O le Tusi Lona Lua o Nofoaiga a Tupu

6 Ona faapea atu lea o Solomona: “Na fetalai mai Ieova, e afio o ia i le ao pogisa mafiafia.+ 2 Ua uma ona ou faia se fale, o se afioaga maualuga mo oe, o se nofoaga tumau mo oe e te afio ai e faavavau.”+

3 Ona liliu atu lea o le tupu, ma faamanuia i le faapotopotoga uma o Isaraelu, a o laulaututū mai le faapotopotoga uma o Isaraelu.+ 4 Ua faapea atu o ia: “Ia viia Ieova le Atua o Isaraelu, o lē na folafola mai i lona lava fofoga iā Tavita loʻu tamā, ma ua faataunuu e lona lava aao, e faapea, 5 ‘E mai lava i le aso na ou aumaia ai loʻu nuu mai i Aikupito, ou te leʻi filifilia se aai mai i ituaiga uma o Isaraelu, e faia ai se fale mo loʻu igoa ina ia faamamaluina ai i inā,+ ma ou te leʻi filifilia se tagata ina ia fai ma taʻitaʻi o loʻu nuu o Isaraelu. 6 Ae ua ou filifilia Ierusalema+ mo loʻu igoa ina ia faamamaluina ai i inā, ma ua ou filifilia Tavita ina ia pule i loʻu nuu o Isaraelu.’+ 7 Sa naunau le loto o Tavita loʻu tamā e fausia se fale mo le suafa o Ieova le Atua o Isaraelu.+ 8 Ae ua fetalai mai Ieova i loʻu tamā o Tavita, ‘Ua naunau lou loto e fausia se fale mo loʻu igoa, ma ua lelei le mea ua naunau i ai lou loto. 9 Peitaʻi, e te lē faia le fale, a o lou atalii o lē e fanau mai iā te oe,* o ia e na te faia le fale mo loʻu igoa.’+ 10 Ua faataunuu e Ieova lana folafolaga na ia fetalai mai ai, auā ua ou suitulaga i loʻu tamā o Tavita ma nofo i le nofoālii o Isaraelu,+ e pei ona folafola mai e Ieova.+ Ua ou faia fo‘i se fale mo le suafa o Ieova le Atua o Isaraelu, 11 ma ou tuu ai i inā le Atolaau o loo iai le feagaiga+ na osia e Ieova ma le fanauga a Isaraelu.”

12 Ona tū lea o ia i luma o le fata faitaulaga a Ieova, i luma o le faapotopotoga uma o Isaraelu, ma ua sisii aʻe ona lima.+ 13 (Auā na faia e Solomona se tulaga ʻapamemea ma tuu i le ogatotonu o le lotoā.+ O lona umi e lima kupita,* o lona lautele e lima kupita, ma lona maualuga e tolu kupita; ua ia tū ai foʻi i luga.) Ona ia tootuli lea i luma o le faapotopotoga uma o Isaraelu, ma sisii aʻe ona lima i le lagi,+ 14 ma ua ia faapea atu: “Ieova e, le Atua o Isaraelu, e leai se Atua e pei o oe i le lagi po o le lalolagi, ua e tausia le feagaiga, ma ua e alofa faamaoni i au auauna o ē e savavali i ou luma ma o latou lotoatoa.+ 15 Ua e tausia lau folafolaga na fai i lau auauna o Tavita loʻu tamā.+ Na e faia le folafolaga e ala mai i lou fofoga, ma ua e faataunuuina i lou aao i le aso nei.+ 16 O lenei, Ieova e, le Atua o Isaraelu, ia e tausi i lau folafolaga na faia i lau auauna o Tavita loʻu tamā, ina ua e fetalai: ‘E lē motu lou gafa mai i le nofoālii o Isaraelu, tau lava ina ia faaeteete lau fanau i le auala e ola ai, e ala i le savavali i aʻu tulafono+ e pei ona e savali i oʻu luma.’+ 17 O lenei, Ieova e, le Atua o Isaraelu, ia taunuu lau folafolaga na e faia i lau auauna o Tavita.

18 “Ae pe e afio moni ea le Atua faatasi ma tagata i le lalolagi?+ Faauta! O le lagi, ioe, o le lagi o lagi e te lē ofi ai;+ e sili atu la ona e lē ofi i lenei fale ua ou faia!+ 19 Ieova e, loʻu Atua, ia e liuliualo mai i le tatalo a lau auauna ma lana talosaga atu mo lou finagalo malie, ia e faafofoga mai i le ʻaiʻoi atu mo se fesoasoani, ma le tatalo ua tatalo atu ai lau auauna i ou luma. 20 Ia silasila mai ou fofoga i lenei fale i le ao ma le pō, i le fale na e fetalai mai ai e tuu ai lou suafa,+ ina ia e faafofoga i le tatalo e tatalo atu ai lau auauna a o faasaga mai i lenei nofoaga. 21 Ia e faafofoga mai i le ʻaiʻoi atu a lau auauna mo se fesoasoani, ma le ʻaiʻoi atu a lou nuu o Isaraelu lea ua latou tatalo atu ai a o faasasaga mai i lenei nofoaga,+ ma ia e faafofoga mai i le mea o e afio ai, o le lagi lea;+ ia e faafofoga mai ma ia faamagalo mai.+

22 “Pe a tuua‘ia se tagata i lona faia o se mea sesē i lona uso a tagata, e faatautō o ia e lona uso i se tautoga.* Pe afai e sau lea tagata i luma o lou fata faitaulaga i lenei fale, ona o le tautoga na ia tautō ai,+ 23 ia e faafofoga mai i le lagi, ia e faamasino i au auauna e ala i le taui atu i lē e amioleaga, ma faia iā te ia e tusa ma le mea na ia faia,+ ae ia e taʻuamiotonuina lē ua amiotonu, ma taui atu iā te ia e tusa ai o lana amiotonu.+

