Ieremia
31 Ua fetalai mai Ieova, “I lenā taimi, e fai ai aʻu ma Atua o aiga uma o Isaraelu, e fai foʻi i latou ma oʻu nuu.”+
2 O le mea lenei ua fetalai mai ai Ieova:
“Na maua e tagata na faasaoina mai i le pelu le finagalo malie o le Atua i le toafa,
Ina ua savali atu Isaraelu i le mea e mālōlō ai o ia.”
3 Na faaali mai Ieova iā te aʻu mai i le mea mamao, ua faapea mai:
“O le alofa e faavavau na ou alofa ai iā te oe.
O le mea lea na ou tosina mai ai oe i loʻu alofa faamaoni.*+
4 Le taupou o Isaraelu e, ou te toe fausia oe ma e toe fausia lava oe.+
6 Auā e oo mai le aso e alalaga atu ai tagata vāai i mauga o Efaraima:
‘Inā tutulaʻi ia, ma tatou ō aʻe i Siona iā Ieova lo tatou Atua.’”+
7 Auā o le mea lenei ua fetalai mai ai Ieova:
“Inā alalaga atu ia ma le olioli iā Iakopo.
Ia alalaga atu ma le fiafia ona ua muamua outou i atunuu.+
Ia outou faalauiloa atu; ia outou vivii atu ma faapea atu,
‘Ieova e, ia e faaola mai i lou nuu, o ē ua totoe o Isaraelu.’+
8 Ou te aumaia i latou mai i le nuu o le itu i mātū.+
Ou te faapotopoto faatasi foʻi i latou mai i vaega pito i mamao o le lalolagi.+
E faatasi foʻi ma i latou le tauaso ma le pipili,+
O le fafine tō ma lē o le a fanau.
E toe foʻi mai i latou i inei o se faapotopotoga tele lava.+
9 E ō mai i latou ma le fetagisi.+
Ou te ta‘ita‘ia i latou, a o latou ʻaiʻoi mai mo le faamagaloga.
Auā o aʻu o le Tamā o Isaraelu, ma o Efaraima o laʻu ulumatua.”+
“O Lē na faasalalauina Isaraelu, e na te faapotopoto faatasi mai o ia.
E na te tausia o ia e pei ona faia e se leoleo mamoe i lana lafu.+
11 Auā e togiolaina lava e Ieova Iakopo,+
Ma lavea‘iina* o ia mai i le lima o lē e sili atu ona malosi iā te ia.+
12 E latou te ō mai ma alalaga fiafia i le mea maualuga o Siona+
Ma olioli ona o le lelei o Ieova,*
Ona o le saito, o le uaina fou,+ ma le suāuu,
Ona o tamaʻi mamoe ma tamaʻi povi o le lafu.+
Ou te liua foʻi lo latou faavauvau i le fiafia.+
Ou te faamāfanafanaina i latou ma faafiafia i latou, nai lo o lo latou faanoanoa.+
14 Ou te faamalieina ositaulaga i meaʻai e tele,*
E faamalieina foʻi loʻu nuu i loʻu lelei,”+ ua fetalai mai ai Ieova.
15 “O le mea lenei ua fetalai mai ai Ieova:
‘Ua lagona le leo i Rama,+ o le auega ma le tagitu‘i:
Ua tagiauē Rasela ona o lana fanau.+
Ua lē mafai foʻi ona faamāfanafanaina o ia ona o lana fanau,
Auā ua lē toe iai i latou.’”+
16 O le mea lenei ua fetalai mai ai Ieova:
“‘Soia e te tagi ma aua le maligi ou loimata,
Auā ua iai le taui o au galuega,’ ua fetalai mai ai Ieova.
‘E toe foʻi mai i latou mai i le nuu o le fili.’+
17 ‘E iai le faamoemoe mo lou lumanaʻi,’+ ua fetalai mai ai Ieova.
‘E toe foʻi mai lau fanau i lo latou laueleele.’”+
18 “Ua ou lagona atu lava Efaraima o auē,
‘Ua e faasaʻoina aʻu, ma ua ou talia le faasaʻoga,
E pei o se tamaʻi povi poʻa e leʻi aʻoaʻoina.
Ia e faaliliuina aʻu, ona ou nofosauni lea e toe liliu atu,
Auā o oe o Ieova loʻu Atua.
19 Ina ua uma ona ou liliuese, ona ou salamō ai lea;+
Ina ua ou malamalama, ona ou pōpō ai lea o loʻu ogāvae ma le mafatia.
Na ou māsiasi ma ou lagona le faalumaina,+
Auā na ou tauaveina le luma o loʻu talavou.’”
20 “Pe e lē o Efaraima ea o se atalii e pele iā te aʻu, o se tamaitiiti ou te tausi faapelepele i ai?+
Auā o le tele ou te a‘oa‘ia ai o ia, ou te manatua ai pea o ia.
O le mea lea ua ootia ai loʻu loto mo ia.+
Ou te tigā alofa lava iā te ia,” ua fetalai mai ai Ieova.+
Ia taulaʻi atu i le ala tele, o le ala e tatau ona e alu atu i ai.+
Le taupou o Isaraelu e, inā toe foʻi mai ia, ia e foʻi mai i ou aai nei.
