O le Tusi Muamua o Nofoaiga a Tupu

9 Na tusia le fanauga uma a Isaraelu e tusa ma o latou gafa, ma ua tusia i latou i le Tusi o Tupu o Isaraelu. Na ave faapagota foʻi Iuta i Papelonia ona o lo latou lē faamaoni.+ 2 O ē na muamua toe fo‘i mai ma nonofo i o latou tofi i o latou aai, o nisi o tagata Isaraelu, o ositaulaga, o sa Levī, ma auauna o le malumalu.*+ 3 Ua nonofo foʻi i Ierusalema nisi o le fanauga a Iuta,+ o Peniamina,+ o Efaraima ma Manase: 4 O Utai le atalii o Ameuta le atalii o Omeri le atalii o Imeri le atalii o Pani, mai i le fanauga a Faresa+ le atalii o Iuta. 5 E mai i tagata Sailo, o Asaia le ulumatua ma ona atalii. 6 E mai i atalii o Sera,+ o Ieielu, ma o latou uso e toʻa 690.

7 E mai i le fanauga a Peniamina, o Salu le atalii o Mesulama le atalii o Hotavia le atalii o Hasenua, 8 o Ipeneia le atalii o Ieroama, o Ele le atalii o Usi le atalii o Mekeri, ma Mesulama le atalii o Sefatia le atalii o Reuelu le atalii o Ipenia. 9 O o latou uso foʻi e tusa ai ma o latou tupuaga, e toʻa 956. O tagata uma nei na fai ma alii sili i aiga o o latou tamā.*

10 E mai i ositaulaga, o Ietaia, o Ioaripa, o Iakinu,+ 11 o Asaraia le atalii o Hilikia le atalii o Mesulama le atalii o Satoka le atalii o Meraiota le atalii o Akitopo, o se taʻitaʻi o le fale* o le Atua moni, 12 o Ataia le atalii o Ieroama le atalii o Pasura le atalii o Malakia, o Maseai le atalii o Atielu le atalii o Iaesera le atalii o Mesulama le atalii o Meselemita le atalii o Imere, 13 ma o o latou uso, o alii sili o aiga o o latou tamā, e toʻa 1,760 tagata malolosi, e mafai ona faia galuega i le auaunaga i le fale o le Atua moni.

14 E mai i le ʻau sa Levī, o Semaia+ le atalii o Hasupo le atalii o Aserikama le atalii o Hasapea mai i le fanauga a Merari; 15 o Pakepakara, o Heresa, o Kalali, o Matania le atalii o Mika le atalii o Sekari le atalii o Asafo, 16 o Opetaia le atalii o Semaia le atalii o Kalali le atalii o Iutana, ma Perekia le atalii o Asa le atalii o Elekana, o lē sa nofo i mea o loo nonofo ai tagata Netopa.+

17 O leoleo faitotoʻa,+ o Saluma, o Akupa, o Talemoni, o Aimano, ma lo latou uso o Saluma le alii sili, 18 ma e oo mai i lenā taimi, o loo iai o ia i le faitoto‘a o le tupu i le itu i sasa‘e.+ O leoleo faitotoʻa ia o mea na nonofo ai le ʻau sa Levī. 19 O Saluma le atalii o Kori le atalii o Eviasafo le atalii o Koru, ma ona uso i le aiga o lona tamā, o tagata Koru, na latou vaaia galuega o le auaunaga, o le leoleoina lea o faitotoʻa o le faleʻie. O o latou tamā foʻi na vaaia le faleʻie o Ieova o ni leoleo i le mea e ui atu ai. 20 O Fineaso+ le atalii o Eleasaro,+ na fai o ia ma taʻitaʻi iā i latou i aso ua mavae. Na faatasi foʻi Ieova ma ia. 21 O Sakaria+ le atalii o Meselemia, o le leoleo faitotoʻa lea o le mea e ulu mai ai i le faleʻie o le feiloaʻiga.