24 “Afai foʻi e faatoʻilaloina lou nuu o Isaraelu e o latou fili, ona o lo latou agasala pea iā te oe,+ ae ua latou toe foʻi mai ma vivii i lou suafa,+ ma tatalo,+ ma ʻaiʻoi atu mo lou finagalo malie i ou luma i lenei fale,+ 25 ia e faafofoga mai i le lagi,+ ma e faamagalo le agasala a lou nuu o Isaraelu, ia e toe faafoʻi mai i latou i le laueleele na e foaʻi mai iā i latou ma o latou augātamā.+

26 “Pe a punitia le lagi ua leai se timu,+ ona ua latou agasala pea iā te oe,+ ma ua latou tatalo atu a o faasasaga mai i lenei fale, ma vivii atu i lou suafa, ma latou liliuese mai i a latou agasala auā ua e faapuapuagatia i latou,+ 27 ia e faafofoga mai i le lagi, ma faamagaloina le agasala a au auauna, o lou nuu o Isaraelu, auā e te aʻoaʻoina i latou i le ala lelei latou te savavali ai;+ ia e foaʻi mai foʻi le timu+ i lou laueleele na e foaʻi mai i lou nuu e fai ma o latou tofi.

28 “Pe afai e oo mai i le nuu se oge,+ se faamaʻi,+ se lāmala, o polopologā,*+ o sē akerise e matuā tele;+ pe afai fo‘i e siʻosiʻomia i latou e o latou fili i so o se aai o le nuu,+ pe tupu foʻi so o se mala po o so o se faamaʻi,+ 29 o tatalo uma,+ o talosaga uma mo lou finagalo malie+ e faia e so o se tagata, po o lou nuu uma o Isaraelu pe a faaloaloa mai o latou lima agaʻi i lenei fale,+ auā ua taʻitasi i latou ma iloa lona lava mafatia ma lona lava tigā,+ 30 ia e faafofoga mai i le lagi i lou afioaga,+ ia e faamagalo mai,+ ma tauia tagata taʻitoʻatasi e tusa ma ona ala uma, auā ua e silafia lona loto (e na o oe e silafia lelei le loto o le tagata),+ 31 ina ia latou matataʻu ai iā te oe i le savavali i ou ala, i aso uma latou te ola ai i le laueleele na e foaʻi mai i o matou augātamā.

32 “O le tagata ese foʻi, e lē o se tagata o lou nuu o Isaraelu, ae ua sau mai i se nuu mamao ona o lou suafa* sili,+ ma lou aao malosi, ma lou aao faaloaloa, ma ua sau o ia ma tatalo a o faasaga mai i lenei fale,+ 33 ia e faafofoga mai i le lagi i lou afioaga, ma faia mea uma lava ua talosaga atu ai le tagata ese iā te oe, ina ia iloa ai e tagata uma o le lalolagi lou suafa+ ma ia matataʻu iā te oe, e pei foʻi ona faia e lou nuu o Isaraelu, ma latou iloa ai ua taʻua lou suafa i lenei fale ua ou fausia.

34 “Po o fea lava e te auina atu ai lou nuu+ e tau ai ma o latou fili, ma afai e latou te tatalo atu+ iā te oe, a o faasasaga mai i le aai na e filifilia ma le fale na ou faia mo lou suafa,+ 35 ia e faafofoga mai i le lagi i a latou tatalo ma a latou talosaga mo lou finagalo malie, ia e faia foʻi le faamasinoga mo i latou.+

36 “Afai latou te agasala iā te oe (auā e leai lava se tagata e lē agasala),+ ma ua e toʻatamaʻi iā i latou ma tuulafoa‘i i latou i le fili, ma ua ave faapagota i latou e ē na puʻea i latou, i se nuu pe mamao pe latalata,+ 37 ma afai e toe atamamai i latou i le nuu na ave faapagota i ai, ma toe foʻi atu iā te oe ma ʻaiʻoi atu mo lou finagalo malie mai i le nuu ua ave faapagota i ai i latou, e faapea, ‘Ua matou agasala, ua matou sesē, ua matou faia amioga leaga,’+ 38 afai foʻi latou te toe foʻi mai iā te oe ma o latou lotoatoa+ ma lo latou malosi atoa, mai i le nuu na ave faapagota i ai i latou,+ ma afai latou te tatalo atu a o faasasaga mai i lo latou laueleele na e foaʻi mai i o latou augātamā, o le aai na e filifilia,+ ma le fale na ou faia mo lou suafa, 39 ia e faafofoga mai i le lagi i lou afioaga i la latou tatalo, ma la latou talosaga mo lou finagalo malie, ia e faia foʻi le faamasinoga mo i latou,+ ma faamagalo lou nuu ua agasala iā te oe.

40 “O lenei, loʻu Atua e, faamolemole seʻi silasila mai ou fofoga ma e faafofoga mai i le tatalo e fai atu* i lenei mea.+ 41 O lenei, Ieova e, le Atua, inā afio mai ia i lou mālōlōga,+ o oe ma le Atolaau o lou malosi. Ieova e, le Atua, ia oofu au ositaulaga i le faaolataga, ma ia olioli ou tagata faamaoni i mea lelei.+ 42 Ieova e, le Atua, aua neʻi e teena lē na e faauuina.+ Ia e manatua lou alofa faamaoni i lau auauna o Tavita.”+