Ieremia
6 Le fanauga a Peniamina e, inā sosola ese ia mai i Ierusalema.
Auā ua faaloloʻi mai le mala mai i mātū, o le faaumatiaga tele.+
2 Ua pei le tama fafine a Siona o se fafine lalelei ma faapelepeleina.+
3 E ō mai leoleo mamoe ma a latou lafu.
4 “Ia sauni e tau* faasaga iā te ia!
Inā tulaʻi ia, seʻi o tatou osofa‘ia o ia i le aoauli!”
“Oi talofa iā i tatou, auā ua leva le aso,
Ua faasolo ina mou atu ata lafoia o le afiafi!”
6 Auā o le mea lenei ua fetalai mai ai Ieova o ʻau:
“Ia tātuu i lalo ni laau, ma tanu ai se mea mautiʻetiʻe e siʻo ai Ierusalema.+
O le aai lea ua tatau i ai le faasalaga;
Ua i totonu foʻi iā te ia o sauāga.+
Ua lagona i totonu iā te ia le faasauā ma le faatafunaga;+
Ua i oʻu luma e lē aunoa maʻi ma mala.
8 Ierusalema e, ia faalogo i le lapataʻiga, ina neʻi oʻu liliuese mai iā te oe ma le ʻinoʻino;+
Ou te faia oe ma mea ua faatafunaina, o se nuu ua lē ʻainā.”+
9 O le mea lenei ua fetalai mai ai Ieova o ʻau:
“E latou te matuā aoaoina mai le vaega totoe o Isaraelu e pei o fua mulimuli o le vine.
Inā toe tuu atu ia lou lima, e pei o sē o loo aoaoina fua o vine mai i lālā vine.”
10 “O ai ea ou te tautala ma avatu i ai le lapataʻiga?
O ai o le a faalogo mai?
Faauta! Ua pupuni* o latou taliga, ua lē mafai ai ona latou uaʻi mai.+
Faauta! Ua avea le afioga a Ieova ma mea e latou te taufaifai i ai;+
E latou te lē fiafia ai foʻi.
“Inā sasaa atu ia i le tamaitiiti o loo i le auala,+
Atoa ma tauleleʻa ua faapotopoto faatasi.
Auā ou te faaloaloa atu loʻu lima faasaga i tagata o loo nonofo i le nuu,” ua fetalai mai ai Ieova.
13 “Auā e mai i ē e faatauvaa e oo i ē e sili, ua ta‘itasi i latou ma maua polofiti mai i faiga lē faamaoni;+
E mai i le perofeta e oo i le ositaulaga, ua ta‘itasi i latou ma faia faiga faagaoi.+
14 Ua latou taumafai e faatalapelo ona faamālōlō le manuʻa o loʻu nuu, i le faapea ane,
‘Ua filemu! Ua filemu!’
Ae e leai se filemu.+
15 Po ua latou māsiasi ea ona o mea inosia ua latou faia?
E latou te lē māsiasi lava!
E latou te lē iloa fo‘i faalogona o le faalumaina!+
O le mea lea, e paʻuʻū ai i latou faatasi ma ē ua paʻuʻū.
Pe a ou faaoo mai le faasalaga iā i latou, e latou te tautevateva ai,” ua fetalai mai ai Ieova.
16 O le mea lenei ua fetalai mai ai Ieova:
“Inā tutū ia i fetaula‘iga o auala ma vaavaai.
Ia fesili e uiga i auala o aso anamua,
Ia fesili po o fea le ala lelei, ma ia savavali ai,+
Ona outou mālōlō ai lea.”
Ae ua latou faapea mai: “E matou te lē savavali ai.”+
Ae ua latou faapea mai: “E matou te lē faalogo i ai.”+
18 “O le mea lea, inā faalogo mai ia atunuu!
Ia iloa foʻi e outou le faapotopotoga
Le mea e tupu iā i latou.
19 Le lalolagi e, inā faalogologo mai ia!
Ou te faaooina atu i lenei nuu le mala,+
O le fua o a latou lava faufauga,
Auā e latou te leʻi uaʻi mai i aʻu upu
Ma ua latou teena laʻu tulafono.”*
20 “E lē tāua iā te aʻu lo outou aumaia o le lipano* mai i Seepa,
Ma le tolo* suamalie mai i le nuu mamao.
E lē taliaina a outou taulaga mū,
Ma ou te lē fiafia i a outou taulaga.”+
21 O le mea lea ua fetalai mai ai Ieova:
“Ou te tuu i luma o lenei nuu o mea e tautevateva ai,
Ma e latou te tautevateva ai i na mea,
O tamā faatasi ma atalii,
O le tuaoi ma lana aumea,
Ma e fano ai i latou uma.”+
22 O le mea lenei ua fetalai mai ai Ieova:
“Faauta! E ō mai tagata mai i le nuu o le itu i mātū,
E feala mai foʻi se nuu tele mai i vaega pito sili ona mamao o le lalolagi.+
23 E fetagofi atu i latou i le ʻaufana ma le tao.
E sauā i latou ma e lē alolofa mutimutivale.
E taalili lo latou leo e pei o le sami,
Ma e tiʻetiʻe i latou i solofanua.+
E sauniuni i latou e pei o se tagata o le taua e latou te tau ma oe, le tama fafine a Siona e.”
24 Ua matou faalogo ai i le tala.
25 Aua tou te ō atu i le fanua,
Ma aua tou te savavali i le ala,
Auā o loo iai le pelu a le fili;
Ua iai foʻi le mataʻu i itu uma.
Ia e faavauvau ma tagiauē+ e pei o sē ua oti lona atalii e toʻatasi,
Auā e faafuaseʻi ona oo mai iā i tatou o lē e na te faaumatiaina mea.+
27 “Ua ou faia oe* ma lē e tofotofo i uʻamea i loʻu nuu,
O lē e matuā saʻiliʻili;
Ia e mātau ma e suʻesuʻeina o latou ala.
Ua pei i latou o le ʻapamemea ma le uʻamea;
Ua faapi‘opi‘o i latou uma lava.
29 Ua mū le mea e tapili ai.
Ua maua mai le pulu mai i la latou afi.