Faataoto

12 O lē e naunau i le a‘oa‘iga, e naunau foʻi i le poto,+

A o lē e ʻinoʻino i le aʻoaʻiga, e lē mafaufau lelei o ia.*+

 2 O le tagata lelei e na te maua le finagalo malie o Ieova,

Ae e ta‘usalaina e Ia le tagata e faufau leaga.+

 3 E leai se tagata e malupuipuia ona o le amioleaga,+

Ae e lē lia‘ieseina lava tagata amiotonu.

 4 O le avā lelei o le pale lea i lana tane,+

Ae o le avā e faia amioga matagā, e pei o ia o se faama‘i e pala ai ivi o le tane.+

 5 O manatu o tagata amiotonu ua tonu lava ia,

A o le taʻitaʻiga a tagata amioleaga e taufaasesē ia.

 6 O upu a tagata amioleaga o se mailei mata‘utia,*+

A o gutu o tagata amio saʻo e laveaʻiina ai i latou.+

 7 Pe a faaumatia tagata amioleaga, e lē toe iai lava i latou,

Ae o le fale o ē e amiotonu, o le a tumau pea.+

 8 E viiviia le tagata ona e faautauta lona gutu,+

A o lē e faapiʻopiʻo lona loto, e inosia o ia.+

 9 E sili le tagata e manatu faatauvaa i ai, ae e iai lana auauna,

Nai lo o le tagata e faamamaluina o ia lava, ae e leai sana meaʻai.*+

10 E tausia faapelepele e le tagata amiotonu ana manu lalata,+

A o le alofa mutimutivale o le tagata amioleaga, o le sauā lea.

11 O le tagata e galueaʻiina lona laueleele, e maʻona o ia i meaʻai,+

A o lē ua saʻili i mea e lē aogā, ua leai sona mafaufau.*

12 E matauʻa le tagata amioleaga i mea ua maua e isi tagata amioleaga,

A o le aa o tagata amiotonu e fua mai lea.

13 E maileia le tagata amioleaga i ana lava faamatalaga taufaaleaga,+

A o le tagata amiotonu e sao o ia mai i le puapuaga.

14 E faamalieina le tagata i mea lelei i le fua o ana faamatalaga,*+

Ma e tauia o ia i galuega a ona lima.

15 Ua saʻo i le manatu o le tagata valea lona lava ala,+

A o lē e atamai, e na te taliaina fautuaga.+

16 O le tagata valea, e vave ona ia faailoa atu* lona lē fiafia,+

A o le tagata e iai le utaga mamao e na te lē amana‘ia* se taufaifaiga.

17 O lē e molimau ma le faamaoni, e tautala i le mea moni,

A o le molimau pepelo, e tautala faaʻoleʻole.

18 O le tagata e tautala lē mafaufau, ua pei o le tutuʻi o le pelu,

A o laulaufaiva o ē e atamamai, e mālōlō ai.+

19 E tumau e faavavau laugutu faamaoni,+

A o le laulaufaiva pepelo, e lē tumau.+

20 Ua iai le taufaa‘ole‘ole i loto o ē e faufau e fai togafiti leaga,

Ae e olioli i latou e faaauilumaina* le filemu.+

21 E lē oo se mea leaga i le tagata amiotonu,+

A o ē e amioleaga, e tumu o latou olaga i le malaia.+

22 O laugutu pepelo e inosia e Ieova,+

Ae e fiafia o ia i ē e gaoioi ma le faamaoni.

23 O le tagata e iai le utaga mamao, e na te natia mea ua ia iloa,

Ae ua faalauaʻitele atu e le loto o lē ua valea lona valea.+

24 O lima o ē e toʻaʻaga o le a pule,+

A o lima paiē e avea ma pologa.+

25 O popolega i le loto o le tagata e faavaivai ai le loto,+

A o tala lelei e olioli ai le loto.+

26 O le tagata amiotonu e na te sa‘ilia ona lava laufanua,

A o le ala o tagata amioleaga e ta‘ita‘isesēina ai i latou.

27 O le paiē e na te lē tulia ni manu mo meaʻai,+

A o le toʻaga, o le oloa tāua lea a le tagata.

28 O le ala o le amiotonu e i‘u i le ola;+

Ma e leai se oti i lea ala.