IOSUA

1 Ina ua mavae le maliu o Mose le auauna a Ieova, ona fetalai mai lea o Ieova iā Iosua*+ le atalii o Nuno, o lē na auauna+ iā Mose: 2 “Ua maliu laʻu auauna o Mose;+ o lea ia e tulaʻi ma sopoʻia atu le vaitafe o Ioritana, o oe ma lenei nuu uma, ma ō atu i le laueleele ou te foaʻiina atu iā i latou, o le fanauga a Isaraelu.+ 3 Ou te foaʻi atu iā te outou o mea uma lava e solia e o outou vae, e pei lava ona ou folafola atu iā Mose.+ 4 E amata atu lo outou laueleele mai i le toafa* se‘ia oo i Lepanona ma le vaitafe tele o Eufirate, e oo atu i le Sami Tele* i le itu i sisifo,*+ ma le laueleele uma o tagata Hetī.+ 5 E leai se tasi e tū mai e tetee iā te oe i aso uma o lou ola.+ E pei ona ou faatasi ma Mose, e faapea foʻi ona ou faatasi ma oe.+ Ou te lē tuua oe, ou te lē tuulafoaʻia lava oe.+ 6 Ia e lototele ma faamalosi,+ auā e te taʻitaʻiina atu lenei nuu e fai mo latou tofi le laueleele na ou tautō ai i o latou augātamā e foaʻi atu iā i latou.+

7 “Tau lava ina ia e lototele ma matuā faamalosi, e faia e tusa ma mea uma o i le Tulafono na poloaʻi atu ai laʻu auauna o Mose iā te oe. Aua neʻi e liliuese ai i le itu taumatau po o le itu tauagavale,+ ina ia e gaoioi ai ma le poto i mea uma e te faia.+ 8 Aua neʻi teʻa ese lenei tusi o le Tulafono mai i lou gutu,+ ae ia e faitau lē leoa* i ai i le ao ma le pō, ina ia e faia e tusa ma mea uma ua tusia ai;+ ona manuia ai lea o ou ala, ma e gaoioi ai ma le poto.+ 9 Po ou te leʻi poloaʻi atu ea iā te oe? Ia lototele ma faamalosi. Aua le fefe pe mataʻu, auā e faatasi Ieova lou Atua ma oe i mea uma e te alu i ai.”+

10 Ona poloaʻi atu lea o Iosua i alii o le nuu e faapea: 11 “Ia ō atu i le togālauapi ma fai atu i le nuu, ‘Inā sauni ia ni mea mo outou, auā e toe tolu aso ona outou sopoʻia atu lea o le vaitafe o Ioritana, ma nonofo i le laueleele ua foaʻi atu e Ieova lo outou Atua e fai mo outou.’”+

12 Ona fai atu lea o Iosua i tagata Reupena, o tagata Kato ma le ʻafa o le ituaiga o Manase: 13 “Ia manatua le poloaʻiga a Mose le auauna a Ieova iā te outou e faapea,+ ‘Ua avatu e Ieova lo outou Atua le mālōlōga ma foaʻi mai lenei laueleele mo outou. 14 E nonofo a outou avā, o a outou fanau, ma a outou lafumanu i le laueleele na avatu e Mose iā te outou i lenei itu* o le vaitafe o Ioritana;+ ae e ao ona sopo atu o outou tane totoa ma malolosi uma+ e pei o se ‘autau e muamua atu i o outou uso.+ E ao ona fesoasoani i o outou uso 15 se‘ia avatu e Ieova le mālōlōga iā i latou e pei ona ia avatu iā te outou, ma latou nonofo ai foʻi i laueleele ua foaʻiina atu e Ieova lo outou Atua e fai mo i latou. Ona outou toe fo‘i mai lea e fai mo outou le laueleele o loo outou nonofo ai, o le laueleele i le itu i sasa‘e o le vaitafe o Ioritana lea na avatu e Mose, o sē e auauna iā Ieova.’”+

16 Ona latou tali mai lea iā Iosua: “O mea uma ua e poloaʻi mai ai, e matou te faia lava, o mea uma foʻi e te aauina atu i ai i matou, e matou te ō lava.+ 17 E pei ona matou usitaʻi iā Mose i mea uma, e faapea foʻi ona matou usitaʻi iā te oe. Tau ina ia faatasi Ieova lou Atua ma oe, e pei ona faatasi o ia ma Mose.+ 18 O se tagata e tetee i lau faatonuga ma lē usitaʻi i au poloaʻiga, e fasiotia o ia.+ Tau ina ia e lototele ma faamalosi.”+

2 A o latou iai i Setima,+ ona aauina faalilolilo atu lea e Iosua le atalii o Nuno ni tamāloloa se toʻalua o ni sipai, ma faapea atu: “Inā ō ia oulua ma vaavaai solo i le laueleele, faapea ma Ieriko.” Ona la ō ai lea ma taunuu atu i le fale o se fafine talitane e igoa iā Raava,+ ua la nonofo ai i inā. 2 Ona taʻu atu lea i le tupu o Ieriko: “Faauta! Na ō mai i le pō nei ni tamāloloa Isaraelu e vaavaai solo i le laueleele.” 3 Ona avatu lea o le feʻau a le tupu o Ieriko iā Raava e faapea: “Ia aumai i fafo tamāloloa na ō mai ma o loo nonofo i lou fale, auā na ō mai i laʻua ina ia vaavaai solo i le laueleele uma.”

4 Ae ua ave e le fafine o tamāloloa e toʻalua ma faalalafi iā i laʻua. Ona ia faapea atu lea: “Ioe, na ō mai tamāloloa iā te aʻu, ae ou te lē iloa po o fea e ō mai ai. 5 Ina ua pogisa o le a tapuni le faitotoʻa o le pā, ona ō ai lea i fafo o tamāloloa. Ou te lē iloa po o fea ua ō i ai, ae afai e vave ona outou tuliloa i laʻua, e tou te maua atu lava.” 6 Ae ua ia ave i laʻua i le taualuga o lona fale, ma faalalafi i laʻua i lalo o lālā laau o lino na fola i luga o le fale. 7 Ona tuliloa lea e tagata mai i le tupu o i laʻua agaʻi atu i vaega e sopoʻia ai le vaitafe* o Ioritana,+ ona tapuni loa lea o le faitotoʻa o le pā ina ua ō i latou o ē na tuliloaina i laʻua.

8 A o leʻi taooto tamāloloa e momoe, ua alu ane le fafine iā i laʻua i le taualuga o le fale. 9 Ona faapea atu lea o ia iā i laʻua: “Ua ou iloa e foaʻi atu lava e Ieova iā te outou le laueleele lenei,+ ma ua matou matataʻu foʻi ona o outou.+ Ua vaivai foʻi loto o i latou uma o loo nonofo i le laueleele ona o outou.+ 10 Auā ua matou faalogo na faapaʻumātū e Ieova vai o le Sami Ulaula i o outou luma, ina ua outou ō ese mai i Aikupito,+ ma mea na outou faia i tupu e toʻalua o tagata Amorī o Sekono+ ma Oko,+ o ē na outou faaumatia i le isi itu* o le vaitafe o Ioritana. 11 Ina ua matou faalogo i na mea, ona vaivai ai lea o o matou loto, ua lē toe iai foʻi se malosi i se tasi ona o outou, auā o Ieova lo outou Atua, o le Atua o le lagi i lugā ma le lalolagi i lalo nei.+ 12 O lea, faamolemole ia oulua tautō mai i le suafa o Ieova, auā ua ou alofa faamaoni atu iā te oulua, ia oulua alolofa faamaoni mai foʻi i le aiga o loʻu tamā, ma faailoa mai iā te aʻu se faailoga maufaatuatuaina. 13 Ia outou faasao i loʻu tamā, o loʻu tinā, o oʻu tuagane, o oʻu uso, ma ē uma ua iā i latou, ia laveaʻi foʻi iā i matou mai i le oti.”+

14 Ona faapea mai lea o tamāloloa iā te ia: “Ia avea o ma ola e sui aʻi outou! Afai e te lē taʻuina atu la maʻua mataupu, o le a matou alolofa faamaoni iā te oe ma tausi i a matou upu, pe a oo ina foaʻi mai e Ieova iā i matou le laueleele.” 15 Ona ia tuu ifo lea o i laʻua i se maea i le faamalama, auā sa nofo o ia i luga o le pā o le aai.+ 16 Ona ia faapea atu lea iā i laʻua: “Inā ō atu ia i vaega maugā, ina neʻi maua oulua e i latou o loo tuliloaina oulua; ia lalafi ai i inā mo aso e tolu, seʻia toe foʻi mai i latou, ona oulua ō ai lea i lo oulua ala.”

17 Ona fai mai lea o tamāloloa iā te ia: “O le a ma faataunuuina lenei tautoga ua e faatautō ai i maʻua,+ 18 pe a e faia mea nei: Pe a matou ō mai i le laueleele, ia e nonoa lenei maea mūmū sesega i le faamalama na e tuu ifo ai i maʻua. Ia e faapotopoto foʻi lou tamā, o lou tinā, o ou tuagane, ma tagata uma o le aiga o lou tamā i le fale.+ 19 A o se tasi e alu i fafo mai i faitotoʻa o lou fale, e i luga o lona ulu lona lava toto, ma e lē taʻusalaina ai i maʻua. Ae o se tasi e nonofo pea ma oe i le fale, e i luga o o ma ulu lona toto pe afai e oo se mea leaga iā te ia. 20 Afai fo‘i e te taʻuina atu la maʻua mataupu,+ e mamā i maʻua i le tautoga na e faatautō ai i maʻua.” 21 Ua fai atu o ia: “Ia faia e tusa ma a oulua upu.”

Ona ia aauina ese atu lea o i laʻua i lo la ala. Mulimuli ane, ona ia nonoa ai lea o le maea mūmū sesega i le faamalama. 22 Ona la ō ai lea ua oo atu i le vaega maugā, ua nonofo ai pea i inā mo aso e tolu, seʻia oo ina toe foʻi ē na tuliloaina i laʻua. Ua latou sa‘ili iā i la‘ua i ala uma, ae e latou te leʻi mauaina. 23 Ona toe ō ifo ai lea o tamāloloa e toʻalua mai i le vaega maugā, ua sopoʻia le vaitafe ma ō atu iā Iosua le atalii o Nuno, ona la faamatala atu lea iā te ia o mea uma na tutupu iā i laʻua. 24 Ona la faapea atu lea iā Iosua: “Ua tuuina mai e Ieova le laueleele uma iā i tatou.+ O le mea moni, ua vaivai loto o tagata o le nuu ona o i tatou.”+

3 Ona tulaʻi lea o Iosua ma le fanauga uma a Isaraelu* i le taeaopō, ua ō ese mai i Setima+ ma ō atu agaʻi i le vaitafe o Ioritana; ma momoe ai i inā i le pō a o latou leʻi sopoʻia atu.

2 Ina ua mavae aso e tolu, ona ō atu lea o alii+ i totonu o le togālauapi 3 ma poloaʻi atu i le nuu: “Pe a outou vaaia loa le atolaau o le feagaiga a Ieova lo outou Atua ua ave e ositaulaga sa Levī,+ ona outou ō ese mai lea i mea o loo outou nonofo ai ma mulimuli atu i ai. 4 Tau lava ia iai se vā o outou ma le atolaau, pe tusa e 2,000 kupita* le mamao; aua neʻi faalatalata atu foʻi i ai. O le faia faapea e tou te iloa ai le ala e ui ai, auā tou te leʻi uia muamua lenei ala.”

5 Ona fai atu lea o Iosua i le nuu: “Inā sauni* ia outou,+ auā o taeao e faia ai e Ieova o mea ofoofogia i o outou luma.”+

6 Ona fai atu lea o Iosua i ositaulaga: “Ia outou ave le atolaau+ o le feagaiga ma muamua atu i luma o le nuu.” Ona latou ave lea o le atolaau o le feagaiga ma ō atu e muamua i luma o le nuu.

7 Ua fetalai mai foʻi Ieova iā Iosua: “E amata atu i le aso nei ona ou faamamaluina oe i luma o Isaraelu uma,+ ina ia o latou iloa ai, e pei lava ona ou faatasi ma Mose,+ e faapea foʻi ona ou faatasi ma oe.+ 8 A o oe, ia e poloaʻi atu i ositaulaga o loo aveina le atolaau o le feagaiga e faapea, ‘Pe a outou oo atu i le auvai o le vaitafe o Ioritana, e ao ona outou ō atu i le vai ma tutū ai i inā.’”+

9 Ona fai atu lea o Iosua i le fanauga a Isaraelu: “Inā ō mai ia i inei ma faalogologo mai i afioga a Ieova lo outou Atua.” 10 Ona faapea atu lea o Iosua: “O le mea lenei e tou te iloa ai ua iā te outou le Atua soifua,+ ma o le a ia tuliesea mai i o outou luma tagata Kanana, o tagata Hetī, o tagata Hivī, o tagata Perisē, o tagata Kirekasē, o tagata Amorī, ma tagata Iepusē.+ 11 Faauta! Ua muamua atu i o outou luma le atolaau o le feagaiga a le Alii o le lalolagi uma i le vaitafe o Ioritana. 12 O lea, ia outou ave ni tamāloloa se toʻa 12 mai i ituaiga o Isaraelu, e taʻitoʻatasi mai i le ituaiga.+ 13 O le taimi lava e papaʻi ai i vai o Ioritana alofivae o ositaulaga o loo aveina le Atolaau a Ieova le Alii o le lalolagi uma, ona lē toe tafe lea o vai o Ioritana o loo tafe mai i luga, ae o le a fatu aʻe e pei o se pā puipui.”*+

14 Ina ua ō ese le nuu mai i o latou faleʻie ma a o leʻi sopoʻia atu le vaitafe o Ioritana, ona muamua atu lea o ositaulaga o loo aveina le atolaau+ o le feagaiga i luma o le nuu. 15 Ina ua oo atu ositaulaga o loo aveina le Atolaau i le vai o Ioritana, ma ua papa‘i o latou vae i le vai (e lofia auvai o le vaitafe+ i aso uma o le seleselega), 16 ona lē toe tafe ai lea o le vai o loo tafe ifo mai i luga. Ua fatu aʻe le vai e pei o se pā puipui,* i se mea mamao i le aai o Atamu, lea e lata i Saretana, ae ua mamate vai o loo tafe agaʻi i le sami o Arapa, o le Sami Oona* lea. Ua lē toe tafe le vai ma ua ui atu le nuu i le vaega e faafesaga‘i ma Ieriko. 17 Ona tutū ai lea ua lē toe gaoioi ositaulaga o loo aveina le atolaau a Ieova, i le ilitivai* mātūtū+ i le ogatotonu o Ioritana, a o savavali atu Isaraelu uma i le ilitivai mātūtū,+ seʻia sopoʻia Ioritana e le nuu atoa.

