Sapakuka
3 O le tatalo a le perofeta o Sapakuka, na lagi o se pese faanoanoa:*
2 Ieova e, ua ou faalogo i le faamatalaga e uiga iā te oe.
Ieova e, ua ou mata‘u ona o au galuega.
Ia e toe faaolaolaina au galuega i ia tausaga!*
Ia e faailoa mai i ia tausaga.*
Tau ina ia e manatua e faaalia le alofa mutimutivale i le taimi o le atuatuvale.+
Sa ufitia le lagi i lona mamalu;+
Sa tumu foʻi le lalolagi i lona viiga.
4 O lona pupula sa pei o le lā.+
Sa ō mai ave e lua mai i lona aao,
Ma sa lilofia ai i inā lona mana.
6 Sa tū o ia ma lūlūina le lalolagi.+
Na silasila mai o ia, ma na tuli oso ai atunuu.+
Sa matuā nutililiia mauga o le vavau,
Sa ifo mai foʻi aʻega mai anamuā.+
O ona ala ia e mai anamuā lava.
7 Na ou vaai i faafitauli i faleʻie o Kuso.
Na gatete ʻie o faleʻie o le laueleele o Mitiana.+
8 Ieova e, pe e te faasagatau ea i vaitafe,
Po ua matuā aasa lou toʻasā i vaitafe?
Po o faasagatau ea lou toʻatamaʻi i le sami?+
9 Ua e aveese lau ‘aufana, ma ua e sauni e fana.
Na tofia tao* i se tautoga.* (Selā)
Sa e vaevaeina le laueleele i vaitafe.
10 Na matuā tigā mauga ina ua vāai iā te oe.+
Na tafe ane le tafega mai i timuga mamafa.
Na gogolo mai le leo o vai loloto.+
Na sisii i luga ona lima.
11 Sa tutū pea le lā ma le masina i le mea maualuga ua mau ai.+
Na ō atu au aū e pei o le malamalama.+
O le uila o lau tao na fai ma malamalama.
12 Sa e afio ane i le lalolagi ma le toʻatamaʻi.
Sa e solia atunuu i lou toʻasā.
13 Sa e afio atu e faaola i lou nuu, ma faaolaina lē na e faauuina.
Na e nutililiia le ta‘ita‘i* o le fale o lē e amioleaga.
Na faaleagaina le fale mai i le faavae e oo lava i le taualuga.* (Selā)
Sa latou matuā fiafia e faaumatia faalilolilo lē ua puapuagatia.
15 Sa e afio i totonu o le sami ma au solofanua,
Sa e asa fo‘i galu maualuluga o le vasa tele.
Ua oo mai ai le pala i oʻu ivi;+
Na tetete oʻu vae.
Ae ua ou faatalitali ma le filemu mo le aso o le puapuaga,+
Auā e oo mai lava i tagata e osofaʻia i tatou.
17 E ui ina lē fuga mai le mati
Ma lē fua mai le vine;
E ui ina iʻuvale foʻi fua o le laau o le olive,
Ma lē tupu mai ni mea e ʻai mai i fanua;*
E ui ina faaumatia le lafu mamoe mai i le lotoā,
Ma leai ni lafu povi i falepovi;
18 A o aʻu ou te olioli iā Ieova;
Ou te fiafia i le Atua o loʻu faaolataga.+
19 O Ieova le Alii Pule Silisili Ese, o loʻu malosi ia;+
E na te faia oʻu vae e pei o vae o le ʻaila,
O ia foʻi ou te savali ai i mea maualuluga.+
I le faatonu o le ʻaufaimusika; ia faaaogā ma a‘u meafaifaaili e iai uaua.