22 O i latou uma na filifilia e leoleo i faitotoʻa, e toʻa 212. Sa iai i latou i mea latou te nonofo ai e tusa ma tusi o o latou gafa.+ O i latou nei na tofia e Tavita ma Samuelu o lē e iloa faaaliga,+ i o latou tofiga maufaatuatuaina. 23 O i latou ma a latou fanau na vaavaaia le auaunaga o le leoleoina o faitotoʻa o le fale o Ieova,+ o le faleʻie lea. 24 E fā itu na iai leoleo faitotoʻa, o le itu i sasaʻe, o le itu i sisifo, o le itu i mātū ma le itu i saute.+ 25 E mai i lea taimi i lea taimi, e ō mai ai o latou uso mai i mea na latou nonofo ai, e auauna faatasi ma i latou mo aso e fitu. 26 E toʻafā leoleo faitotoʻa sili* na tofia i lea tofiga maufaatuatuaina. O i latou o le ʻau sa Levī, ma na latou vaaia potu* ma ʻoa o le fale o le Atua moni.+ 27 E latou te momoe faataamilo i le pō i le fale o le Atua moni, auā na latou vaaia le auaunaga o le leoleoina o le fale o le Atua moni. Na latou vaaia foʻi le ki, ma tatalaina faitotoʻa o le fale mai i lea taeao i lea taeao.

28 O nisi o i latou, na vaaia ipu+ o le sauniga; e latou te faitauina ipu pe a avane i totonu, ma faitauina pe a aumai i fafo. 29 O nisi o i latou na tofia e vaaia ipu, o ipu paia+ uma, o le falaoamata lelei,+ o le uaina,+ o le suāuu,+ o le lipano,*+ ma le suāuu pasama.+ 30 O nisi o atalii o ositaulaga, na faia le uu manogi mai i le suāuu pasama. 31 A o le sa Levī o Maatatia, o ia o le ulumatua a Saluma le tagata Koru, na iai i le tofiga maufaatuatuaina o le vaaia o mea na tao i ʻapa.+ 32 O nisi o o latou uso, o tagata Koato, na vaaia falaoa ua faaputuina*+ ina ia saunia i sapati taʻitasi.+

33 O i latou ia o tagata pepese, o alii sili o aiga o tamā o le ʻau sa Levī sa iai i potu o le malumalu,* o ē ua saʻoloto mai i isi tiute tauave; auā o lo latou tiute tauave, o le galulue lea i le ao ma le pō. 34 O alii sili ia o aiga o tamā o le ʻau sa Levī, e tusa ai ma o latou tupuaga. O i latou ia sa nonofo i Ierusalema.

35 Sa nofo Ieielu le tamā o Kipeona i Kipeona,+ ma o le igoa o lana avā o Maaka. 36 O lona atalii ulumatua o Apetonu, ona sosoo ai lea o Suro, o Kiso, o Paala, o Neru, o Natapu, 37 o Kitoru, o Aio, o Sakaria, ma Mekelota. 38 Na fanaua e Mekelota o Semaama. Na latou nonofo uma e lata ane i o latou uso i Ierusalema, faatasi ai ma isi o latou uso. 39 Na fanaua e Neru+ o Kiso; na fanaua e Kiso o Saulo;+ na fanaua e Saulo o Ionatana,+ o Makisua,+ o Apinatapa,+ ma Esepaala. 40 O le atalii o Ionatana o Meri-paala.+ Na fanaua e Meri-paala o Mika.+ 41 O atalii o Mika, o Pitonu, o Meleke, o Tarea, ma Aasa. 42 Na fanaua e Aasa o Iara; na fanaua e Iara o Alemetu, o Asemau, ma Semeri. Na fanaua e Semeri o Mosa. 43 Na fanaua e Mosa o Pinea, na fanaua e Pinea o Refaia, na fanaua e Refaia o Eliasa, ma na fanaua e Eliasa o Aselu. 44 E toʻaono atalii o Aselu, ma o o latou igoa, o Aserikama, o Pokeru, o Isamaeli, o Searia, o Opetaia, ma Hanana. O atalii ia o Aselu.