4 Ina ua uma ona sopoʻia e le nuu atoa le vaitafe o Ioritana, ona fetalai mai lea o Ieova iā Iosua: 2 “Inā ave ia ni tamāloloa se toʻa 12 mai i le nuu, e taʻitoʻatasi mai i le ituaiga,+ 3 ma poloaʻi atu iā i latou e faapea, ‘Ia outou ave ni maa se 12 mai i le ogatotonu o Ioritana, mai i le mea na tutū ai ositaulaga e lē gaoioi,+ ia outou avatu nei maa ma tuu i le mea o le a outou api ai i le pō a nanei.’”+

4 Ua valaau atu Iosua i tamāloloa e toʻa 12 na ia tofia mai i le fanauga a Isaraelu, e taʻito‘atasi mai i le ituaiga, 5 ona fai atu lea o Iosua iā i latou: “Ia muamua atu i le Atolaau a Ieova lo outou Atua, ma ia ō atu i le ogatotonu o le vaitafe o Ioritana, ona taʻitasi lea o outou ma sii aʻe i luga se maa i lona tauʻau, e tusa ma le aofaʻi o ituaiga o le fanauga a Isaraelu, 6 ina ia fai ma faailoga iā te outou. Pe a fesili mai foʻi a outou fanau* i se taimi o i luma e faapea, ‘Aiseā ua outou tuu ai i inei nei maa?’+ 7 Ia outou faapea atu iā i latou, ‘Auā na lē toe tafe le vaitafe o Ioritana i luma o le atolaau+ o le feagaiga a Ieova. Ina ua sopoʻia atu e le atolaau le vaitafe o Ioritana, ona lē toe tafe ai lea o le vai, ma e fai pea nei maa ma faamanatuga i le fanauga a Isaraelu i taimi uma.’”+

8 Ua faapea foʻi ona faia e le fanauga a Isaraelu e pei ona poloaʻi atu ai Iosua. Na latou ave maa e 12 mai i le ogatotonu o le vaitafe o Ioritana, e pei ona fetalai mai ai Ieova iā Iosua, e tusa ma le aofaʻi o ituaiga o le fanauga a Isaraelu. Na latou ave foʻi na maa ma tuu i le mea na latou api ai.

9 Na ati foʻi e Iosua maa e 12 i le ogatotonu o le vaitafe o Ioritana, i le mea na tutū ai ositaulaga na aveina le atolaau o le feagaiga,+ ma o loo iai pea i inā e oo mai i aso nei.

10 Na tutū foʻi i le ogatotonu o le vaitafe o Ioritana ositaulaga na aveina le Atolaau, seʻia oo ina māeʻa mea uma na fetalai mai ai Ieova iā Iosua e taʻu atu i le nuu, e tusa ma mea uma na poloaʻi atu ai Mose iā Iosua. A o le taimi lea, ua ō atu faavave le nuu ma latou sopoʻia atu. 11 Ina ua uma ona sopoʻia e le nuu atoa le vaitafe, ona sopo‘ia atu lea e ositaulaga ma le Atolaau a Ieova le vaitafe a o vāai mai i ai le nuu.+ 12 Na sopo atu foʻi le fanauga a Reupena, o le fanauga a Kato, ma le ʻafa o le ituaiga o Manase e pei o se ʻautau,+ e muamua atu i le fanauga a Isaraelu, e pei ona taʻu atu e Mose iā i latou.+ 13 E tusa ma le 40,000 tagata faaauupegaina mo le taua na sopo atu i luma o Ieova e agaʻi i fanua laugatasi o le toafa o Ieriko.

14 O le aso lava lea na faamamaluina ai e Ieova Iosua i luma o Isaraelu uma,+ ma latou matuā faaaloalo* ai iā Iosua i aso uma o lona ola, e pei lava ona latou matuā faaaloalo iā Mose.+

15 Ona fetalai mai lea o Ieova iā Iosua: 16 “Ia e fai atu i ositaulaga o ē o loo aveina le atolaau+ o le feagaiga,* ina ia latou ō aʻe mai i le vaitafe o Ioritana.” 17 Ona poloaʻi atu lea o Iosua i ositaulaga: “Inā ō aʻe ia mai i le vaitafe o Ioritana.” 18 Ina ua ō aʻe ositaulaga na aveina le atolaau+ o le feagaiga a Ieova mai i le ogatotonu o le vaitafe o Ioritana, ma ua papa‘i o latou alofivae i le eleele mātūtū, ona toe tafe mai lea o le vai o Ioritana ma ua lofia ai ona auvai+ e pei ona iai muamua.

19 Na ō aʻe tagata mai i le vaitafe o Ioritana i le aso sefulu o le masina muamua, ma tolauapi i Kilikala+ i le itu i sasaʻe o le tuaoi o Ieriko.

20 Na faatūina foʻi e Iosua i Kilikala o maa e 12 na latou ave aʻe mai i le vaitafe o Ioritana.+ 21 Ua ia faapea atu foʻi i le fanauga a Isaraelu: “Pe a fesili atu a outou fanau i o latou tamā i se aso o i luma, ‘O le ā le uiga o nei maa?’+ 22 ia outou faailoa atu i a outou fanau e faapea: ‘Na sopoʻia e Isaraelu le ilitivai mātūtū o le vaitafe o Ioritana,+ 23 ina ua faapaʻumātūina e Ieova lo outou Atua vai o Ioritana i o latou luma seʻia o latou sopoʻia atu, e pei ona faia e Ieova lo outou Atua i le Sami Ulaula, ina ua ia faapaʻumātūina i o tatou luma seʻia oo ina tatou sopo‘ia atu.+ 24 Na ia faia faapea ina ia iloa ai e nuu uma o le lalolagi e malosi le aao o Ieova;+ ma ia outou matataʻu ai pea iā Ieova lo outou Atua.’”

5 Ua faalogo tupu uma o tagata Amorī+ o ē na i le itu i sisifo* o le vaitafe o Ioritana, ma tupu uma o Kanana+ o ē o loo i tafatafa o le sami e faapea, na faapa‘umātūina e Ieova vai o Ioritana i luma o le fanauga a Isaraelu seʻia o latou sopoʻia atu. Ona vaivai ai lea o o latou loto,+ ma ua lē toe iai se malosi iā i latou ona o le fanauga a Isaraelu.+

2 O le taimi lea na fetalai mai ai Ieova iā Iosua e faapea: “Ia e faia mo oe ni naifi* ma toe peritomeina+ tane o Isaraelu, o le faalua ai lea.” 3 Ona faia lea e Iosua o naifi ma peritome ai tane o Isaraelu i Kipea-aralota.*+ 4 O le māfuaaga lenei na faia ai e Iosua le peritomega: auā o tane uma na tuua Aikupito, o tamāloloa uma o le taua,* na feoti i le toafa a o latou iai i le ala ina ua tuua Aikupito.+ 5 O tagata uma na ō ese mai i Aikupito na peritomeina i latou, a o tagata uma na fananau i le ala i le toafa, e leʻi peritomeina. 6 Auā na feoaʻi le fanauga a Isaraelu i le toafa i tausaga e 40,+ seʻia oo ina feoti tane uma o le taua na tuua Aikupito, o ē e leʻi usitaʻi i le siʻufofoga o Ieova,+ o ē na tautō i ai Ieova o le a lē vāai i le nuu+ na tautō ai Ieova i o latou augātamā e foaʻiina mai i ona tagata,*+ o le laueleele o loo tafe ai le suāsusu ma le meli.+ 7 O lea na ia aumaia ai o latou atalii i le nuu e sui ai i latou.+ Na peritomeina e Iosua o latou atalii, auā e leʻi peritomeina i latou i le ala.

8 Ina ua uma ona peritomeina o le nuu uma, ona latou nonofo ai lea i le togālauapi seʻia toe malolosi.

9 Ona fetalai mai lea o Ieova iā Iosua: “O le asō ua ou aveesea ai le faalumaina o outou e Aikupito.” O le mea lea na faaigoa ai lenei nofoaga o Kilikala,*+ e oo mai i aso nei.

10 Ua tolauapi pea le fanauga a Isaraelu i Kilikala, ma ua latou faia foʻi le Paseka i le afiafipō o le aso lona 14 o le masina,+ i fanua laugatasi o le toafa o Ieriko. 11 I le aso ina ua mavae le Paseka, na amata ai ona latou aai i fua o le laueleele, o le aso lava lea na aai ai i falaoa e lē faafefeteina+ ma saito* tunu. 12 Na lē toe iai le manai i le aso na latou aai ai mai i fua o le laueleele, e leʻi toe maua foʻi le manai mo le fanauga a Isaraelu,+ ae ua latou aai i fua o le laueleele o le nuu o Kanana i lenā tausaga.+

13 Ina ua latalata atu Iosua i Ieriko, ona ia tepa aʻe lea ma iloa atu, o loo tū mai se tagata+ i ona luma o loo uu lana pelu i lona lima.+ Ua savali atu Iosua iā te ia ma faapea atu: “Pe e te ʻau ma i matou po o matou fili?” 14 Ona tali mai lea o ia: “E leai, ae ua ou sau, o aʻu o le ta‘ita‘i* o le ʻautau a Ieova.”+ Ona faapaʻū faō lea o Iosua i le eleele, ua ifo ma faapea atu iā te ia: “O le ā le fetalaiga a loʻu alii i lana auauna?” 15 Ona tali mai lea o le ta‘ita‘i o le ʻautau a Ieova iā Iosua: “Ia aveese ou seevae mai i ou vae, auā e paia le mea o loo e tū ai.” Ona faia loa lea faapea e Iosua.+

6 Ua matuā puipuia le aai o Ieriko ina neʻi sao atu ai le fanauga a Isaraelu, e leai foʻi se tasi na toe alu i totonu po o se tasi na sau i fafo.+

2 Ona fetalai mai lea o Ieova iā Iosua: “Faauta, ua ou tuuina atu i lou lima Ieriko ma lona tupu, atoa ma tagata totoa malolosi.+ 3 A o outou tane totoa uma, e tatau ona outou savavali faataamilo i le aai, e faatasi ona faataamilo i le aai. Ia outou faia faapena mo aso e ono. 4 Ia ave foʻi e ositaulaga e toʻafitu o pū* e fitu i luma o le Atolaau. Ae ia outou savavali faataamilo faafitu i le aai i le aso lona fitu, ma ia ili pū+ e ositaulaga. 5 Pe a latou ilia le pū, ma outou faalogo i le leo o le pū, ona alalaga lea o tagata totoa uma i le alaga tele o le taua; ona soloia uma ai lea i lalo o pā o le aai,+ ona ō aʻe ai lea o tagata totoa, ma taʻitasi ma ō atu i luma.”

6 Ona valaau atu lea o Iosua le atalii o Nuno i ositaulaga, ma faapea atu iā i latou: “Inā ave ia le atolaau o le feagaiga, ma ia ave foʻi e ositaulaga e toʻafitu o pū e fitu i luma o le Atolaau a Ieova.”+ 7 Ua ia fai atu foʻi i tagata totoa: “Ia outou ō atu ma savavali faataamilo i le aai, ia muamua atu i luma o le Atolaau a Ieova tagata totoa* ua faaauupegaina.”+ 8 E pei lava ona fai atu Iosua i tagata, ua ō atu ositaulaga e toʻafitu o loo aveina pū e fitu ma ili i luma o Ieova, ua mulimuli atu foʻi ositaulaga o loo aveina le atolaau o le feagaiga a Ieova iā i latou. 9 Ua muamua atu tagata totoa* ua faaauupegaina i luma o ositaulaga o loo ilia pū, ae mulimuli atu isi tagata totoa* i ē o loo aveina le Atolaau, a o ilia pea pū.

10 Ua poloaʻi atu Iosua i tagata totoa: “Aua neʻi outou alalaga pe faalogoina o outou leo, ma ia aua foʻi neʻi fai atu e se isi se upu seʻia oo i le aso ou te fai atu ai iā te outou, ‘Inā alalaga ia!’ Ona outou alalaga ai lea.” 11 Ua ia fai atu ia faatasi ona savavali faataamilo ma le Atolaau a Ieova i le aai, a uma lea, ona latou ō atu lea i le togālauapi ma nonofo ai i le pō.

12 Ona tulaʻi lea o Iosua i le taeaopō, ua ave aʻe foʻi e ositaulaga le Atolaau+ a Ieova. 13 Ua savavali foʻi ositaulaga e toʻafitu o loo aveina pū e fitu i luma o le Atolaau a Ieova a o ilia pea pū, o loo savavali atu i o latou luma tagata totoa* ua faaauupegaina, ae mulimuli atu isi tagata totoa* i le Atolaau a Ieova a o ilia pea pū. 14 E faatasi ona latou savavali faataamilo i le aai i le aso lona lua, ona latou toe foʻi lea i le togālauapi. Na latou faia faapea mo aso e ono.+

15 Ua oo i le aso lona fitu, ua latou alapopō ina ua tafa mai ata o le vaveao, ona latou ō atu lea ma faapea ona savavali faataamilo faafitu i le aai. E na o le aso lava lenā na latou savavali faataamilo faafitu ai i le aai.+ 16 I le taimi lona fitu, na ilia ai e ositaulaga pū, ona faapea atu lea o Iosua i tagata totoa: “Inā alalaga ia;+ auā ua tuuina mai e Ieova le aai iā te outou. 17 E tatau ona faaumatia le aai ma mea uma o iai;+ o na mea uma o Ieova e ana. Tau lava o Raava+ le fafine talitane e tatau ona faaolaina, ma i latou uma o i lona fale, auā na ia faalalafi avefe‘au na tatou aauina atu.+ 18 A o outou, ia outou faamamao ese mai i mea e tatau ona faaumatia,+ ina neʻi outou tuʻinanau ma ave nisi o na mea e tatau ona faaumatia,+ ma faia ai Isaraelu ma mea ua tatau mo le faaumatiaga, ma aumaia ai mala.*+ 19 A o siliva, auro, o mea e faia i le ʻapamemea ma le uʻamea, o mea ia e paia mo Ieova.+ E tatau ona tuuina atu i le mea e teu ai ʻoa a Ieova.”+

20 Ona alalaga lea o tagata totoa ina ua ilia pū.+ Ina ua faalogo tagata totoa i le leo o pū ma ua alalaga foʻi i le alaga tele o le taua, ona soloia uma ai lea i lalo o le pā.+ Ona ō lea o tagata totoa i totonu o le aai, ua taʻitasi foʻi ma ō atu i luma, ma faatoʻilaloina le aai. 21 Ua latou faaumatia mea uma i le aai i le pelu, o tamāloloa ma fafine, o ē iti ma ē matutua, o povi, o mamoe, ma asini.+

22 Ua fai atu foʻi Iosua i tamāloloa e toʻalua na ō atu faalilolilo e mata‘i le nuu: “Inā ō atu ia i le fale o le fafine talitane, ma aumai i fafo le fafine ma i latou uma ua faatasi ma ia, e pei lava ona oulua tautō atu ai iā te ia.”+ 23 Ona ō atu lea o tauleleʻa na aauina atu faalilolilo e mata‘i le aai, ua la aumai Raava, o lona tamā, o lona tinā, o ona tuagane, ma i latou uma ua faatasi ma ia; ioe, ua la aumaia ma le saogalemu lona aiga uma,+ ma tuu i latou i tua o le togālauapi o Isaraelu.

