Esekielu

26 Ua oo mai le afioga a Ieova iā te aʻu i le tausaga lona 11, i le aso muamua o le masina e faapea: 2 “Le atalii e o le tagata, talu ai ua faapea atu Turo e faasaga iā Ierusalema,+ ‘Ua ā la! Ua lepetia le faitotoʻa o nuu!+ Ua maua la loʻu avanoa, ma o le a faatamaoaigaina aʻu, auā o lea ua faatafunaina o ia’; 3 o lea, o le fetalaiga lenei a le Alii Pule Silisili Ese o Ieova: ‘Turo e, o aʻu lava ou te faasagatau iā te oe ma o le a ou aumaia le tele o atunuu e faasagatau iā te oe, e pei o le fafati mai o galu o le sami. 4 O le a latou soloia pā o Turo ma lepeti ona ʻolo,+ o le a ou tafi mamā ese foʻi le pefu ma fai o ia ma papa e leai se mea o iai. 5 O le a fai o ia ma mea e faalalā ai upega i totonu o le sami.’+

“‘Auā ua ou fai atu ai, ma o le a fai o ia ma mea e faoa a nuu,’ o le fetalaiga lea a le Alii Pule Silisili Ese o Ieova. 6 ʻO le a fasiotia foʻi i le pelu i latou e nonofo i ona tamaʻi aai i nuu maotua, ona iloa ai lea e tagata o aʻu lava o Ieova.’

7 “Auā o le fetalaiga lenei a le Alii Pule Silisili Ese o Ieova: ‘O aʻu lava ou te aumaia Nepukanesa le tupu o Papelonia mai i le itu i mātū e faasagatau iā Turo;+ o ia o le tupu o tupu,+ faatasi ma solofanua,+ o kariota o le taua,+ o ʻautau tiʻetiʻe solofanua, ma se ʻautau o fitafita* e toʻatele. 8 O le a ia fasiotia i le pelu i latou e nonofo i ou tamaʻi aai i nuu maotua, o le a ia ati se pā ma tanu se mea maupuʻepuʻe e faasagatau ai iā te oe, ma sii aʻe se talipupuni telē e faasagatau ai iā te oe. 9 O le a ia faaleagaina ou pā i lana meatau e lepetia ai pā, ma o le a ia soloia ou ʻolo i ana toʻi.* 10 O le a ufitia oe i le pefu ona o le anoanoaʻi o ana solofanua, ma o le a lūlūina ou pā ona o le paʻō o ʻautau tiʻetiʻe i solofanua, o uili, ma kariota, pe a ulu atu o ia i faitotoʻa o ou pā, e pei ona osofaʻi atu o ni tagata i se aai ua soloia vaega o le pā. 11 O le a solia ou auala uma e atigivae o ana solofanua.+ E na te fasiotia ou tagata i le pelu, ma lafoina i le eleele ou poutū malolosi. 12 O le a latou aveina ou alāmanuia, faoa au mea e faatau atu,+ soloia ou pā, ma lepetia ou fale mananaia; ona latou lafoina lea i totonu o le vai o au maa, o au laupapa ma ou eleele.’

13 “‘Ou te faaiʻuina le leotele o au pesega, e lē toe lagonaina le leo o au kitara.*+ 14 O le a fai oe ma papa e leai se mea o iai, ma o le a fai oe ma mea e faalalā ai upega.+ E lē toe fausiaina lava oe, auā o aʻu o Ieova ua ou fai atu ai,’ o le fetalaiga lea a le Alii Pule Silisili Ese o Ieova.

15 “O le fetalaiga lenei a le Alii Pule Silisili Ese o Ieova iā Turo: ‘Pe e lē lūlūina ea motu i le taalili o lou paʻū, pe a feoi ē ua toetoe ina a feoti,* ma pe a iai le fasiotiga iā te oe?+ 16 O le a ō ifo taʻitaʻi uma o le sami mai i o latou nofoālii ma aveese o latou ofu talaloa,* ma toese o latou ofu ua teuteuina, ma o le a oofu i latou i le gatete. O le a latou nonofo i le eleele, ma e latou te gatete pea ma sioa ma le ofo iā te oe.+ 17 E latou te usuina foʻi se pese faanoanoa*+ e faatatau iā te oe ma faapea atu iā te oe:

19 “Auā o le fetalaiga lenei a le Alii Pule Silisili Ese o Ieova: ‘Pe a ou faatafunaina oe e pei o aai ua lē ʻaināina, pe a ou lofia oe i vai loloto ma ua ufitia oe i vai e tele,+ 20 o le a ou ave ifo oe ma i latou o loo ō ifo i le lua,* i le mea ua iai ē ua leva ona feoti; o le a ou faapogaia oe e nofo i le mea e sili ona maulalo, e pei o nofoaga ua leva ona faatafunaina, faatasi ma i latou e ō ifo i le lua,+ ina ia lē toe ʻaināina ai oe. Ona ou faamamaluina* ai lea o le laueleele o ē o loo ola.

21 “‘O le a ou faatumulia oe i mea e faapuapuagatia ai oe, ma o le a lē toe iai lava oe.+ O le a latou saʻili iā te oe, ae o le a lē toe maua lava oe,’ ua fetalai mai ai le Alii Pule Silisili Ese o Ieova.”