Esekielu

29 I le tausaga lona sefulu, i le masina lona sefulu, i le aso e 12 o le masina, na oo mai ai le afioga a Ieova iā te aʻu e faapea: 2 “Le atalii e o le tagata, ia faasaga atu ou mata iā Farao le tupu o Aikupito, ma faia valoaga e faasagatau atu iā te ia ma tagata uma o Aikupito.+ 3 Ia fai atu nei upu: ‘O le fetalaiga lenei a le Alii Pule Silisili Ese o Ieova:

Na ou faia mo aʻu lava.’+

 4 Ae o le a ou tuuina mātau i ou auvae ma faapogaia iʻa o lou vaitafe o le Naila e pipii i ou una.

O le a ou ave aʻe oe mai i lou vaitafe o le Naila faatasi ma iʻa uma o le Naila o loo pipii i ou una.

 5 O le a ou lafoaʻia oe i le toafa, o oe ma iʻa uma o lou vaitafe o le Naila.

O le a e paʻū i le fanua, ma o le a lē aoaoina pe faaputuputuina faatasi vaega o lou tino.+

O le a ou avatu oe e fai ma meaʻai a manufeʻai o le lalolagi ma manufelelei o le lagi.+

8 “‘O lea, o le fetalaiga lenei a le Alii Pule Silisili Ese o Ieova: “O le a ou faaoo atu iā te oe le pelu ma ou faaumatia mai iā te oe+ tagata atoa ma manu. 9 O le a faatafunaina ma faagaogaoina le laueleele o Aikupito;+ ma o le a latou iloa ai o aʻu lava o Ieova, ona na e* faapea ane, ‘O aʻu e ana le vaitafe o le Naila, o aʻu lava na faia.’+ 10 O lea, ou te faasagatau atu iā te oe ma lou vaitafe o le Naila, ma o le a ou faagaogaoina le laueleele o Aikupito ma ia naumati, o se nuu ua faatafunaina,+ e mai i Mekatala+ e oo i Seveni+ ma e oo atu lava i le tuaoi o Aitiope. 11 E lē ui atu ai lava vae o tagata po o lafumanu,+ ma e lē ʻaināina mo tausaga e 40. 12 O le a ou faia le atunuu o Aikupito ma atunuu e sili ona faatafunaina, ma faia ona aai ma aai e sili ona faatafunaina mo tausaga e 40;+ o le a ou faataapeapeina foʻi tagata Aikupito i nuu ma faasalalauina atu i latou i atunuu.”+

13 “‘O le fetalaiga lenei a le Alii Pule Silisili Ese o Ieova: “Pe a uma tausaga e 40, ona ou aoaoina mai lea o tagata Aikupito mai i nuu na faataapeape i ai i latou;+ 14 o le a ou aumaia tagata Aikupito na ave faapagota ma avatu i le laueleele o Patoro,+ o le laueleele na latou tupuga mai ai, ma e avea i latou i lea mea ma malo faatauvaa. 15 O le a sili atu ona faatauvaa Aikupito i lo o isi malo uma, ma e lē toe pule o ia i isi nuu,+ ma o le a ou matuā faaitiitia i latou ina ia lē mafai ona latou faatoʻilalo isi nuu.+ 16 O le a lē toe avea Aikupito ma faatuatuaga o le aiga o Isaraelu.+ O le mea e tupu iā Aikupito, o le a faamanatu ai iā Isaraelu a latou mea sesē i lo latou liliu atu iā Aikupito mo se fesoasoani. O le a latou iloa ai o aʻu lava o le Alii Pule Silisili Ese o Ieova.”’”

17 I le tausaga lona 27, i le masina muamua, i le aso muamua o le masina, na oo mai ai le afioga a Ieova iā te aʻu e faapea: 18 “Le atalii e o le tagata, na faamalosia e Nepukanesa+ le tupu o Papelonia lana ʻautau, ina ia galulue malolosi e faasagatau iā Turo.+ Na oo ina tula ai o latou ulu uma, ma mafoʻefoʻe o latou tauʻau uma. Ae e leʻi maua e ia ma lana ʻautau se totogi mo galuega na ia faia faasaga iā Turo.

19 “O lea, o le fetalaiga lenei a le Alii Pule Silisili Ese o Ieova, ‘Ou te tuuina atu le nuu o Aikupito iā Nepukanesa le tupu o Papelonia,+ ma o le a ia aveina lona tamaoaiga ma faoa le tele o le vete; o le a fai lea ma totogi o lana ʻautau.’

20 “‘Ou te avatu le laueleele o Aikupito iā te ia e fai ma taui o lana galuega na faia e faasagatau ai iā Turo, auā na latou galulue mo aʻu,’+ ua fetalai mai ai le Alii Pule Silisili Ese o Ieova.

21 “I lenā aso, o le a ou faapogaia ai se seu* ina ia tupu mai i le aiga o Isaraelu,*+ ma o le a ou tuu atu le avanoa iā te oe e tautala atu ai i lo latou lotolotoi; ona latou iloa ai lea o aʻu lava o Ieova.”