24 Ua latou susunu le aai ma mea uma o iai. E na o siliva, auro, o mea e faia i le ʻapamemea ma uʻamea, na latou avatu i le mea e teu ai ʻoa i le fale o Ieova.+ 25 Ae na faasaoina e Iosua le fafine talitane o Raava ma le aiga o lona tamā, ma i latou uma ua faatasi ma ia;+ ma o loo nofo o ia i Isaraelu e oo mai i aso nei,+ auā na ia faalalafi avefe‘au na aauina atu faalilolilo e Iosua e mataʻi le aai o Ieriko.+

26 I lenā taimi, ua faia ai e Iosua se tautoga* e faapea: “E malaia i luma o Ieova le tagata e na te toe fausia lenei aai o Ieriko. E oti lana ulumatua pe a ia toe faia le faavae, ma e oti foʻi lana uii pe a ia toe faatutūina ona faitotoʻa.”+

27 Sa faatasi pea Ieova ma Iosua,+ ma ua taʻutaʻua o ia i le lalolagi uma.+

7 Ae ua lē faamaoni le fanauga a Isaraelu e tusa ai ma mea e tatau ona faaumatia, ina ua ave e Akana+ le atalii o Karame, o le atalii lea o Sapati, o le atalii o Sera, o le ituaiga o Iuta, nisi o mea na tatau ona faaumatia.+ O le mea lea na matuā toʻasā ai Ieova i le fanauga a Isaraelu.+

2 Ona aauina atu lea e Iosua o ni tamāloloa mai i Ieriko e ō i Ai,+ lea e lata ane i Petavene i le itu i sasaʻe o Peteli,+ ma faapea atu: “Inā ō atu faalilolilo ia e mataʻi le nuu.” Ona ō faalilolilo ai lea o tamāloloa e mataʻi le nuu o Ai. 3 Ina ua latou toe foʻi mai iā Iosua, na latou faapea mai: “E lē manaʻomia ona ō aʻe uma le ‘autau. Ia ō aʻe tau o se 2,000 pe 3,000 tagata e faatoʻilaloina Ai. Aua le faatigāina fua le ‘autau i le ō atu uma i inā, auā e to‘aitiiti tagata o le nuu.”

4 Ona ō atu ai lea i inā o le ‘autau e pe tusa ma le toʻa 3,000, ae ua latou sosola ese mai i luma o tagata o Ai.+ 5 Ona fasiotia lea e tagata o Ai o le toʻa 36 o i latou, ma tuliloa iā i latou e amata mai i le faitotoʻa o le aai e faaifo atu i Separema,* ma faaauau pea ona fasia i latou i le ala. Ona vaivai ai lea o loto o le fanauga a Isaraelu e pei ua liusuāvai.

6 Ona saeia lea e Iosua o lona ofu, ma faapaʻū faō i le eleele i luma o le Atolaau a Ieova seʻia oo i le afiafipō, o ia ma toeaina o Isaraelu, ma ua latou asu aʻe pea efuefu i luga o o latou ulu. 7 Ona faapea atu lea o Iosua: “Auē, le Alii Pule Silisili Ese Ieova e, aiseā na e aumaia mamao ai lenei nuu e sopoʻia mai le vaitafe o Ioritana, ina ia tuuina atu i matou i lima o tagata Amorī e faaumatia ai? Ma‘imau pe ana matou nonofo pea i le isi itu* o Ioritana! 8 Ieova e, faamolemole, o le ā laʻu tala o le a fai atu ina ua liliu ma sosola ese Isaraelu mai i luma o ona fili? 9 Pe a faalogo tagata Kanana ma ē uma o loo nonofo i le nuu i lenei mea, ona latou siʻomia lea o i matou ma soloia lo matou igoa mai i le lalolagi; ae o le a faapefea lou suafa silisili?”+

10 Ona fetalai mai lea o Ieova iā Iosua: “Inā e tulaʻi ia! Aiseā ua e faō ai faapena? 11 Ua agasala Isaraelu ma ua latou solia foʻi laʻu feagaiga+ na ou poloaʻi atu ai iā i latou ina ia tausia; ua latou ave nisi o mea e tatau ona faaumatia,+ ua latou gaoia+ ma ua nanā foʻi ma tuufaatasi ma a latou oloa.+ 12 O lea, o le a lē mafai ona tutū atu le fanauga a Isaraelu i o latou fili. O le a latou liliu ma sosola ese mai i luma o o latou fili, auā ua tatau ona faaumatia i latou. Ou te lē toe faatasi atu iā te outou, seʻi vaganā ua faaumatia lē e tatau ona faaumatia o loo iā te outou.+ 13 Inā tulaʻi ia! Ia saunia* le nuu+ ma ia e faapea atu, ‘Inā sauni* ia outou mo taeao, auā o le mea lea ua fetalai mai ai Ieova le Atua o Isaraelu: “Isaraelu e, o loo iā te outou lē e tatau ona faaumatia. E lē mafai lava ona outou tutū atu i o outou fili, seʻia outou aveesea lē e tatau ona faaumatia o loo iā te outou. 14 Ia outou faapotopoto mai i le taeao e tusa ai ma ituaiga, ma o le ituaiga e filifilia e Ieova,+ ia faalatalata mai, o le puiaiga e filifilia e Ieova, ia faalatalata mai, ma o le aiga e filifilia e Ieova, ia faalatalata mai ona tagata taʻitoʻatasi. 15 O lē e maua o iai le mea e tatau ona faaumatia, e susunu i le afi+ o ia ma tagata uma o loo faatasi ma ia, auā ua ia solia le feagaiga+ a Ieova ma ua ia faia le mea e matuā leaga i Isaraelu.”’”

16 Ona tulaʻi lea o Iosua i le taeaopō ma faapotopoto ane Isaraelu i ituaiga, ma ua filifilia ai le ituaiga o Iuta. 17 Ona ia faalatalata mai lea o puiaiga o Iuta ma filifilia ai le puiaiga o Sera,+ ona faalatalata mai foʻi lea o le puiaiga o Sera, o tagata taʻitasi, ma filifilia ai le tagata o Sapati. 18 Mulimuli ane, ona faalatalata mai lea o le aiga o Sapati, o tagata taʻitasi, ma na filifilia ai Akana le atalii o Karame, o le atalii o Sapati, o le atalii ia o Sera, o le ituaiga o Iuta.+ 19 Ona fai atu lea o Iosua iā Akana: “Loʻu atalii e, seʻi e faamamaluina Ieova le Atua o Isaraelu ma taʻutino atu iā te ia. Ta‘u mai iā te aʻu faamolemole le mea na e faia. Aua neʻi e natia lea mea mai iā te aʻu.”

20 Ona tali mai lea o Akana iā Iosua: “E moni ua ou agasala iā Ieova le Atua o Isaraelu, ma o le mea lenei na ou faia. 21 Ina ua ou vaaia i le vete* se ofu matagofie taugatā mai i Senara,+ ma tupe siliva e 200 sekeli,* ma le auro e 50 sekeli lona mamafa, ona ou manaʻo lea i ai ma ou aveina; o loo natia i le eleele i totonu o loʻu faleʻie, o loo pito i lalo le tupe.”

22 Ona aauina atu lea e Iosua o ni avefeʻau, ua latou taufetuli atu foʻi i le faleʻie, ma o loo natia ai i lona faleʻie le ofu faatasi ma tupe o loo pito i lalo. 23 Ona latou aumaia lea o na mea ma avatu iā Iosua ma le fanauga uma a Isaraelu, ona latou tuu atu lea o na mea i luma o Ieova. 24 Ona ave lea e Iosua ma le fanauga uma a Isaraelu o Akana+ le atalii o Sera, o tupe siliva, o le ofu taugatā, o le auro,+ o ona atalii, o ona afafine, o lana povi poʻa, o lana asini, o lana lafu, o lona faleʻie, ma mea uma ua iā te ia, ua latou aumaia uma i le vanu* o Akori.+ 25 Ona fai atu lea o Iosua: “Aiseā ua e aumaia ai mala* iā i matou?+ O le aso nei e faaoo atu ai e Ieova mala iā te oe.” Ona fetogi ai lea e Isaraelu uma o ia i maa,+ ma latou susunu iā te i latou i le afi.+ O lea, na latou fetogia ai i latou i maa. 26 Ua latou faaputu foʻi i luga o ia se faaputuga maa telē, o loo iai pea e oo mai i aso nei. Ona liliuese ai lea o le toʻasā tele o Ieova.+ O le mea lenā ua faaigoa ai lea nofoaga o le vanu o Akori,* e oo mai i aso nei.

8 Ona fetalai mai lea o Ieova iā Iosua: “Aua e te fefe pe e te mataʻu.+ Ia e ave tagata totoa uma, ma ō aʻe i Ai. Vaai foʻi, ua ou tuuina atu i ou lima le tupu o Ai, o ona tagata, o lona aai, ma lona laueleele.+ 2 Ia e faia iā Ai ma lona tupu e pei ona e faia foʻi iā Ieriko ma lona tupu.+ Ia ave foʻi ma outou le vete ma lafumanu. Ia ave foʻi sa outou ʻautau e faalalafi i tua o le aai.”

3 Ona tulaʻi lea o Iosua ma tagata totoa uma ma ō aʻe i Ai, ma ua filifilia e Iosua tagata totoa malolosi e toʻa 30,000 ma aauina atu i latou i le pō. 4 Ua ia poloaʻi atu foʻi iā i latou: “Ia outou lalafi i tua o le aai. Aua neʻi ō ese mamao atu mai i le aai, ma ia outou nofosauni uma. 5 A o aʻu, ma tagata uma o faatasi ma aʻu, matou te faalatalata atu i le aai. Pe a latou ō mai e osofa‘i i matou e pei o le taimi muamua,+ ona matou sosola lea mai i o latou luma. 6 Pe a latou mulimuli mai iā i matou, ona matou tataʻi ese lea o i latou mai i le aai, auā o le a latou faapea ifo, ‘Ua latou sosola mai i o tatou luma e pei o le taimi muamua.’+ Ona matou sosola ai lea mai iā i latou. 7 A o outou, tou te ō ese mai i le mea na outou lalafi ai ma ō atu e faoa le aai; e tuuina mai lava e Ieova lo outou Atua le aai i o outou lima. 8 Pe a outou faoa le aai, ona outou susunuina loa lea i le afi.+ Ia outou faia e tusa ma le afioga a Ieova. Faauta, ua ou poloaʻi atu ai iā te outou.”

9 Ona aauina atu lea o i latou e Iosua ma agaʻi atu i le nofoaga e lalafi ai, ma nonofo ai i le vā o Peteli ma Ai i le itu i sisifo o Ai, ae ua nofo pea Iosua i lenā pō faatasi ma isi tagata totoa.

10 Ona tulaʻi lea o Iosua i le taeaopō ma faamaopoopo tagata totoa ma latou ō aʻe, o ia ma toeaina o Isaraelu e ō agaʻi i Ai. 11 O tagata totoa uma+ o ē o loo faatasi ma ia, ua latou ō aʻe ma faalatalata atu i luma o le aai, ma tolauapi ai i le itu i mātū o Ai, e na o le vanu e vā ai i latou ma Ai. 12 I le taimi lea, ua uma ona ia aauina atu ni tamāloloa pe tusa ma le toʻa 5,000 ma faalalafi+ i le vā o Peteli+ ma Ai, i le itu i sisifo o Ai. 13 Ona tuu lea o tagata o le vaega autū o le ʻautau i le itu i mātū o le aai,+ a o le isi vaega uma i le itu i sisifo o le aai.+ Ona alu lea o Iosua i le ogatotonu o le vanu* i lenā pō.

14 Ina ua iloa e le tupu o Ai, ona tulaʻi faavave lea o ia ma tamāloloa o le aai i le taeaopō ma ō atu e faafetaiaʻi iā Isaraelu i le taua, i se nofoaga e iloa atu ai le fanua laugatasi o le toafa. Ae ua ia lē iloa le ʻautau na lalafi i tua o le aai e tau faasaga iā te ia. 15 Ina ua osofa‘i atu tamāloloa o Ai, ona sosola ai lea o Iosua ma Isaraelu uma e agaʻi i le toafa.+ 16 Ona faatonuina lea o tagata uma o loo i le aai e tuliloa iā te i latou; ua latou tuliloa iā Iosua ma ō ese atu ai mai i le aai. 17 E leai ma se tane na totoe i Ai ma Peteli, ae na ō atu uma e tuliloa iā Isaraelu, ma ua tuua ai le aai e aunoa ma se puipuiga.

18 Ona fetalai mai lea o Ieova iā Iosua: “Inā faaloaloa atu ia le tao o loo i lou lima agaʻi i Ai,+ auā ou te tuuina atu i lou lima le aai.”+ Ona faaloaloa lea e Iosua o le tao sa i lona lima i le aai. 19 O le taimi lava na faaloaloa atu ai lona lima, ona feosofi vave mai ai lea o ʻautau mai i mea na lalafi ai, ma taufetuli atu loa ua latou ulu atu ma faoa le aai. Ua faanatinati ona latou susunuina le aai.+

20 Ina ua tetepa i tua tagata o Ai, ona latou iloa atu lea ua alu aʻe i le lagi le asu o le aai, ma ua leai foʻi so latou malosi e toe sosola ai i se isi ala. Ona toe liliu mai lea o tagata na sosola i le toafa, i ē o loo tuliloaina atu i latou. 21 Ua iloa atu e Iosua ma Isaraelu uma ua faoa le aai e ʻautau na lalafi, ma ua alu aʻe lona asu, ona latou toe liliu mai lea ma osofa‘ia tane o Ai. 22 Ua ō mai foʻi i latou na faoa le aai e faafetaiaʻi tane o Ai, ina ia latou iai i le vā o Isaraelu, o isi i lenei itu ma isi i lenā itu, ma latou fasiotia i latou seʻia oo ina lē toe iai se tasi na sao mai, po o sē na sola ese.+ 23 Ae ua latou pu‘eolaina le tupu o Ai+ ma aumai iā Iosua.

