Hosea
2 “Ia fai atu i o outou uso, ‘Loʻu nuu e!’*+
Ma o o outou tuafāfine, ‘Le fafine e, ua faaalia i ai le alofa mutimutivale!’*+
E ao ona ia lafoaʻia lana talitane* mai iā te ia,
Ma lana mulilua mai i le vā o ona susu,
3 Neʻi oʻu faatelenoa iā te ia, ma tuu o ia e pei o le aso na fanau mai ai,
Ma fai o ia e pei o se toafa,*
E tuua e pei o se laueleele ua leai se vai,
Ma fasiotia o ia i le fia inu.
5 Auā ua talitane* lo latou tinā.+
O ia lea na tō iā i latou, na amio matagā,+ auā ua ia faapea ane,
‘Ou te mulimuli i ē e matuā mananaʻo iā te aʻu,+
O ē e aumaia iā te aʻu o aʻu falaoa ma aʻu vai,
O aʻu fulufulu mamoe, o aʻu ʻie lino, o aʻu suāuu ma aʻu meainu.’
6 O lea, ou te pupuni lou ala i laau tuitui;
Ou te atiaʻe se pā maa e taofia ai o ia,
Ina neʻi maua e ia ona ala.
7 E tuliloa e ia o ē e matuā mananaʻo iā te ia, ae e na te lē mauaina i latou;+
O le a ia saʻili mo i latou, ae e na te lē mauaina.
Ona ia faapea ane lea, ‘O le a ou toe foʻi i laʻu tane muamua,+
Auā sa sili ona ou manuia i lenā taimi nai lo o le taimi lenei.’+
8 Ua lē amanaʻiaina e ia o aʻu na tuuina atu iā te ia o fatu,+ uaina fou, ma suāuu,
O aʻu foʻi na faateleina ana siliva
Ma auro, ia na latou faaaogā mo Paala.+
9 ‘O lea, o le a ou toe foʻi i ai ma aveese aʻu fatu i le taimi o le seleselega
Ma laʻu uaina fou i le taimi o le aoaoina,+
Ou te aveesea foʻi aʻu fulufulu mamoe ma aʻu ʻie lino na ufiufi ai lona lē lavalavā.
10 O lenei, ou te faaalialia ona totogasā i luma o ē e matuā mananaʻo iā te ia,
E leai foʻi se tamāloa e laveaʻia o ia mai i loʻu lima.+
11 O le a ou faamutaina lona olioli uma lava,
O ana tausamiga,+ o ana masina faatoʻā vaaia, o ana sapati, ma aso uma o ana tausamiga.
12 Ou te faatafunaina ona vine ma ona laau o le mati, ia na ia faapea mai ai:
“O oʻu totogi ia na aumai e i latou e matuā mananaʻo iā te aʻu”;
Ou te liua ia mea e avea ma togāvao,
Ma e faatamaʻia ai e manufeʻai o le fanua.
13 Ou te taui atu iā te ia ona o aso na ia faia ai taulaga i tupua o Paala,+
Ina ua ia teuteu iā te ia i mama ma teuga, ma tuliloa i ē e matuā mananaʻo iā te ia,
Ae ua ia faagaloina aʻu,’+ ua fetalai mai ai Ieova.
14 ‘O lenei ou te faatauanau iā te ia,
Ou te taʻitaʻia o ia i le toafa,
Ou te tautala foʻi ina ia maua lona loto.
15 Ou te toe tuuina atu iā te ia ona togāvine i lea taimi,+
Ma le vanu* o Akori+ e fai ma faitotoʻa i le faamoemoe;
E tali mai foʻi o ia iā te aʻu e pei ona faia i aso o lona talavou,
E pei o le aso na alu aʻe ai o ia mai i le atunuu o Aikupito.+
16 O lea foʻi aso,’ ua fetalai mai ai Ieova,
‘E te taʻua aʻu o Laʻu tane, ae e te lē toe taʻua aʻu o Loʻu matai.’*
18 O lea aso, ou te osia ai se feagaiga mo i latou ma manufeʻai o le fanua,+
O manufelelei o le lagi, ma mea fetolofi o le laueleele;+
Ou te faaumatia foʻi le ʻaufana, o le pelu ma le taua,+
19 Ou te faia se faamau ma oe e faavavau,
Ou te faia foʻi se faamau ma oe i le amiotonu ma le faamasinotonu,
I le alofa faamaoni ma le alofa mutimutivale.+
21 ‘O lea aso, ou te tali atu ai,’ ua fetalai mai ai Ieova,
‘Ou te tali atu i le lagi,
Ma e latou te tali atu i le lalolagi;+
22 E tali atu foʻi le lalolagi i fatu, o le uaina fou ma le suāuu;
23 Ou te lūlūina o ia e pei o ni fatu mo aʻu i le eleele,+
Ou te alofa mutimutivale iā te ia o lē e leʻi faaalia i ai le alofa mutimutivale;*
Ma ou te faapea atu i ē e lē o soʻu nuu:* “O loʻu nuu outou,”+
Ma e latou te faapea mai: “O oe o lo matou Atua.”’”+