Salamo
O LE TUSI LONA TOLU
(Salamo 73-89)
O le pese a Asafo.+
73 E lelei lava le Atua iā Isaraelu, i ē e mamā o latou loto.+
7 O lo latou tamaoaiga* ua lululu ai o latou mata;
Ua sili atu mea ua latou maua nai lo o mea ua manatu i ai o latou loto.
8 Ua latou faatauemu ma tautatala i mea leaga.+
O lo latou faamaualuluga ua latou faamata‘u ai isi i faiga sauā.+
9 Ua oo atu i le lagi a latou upu faasausili,
Ua feoaʻi foʻi o latou laulaufaiva ma le faatauemu i le lalolagi.
10 O le mea lea ua liliu atu ai ona tagata iā i latou,
Ma ua latou feinu mai i o latou vai e tele.
11 Ua latou faapea ane: “E faapefea ona silafia mai e le Atua?+
Pe e silafia moni e le Silisili Ese mea uma?”
12 Ioe, o tagata amioleaga nei, ua toʻafilemu o latou olaga i taimi uma.+
Ua latou faateleina pea a latou ‘oa.+
13 E moni lava, e leai se aogā ua ou faamamā ai loʻu loto
Ma fufulu oʻu lima e faailoa atu ai ou te mamā.+
15 Ae pe ana ou tautala i nei mea,
Semanū ua ou faaʻoleʻole i ou tagata.
16 Ina ua ou taumafai e malamalama i lenei mea,
Sa ou atuatuvale ai
17 Seʻia oo ina ou ulufale i le afioaga paia o le Atua,
Ma ou iloa ai lo latou lumanaʻi.
18 E moni lava, ua e tuuina atu i latou i le mea maseesee.+
Ua e faapaʻuʻū i latou i le fanoga.+
19 Auē! Ua faafuase‘i ona faafanoina i latou.+
Auē! Ua faafuase‘i ma tugā lo latou iʻuga.
22 Ou te le‘i mafaufau lelei, ma ou te leʻi iloaina foʻi;
Sa pei a‘u o se manu e leai se mafaufau i ou luma.
25 O ai ea se isi i le lagi e fesoasoani mai iā te a‘u?
E leai foʻi se tasi ou te naunau i ai i le lalolagi, ua na o oe.+
27 E moni, e fano i latou e taumamao mai iā te oe.
E te faaumatia* i latou uma o ē e amio lē mamā* ua tuua oe.+
28 A o aʻu nei, ou te faalatalata atu i le Atua ou te lelei ai.+
Ou te faia le Alii Pule Silisili Ese o Ieova ma o‘u sulufa‘iga,
Ina ia folafola atu au galuega uma lava.+