24 Ina ua uma ona fasiotia e Isaraelu o tagata uma o Ai i le toafa na latou tuliloaina ai le ‘autau a Isaraelu, ma ua fasiotia i latou uma i le pelu, ona toe foʻi lea o Isaraelu i Ai ma fasia i le pelu. 25 O i latou uma na fasiotia i lenā aso e toʻa 12,000, o tamāloloa ma fafine, o tagata uma o Ai. 26 E leʻi tuua lava i lalo e Iosua lona lima na faaloaloa ai le tao,+ seʻia oo ina faaumatia uma i latou na nonofo i Ai.+ 27 E na o lafumanu ma le vete o lenā aai na ave e Isaraelu mo i latou, e tusa ai ma le poloaʻiga a Ieova iā Iosua.+

28 Ona susunuina lea e Iosua o Ai ma ua avea o se faaputuga o maa,+ e oo mai lava i aso nei. 29 Na ia faatautau foʻi le tupu o Ai i le laau seʻia oo i le afiafi; ae ina ua lata ina goto le lā, ona poloaʻi atu lea o Iosua e ave ifo lona tino oti mai i le laau.+ Ona latou lafoina lea i le faitotoʻa e ulu atu ai i le aai, ma tuu ai se faaputuga maa i ona luga, lea o loo iai e oo mai i aso nei.

30 Ona fausia lea e Iosua o se fata faitaulaga iā Ieova le Atua o Isaraelu, i le mauga o Evalu,+ 31 e pei ona poloaʻi mai ai le auauna a Ieova o Mose i tagata Isaraelu. E pei fo‘i ona tusia i le tusi o le Tulafono+ a Mose: “O se fata faitaulaga o maa atoatoa e le‘i tipiina i se meafaigaluega u‘amea.”+ Na latou ofoina atu ai foʻi taulaga mū iā Ieova ma taulaga faifaatasi.+

32 Ona ia tusia lea i luga o maa o se kopi o le Tulafono,+ lea na tusia e Mose i luma o tagata Isaraelu.+ 33 Ua tutū foʻi Isaraelu uma, o toeaina, o alii, ma o latou faamasino i itu e lua o le Atolaau i luma o ositaulaga sa Levī, o ē o loo aveina le atolaau o le feagaiga a Ieova. Na iai fo‘i tagata ese, atoa ai ma tagatānuu.+ O le isi ʻafa o i latou i luma o le mauga o Keresema, ma le isi ʻafa i luma o le mauga o Evalu+ (e pei ona poloaʻi mai ai le auauna a Ieova o Mose),+ ina ia faamanuiaina ai tagata o Isaraelu. 34 Ona ia faitau leotele lea o upu uma o le Tulafono,+ o le manuia+ ma le malaia,+ e tusa ai ma mea uma o loo tusia i le tusi o le Tulafono. 35 E leai se upu o upu uma na poloaʻi mai ai Mose, e leʻi faitauina leotele atu e Iosua i luma o le faapotopotoga uma o Isaraelu,+ o fafine, o fanau iti, ma tagata ese+ na iai* faatasi ma i latou.+

9 Ina ua faalogo tupu uma sa i le itu i sisifo o Ioritana+ i lenei mea, o ē sa i vaega maugā, i Sefila,* i le talafatai atoa o le Sami Tele,*+ faapea ma ē sa feagai ma Lepanona, o tagata Hetī, o tagata Amorī, o tagata Kanana, o tagata Perisē, o tagata Hivī, ma tagata Iepusē,+ 2 ona latou ʻau faatasi ai lea e siitaua atu iā Iosua ma Isaraelu.+

3 Ua faalogo foʻi tagata o Kipeona+ i le mea na faia e Iosua iā Ieriko+ ma Ai.+ 4 Ona latou gaoioi lea ma le faautauta, ua ave a latou meaʻai i taga tuai ua masaesae ma tuu i luga o a latou asini, faapea ma fagupa‘u uaina ua pāpā na latou fonoina, 5 ma ua see i seevae masaesae ua fonofono, ma oofu i ofu tuai; o falaoa uma foʻi mo a latou meaʻai, ua magumagu ma ua nuti. 6 Ona latou ō atu lea iā Iosua i le togālauapi i Kilikala,+ ma faapea atu iā te ia ma tamāloloa o Isaraelu: “Ua matou ō mai i se nuu mamao lava. O lea, ia outou osia se feagaiga ma i matou.” 7 Ae ua fai mai tamāloloa o Isaraelu i tagata Hivī:*+ “Atonu e tou te nonofo latalata mai lava iā i matou. E faapefea la ona matou osia se feagaiga ma outou?”+ 8 Ona latou tali atu lea iā Iosua: “O matou o au auauna.”*

Ona fai mai lea o Iosua iā i latou: “O ai ea outou, ma o fea foʻi tou te ō mai ai?” 9 Ona latou faapea atu lea iā Iosua: “E mamao lava le nuu+ e ō mai ai au auauna ona o le suafa o Ieova lou Atua, auā ua matou faalogo i lona taʻutaʻua ma mea uma na ia faia i Aikupito,+ 10 ma mea uma na ia faia i tupu e toʻalua o tagata Amorī o ē sa i le isi itu* o Ioritana, o Sekono+ le tupu o Hesepona, ma Oko+ le tupu o Vasana, o lē sa i Aserota. 11 O le mea lenei ua fai mai ai o matou toeaina, ma tagata uma o lo matou nuu iā i matou, ‘Ia outou ave ni meaʻai mo le malaga ma ō atu e faafeiloa‘i i latou, ma ia outou fai atu iā i latou: “Ia fai i matou ma a outou auauna.+ O lea, ia outou osia se feagaiga ma i matou.”’+ 12 O a matou falaoa nei, sa vevela ina ua matou tuua o matou fale i le aso na matou ō mai ai iā te outou, ae vaai! ua magumagu ma ua nuti.+ 13 O fagupa‘u uaina foʻi nei na matou faatutumuina a o fou, ae vaai! ua pāpā,+ ua masaesae foʻi o matou ofu ma seevae ona o le mamao o le mea matou te ō mai ai.”

14 Ona iloilo lea e tamāloloa Isaraelu nisi o a latou meaʻai, ae e latou te leʻi fesili atu iā Ieova.+ 15 Na faia e Iosua se leleiga ma i latou,+ ma osia se feagaiga ina ia lē fasiotia i latou, ona tautō ai lea o taʻitaʻi o le faapotopotoga iā i latou.+

16 Ae ina ua mavae aso e tolu talu ona osia le feagaiga ma i latou, ona faalogo ai lea o tagata Isaraelu e latou te nonofo latalata ane. 17 Ona ō atu ai lea o tagata Isaraelu i o latou aai i le aso lona tolu, o o latou aai o Kipeona,+ o Kafira, o Perota, ma Kiriata-iarima.+ 18 E leʻi fasiotia foʻi i latou e tagata Isaraelu, auā na tautō taʻitaʻi o le faapotopotoga iā i latou i le suafa o Ieova+ le Atua o Isaraelu. Ona muimui ai lea o le faapotopotoga i taʻitaʻi. 19 Ona fai atu lea o taʻitaʻi uma i le faapotopotoga: “Talu ai na matou tautō atu iā i latou i le suafa o Ieova le Atua o Isaraelu, o le mea lea e lē mafai ai ona tatou fasia i latou. 20 O le mea lenei o le a tatou faia: O le a tatou lē fasiotia i latou, ina neʻi oo mai iā i tatou le toʻasā ona o le tautoga na tatou tautō ai iā i latou.”+ 21 Ona fai atu lea o taʻitaʻi: “Ia ola pea i latou, ae ia avea ma ē e fai fafie ma asu vai mo le faapotopotoga uma.” O le mea lea na folafola atu e taʻitaʻi iā i latou.

22 Ona valaau atu lea o Iosua iā i latou ma faapea atu: “Aiseā ua outou ʻolegia ai i matou i le faapea mai, ‘E mamao lava le mea e matou te ō mai ai,’ ae o loo outou nonofo latalata mai lava?+ 23 O lenei, o outou o tagata ua faamalaiaina,+ o le a avea pea outou ma pologa, ma ē e fai fafie ma asu vai mo le fale o loʻu Atua.” 24 Ona latou tali mai lea iā Iosua: “Auā na faailoa manino mai i au auauna, na poloaʻi Ieova lo outou Atua i lana auauna o Mose e avatu iā te outou le nuu uma, ma ia tafiesea ē uma o loo i le nuu mai i o outou luma.+ O le mea lea ua matou matuā fefefe ai ona o outou ina neʻi o matou oti,+ ma matou faia ai loa lenei mea.+ 25 O i matou nei ua i ou lima, o le mea e lelei ma tonu iā te oe e faia iā i matou, ia faia faapea.” 26 Ona ia faia lea faapea iā i latou, ma laveaʻi i latou mai i lima o tagata Isaraelu, e leʻi fasiotia foʻi i latou. 27 Ona faia lea e Iosua o i latou i lenā aso ma ē e fai fafie, ma ē e asu vai mo le faapotopotoga+ ma le fata faitaulaga a Ieova, i le nofoaga e filifilia e le Atua.+ Ua latou faia faapea e oo mai i aso nei.+

10 Ina ua faalogo Atoni-sateko le tupu o Ierusalema ua faatoʻilaloina ma faaumatia Ai e Iosua, ma ua ia faia iā Ai ma lona tupu+ e pei ona ia faia iā Ieriko ma lona tupu,+ ma ua faia fo‘i e tagata Kipeona se leleiga ma tagata Isaraelu+ ma ua faatasi pea ma i latou, 2 ona ia matuā fefe ai lea,+ auā o Kipeona o se aai telē, e pei o se aai e pulea e se tupu. E sili atu lona telē i lo o Ai,+ e malolosi uma foʻi ona tagata. 3 Ona auina atu lea e Atoni-sateko le tupu o Ierusalema o le feʻau lenei iā Oama le tupu o Heperona,+ o Pirama le tupu o Iaremuta, o Iafia le tupu o Lakisa, ma Tiperi le tupu o Ekelona,+ e faapea: 4 “Inā ō mai ia ma fesoasoani mai iā te aʻu, seʻi o tatou osofaʻia Kipeona auā ua latou faia se leleiga ma Iosua ma tagata Isaraelu.”+ 5 Ona faapotopoto faatasi ai lea o tupu nei e to‘alima o Amorī:+ o le tupu o Ierusalema, o le tupu o Heperona, o le tupu o Iaremuta, o le tupu o Lakisa, o le tupu o Ekelona, o i latou ma a latou ʻautau uma, ua ō atu ma tolauapi ina ia siitaua atu iā Kipeona.

6 Ona auina atu lea e tagata Kipeona o se feʻau iā Iosua i le togālauapi i Kilikala+ e faapea: “Aua e te tuulafoaʻiina au pologa.+ Inā sau faavave ia e laveaʻi i matou ma fesoasoani mai, auā ua faapotopoto tupu uma o tagata Amorī mai i vaega maugā, ina ia siitaua mai iā i matou.” 7 Ona alu aʻe lea o Iosua mai i Kilikala, o ia ma le ‘autau uma o tagata totoa malolosi.+

8 Ona fetalai mai lea o Ieova iā Iosua: “Aua e te fefe iā i latou,+ auā ua ou tuuina atu i latou i ou lima.+ E leai foʻi se tasi e tū mai e tetee iā te oe.”+ 9 Ona faafuaseʻi lea ona osofa‘ia i latou e Iosua, ina ua mavae le pō atoa o alu aʻe o ia mai i Kilikala. 10 Ua faafenumiaʻi i latou e Ieova i luma o Isaraelu,+ ona matuā fasiotia lea o i latou e Isaraelu i Kipeona, ma tuliloa pea iā i latou i le ala e alu aʻe i Pete-orana, ma fasiotia i latou e oo atu i Aseka ma Maketa. 11 A o sosola i latou i luma o Isaraelu ma ō ifo mai i le ala o Pete-orana, ona faatotō ifo lea e Ieova i o latou luga o uato‘a tetele mai i le lagi e oo atu lava i Aseka, ma ua feoti ai i latou. O le mea moni, e sili atu ona toʻatele tagata na feoti i uatoʻa, nai lo o ē na fasiotia e tagata Isaraelu i le pelu.

12 O le taimi tonu lea, i le aso na faato‘ilaloina ai e Ieova tagata Amorī i luma o tagata Isaraelu, na fai atu ai Iosua iā Ieova i luma o Isaraelu:

13 Ona tumau ai lea o le lā ma le masina seʻia oo ina faatoʻilalo e le nuu ona fili. Pe e lē o tusia ea ia mea i le tusi a Iasera?+ Na tumau le lā i le ogatotonu o le lagi e tusa ma le aso atoa, e leʻi vave goto. 14 E leai se aso na muamua pe na mulimuli na pei o lenā aso, na faafofoga ai Ieova i le leo o se tagata,+ auā na tau Ieova mo Isaraelu.+

15 Ua mavae lea mea, ona toe foʻi lea o Iosua ma Isaraelu uma na faatasi ma ia i le togālauapi i Kilikala.+

16 Ae ua sosola tupu e to‘alima ma lalafi i le ana i Maketa.+ 17 Ona oo mai lea o le tala iā Iosua e faapea: “O loo lalafi tupu e to‘alima i le ana i Maketa.”+ 18 Ona faapea atu lea o Iosua: “Inā fuli atu ia ni maa tetele i le gutu o le ana, ma tofia ni tamāloloa e leoleoina i latou. 19 A o outou, aua tou te nofoa‘i. Ia tuliloa i o outou fili ma ia fasiotia i latou.+ Aua neʻi tuua i latou e ō atu i o latou aai, auā ua tuuina mai i latou e Ieova lo outou Atua i o outou lima.”

20 Ina ua uma ona matuā fasiotia i latou e Iosua ma tagata Isaraelu, seʻia oo ina tafiesea i latou vaganā ai nisi na sao ma sosola ma ulu atu i aai malolosi, 21 ona toe foʻi atu lea o tagata uma ma le saogalemu i le togālauapi iā Iosua i Maketa. E leai se tasi na mafai ona fai atu se upu leaga i tagata Isaraelu. 22 Ona faapea atu lea o Iosua: “Ia outou tatala le gutu o le ana ma aumai i fafo iā te aʻu tupu e to‘alima.” 23 Ona latou aumaia lea iā te ia mai i le ana o nei tupu e to‘alima: o le tupu o Ierusalema, o le tupu o Heperona, o le tupu o Iaremuta, o le tupu o Lakisa, ma le tupu o Ekelona.+ 24 Ina ua latou aumaia i fafo nei tupu iā Iosua, ona valaau lea o Iosua i tamāloloa o Isaraelu ma fai atu i taʻitaʻiʻau o tagata o le taua na ō ma ia: “Inā ō mai ia i luma. Ia tutū o outou vae i tuāua o nei tupu.” Ona latou ō mai ai lea i luma ma tutū o latou vae i tuāua o tupu.+ 25 Ona fai atu lea o Iosua iā i latou: “Aua le fefefe pe matataʻu.+ Ia lototetele ma faamalolosi, auā e faapenei ona faia e Ieova i o outou fili uma, o ē o loo siitaua mai iā te outou.”+

26 Ona fasiotia lea o i latou e Iosua ma faatautau i luga o laau e lima, ma na tautau ai pea i laau seʻia oo i le afiafi. 27 Ina ua goto le lā, ona poloaʻi atu lea o Iosua e ave ifo i latou mai i luga o laau,+ ma lafo i le ana lea na latou lalafi ai. Ona tuu lea o maa tetele i le gutu o le ana, ma o loo iai pea e oo mai i aso nei.

