Le Pese a Solomona
2 “E pei o se lili i vao tuitui,
E faapena laʻu pele i tama teine.”
3 “E pei o se apu i totonu o laau o le vaomatua,
O loo faapea laʻu pele i tauleleʻa.
Na ou matuā naunau e nofo i lona paolo,
Na suamalie foʻi lona fua i laʻu tofo.
4 Na ia aumaia aʻu i totonu o le fale o tausamiga,*
O lana fuʻa foʻi na agiagia i oʻu luga, o le alofa lea.
Aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.+
8 O le leo o laʻu pele!
Faauta! O loo sau o ia,
O loo aʻeaʻe i luga o mauga ma osooso i luga o aʻega.
9 Ua pei laʻu pele o se sevi po o se tamaʻi ʻaila.+
O loo tū mai o ia i tua o lo tatou pā,
O loo vaavaai mai i faamalama,
O loo autilo mai i mea valavala.
10 Na faapea mai laʻu manamea iā te aʻu:
‘Laʻu pele e, inā tulaʻi ia,
Si oʻu lalelei e, inā sau ia ta ō.
11 Faauta! ua mavae atu le tau mālūlū.*
Ua uma foʻi timuga ma ua teʻa ese atu.
12 Ua iloa atu le fuga mai o laau i le fanua,+
Ua oo i le taimi e teu ai vine,+
Ma ua lagona foʻi pesega a le manutagi i lo tatou nuu.+
Si aʻu pele e, inā tulaʻi ia, inā sau ia.
Si oʻu lalelei e, inā sau ia ta ō.
14 Laʻu lupe e, o loo i ana o le papa,+
I le mea lilo o le mato,
Se‘i o‘u vaai atu iā te oe ma faalogo atu i lou leo,+
Auā e mālie lou leo ma e lalelei foʻi ou foliga.’”+
15 “Ia pupuʻe mai alope mo i tatou,
O tamaʻi alope o loo faaleagaina o tatou togāvine,
Auā ua fua mai o tatou togāvine.”