Nauma
1 O le feʻau e faasaga iā Nineva:+ O le tusi o le faaaliga a Nauma* le Elekosi:
2 O Ieova o le Atua e finagalo e tapuaʻi atu tau lava o ia,*+ ma o lē e faia le tauimasui;
E faia e Ieova le tauimasui ma e nofosauni e faaali mai lona toʻasā.+
E tauimasui Ieova i ē e ita iā te ia,
Ma e tumau ona toʻasā o ia i ona fili.
3 O Ieova e telegese lona toʻasā+ ma e tele lona mana,+
Ae e lē taofia lava e Ieova le faaoo mai o le faasalaga e tatau ai.+
O lona ala o se matagi e faatamaʻia ai ma o se afā,
Ma o ao o le pefu ia o ona aao.+
E mamae Vasana ma Karamelu,+
E mamae foʻi fuga o Lepanona.
E lūlūina le lalolagi ona o ona fofoga,
Atoa ma le laueleele ma i latou uma o loo nonofo ai.+
6 O ai sē e mafai ona tū atu i luma o lona toʻasā?+
O ai foʻi e mafai ona tū e tetee atu i le aasa o lona ita tele?+
E sasaa ifo lona toʻatamaʻi e pei o le afi,
E nutililii foʻi papa ona o ia.
7 O Ieova e lelei o ia,+ o le ‘olo malosi i aso o le puapuaga.+
E na te silafia* i latou o loo sulufaʻi atu iā te ia.+
9 O le ā se mea ua outou faufau e tetee ai iā Ieova?
E faaoo mai lava e ia le faaumatiaga atoatoa.
E lē tupu faalua mai le puapuaga.+
10 Auā e filia faatasi i latou e pei o laau tuitui,
Ma e pei i latou o ē ua onanā i le pia;*
Ae e faaumatia i latou e pei o tagutugutu ua mamago.
11 E sau mai iā te oe o lē e faufau i mea leaga e tetee ai iā Ieova,
E faufautua i mea e lē aogā.
12 O le fetalaiga lenei a Ieova:
“E ui lava ina atoatoa lo latou malosi ma toʻatele,
Ae e faaumatia lava i latou ma mavae atu.*
Na ou faapuapuagatia oe,* ae ou te lē toe faapuapuagatia iā te oe.
Ou te faatamaʻia ou faatusa ua tā ma tupua uʻamea mai i le fale* o ou atua.
Ou te faia se tuugamau mo oe, auā ua e lē aogā lava.’
Iuta e, ia faamanatu au tausamiga,+ ia avatu mea na e tautō ai,
Auā e lē toe ui atu lava iā te oe le tagata lē aogā.
E matuā faaumatia lava o ia.”