28 Ua faatoʻilaloina e Iosua Maketa+ i lenā lava aso ma fasiotia i le pelu. Ua ia faaumatia lona tupu ma i latou uma na iai, ma e leai se tasi na sao mai ai.+ Na ia faia i le tupu o Maketa,+ e pei lava ona ia faia i le tupu o Ieriko.

29 Ona ō atu lea o Iosua ma Isaraelu uma mai i Maketa i Lipena, ma siitaua atu i Lipena.+ 30 Na tuuina atu foʻi e Ieova le aai ma lona tupu+ i lima o Isaraelu, ma na latou fasiotia i latou uma na iai i le pelu. E leai se tasi na sao mai ai. Na latou faia i lona tupu, e pei lava ona latou faia i le tupu o Ieriko.+

31 Ona ō atu foʻi lea o Iosua ma Isaraelu uma mai i Lipena i Lakisa+ ma tolauapi ai, ma siitaua atu foʻi i ai. 32 Na tuuina atu e Ieova Lakisa i lima o Isaraelu, ona latou faatoʻilalo ai lea o le aai i le aso lona lua, ma fasiotia i latou uma na iai i le pelu,+ e pei lava ona latou faia i Lipena.

33 Ona alu aʻe ai lea o Orama le tupu o Kasera+ e fesoasoani i le aai o Lakisa, ae ua fasiotia ai o ia ma ona tagata e Iosua, seʻia leai se tasi na sao mai ai.

34 Ua ō atu Iosua ma Isaraelu uma mai i Lakisa i Ekelona+ ma tolauapi ai, ma siitaua atu foʻi i ai. 35 Ua latou faatoʻilaloina le aai i lenā aso ma faaumatia ona tagata i le pelu. Na fasiotia i latou uma sa iai i lenā aso, e pei lava ona latou faia i Lakisa.+

36 Ona ō aʻe lea o Iosua ma Isaraelu uma mai i Ekelona i Heperona,+ ma siitaua atu i ai. 37 Ua latou faatoʻilaloina le aai ma fasiotia i le pelu lona tupu, ma i latou uma na iai i ona nuu, e leʻi faasaoina foʻi se tasi, e pei lava ona faia e Iosua i Ekelona.

38 Mulimuli ane, ua ō atu Iosua ma Isaraelu uma i Tiperi,+ ma siitaua atu i ai. 39 Ua ia faatoʻilaloina le aai ma ona nuu uma, ma fasiotia i le pelu lona tupu ma i latou uma sa iai,+ e leʻi faasaoina foʻi se tasi.+ Na ia faia iā Tiperi ma lona tupu, e pei lava ona ia faia i Heperona faapea Lipena ma lona tupu.

40 Ua faato‘ilaloina foʻi e Iosua le laufanua atoa e aofia ai vaega maugā, o Nekepi,* o Sefila,*+ o malifa, ma o latou tupu uma. E na te leʻi faasaoina foʻi se tasi, ae na ia faaumatia mea uma e mānava,+ e pei lava ona poloaʻi mai ai Ieova le Atua o Isaraelu.+ 41 Ua faato‘ilaloina foʻi e Iosua o i latou mai i Katesa-panea+ e oo atu i Kasa,+ ma le laufanua uma o Kosena+ e oo atu i Kipeona.+ 42 Ua pu‘ea foʻi e Iosua o nei tupu uma ma o latou nuu i le taimi e tasi, auā sa tau Ieova le Atua o Isaraelu mo Isaraelu.+ 43 Ona toe foʻi atu lea o Iosua ma Isaraelu uma i le togālauapi i Kilikala.+

11 Ina ua faalogo Iapino le tupu o Hasora i lenei mea, ona auina atu lea o lana feʻau iā Iopapa le tupu o Matona,+ faapea le tupu o Semarona, le tupu o Akasafa,+ 2 o tupu sa i le itu i mātū o vaega maugā, o ē sa i fanua laugatasi* i le itu i saute o Kinereta, o ē sa i Sefila* ma vaega malifa o Toro+ i le itu i sisifo, 3 o tagata Kanana+ i le itu i sasaʻe ma sisifo, o tagata Amorī,+ o tagata Hetī, o tagata Perisē, o tagata Iepusē i vaega maugā, ma tagata Hivī+ i le nuu o Mesepa i le auvae mauga o Heremoni.+ 4 Ona latou ō mai lea ma a latou ʻautau uma, o tagata e matuā toʻatele lava e pei o le oneone o le matafaga, ma solofanua e matuā tele lava ma kariota o le taua. 5 Ona faapotopoto lea o nei tupu uma e pei ona fuafuaina, ua ō mai ma tolauapi faatasi i le vai o Meroma, e siitaua iā Isaraelu.

6 Ona fetalai mai lea o Ieova iā Iosua: “Aua e te fefe ona o i latou,+ auā o taeao i le taimi faapenei, ou te tuu atu ai i latou uma o ni ē ua fasiotia iā Isaraelu. Ia e faapipili vae o a latou solofanua,+ ma e susunu a latou kariota i le afi.” 7 Ona osofaʻia faafuaseʻi lea o i latou e Iosua ma tagata totoa uma i le vai o Meroma. 8 Ua tuuina atu e Ieova i latou i lima o Isaraelu,+ ua latou fasia ma tuliloa iā i latou e oo i le aai tele o Saitonu+ ma Meserefo-maima,+ ma le vanu o Mesepa i le itu i sasaʻe; ua fasiotia i latou seʻia oo ina leai se tasi na totoe.+ 9 Ona faia lea e Iosua iā i latou e pei ona fetalai mai ai Ieova iā te ia: ua ia faapipili vae o a latou solofanua, ma susunu a latou kariota i le afi.+

10 E lē gata i lea, ua toe foʻi Iosua ma faatoʻilaloina Hasora ma fasiotia lona tupu i le pelu,+ auā o Hasora na avea muamua ma faauluuluga o nei malo uma. 11 Ua latou ō atu ma fasiotia tagata uma na iai i le pelu, ua faaumatia i latou+ ma e leai se mea e iai le ola na totoe.+ Ona ia susunuina lea o Hasora i le afi. 12 Ua faatoʻilaloina e Iosua o aai uma o nei tupu ma fasiotia o latou tupu i le pelu.+ Ua ia faaumatia i latou,+ e pei ona poloaʻi mai ai Mose le auauna a Ieova. 13 Peitaʻi, e leʻi susunuina e Isaraelu aai na tutū i luga o mea maupuʻepuʻe; e na o Hasora lava na susunu e Iosua. 14 Ua ave foʻi e tagata Isaraelu mo i latou o le vete uma mai i nei aai ma lafumanu.+ E na o tagata na latou fasiotia i le pelu seʻia tafiesea uma i latou.+ E leai se tasi na latou faatotoeina.+ 15 E pei ona poloaʻi mai o Ieova i lana auauna o Mose, ua faapea fo‘i ona poloaʻi mai ai Mose iā Iosua,+ ma na faia faapea e Iosua. E leai se mea e na te leʻi faia o mea uma na poloaʻi mai ai Ieova iā Mose.+

16 Ua faato‘ilalo e Iosua lenei laueleele uma, o le vaega maugā, o Nekepi,*+ o le laueleele uma o Kosena, o Sefila,+ o Arapa,*+ ma le vaega maugā o Isaraelu ma ona fanua maulalalo, 17 e mai i le mauga o Kalaka e alu aʻe i Seira, ma oo atu i Paala-kato+ i le vanu o Lepanona i le auvae mauga o Heremoni,+ ua ia puʻea o latou tupu uma ma fasiotia i latou. 18 E tele aso na tau ai Iosua ma nei tupu uma. 19 E leai se aai na faia se leleiga ma tagata Isaraelu, e na o tagata Hivī o loo nonofo i Kipeona.+ A o isi aai uma na latou faatoʻilaloina i le taua.+ 20 Auā na tuu e Ieova o latou loto e faamaaa+ e ō mai ai e siitaua iā Isaraelu, ina ia faaumatia ai e ia i latou e aunoa ma le alofagia.+ Na tatau ona tafiesea i latou, e pei ona poloaʻi mai ai Ieova iā Mose.+

21 I lenā taimi, na faaumatia ai e Iosua tagata Anakima+ mai i vaega maugā, mai i Heperona, mai i Tiperi, mai i Anapa, mai i vaega maugā uma o Iuta, ma vaega maugā uma o Isaraelu. Na faaumatia e Iosua i latou ma o latou aai.+ 22 E leai se tagata Anakima na totoe i le laueleele o tagata Isaraelu, ua na o Kasa,+ Kata,+ ma Asetota+ na totoe ai.+ 23 Ua maua e Iosua le laueleele uma e pei lava ona folafola atu e Ieova iā Mose,+ ona avatu ai lea e Iosua iā Isaraelu e fai ma o latou tofi, e tusa ma mea ua tuuina atu iā i latou ina ia vaevaeina i o latou ituaiga.+ Ua lē toe iai foʻi ni taua i le laueleele.+

12 O tupu nei o nuu na faatoʻilaloina e tagata Isaraelu, o ē e ona laueleele na fai mo tagata Isaraelu i le itu i sasa‘e o Ioritana, e mai i le vanu o Arinona*+ e oo atu i le mauga o Heremoni,+ ma Arapa* atoa e agaʻi i le itu i sasa‘e:+ 2 o Sekono+ le tupu o tagata Amorī o lē na nofo i Hesepona, na pule e amata mai i Aroeru+ lea e i auvai o le vanu o Arinona,*+ ma mai i le ogatotonu o le vanu ma le ʻafa o Kiliata, e oo atu i le vanu* o Iapoka, o le tuaoi lea o tagata Amonī. 3 Na pule foʻi o ia i Arapa e oo atu i le vai o Kinereta*+ e agaʻi i le itu i sasaʻe, ma e oo i le sami o Arapa, o le Sami Oona* lea, i le itu i sasaʻe i le ala i Pete-semota, e agaʻi i saute i lalo ifo o malifa o Peseka.+

4 E faapea foʻi laueleele o Oko+ le tupu o Vasana, o se tasi na totoe o tagata Rafaimi,+ o lē na nofo i Aserota ma Eterei, 5 ma o lē na pule i le mauga o Heremoni, i Saleka, ma i Vasana uma,+ e oo atu i le tuaoi o tagata Kasuri ma tagata Maakati,+ ma le ʻafa o Kiliata, e agaʻi i le tuaoi o le laueleele o Sekono le tupu o Hesepona.+

6 Na faatoʻilaloina i la‘ua e Mose le auauna a Ieova ma tagata Isaraelu,+ ma na avatu mulimuli ane e Mose le auauna a Ieova o laʻua laueleele e fai ma tofi o tagata Reupena, ma tagata Kato, ma le ʻafa o le ituaiga o Manase.+

7 O tupu nei o nuu na faatoʻilaloina e Iosua ma tagata Isaraelu, i le itu i sisifo o Ioritana, e amata mai i Paala-kato+ i le vanu o Lepanona+ e oo atu i le mauga o Kalaka,+ ma alu aʻe ai i Seira,+ ia na avatu mulimuli ane e Iosua o latou laueleele i ituaiga o Isaraelu, e fai mo latou tofi e tusa ma le vaevaeina o i latou,+ 8 i le vaega maugā, i Sefila,* i Arapa, i malifa, i le toafa, ma i Nekepi,*+ o laueleele o tagata Hetī, o tagata Amorī,+ o tagata Kanana, o tagata Perisē, o tagata Hivī, ma tagata Iepusē:+

13 Ua toeaina Iosua ma ua afu lona soifua.+ Ona fetalai mai lea o Ieova iā te ia: “Ua e toeaina ma ua tele ou tausaga, ae e matuā telē lava le laueleele o loo totoe e fai mo outou.* 2 O le laueleele lenei o loo totoe:+ o laueleele uma o tagata Filisitia ma tagata Kasuri+ 3 (mai i le maga o le vai o le Naila* lea e i le itu i sasaʻe* o Aikupito e oo atu i le tuaoi o Ekerona i le itu i mātū, lea na manatu muamua i ai o laueleele o tagata Kanana);+ e aofia ai ma laueleele o alii e toʻalima o tagata Filisitia+ nei, o tagata Kasa, o tagata Asetota,+ o tagata Asekelona,+ o tagata Kata,+ ma tagata Ekerona;+ o laueleele o tagata Gavi+ 4 i le itu i saute; o le laueleele uma o Kanana; o Meara le laueleele o tagata Saitonu,+ e oo atu i Afeka, ma agaʻi atu i le tuaoi o tagata Amorī; 5 o le laueleele o tagata Kavali,+ ma Lepanona uma e oo atu i le itu i sasaʻe, e mai i Paala-kato o loo i le auvae o le mauga o Heremoni, e oo atu i Lepo-amato;*+ 6 ou te tuliesea mai i luma o tagata Isaraelu+ i latou uma o loo nonofo i vaega maugā, e amata mai i Lepanona+ e agaʻi atu i Meserefo-maima,+ ma tagata Saitonu uma.+ A o oe, tau lava ina ia e vaevaeina le laueleele iā Isaraelu e fai ma o latou tofi, e pei ona ou poloaʻi atu ai iā te oe.+ 7 O lea, ia e vaevae lenei laueleele e avea ma tofi o ituaiga e iva, ma le ʻafa o le ituaiga o Manase.”+

8 Ae ua maua e le isi ʻafa o le ituaiga o Manase, faapea ituaiga o Reupena ma Kato lo latou tofi, lea na avatu e Mose iā i latou i le itu i sasaʻe o Ioritana, e pei ona avatu e Mose le auauna a Ieova iā i latou:+ 9 e amata mai i Aroeru,+ lea e i auvai o le vanu o Arinona,*+ ma le aai i le ogatotonu o le vanu, ma fanua maualuluga laugatasi uma o Metepa e oo atu i Tipona; 10 o aai uma o Sekono le tupu o tagata Amorī, o lē na pule i Hesepona, e oo atu i le tuaoi o tagata Amonī;+ 11 o Kiliata, ma laueleele o tagata Kasuri ma tagata Maakati,+ ma le mauga atoa o Heremoni, ma Vasana uma+ e oo atu i Saleka;+ 12 o le malo atoa o Oko i Vasana, o lē na pule i Aserota ma Eterei. (O ia o se tasi na totoe o tagata Rafaimi.)+ Na fasia ma tuliesea e Mose i latou uma na nonofo i nei laueleele.+ 13 Ae e leʻi tuliesea+ tagata Kasuri ma tagata Maakati e tagata Isaraelu, auā o loo nonofo pea Kasuri ma Maakati faatasi ma Isaraelu e oo mai i aso nei.

