Iona
2 Ona tatalo lea o Iona iā Ieova lona Atua mai i le manava o le iʻa,+ 2 ua faapea atu:
“Na ou valaau atu iā Ieova ona o loʻu puapuaga, ma na tali mai o ia iā te aʻu.+
Na ou valaau atu mo se fesoasoani mai i le mea maulalo* o le Tuugamau.*+
Na e faafofoga mai i loʻu leo.
3 Ina ua e lafo ifo aʻu i mea loloto, i le moana sausau o le sami,
Ona siʻomia ai lea o aʻu e āu o le sami.+
Na lofia aʻu i ou galu fafati ma ou peau.+
4 Na ou faapea ane, ‘Ua tuliesea aʻu mai i luma o ou fofoga!
E faapefea ona ou toe vaai i lou malumalu paia?’
Na taata‘ai vaovao i loʻu ulu.
6 Na ou magoto ifo i auvae mauga.
Na taofia aʻu e faavavau i laau faalava o le lalolagi.
Ae na e aveina aʻe loʻu ola mai i le lua, Ieova e loʻu Atua.+
7 O Ieova o Lē na ou manatua, ina ua faasolo ina mou atu loʻu ola.+
Ona oo atu lea o laʻu tatalo iā te oe i lou malumalu paia.+
8 O ē e tuutoina atu i tupua e lē aogā, ua latou tuua le puna o lo latou alofa faamaoni.*
9 A o aʻu ou te fai taulaga atu iā te oe i le leo o le faafetai.
O le mea ua ou tautō ai, ou te avatua lava.+
O le faaolataga e mai iā Ieova.”+
10 Mulimuli ane, na poloaʻi atu Ieova i le iʻa, ona ia luai lea o Iona i le laueleele mātūtū.