua ou faia se mea sesē,

E iai pea iā te aʻu laʻu mea sesē.

 5 Afai lava e tou te mananaʻo e faasilisilia outou i lo o aʻu,

Ma faapea mai ua alagatatau le faalumaina o aʻu,

 6 Ia outou iloa la, ua taʻitaʻisesēina aʻu e le Atua,

Ma ua ia pu‘ea aʻu i lana upega tuli manu.

 7 Faauta! Ua ou alaga atu pea ona o le sauā, ae e leai se tali mai;+

Ua ou alaga atu pea mo se fesoasoani, ae e leai se faamasinogatonu.+

 8 Ua ia punitia loʻu ala i se pā maa, ma ua lē mafai ai ona ou sopoʻia atu;

Ua ia ufitia oʻu auala i le pōuliuli.+

 9 Ua ia aveesea loʻu mamalu mai iā te aʻu,

Ua ia toese foʻi le pale mai i loʻu ulu.

10 Ua ia faaumatia lo‘u ola se‘ia oo ina ou lē toe iai;

Ua ia liaʻieseina loʻu faamoemoe e pei o se laau.

11 Ua matuā toʻasā mai o ia iā te aʻu,

Ma ua vaai o ia iā te aʻu o lona fili.+

12 Ua ō mai faatasi ana vaegaʻau ma si‘osi‘omia aʻu,

Ua latou tolauapi faataamilo foʻi i loʻu faleʻie.

13 Ua ia ave mamao ese oʻu lava uso mai iā te aʻu,

O ē foʻi e latou te iloa aʻu, ua liliuese mai iā te aʻu.+

14 Ua tuua aʻu e aʻu uō mamae,*

Ua faagaloina foʻi aʻu e i latou ou te iloa lelei.+

15 O mālō i loʻu fale+ ma aʻu teine pologa, ua latou manatu iā te aʻu o se tagata ese;

O aʻu o se tagata mai i se isi atunuu i la latou vaai.

16 Ua ou valaau atu i laʻu auauna, ae e lē tali mai o ia;

Ua ou ʻaiʻoi atu iā te ia i loʻu lava gutu ina ia alofa mai.

17 Ua inosia laʻu mānava e laʻu avā,+

Ma ua namu leaga foʻi aʻu i oʻu lava uso.*

18 E oo lava i tamaiti e ʻinoʻino mai iā te aʻu;

Pe a ou tulaʻi atu, e latou te ula mai iā te aʻu.

19 Ua ʻinoʻino mai iā te aʻu o aʻu uō mamae uma,+

O i latou foʻi ua ou alofa i ai, ua tetee mai iā te aʻu.+

20 Ua pipii oʻu ponaivi i loʻu paʻu ma loʻu aano,+

Ua ou sao ma le paʻu o oʻu nifo.

21 Aʻu aumea e, ia alolofa mai iā te aʻu, ia alolofa mai iā te aʻu,

Auā ua papaʻi mai le aao o le Atua iā te aʻu.+

22 Aiseā ua outou faasauā mai ai pea iā te aʻu e pei ona faia e le Atua,+

Ma osofa‘i mai pea iā te a‘u?*+

23 Maʻimau pe ana tusia aʻu upu,

Maʻimau pe ana tusia i se tusi!

24 Maʻimau fo‘i pe ana vaneina i le papa e faavavau,

I le peni uʻamea ma le pulu uʻamea!

25 Ua ou iloa lelei o loo soifua lē e togiolaina aʻu;*+

E sau o ia mulimuli ane ma tulaʻi mai i le eleele.*

26 Pe a uma ona faaumatia i lenei auala loʻu paʻu,

A o o‘u iai pea i lo‘u tino, ou te iloa atu le Atua,

27 O lē ou te iloa atu e a‘u lava,

O lē e vaai i ai oʻu lava mata, ae e lē o se isi tagata.+

29 Ia outou fefefe ona o le pelu,+

Auā pe a outou faia mea sesē, e faasalaina outou i le pelu;

Ia outou iloa o loo iai lē e faamasino.”+