14 Ae e na o le ituaiga o Levi e na te leʻi tuuina atu i ai se tofi.+ O lo latou tofi, o taulaga e fai i le afi iā Ieova le Atua o Isaraelu,+ e pei ona ia folafola mai iā i latou.+

15 Ona tuuina atu lea e Mose o se tofi i le ituaiga o Reupena, e tusa ma o latou aiga, 16 ma o lo latou laueleele e amata mai i Aroeru lea e i le auvai o le vanu o Arinona,* ma le aai o loo i le ogatotonu o le vanu, faapea fanua maualuluga laugatasi uma e lata i Metepa; 17 o Hesepona ma ona aai uma+ o loo i le fanua maualuga laugatasi, o Tipona, o Pamota-paala, o Pete-paalameona,+ 18 o Iaesa,+ o Katemoti,+ o Mefata,+ 19 o Kiriataima, o Sepena,+ o Sareta-saara i le mauga e lata i le vanu,* 20 o Pete-peoro, o malifa o Peseka,+ o Pete-semota,+ 21 o aai uma i le fanua maualuga laugatasi, ma le malo atoa o Sekono le tupu o Amorī, o lē na pule i Hesepona.+ Na fasia o ia e Mose+ faatasi ai ma taʻitaʻi o Mitiana o Evi, o Rekima, o Suro, o Huro, o Repa,+ ma aloalii* o Sekono na nonofo i le laueleele. 22 O Palaamo+ foʻi le atalii o Peoro le faataulāitu,+ na fasiotia faatasi ma tagata na fasiotia e Isaraelu i le pelu. 23 O tuaoi foʻi o le fanauga a Reupena o Ioritana lea; ma o lenei laueleele o le tofi lea o le fanauga a Reupena e tusa ma o latou aiga, faatasi ma aai ma nuu e latou te nonofo ai.

24 Ua foaʻi atu foʻi e Mose se tofi i le ituaiga o Kato, e tusa ma aiga o le fanauga a Kato, 25 ma o lo latou laueleele e aofia ai Iasaru,+ o aai uma o Kiliata, ma le ʻafa o le laueleele o tagata Amonī+ e oo atu i Aroeru, lea e i luma o Rapa;+ 26 ma e amata mai i Hesepona+ e oo atu i Rama-mesepa ma Patanima, e amata mai foʻi i Maanaima+ e agaʻi atu i le tuaoi o Tiperi; 27 o le vanu,* o Pete-arama, o Pete-nimara,+ o Sukota,+ o Sefono, o le isi vaega o le malo o Sekono le tupu o Hesepona,+ ma o Ioritana lo latou tuaoi e amata mai i le itu i saute o le vai o Kinereta,*+ i le itu i sasaʻe o Ioritana. 28 O le tofi lea o le fanauga a Kato e tusa ma o latou aiga, faatasi ma aai ma nuu e latou te nonofo ai.

29 Ua foaʻi atu foʻi e Mose se tofi i le ʻafa o le ituaiga o Manase, o le tofi lea o le ʻafa o le ituaiga o le fanauga a Manase e tusa ma o latou aiga.+ 30 O lo latou laueleele e amata mai i Maanaima+ e oo i Vasana uma, o le malo uma o Oko le tupu o Vasana, ma nuu uma e nonofo i faleʻie o Iairo+ o loo i Vasana, e 60 aai. 31 Ua tuuina atu foʻi le ʻafa o Kiliata, ma Aserota, ma Eterei,+ o aai o le malo o Oko i Vasana, i le fanauga a Makiro+ le atalii o Manase, i le ʻafa o le fanauga a Makiro e tusa ma o latou aiga.

32 O laueleele ia na tuuina atu e Mose e fai ma o latou tofi, i fanua laugatasi o le toafa o Moapi i le isi itu o Ioritana, i le itu i sasaʻe o Ieriko.+

33 Ae e leʻi tuuina atu e Mose se tofi i le ituaiga o Levi.+ O Ieova le Atua o Isaraelu o lo latou tofi lea, e pei lava ona ia folafola mai iā i latou.+

14 O laueleele nei na ave e tagata Isaraelu e fai ma o latou tofi i le nuu o Kanana, ia na avatu e Eleasaro le ositaulaga, o Iosua le atalii o Nuno, ma ulu o aiga o le fanauga a Isaraelu e fai ma o latou tofi.+ 2 Ua maua o latou tofi e ala i le faia o le vili,*+ e pei ona poloaʻi mai ai Ieova e ala iā Mose mo ituaiga e iva, ma le ʻafa o le ituaiga o Manase.+ 3 Na avatu e Mose i le isi itu* o Ioritana+ le tofi o isi ituaiga e lua, ma le isi ʻafa o le ituaiga o Manase; e na te leʻi tuuina atu foʻi se tofi i le fanauga a Levi faatasi ma i latou.+ 4 O le fanauga a Iosefa e lua ona ituaiga,+ o Manase ma Efaraima;+ e leʻi tuuina atu se vaega o le laueleele i le ituaiga o Levi, e na o aai+ e nonofo ai ma fanua mo a latou lafumanu, ma a latou meatotino.+ 5 Ona vaevaeina lea e tagata Isaraelu le laueleele, e pei ona poloaʻi mai ai Ieova iā Mose.

6 Ona ō mai lea o tane o Iuta iā Iosua i Kilikala,+ ma ua faapea mai Kalepo+ le atalii o Iefune le tagata Kinasa iā te ia: “Ua e iloa lelei le fetalaiga a Ieova+ iā Mose le tagata o le Atua moni,+ e faatatau iā te oe ma aʻu i Katesa-panea.+ 7 E 40 oʻu tausaga ina ua auina atu aʻu e Mose le auauna a Ieova mai i Katesa-panea e mataʻi faalilolilo le nuu,+ ma na ou toe foʻi mai ma se tala moni.*+ 8 E ui na faavaivaia e oʻu uso na matou ō faatasi loto o tagata, ae na ou mulimuli ma le lotoatoa iā Ieova loʻu Atua.+ 9 Na tautō Mose i lenā aso e faapea: ‘O le laueleele na soli e ou vae, o le a tumau ona fai ma ou tofi ma lau fanau, auā ua e mulimuli ma le lotoatoa iā Ieova loʻu Atua.’+ 10 A o lenei ua faaolaina mai aʻu+ e Ieova e pei ona ia folafola mai,+ ua 45 nei tausaga talu ona faia e Ieova lenei folafolaga iā Mose a o feoaʻi Isaraelu i le toafa,+ ma o lenei ua 85 oʻu tausaga. 11 O loo tumau pea loʻu malosi e pei lava o le aso na auina atu ai aʻu e Mose. E pei o loʻu malosi i lenā taimi, ua faapea foʻi loʻu malosi i le taimi nei e tau ai, ma faia isi mea. 12 Inā aumai ia iā te aʻu o lenei vaega maugā lea na folafola mai e Ieova i lenā aso. E ui na e faalogo i lenā aso o loo iai tagata Anakima+ i inā i o latou aai tetele e malupuipuia,+ ae e mautinoa e faatasi Ieova ma aʻu,+ ma ou te tuliesea foʻi i latou, e pei ona folafola mai e Ieova.”+

13 Ona faamanuia atu lea o Iosua iā te ia, ma tuuina atu Heperona iā Kalepo le atalii o Iefune e fai ma ona tofi.+ 14 O le mea lenā ua avea ai Heperona ma tofi o Kalepo le atalii o Iefune le tagata Kinasa, e oo mai i aso nei, auā na ia mulimuli ma le lotoatoa iā Ieova le Atua o Isaraelu.+ 15 O le igoa muamua o Heperona o Kiriata-arapa+ (o Arapa o le tagata sili i tagata Anakima). Ua lē toe iai ni taua i le laueleele.+

15 O le laueleele na fai ma tofi*+ o le ituaiga o Iuta e tusa ma o latou aiga, e oo atu i le tuaoi o Etoma,+ o le toafa o Tisina, ma i Nekepi* i le mea e gata mai ai i le itu i saute. 2 O lo latou tuaoi i le itu i saute e amata mai i le mea e gata ai le Sami Oona,*+ e mai i le vaifagaloa o loo faasaga i le itu i saute. 3 E oo atu i le itu i saute i le aʻega o Akarava,+ ona ui atu lea i Tisina ma alu aʻe mai i le itu i saute i Katesa-panea,+ ma ui atu i Esarona e alu aʻe i Atara ma aga‘i atu i Karaka. 4 Ona ui atu lea i Asemoni+ ma alu atu i le ālia* o Aikupito;+ ma e gata mai le tuaoi i le mea o iai le Sami.* O lo latou tuaoi lea i le itu i saute.

5 O le tuaoi i sasaʻe, o le Sami Oona* lea e oo atu i le mea e gata ai le vaitafe o Ioritana, ma o le tuaoi foʻi i le itu i mātū, o le vaifagaloa o le sami i le mea e gata ai le vaitafe o Ioritana.+ 6 E ui atu le tuaoi i Pete-okelu+ ma alu atu i le itu i mātū o Pete-arapa,+ ma ui atu i le maa o Poana+ le atalii o Reupena. 7 E ui atu le tuaoi i Tiperi i le vanu* o Akori+ ma agaʻi i le itu i mātū e faasaga i Kilikala,+ lea e i luma o le aʻega o Atumema, i le itu i saute o le ālia; ma e ui atu foʻi le tuaoi i vai o Ene-semesa,+ ma e gata mai i Ene-rokelu.+ 8 E ui atu le tuaoi i le vanu o Hinoma*+ e oo atu i le malifa o tagata Iepusē+ i le itu i saute, o Ierusalema lea;+ e alu atu foʻi le tuaoi i le tumutumu mauga lea e faasaga i le vanu o Hinoma i le itu i sisifo, i le mea e gata mai ai le vanu* o Rafaimi i le itu i mātū. 9 Ua faailoga le tuaoi mai le tumutumu mauga e oo atu i le vaipuna o Nafatoa,+ e alu atu i aai o le mauga o Eferona; ma ua faailoga le tuaoi i Paalā, o Kiriata-iarima lea.+ 10 Ona faataamilo lea o le tuaoi mai i Paalā i le itu i sisifo e oo atu i le mauga o Seira, ma ui atu i le malifa o le mauga o Iarima i le itu i mātū, o Kasalona lea; ona alu atu lea i Pete-semesa+ ma ui atu i Timenata.+ 11 E alu atu le tuaoi i le malifa o Ekerona+ i le itu i mātū, e faailoga foʻi le tuaoi i Sekerona ma ui atu i le mauga o Paalā e alu atu i Iapenelu; ma e gata mai le tuaoi i le mea o iai le sami.

12 O le tuaoi i le itu i sisifo, o le Sami Tele*+ lea ma lona talafatai. O le tuaoi lea o le fanauga a Iuta i ona itu uma, e tusa ma o latou aiga.

13 Na maua e Kalepo+ le atalii o Iefune se tofi faatasi ma le fanauga a Iuta e tusa ma le faatonuga a Ieova iā Iosua, o le laueleele o Kiriata-arapa (o Arapa, o le tamā o Anaki), o Heperona lea.+ 14 Ona tuliesea lea e Kalepo mai i inā o atalii e toʻatolu o Anaki:+ o Sesai, o Aimano ma Talemai,+ o ē na tupuga mai iā Anaki. 15 Ona alu aʻe lea o ia mai i inā ma faasagatau i ē o loo nonofo i Tiperi.+ (O le igoa muamua o Tiperi o Kiriata-sapera.) 16 Ona faapea atu lea o Kalepo: “O le tagata e na te fasia ma faatoʻilaloina Kiriata-sapera, ou te avatu i ai loʻu afafine o Akesa e fai ma ana avā.” 17 Ona faatoʻilaloina lea o le aai e Otinielu+ le atalii o Kinasa+ le uso o Kalepo. Ona ia avatu lea o Akesa+ lona afafine e fai ma ana avā. 18 A o alu Akesa i le fale, ua ia faatauanau iā Otinielu e talosaga atu mo se fanua mai i lona tamā. Ona oso ese lea o Akesa mai i le asini.* Ua fesili atu Kalepo iā te ia: “O le ā se mea e te manaʻo ai?”+ 19 Ua faapea mai Akesa: “Faamolemole ia tuuina mai iā te aʻu se faamanuiaga, auā ua e tuuina mai iā te aʻu se fasi fanua i le itu i saute,* ia e tuuina mai fo‘i iā te aʻu o Kulo-maima.”* Ona tuuina atu lea e Kalepo iā te ia o Kulo i luga ma Kulo i lalo.

20 O le tofi lea o le ituaiga o Iuta e tusa ma o latou aiga.

21 O aai tupito o le ituaiga o Iuta e agaʻi atu i le itu i saute i le tuaoi o Etoma:+ o Kapeseelu, o Eteru, o Iakuri, 22 o Kina, o Timuna, o Akaka, 23 o Ketesa, o Hasora, o Itanana, 24 o Sifi, o Telema, o Paalota, 25 o Hasora-hatata, o Kiriota-hasaronu, o Hasora lea, 26 o Amama, o Sema, o Molata,+ 27 o Asara-kata, o Asamoni, o Pete-paleta,+ 28 o Asara-suala, o Peresepa,+ o Pisetia, 29 o Paalā, o Iima, o Asema, 30 o Elitolita, o Kiselu, o Horema,+ 31 o Sekeleka,+ o Matamana, o Sanesana, 32 o Lepaota, o Seleima, o Aino, ma Rimoni;+ o aai uma e 29, faatasi ma nuu e latou te nonofo ai.

33 O nuu nei na iai i Sefila:*+ o Esetaola, o Soraa,+ o Asena, 34 o Sanoa, o Ene-kanima, o Tapua, o Enama, 35 o Iaremuta, o Atulame,+ o Suka, o Aseka,+ 36 o Saraima,+ o Atitaima, o Ketere ma Keteretaima;* e 14 aai ma nuu e latou te nonofo ai.

37 O Senana, o Hatisa, o Meketala-kato, 38 o Tileano, o Mesepa, o Iokatielu, 39 o Lakisa,+ o Posekata, o Ekelona, 40 o Kapona, o Lakemase, o Kitelisa, 41 o Kiterota, o Pete-takona, o Naana, ma Maketa;+ e 16 aai ma nuu e latou te nonofo ai.

42 O Lipena,+ o Etelu, o Asana,+ 43 o Iefeta, o Asena, o Nisepa, 44 o Kaila, o Akasepa, ma Maresa; e iva aai ma nuu e latou te nonofo ai.

