O le Tusi Muamua o Nofoaiga a Tupu

4 O atalii o Iuta, o Faresa,+ o Esarona,+ o Karame, o Huro,+ ma Sovala.+ 2 Na fanaua e Reaia le atalii o Sovala o Iata; na fanaua e Iata o Aumi ma Lata. O aiga nei o tagata Soraa.+ 3 O atalii nei o le tamā o Etama:+ o Isereelu, o Isema, ma Itapasa, (o le igoa o lo latou tuafafine o Aseleponi), 4 ma Penueli le tamā o Kitoru, ma Eseri le tamā o Usa. O atalii nei o Huro+ (le ulumatua a Efarata) le tamā o Peteleema.+ 5 E toʻalua avā a Asula+ le tamā o Tikoa,+ o Helea ma Naara. 6 Na fanaua e Naara mai iā te ia o Akusama, o Eferu, o Timani, ma Akasetari. O le fanau tama lea a Naara. 7 O le fanau a Helea, o Sereta, o Isara, ma Etano. 8 Na fanaua e Kosa o Anupa, o Sopepa, ma aiga o Akaraila le atalii o Haruma.

9 Sa sili atu ona faamamaluina Iapesa nai lo o ona uso; ma na faaigoa o ia e lona tinā iā Iapesa,* ua faapea ane: “Na ou fanaua o ia ma le tigā.” 10 Ua valaau atu Iapesa i le Atua o Isaraelu, e faapea: “Ia e faamanuia mai iā te aʻu, ma matuā faalauteleina loʻu laueleele, ia iā te aʻu foʻi lou aao ma e laveaʻiina aʻu mai i puapuaga ina ia ou lē tigā ai!” Ona faataunuu lea e le Atua o mea na ia talosaga atu ai.

11 Na fanaua e Kalupo le uso o Sua, o Mekira le tamā o Esetono. 12 Na fanaua e Esetono, o Peterafa, o Pasea, ma Tikina le tamā o Irenaasa. O tagata ia o Reka. 13 O atalii o Kinasa, o Otinielu+ ma Seraia, ma o le atalii* o Otinielu, o Hatata. 14 Na fanaua e Meonotai o Ofira. Na fanaua e Seraia o Ioapo le tamā o tagata na nonofo i Ko-harasimi.* Na faaigoa o Ko-harasimi ona o i latou o ni tufuga.

15 O atalii o Kalepo+ le atalii o Iefune, o Iru, o Ele, ma Naama; a o le atalii* o Ele, o Kinasa. 16 O atalii o Ialeelu, o Sifi, o Sifa, o Tiria, ma Asareelu. 17 O atalii o Esara, o Ietero, o Mereta, o Efara, ma Ialona; na fanaua e se tasi o avā* a Mereta, o Miriama, o Samai, ma Isapeka le tamā o Esetemoa. 18 (Na fanaua e lana avā mai i Iuta, o Iereto le tamā o Kitoru, o Kaveru le tamā o Suka, ma Iekutielu le tamā o Sanoa.) O fanau ia a Pita le afafine o Farao, lea na faaipoipo iā Mereta.

19 O le fanau a le avā a Hotia le tuafafine o Nama, o le tamā o Kaila le tagata Karami, ma le tamā o Esetemoa le tagata Maakati. 20 O atalii o Simona, o Amanono, o Rina, o Peni-kanana, ma Tilona. O atalii o Isai, o Soketa, ma Peni-soketa.

21 O atalii o Selaa+ le atalii o Iuta, o Eru le tamā o Leka, o Laata le tamā o Maresa, ma aiga o ē e galulue i le faia o ʻie lelei a le aiga o Asepa, 22 ma Iokima, o tagata o Koseva, o Ioasa, ma Sarafa, o ē na faiavā i fafine Moapi, ma Iasuvi-leema. O nei faamaumauga e mai anamua.* 23 O i latou o ē e fai ipu omea ma na nonofo i Netaima ma Ketere. Na nonofo i latou i inā ma faigaluega mo le tupu.

24 O atalii o Simeona,+ o Nemuelu, o Iaminu, o Iaripa, o Sera, ma Sekulo.+ 25 O le atalii o Sekulo o Saluma, o le atalii o Saluma o Mepesama, ma o le atalii o Mepesama o Mesema. 26 O le atalii o Mesema o Hamuelu, o le atalii o Hamuelu o Sakuro, ma o le atalii o Sakuro o Semi. 27 E toʻa 16 atalii o Semi, ma afafine e toʻa 6; ae e leʻi toʻatele ni atalii o ona uso, e leai foʻi se tasi o o latou aiga na toʻatele ni atalii e pei o atalii o Iuta.+ 28 Na latou nonofo i Peresepa,+ i Molata,+ i Asara-suala,+ 29 i Pila, i Asema,+ i Tolita, 30 i Petueli,+ i Horema,+ i Sekeleka,+ 31 i Pete-makapa, i Hasara-susa,+ i Pete-pirei, ma Saraima. O o latou aai nei seʻia oo mai i le nofoaiga a Tavita.

32 O mea na latou nonofo ai o Etama, o Aino, o Rimoni, o Tokena, ma Asana,+ e lima aai, 33 faapea ma mea uma na latou nonofo ai, lea sa faataamilo i nei aai e oo atu lava i Paala. O mea nei na latou nonofo ai, ma tusi o o latou gafa. 34 O Mesopapa, o Iameleka, o Iosa le atalii o Amasia, 35 o Ioelu, o Ieʻu le atalii o Iosevia le atalii o Seraia le atalii o Asielu, 36 o Elioenai, o Iaakopa, o Iesokaia, o Asaia, o Atielu, o Isemielu, o Penaia, 37 ma Sise le atalii o Sepi le atalii o Alune le atalii o Ietaia le atalii o Semiri o le atalii o Semaia. 38 O i latou nei ua taʻua igoa, o taʻitaʻi o o latou aiga, ma ua matuā faatoʻateleina aiga o o latou augātamā. 39 Ua latou ō atu e lata i Kitoru, i le itu i sasaʻe o le vanu, e saʻili ni laufanua lafulemu e aai ai a latou lafumanu. 40 Mulimuli ane, ua latou maua ni laufanua lauolaola ma lelei, o le nuu foʻi e lautele ma e to‘afilemu. O i latou na nonofo ai muamua, e tupuga mai iā Hamo.+ 41 O i latou nei na tusia o latou igoa, na ō mai i aso o Esekia+ le tupu o Iuta, ma talepe i lalo faleʻie o tagata Hamo ma tagata Meunima na iai i inā. Ua latou faaumatia i latou seʻia oo mai i aso nei; ua latou nonofo foʻi i lo latou nuu, auā sa iai laufanua e aai ai a latou lafumanu.

42 O nisi o le fanauga a Simeona, e toʻa 500 tane, na ō atu i le mauga o Seira+ faatasi ma Peletia, o Nearia, o Refaia, ma Usialu, o atalii o Isai na taʻitaʻia i latou. 43 Ua latou fasia ē na totoe mai i ē na sao o tagata Amaleka,+ ma ua latou nonofo i inā seʻia oo mai i aso nei.