22 Le tama fafine lē faamaoni e, o le ā ea le umi e te fealuaʻi solo ai?
Auā ua faia e Ieova se mea fou i le lalolagi:
E matuā sa‘ili e le fafine le tane.”
23 O le mea lenei ua fetalai mai ai Ieova o ʻau, o le Atua o Isaraelu: “E latou te toe fai atu nei upu i le nuu o Iuta ma ona aai, pe a ou toe faapotopoto faatasi mai i latou na ave faapagota: ‘Tau ina ia faamanuia e Ieova oe, le fale e iai le amiotonu,+ le mauga paia e.’+ 24 E nonofo faatasi uma ai lava Iuta ma ona aai uma, o le ʻaufaifaatoʻaga ma ē e leoleoina lafu.+ 25 Auā ou te faamalieina le tagata ua vaivai, ou te faamalosia foʻi tagata uma ua leai so latou malosi.”+
26 Ona ou ala ai lea ma pupula oʻu mata, na ou fiafia foʻi i laʻu moe.
27 “Faauta! E oo mai aso,” ua fetalai mai ai Ieova, “ou te lūlū ai i le aiga o Isaraelu ma le aiga o Iuta le fua o le tagata,* ma le fua o le manu.”+
28 “E pei ona ou mataala ina ia liaʻiina, talepe i lalo, lepetia, faaumatia, ma faaleagaina i latou,+ e faapea foʻi ona ou mataala ina ia atiina aʻe ma totōina i latou,”+ ua fetalai mai ai Ieova. 29 “E latou te lē toe fai mai i na aso, ‘E ʻaina e tamā vine moto, ae e magiagia* ai nifo o le fanau.’+ 30 Ae e taʻitasi le tagata ma oti ona o lana mea sesē. O so o se tagata e ʻaina vine moto, e magiagia ai ona lava nifo.”
31 “Faauta! E oo mai aso,” ua fetalai mai ai Ieova, “ou te osia ai se feagaiga fou+ ma le aiga o Isaraelu ma le aiga o Iuta. 32 E lē pei o le feagaiga na ou osia ma o latou augātamā, i le aso na ou tago ai i o latou lima ma taʻitaʻi ese i latou mai i le nuu o Aikupito,+ ‘o laʻu feagaiga lea na latou solia,+ e ui ina avea aʻu ma o latou matai moni,’* ua fetalai mai ai Ieova.”
33 “Auā o le feagaiga lenei ou te osia ma le aiga o Isaraelu pe a mavae na aso,” ua fetalai mai ai Ieova. “Ou te tuuina laʻu tulafono i totonu iā i latou,+ ma ou te tusiaina foʻi i o latou loto.+ E fai aʻu ma o latou Atua, e fai foʻi i latou ma oʻu nuu.”+
34 “E lē toe aʻoaʻo atu foʻi se tasi i lona tuaoi, e lē toe aʻoaʻo atu foʻi se tasi i lona uso, e faapea atu, ‘Ia outou iloa Ieova!’+ auā o le a iloa aʻu e i latou uma, e mai i lē e faatauvaa e oo i lē e sili o i latou,”+ ua fetalai mai ai Ieova. “Auā ou te faamagaloina a latou mea sesē, ma ou te lē toe manatuaina a latou agasala.”+
35 O le mea lea ua fetalai mai ai Ieova,
O lē na tuuina mai le lā ina ia malamalama ai le ao,
O tulafono o le masina ma fetu ina ia malamalama ai le pō,
O lē e faagaepu le sami ina ia ū mai ona galu,
O lē foʻi o lona suafa o Ieova o ʻau:+
36 “‘Afai e mavae nei tulafono mai i oʻu luma,’ ua fetalai mai ai Ieova,
‘Ona lē toe avea lea o le fanau a Isaraelu ma nuu i oʻu luma i aso uma.’”+
37 O le mea lenei ua fetalai mai ai Ieova: “‘Afai e mafai ona fuatia le lagi i lugā, ma suʻesuʻeina faavae o le lalolagi i lalō, ona mafai lea ona ou teena le fanau atoa a Isaraelu ona o mea uma na latou faia,’ ua fetalai mai ai Ieova.”+
38 “Faauta! E oo mai aso,” ua fetalai mai ai Ieova, “e fausia ai le aai+ iā Ieova, e amata mai i le ʻOlo o Hananiali+ e oo atu i le Faitotoʻa o le Tulimanu.+ 39 E alu atu saʻo le manoa e fua ai+ i luma o le aʻega o Karepa, ma faataamilo ane ai i Koata. 40 E avea o se mea e paia iā Ieova+ le vanu* uma ua iai tino oti ma lefulefu,* ma fanua uma e oo atu i le vanu o Ketarono,+ e oo atu lava i le tulimanu o le Faitotoʻa o Solofanua,+ ma agaʻi atu i le itu i sasaʻe. E lē toe liaʻiina lava pe toe soloia i lalo.”