45 O Ekerona, o ona tamaʻi aai ma nuu e latou te nonofo ai. 46 E mai Ekerona e agaʻi i le itu i sisifo, ma aai uma e latalata i Asetota ma nuu e latou te nonofo ai.

47 O Asetota,+ o ona tamaʻi aai ma nuu e latou te nonofo ai; o Kasa,+ o ona tamaʻi aai ma nuu e latou te nonofo ai, e alu ifo i le ālia o Aikupito, o le Sami Tele* ma lona talafatai.+

48 I vaega maugā: o Samira, o Iatira,+ o Suka, 49 o Tāna, o Kiriata-sena, o Tiperi lea, 50 o Anapa, o Esetamoa,+ o Anina, 51 o Kosena,+ o Horona ma Kilo;+ e 11 aai ma nuu e latou te nonofo ai.

52 O Arapi, o Tuma, o Eseana, 53 o Ianuma, o Pete-tapua, o Afeta, 54 o Umeta, o Kiriata-arapa, o Heperona lea,+ ma Seola; e iva aai ma nuu e latou te nonofo ai.

55 O Meona,+ o Karamelu, o Sifi,+ o Iutaa, 56 o Isereelu, o Iakatoma, o Sanoa, 57 o Kaino, o Kipea, ma Timenata;+ e sefulu aai ma nuu e latou te nonofo ai.

58 O Aliula, o Petesura, o Kitoru, 59 o Mearata, o Pete-anota ma Aletekono; e ono aai ma nuu e latou te nonofo ai.

60 O Kiriata-paala, o Kiriata-iarima lea,+ ma Rapa; e lua aai ma nuu e latou te nonofo ai.

61 O nuu i le toafa: o Pete-arapa,+ o Metina, o Sekaka, 62 o Nivasana, o le Aai o Masima, ma Enokati;+ e ono aai ma nuu e latou te nonofo ai.

63 A o tagata Iepusē+ o ē o nonofo i Ierusalema,+ sa lē mafai e tane o Iuta ona tuliesea;+ ma o loo nonofo pea tagata Iepusē faatasi ma le fanauga a Iuta i Ierusalema e oo mai i aso nei.

16 O le laueleele na fai ma tofi*+ o le fanauga a Iosefa,+ e amata mai i le vaitafe o Ioritana lea e lata i Ieriko, e oo atu i vai i le itu i sasaʻe o Ieriko, e alu aʻe mai i le toafa i Ieriko, e oo atu i vaega maugā o Peteli.+ 2 E alu atu mai i Peteli lea e latalata i Lusa, ma ui atu i le tuaoi o tagata Araki i Atarota, 3 e alu ifo i le itu i sisifo i le tuaoi o tagata Iafeleti, e oo atu i le tuaoi i Pete-orana i lalo+ ma Kasera,+ ma e gata mai i le sami.

4 Na maua foʻi e le ituaiga o Manase ma Efaraima, o le fanauga lea a Iosefa,+ lo latou tofi i le laueleele.+ 5 O le tuaoi lenei o le fanauga a Efaraima e tusa ma o latou aiga: O le tuaoi o lo latou tofi e agaʻi i le itu i sasaʻe, o Atarota-atara lea,+ e oo atu i Pete-orana i luga,+ 6 ma e oo atu le tuaoi i le sami. E amata mai le tuaoi i Mekemeta+ o loo i le itu i mātū, e faataamilo i le itu i sasaʻe e oo atu i Taana-sailo ma Ianoka. 7 Ona alu ifo lea mai i Ianoka e oo i Atarota ma Naara, ma oo atu i Ieriko+ ma alu atu ai i le vaitafe o Ioritana. 8 E alu atu le tuaoi mai i Tapua+ i le itu i sisifo i le ālia o Kana, ma e gata mai i le sami.+ O le tofi lea o le ituaiga o Efaraima e tusa ma o latou aiga. 9 Na iai fo‘i isi aai mo le fanauga a Efaraima i totonu o le tofi o le fanauga a Manase,+ o aai uma ma nuu e latou te nonofo ai.

10 Ae latou te leʻi tuliesea tagata Kanana o ē na nonofo i Kasera,+ ae sa nonofo ai pea tagata Kanana faatasi ma Efaraima e oo mai i aso nei,+ ma na faapologaina i latou i galuega mamafa.+

17 Ua maua e le ituaiga o Manase+ lo latou tofi e ala i le faia o le vili,+ auā o ia o le ulumatua a Iosefa.+ O Makiro+ foʻi o le ulumatua a Manase ma o le tamā o Kiliata, ua maua e ia o Kiliata ma Vasana,+ auā o ia o le tagata tau. 2 Ua maua foʻi le tofi o ē ua totoe o le fanauga a Manase e tusa ma o latou aiga, e mo le fanauga a Apieseru,+ o le fanauga a Eleka, o le fanauga a Aserieli, o le fanauga a Sekema, o le fanauga a Eferu, ma le fanauga a Semita. O tagata nei na tupuga mai iā Manase le atalii o Iosefa, o tane e tusa ma o latou aiga.+ 3 A o Selofeata+ le atalii o Eferu, le atalii o Kiliata, le atalii o Makiro, le atalii o Manase, e leai ni ona atalii ae e na o ona afafine, ma o igoa nei o ona afafine: o Maala, o Noa, o Hakelu, o Meleka ma Tiresa. 4 Ona latou ō mai lea i luma o Eleasaro+ le ositaulaga, o Iosua le atalii o Nuno ma ē e taʻitaʻi, ua faapea mai: “Na poloaʻi mai Ieova iā Mose e aumai iā i matou se tofi faatasi ma uso o lo matou tamā.”+ Ona avatu lea iā i latou o se tofi faatasi ma uso o lo latou tamā,+ e tusa ma le faatonuga a Ieova.

5 E sefulu isi tofi na maua e Manase e ese mai i le laueleele o Kiliata ma Vasana, ia sa i le isi itu* o Ioritana,+ 6 ona ua maua e afafine o Manase se tofi faatasi ma ona atalii; ua maua foʻi e ē ua totoe o le fanauga a Manase le laueleele o Kiliata.

7 O le tuaoi o Manase e mai i le tuaoi o Asera e oo i Mekemeta+ lea e i luma o Sekema,+ ma e oo atu le tuaoi i le itu i saute* i le laueleele o tagata o loo nonofo i Enetapua. 8 Ua maua e Manase le laueleele o Tapua,+ ae ua maua e le fanauga a Efaraima le aai o Tapua, i le tuaoi o Manase. 9 E alu ifo le tuaoi i le ālia o Kana, e agaʻi i le itu i saute o le ālia. Na iai aai o Efaraima i totonu o aai o Manase,+ ma o le tuaoi o Manase e i le itu i mātū o le ālia, ma e gata mai i le sami.+ 10 E maua e Efaraima le itu i saute, a o Manase le itu i mātū, ma o lona tuaoi le sami;+ a o le tuaoi i mātū e oo atu i Asera, ma le itu i sasaʻe e oo atu i Isakara.

11 Ua maua e Manase i laueleele o Isakara ma Asera, o Pete-seana ma ona tamaʻi aai, o Ipelamo+ ma ona tamaʻi aai, o ē o loo nonofo i Toro+ ma ona tamaʻi aai, o ē o loo nonofo i Enetoro+ ma ona tamaʻi aai, o ē o loo nonofo i Tanaka+ ma ona tamaʻi aai, ma ē o loo nonofo i Mekito ma ona tamaʻi aai. E tolu nuu maualuluga na ia maua.

12 Ae e leʻi mafai e le fanauga a Manase ona tuliesea ē na nonofo i nei aai; ua maumaua‘i tagata Kanana e nonofo i nei aai.+ 13 Ina ua malolosi le fanauga a Isaraelu, na latou faatigāina tagata Kanana i galuega mamafa,+ ae latou te leʻi tuliesea uma i latou.+

14 Ua faapea mai le fanauga a Iosefa iā Iosua: “Aiseā ua e tuuina mai ai iā i matou* e na o le vaega e tasi o le laueleele e fai ma o matou tofi?+ O i matou o le nuu e matuā toʻatele, auā ua faamanuia i matou e Ieova seʻia oo mai i le aso nei.”+ 15 Ona tali atu lea o Iosua iā i latou: “Afai o outou o le nuu ua matuā toʻatele, inā ō ia i le vaomatua, ma ia tāina i lalo mo outou le laueleele o tagata Perisē+ ma Rafaimi,+ auā ua laʻitiiti tele le vaega maugā o Efaraima+ mo outou.” 16 Ona fai mai lea o le fanauga a Iosefa: “E lē lava lea vaega maugā mo i matou, ma o tagata Kanana uma o loo nonofo i le vanu,* e tofu ma kariota o le taua+ e iai uʻamea maamaʻai,* o i latou i Pete-seana+ ma ona tamaʻi aai, ma i latou i le vanu* o Isereelu.”+ 17 Ona fai atu lea o Iosua i le fanauga a Iosefa, o Efaraima ma Manase: “O outou o le nuu ua matuā toʻatele, ma ua tele foʻi lo outou malosi. E lē lava le vaega e tasi o le laueleele e fai ma o outou tofi,+ 18 ae ia fai foʻi mo outou le vaega maugā.+ E ui o le vaomatua, ae o le a outou tāina i lalo ma o i inā e gata mai ai lo outou tuaoi. Auā o le a outou tuliesea tagata Kanana, e ui ina malolosi ma iai a latou kariota o le taua e iai uʻamea maamaʻai.”*+

18 Ona faapotopoto ai lea o le faapotopotoga uma o le fanauga a Isaraelu i Sailo,+ ma latou faatū ai le faleʻie o le feiloa‘iga i inā,+ auā ua uma ona faatoʻilaloina le laueleele.+ 2 Ae na totoe pea i le fanauga a Isaraelu i latou e leʻi iai ni tofi, o ituaiga ia e fitu. 3 Ona faapea atu lea o Iosua i le fanauga a Isaraelu: “O le ā ea le umi tou te faatuai ai ona ō atu e fai mo outou le laueleele, ua tuuina atu iā te outou e Ieova le Atua o o outou augātamā?+ 4 Ia tofia ni tane e taʻitoʻatolu mai i le ituaiga ina ia ou aauina atu; e latou te ō atu ma feoaʻi solo i le laueleele, ma tusia se faafanua e tusa ma o latou tofi, ona latou ō mai ai lea iā te aʻu. 5 Ia latou vaevaeina le laueleele iā i latou i vaega e fitu.+ E tumau Iuta i lona laueleele i le itu i saute,+ ma e tumau foʻi le fanauga a Iosefa i lo latou laueleele i le itu i mātū.+ 6 A o outou, ia outou tusia se faafanua o le laueleele ma vaevae i vaega e fitu, ma aumai iā te aʻu, ou te faia le vili+ mo outou i luma o Ieova lo tatou Atua. 7 A o sa Levī, e lē tuuina atu so latou tofi faatasi ma outou,+ auā o lo latou tofi le fai ma ositaulaga iā Ieova;+ ua maua foʻi e Kato, Reupena, ma le ʻafa o le ituaiga o Manase+ o latou tofi i le itu i sasaʻe o Ioritana, lea na tuuina atu e Mose le auauna a Ieova iā i latou.”

8 Ona sauni lea o tamāloloa e ō, ma ua poloaʻi atu Iosua iā i latou o le a ō atu e tusia le faafanua o le laueleele: “Inā ō ia ma feoaʻi solo i le laueleele, ma tusia se faafanua ma toe foʻi mai iā te aʻu, ma ou te faia ai le vili mo outou i luma o Ieova i inei i Sailo.”+ 9 Ona ō atu lea o tamāloloa ma ui atu i le laueleele, ma tusia i le tusi se faafanua o ona aai i vaega e fitu. Ua latou toe foʻi mai iā Iosua i le togālauapi i Sailo. 10 Ona faia lea e Iosua o le vili mo i latou i luma o Ieova+ i Sailo. Ona vaevaeina lea i inā e Iosua o le laueleele mo le fanauga a Isaraelu e tusa ma o latou tofi.+

11 Ona maua lea e ala i le vili, o le tofi o le ituaiga o Peniamina e tusa ma o latou aiga, e ui atu foʻi le laueleele o lo latou tofi i le vā o le fanauga a Iuta+ ma le fanauga a Iosefa.+ 12 O lo latou tuaoi i le itu i mātū e amata mai i Ioritana, ona ui atu lea o le tuaoi i le malifa o Ieriko+ i le itu i mātū ma alu aʻe i le mauga i le itu i sisifo, ma alu atu i le toafa o Petavene.+ 13 Ua ui atu le tuaoi mai i inā i Lusa, i le malifa i saute o Lusa, o Peteli lea;+ ona alu ifo lea o le tuaoi i Atarota-atara+ o loo i le mauga i le itu i saute o Pete-orana i lalo.+ 14 Na faailoga le tuaoi i le itu i sisifo ma faataamilo e oo atu i le itu i saute mai i le mauga e faafesaga‘i ma Pete-orana i le itu i saute; ma e gata mai i Kiriata-paala, o Kiriata-iarima lea,+ o se aai o Iuta. O le itu i sisifo lea.

15 O le itu i saute na amata mai i le faatausiʻusiʻuga o Kiriata-iarima, ma e alu atu le tuaoi i le itu i sisifo; e alu atu foʻi i vaipuna o Nafatoa.+ 16 Ua alu ifo le tuaoi i le faatausiʻusiʻuga o le mauga o loo fesaga‘i ma le vanu o Hinoma,*+ lea e i le vanu* o Rafaimi+ i le itu i mātū, ma alu ifo i le vanu o Hinoma, ma oo atu ai i le malifa o tagata Iepusē+ i le itu i saute ma alu ifo ai i Ene-rokelu.+ 17 E alu atu le tuaoi i le itu i mātū e oo atu i Ene-semesa ma alu atu foʻi i Kelilota, lea e i luma o le aʻega o Atumema;+ ma alu ifo i le maa+ o Poana+ le atalii o Reupena. 18 Ona ui atu lea i le malifa i le itu i mātū i luma o Arapa,* ma alu ifo ai i Arapa. 19 E ui atu foʻi le tuaoi e oo i le malifa i le itu i mātū o Pete-okelu,+ ma e gata mai le tuaoi i le itu i mātū o le vaifagaloa o le Sami Oona,*+ i le faatausiʻusiʻuga i saute o le vaitafe o Ioritana. O le tuaoi lea i le itu i saute. 20 Ua avea Ioritana ma ona tuaoi i le itu i sasaʻe. O le tofi lea o le fanauga a Peniamina e tusa ai ma o latou aiga, i ona tuaoi uma.

21 O aai nei o le ituaiga o Peniamina e tusa ma o latou aiga: o Ieriko, o Pete-okelu, o Emete-kisesa, 22 o Pete-arapa,+ o Semaraima, o Peteli,+ 23 o Gavi, o Para, o Ofira, 24 o Kifa-amoni, o Ofini, ma Kepa;+ e 12 aai ma nuu e latou te nonofo ai.

