Salamo
O le salamo a Tavita. O le Masekila.*
32 E fiafia le tagata ua faamagaloina lana solitulafono, o lē ua ufitia lana agasala.+
3 Ina ua ou lē taʻu atu aʻu agasala, ona tigā ai lea o oʻu ivi ona o loʻu ōi i le aso atoa.+
4 Auā ua mamafa lou aao i oʻu luga i le ao ma le pō.+
Ua mitiia loʻu malosi e pei o le vai i le vevela o le tau māfanafana. (Selā)
Na ou faapea ifo: “Ou te taʻutino atu aʻu solitulafono iā Ieova.”+
Ma ua e faamagaloina le leaga o aʻu agasala.+ (Selā)
Ona lē oo lea iā i latou o tafega o vai e tele.
E te siʻosiʻomia aʻu i le alaga fiafia o le lavea‘iga.+ (Selā)
8 “Ou te foaʻi atu iā te oe le tofā mamao, ma faatonu oe i le ala e ao ona e savali ai.+
Ou te fautua atu foʻi a o o‘u vaai atu iā te oe.+
9 Aua neʻi pei outou o se solofanua po o se asini* e lē malamalama,+
O lona malosi e tatau ona taofiofia i se faagutu po o se taofi
A o leʻi faalatalata mai iā te oe.”
10 E tele tigā e oo i ē e amioleaga;
A o lē e faatuatua iā Ieova, e siʻosiʻomia o ia e Lona alofa faamaoni.+
11 Inā olioli ia iā Ieova ma fiafia, o outou o ē e amiotonu;
Ia alalaga fiafia, o outou uma o ē e saʻo o outou loto.