Salamo

143 Ieova e, ia e faafofoga mai i laʻu tatalo;+

Ia e liuliualo mai i laʻu ʻaiʻoi atu mo se fesoasoani.

 2 Aua e te faia le faamasinoga o lau auauna,

Auā e leai lava se tagata ola e amiotonu i ou luma.+

 3 Auā ua tuliloa aʻu e loʻu fili;

Ua ia tuʻimomomoina foʻi loʻu ola i le eleele.

 4 Ua vaivai loʻu loto;+

Ua lē toe lagona foʻi e loʻu loto se mea i totonu iā te a‘u.+

 5 Ou te manatua aso anamua;

Ou te mafaufau loloto i au galuega uma lava;+

Ou te naunau e manatunatu* i galuega a ou aao.

 6 Ou te faaloaloa atu oʻu lima iā te oe;

Ua pei a‘u o se eleele naumati ua galala iā te oe.+ (Selā)

 7 Ieova e, ia e tali vave mai iā te aʻu;+

Ua mou atu loʻu malosi.+

Aua e te natia ou fofoga iā te aʻu,+

Ina neʻi pei aʻu o i latou ua ō ifo i le lua.*+

 8 Ia ou faalogo i lou alofa faamaoni i le taeao,

Auā ou te faatuatua atu iā te oe.

Ia e faailoa mai iā te aʻu le ala ou te savali ai,+

Auā ou te liliu atu iā te oe.

10 Ia e aʻoaʻo mai iā te aʻu e faia lou finagalo,+

Auā o oe o loʻu Atua.

E lelei lou agaga;

Tau ina ia taʻitaʻia ai aʻu i le mea laugatasi.*

12 Ia e faaumatia* oʻu fili+ ona o lou alofa faamaoni;

Ia e faaumatia foʻi i latou uma e sauā mai iā te aʻu,+

Auā o aʻu o lau auauna.+