Salamo

5 Ieova e, ia e faafofoga mai i aʻu upu;+

Ia e silafia mai loʻu ōi.

 2 Ia e uaʻi mai i laʻu alaga atu mo se fesoasoani,

Auā ou te tatalo atu iā te oe loʻu Tupu e, ma loʻu Atua.

 3 Ieova e, e te faafofoga mai i loʻu leo i le taeao;+

Ou te faailoa atu o‘u popolega iā te oe+ i le taeao ma ou faatalitali atu iā te oe.

 4 Auā e lē o oe o se Atua e fiafia i le amioleaga;+

E leai foʻi sē e leaga e nofo faatasi ma oe.+

Ua e ʻinoʻino foʻi iā i latou uma e faia amioga leaga;+

 6 E te faaumatia o ē e tala pepelo.+

 7 Ae ou te alu atu i lou fale+ ona o le tele o lou alofa faamaoni;+

Ou te ifo foʻi i lou malumalu paia ona o loʻu faaaloalo loloto* iā te oe.+

 8 Ieova e, ia e taʻitaʻi aʻu i lau amiotonu ona o oʻu fili;

Ia e faalaulelei lou ala i oʻu luma.+

 9 Auā e lē maufaatuatuaina a latou upu uma;

E tumu o latou loto i mea leaga;

O o latou faaʻī o se tuugamau ua faamaga;

Ua faaʻoleʻole* i latou i o latou laulaufaiva.+

10 Ae e ta‘usalaina i latou e le Atua;

E paʻuʻū i latou i a latou lava taupulepulega.+

Ia tuliesea i latou ona o le tele o a latou soligatulafono,

Auā ua latou fouvale iā te oe.

11 Ae e olioli i latou uma o ē e sulufaʻi atu iā te oe;+

E latou te alalaga pea ma le fiafia.

E te puipuia i latou,

E olioli foʻi iā te oe o ē e matuā naunau* i lou suafa.

12 Auā o oe Ieova e, e te faamanuia i so o se tagata amiotonu;

O lou finagalo malie e te siʻosiʻomia ai i latou e pei o se talita telē.+