25 O Kipeona,+ o Rama, o Perota, 26 o Mesepa, o Kafira, o Mosaa, 27 o Rekima, o Irefelu, o Taralu, 28 o Siela,+ o Elifa, o Iepuse, o Ierusalema lea,+ o Kipea,+ ma Kiriata; e 14 aai ma nuu e latou te nonofo ai.

O le tofi lea o le fanauga a Peniamina e tusa ma o latou aiga.

19 Ona maua lea o le tofi lona lua+ e Simeona, o le ituaiga lea o Simeona+ e tusa ma o latou aiga. O lo latou tofi foʻi sa iai i totonu o le tofi o Iuta.+ 2 Sa iai i lo latou tofi o Peresepa+ faatasi ma Sepa, o Molata,+ 3 o Asara-suala,+ o Pala, o Asema,+ 4 o Elitolita,+ o Petueli, o Horema, 5 o Sekeleka,+ o Pete-makapa, o Asara-susa, 6 o Pete-lepaota,+ ma Saruena; e 13 aai ma ona nuu e latou te nonofo ai. 7 O Aino, o Rimoni, o Etelu ma Asana;+ e fā aai ma ona nuu e latou te nonofo ai; 8 faapea nuu uma na siʻomia nei aai, e oo atu lava i Paala-pere, lea e taʻua foʻi o Rama o le itu i saute. O le tofi lea o le ituaiga o Simeona e tusa ma o latou aiga. 9 O le tofi o le fanauga a Simeona, na maua mai i le tofi o le fanauga a Iuta, auā ua telē tele le tofi o le fanauga a Iuta mo i latou. O lea la, na maua e le fanauga a Simeona se fanua i totonu o lo latou tofi.+

10 Ona maua lea e le fanauga a Sepulona+ le tofi lona tolu+ e tusa ma o latou aiga, ma e oo atu le tuaoi o lo latou tofi i Sariti. 11 E alu aʻe foʻi lo latou tuaoi agaʻi i sisifo i Marala e oo atu i Tapaseta, ma oo atu ai i le vanu* lea e i luma o Iokeneama. 12 E mai i Sariti e agaʻi i le itu i sasaʻe, e oo atu le tuaoi i Kaselo-tapora, ma alu atu i Taparata+ ma alu aʻe i Iafia. 13 Ona ui atu lea mai i inā e agaʻi i le itu i sasaʻe i Kataferu,+ i Ita-kasena, ma alu atu ai i Rimoni, seʻia oo i Nea. 14 Ona ui faataamilo atu lea o le tuaoi i le itu i mātū i Anatonu, ma e gata mai i le vanu o Iefita-elu. 15 Na aofia ai foʻi Katata, o Naalali, o Semarona,+ o Itala, ma Peteleema;+ e 12 aai ma ona nuu e latou te nonofo ai. 16 O le tofi lenei o le fanauga a Sepulona e tusa ma o latou aiga.+ O aai nei ma ona nuu e latou te nonofo ai.

17 Ua maua le tofi lona fā+ e Isakara,+ o le fanauga lea a Isakara e tusa ma o latou aiga. 18 Sa oo lo latou tuaoi i Isereelu,+ o Kesulota, o Sunema,+ 19 o Afaraima, o Seiona, o Anaarata, 20 o Rapati, o Kiseona, o Apesa, 21 o Remeta, o Ene-kanima,+ o Eneata ma Pete-pasesa. 22 E oo atu le tuaoi i Tapora,+ i Saasuma, ma Pete-semesa, ma e gata mai lo latou tuaoi i Ioritana; e 16 aai ma ona nuu e latou te nonofo ai. 23 O le tofi lea o le ituaiga o Isakara e tusa ma o latou aiga,+ o aai ma ona nuu e latou te nonofo ai.

24 Ua maua e le ituaiga o Asera+ le tofi lona lima+ e tusa ma o latou aiga. 25 O lo latou tuaoi o Helekata,+ o Ali, o Petena, o Akasafa, 26 o Alameleka, o Amataa, ma Meseala. Ua oo atu lo latou tuaoi e agaʻi i sisifo i Karamelu+ ma Seora-lipenata, 27 ona toe liliu ane lea e agaʻi i le itu i sasaʻe i Pete-takona, ma e oo atu i Sepulona, ma le vanu o Iefita-elu i le itu i mātū, i Petemeka ma Neieli, ma e alu atu i Kapula i le itu tauagavale, 28 ma oo atu ai i Eperona, o Reopa, o Hamoni, ma Kana, e oo atu lava i le aai tele o Saitonu.+ 29 E toe liliu ane le tuaoi i Rama ma oo atu i le aai malupuipuia o Turo.+ Ona toe liliu ane lea o le tuaoi i Hosa, e gata mai i le sami i le laueleele o Akasepa, 30 o Uma, o Afeka,+ ma Reopa;+ e 22 aai ma ona nuu e latou te nonofo ai. 31 O le tofi lea o le ituaiga o Asera e tusa ma o latou aiga.+ O aai nei ma ona nuu e latou te nonofo ai.

32 Ua maua le tofi lona ono+ e le fanauga a Nafatali, o le fanauga lea a Nafatali e tusa ma o latou aiga. 33 E amata mai lo latou tuaoi i Elefa, mai i le laau telē i Saanaima,+ ma Atame-nekepa, ma Iapenelu e oo atu i Lakuma; e gata mai i Ioritana. 34 Ona toe liliu lea o le tuaoi e agaʻi i sisifo i Aseno-tapora, ma alu atu ai mai i inā i Ukoke, ma oo atu ai i Sepulona i le itu i saute, a o Asera i le itu i sisifo, ma Iuta i Ioritana i le itu i sasaʻe. 35 O aai malupuipuia nei, o Sekima, o Sero, o Hamato,+ o Rakata, o Kinereta, 36 o Akama, o Rama, o Hasora,+ 37 o Ketesa,+ o Eterei, o Eneasora, 38 o Irona, o Meketala-elu, o Horoma, o Pete-anata, ma Pete-semesa;+ e 19 aai ma ona nuu e latou te nonofo ai. 39 O le tofi lenei o le ituaiga o Nafatali e tusa ma o latou aiga,+ o aai ma ona nuu e latou te nonofo ai.

40 Ua maua e le ituaiga o Tanu+ le tofi lona fitu+ e tusa ma o latou aiga. 41 O le tuaoi o lo latou tofi o Soraa,+ o Esetaola, o Ire-semesa, 42 o Salapina,+ o Ailona,+ o Itara, 43 o Aluna, o Timena,+ o Ekerona,+ 44 o Eliteka, o Kipetonu,+ o Paalata, 45 o Ieuta, o Pene-peraka, o Kata-rimoni,+ 46 o Mei-erekuna, ma Rakuna, ma le tuaoi e faafesaga‘i ma Iopa.+ 47 Ae ua laʻitiiti tele le laueleele o le fanauga a Tanu mo i latou.+ Ona latou ō aʻe lea ma siitaua iā Lesema,+ ua faatoʻilaloina ma fasiotia i le pelu. Ona latou faoa lea ma nonofo ai, ua latou suia foʻi le igoa o le aai o Lesema iā Tanu, e tusa ai ma le igoa o lo latou augātamā o Tanu.+ 48 O le tofi lenei o le ituaiga o Tanu e tusa ma o latou aiga. O aai nei ma ona nuu e latou te nonofo ai.

49 Ua uma ona latou vaevaeina le laueleele e fai ma tofi e tusa ai ma o latou tuaoi. Ona tuuina atu lea e le fanauga a Isaraelu o se tofi iā Iosua le atalii o Nuno, faatasi ma i latou. 50 Ona latou avatu lea iā te ia e tusa ai ma le faatonuga a Ieova o le aai lea na ia talosaga mai ai, o Timenata-sera,+ i le vaega maugā o Efaraima; ona ia fausia ai lea o le aai ma nofo ai.

51 O tofi nei na tofia atu e ala i le vili, e Eleasaro le ositaulaga, o Iosua le atalii o Nuno, ma ulu o aiga o ituaiga o le fanauga a Isaraelu,+ i Sailo+ i luma o Ieova i le faitotoʻa o le faleʻie o le feiloaʻiga.+ Ona uma ai lea o le vaevaeina o le laueleele.

20 Ona fetalai mai lea o Ieova iā Iosua: 2 “Ia e fai atu i le fanauga a Isaraelu e faapea, ‘Ia tofia mo outou aai o sulufa‘iga+ ia na ou fai atu ai iā te outou e ala iā Mose, 3 ina ia sola i ai lē e fasioti tagata pa‘ivalea, o lē e faafuaseʻi ona fasiotia se tasi e aunoa ma le fuafuaina.* Ia avea nei aai ma sulufa‘iga mo outou mai i lē e tauimasui i le toto.+ 4 Ia sola o ia i se tasi o nei aai+ ma tū i le faitotoʻa o le pā o le aai,+ ma faailoa atu lana mataupu a o faalogologo mai toeaina o lenā aai; ia latou taliaina o ia i le aai ma avatu iā te ia se mea e nofo ai, ma ia nofo o ia faatasi ma i latou. 5 Afai e tuliloa atu o ia e lē e tauimasui i le toto, ia aua neʻi o latou tuuina atu lē e fasioti tagata paʻivalea i lona lima; auā na ia fasiotia lona uso e aunoa ma le fuafuaina,* ma e leʻi iai fo‘i se mea na ita muamua ai o ia i lona uso.+ 6 E tatau ona nofo o ia i lenā aai seʻia oo ina tū atu o ia i luma o le faapotopotoga e faamasinoina ai,+ ma seʻia oo ina oti le ositaulaga sili+ o loo iai i lenā taimi. Ona toe foʻi ai lea o lē e fasioti tagata paʻivalea i le aai na sola mai ai o ia, ma ulu atu i lona aai ma lona fale.’”+

7 Ona latou faapaiaina* lea o Ketesa+ i Kalilaia i vaega maugā o Nafatali, o Sekema+ i vaega maugā o Efaraima, ma Kiriata-arapa,+ o Heperona lea, i le vaega maugā o Iuta. 8 Ae i le vaipanoa o Ioritana, i le itu i sasaʻe o Ieriko, ua latou tofia ai Peseri+ i le toafa o le fanua maualuga laugatasi mai i le ituaiga o Reupena, o Ramota+ i Kiliata mai i le ituaiga o Kato, ma Koleni+ i Vasana mai i le ituaiga o Manase.+

9 Ua tofia nei aai mo le fanauga uma a Isaraelu, ma tagata ese ua aumau ai faatasi ma i latou, e sola i ai se tasi e fasioti tagata paʻivalea,+ ina ia lē oti ai o ia i le lima o lē e tauimasui i le toto, a o leʻi tū o ia i luma o le faapotopotoga e faamasinoina ai.+

21 Ona ō mai lea o ulu o aiga o sa Levī iā Eleasaro+ le ositaulaga, o Iosua le atalii o Nuno, ma ulu o aiga o ituaiga o Isaraelu, 2 ua latou fai atu iā i latou i Sailo+ i le nuu o Kanana e faapea: “Na poloaʻi mai Ieova e ala mai iā Mose ina ia tuuina mai iā i matou o aai e nonofo ai, faapea fanua e aai ai a matou lafumanu.”+ 3 Ona foaʻi atu lea e le fanauga a Isaraelu i le ituaiga o sa Levī, o nei aai+ ma fanua e aai ai lafumanu mai i o latou tofi,+ e pei ona faatonu mai e Ieova.

4 Ua maua e le aiga o Koato+ le laueleele e ala i le faia o le vili, ma ua maua e le ‘au sa Levī o ē na tupuga mai iā Arona le ositaulaga, o aai e 13 mai i le tofi o le ituaiga o Iuta,+ o le ituaiga o Simeona,+ ma le ituaiga o Peniamina.+

5 O i latou fo‘i na totoe o le fanauga a Koato, na latou maua aai e sefulu mai i aiga o le ituaiga o Efaraima,+ o le ituaiga o Tanu, ma le ʻafa o le ituaiga o Manase.+

6 A o le fanauga a Keresona,+ na latou maua aai e 13 mai i aiga o le ituaiga o Isakara, o le ituaiga o Asera, o le ituaiga o Nafatali, ma le ʻafa o le ituaiga o Manase i Vasana.+

7 Ae ua maua e le fanauga a Merari+ e tusa ma o latou aiga, o aai e 12 mai i le ituaiga o Reupena, o le ituaiga o Kato, ma le ituaiga o Sepulona.+

8 O lea la, ua tuuina atu ai e le fanauga a Isaraelu i le ʻau sa Levī, o nei aai ma o latou fanua e aai ai lafumanu, ia na maua e ala i le faia o le vili, e pei ona poloaʻi mai ai Ieova e ala iā Mose.+

9 O igoa nei o aai ua latou tuuina atu, mai i le ituaiga o Iuta ma le ituaiga o Simeona,+ 10 ma ua fai nei aai mo ē na tupuga mai iā Arona o le aiga o Koato, mai i le fanauga a Levi, auā na latou maua le vaega muamua. 11 Ona latou tuuina atu lea iā i latou o Kiriata-arapa+ (o Arapa, o le tamā o Anaki), o Heperona lea,+ i le vaega maugā o Iuta ma ona fanua uma e aai ai lafumanu; 12 a o fanua o le aai ma ona nuu e nonofo ai, ua latou tuuina atu iā Kalepo le atalii o Iefune e fai ma ona tofi.+

13 Ae ua latou avatu i le fanauga a Arona le ositaulaga, le aai o sulufa‘iga mo lē e fasioti tagata pa‘ivalea,+ o Heperona+ lea ma ona fanua e aai ai lafumanu, o Lipena+ ma ona fanua e aai ai lafumanu, 14 o Iatira+ ma ona fanua e aai ai lafumanu, o Esetemoa+ ma ona fanua e aai ai lafumanu, 15 o Horona+ ma ona fanua e aai ai lafumanu, o Tiperi+ ma ona fanua e aai ai lafumanu, 16 o Aino+ ma ona fanua e aai ai lafumanu, o Iutaa+ ma ona fanua e aai ai lafumanu, ma Pete-semesa ma ona fanua e aai ai lafumanu; o aai ia e iva mai i nei ituaiga e lua.

17 E mai i le ituaiga o Peniamina: o Kipeona+ ma ona fanua e aai ai lafumanu, o Kepa ma ona fanua e aai ai lafumanu,+ 18 o Anatota+ ma ona fanua e aai ai lafumanu, ma Alemoni ma ona fanua e aai ai lafumanu; o aai ia e fā.

19 O aai uma o ē na tupuga mai iā Arona, o le ʻauositaulaga ia, e 13 aai ma ona fanua e aai ai lafumanu.+

20 O aiga fo‘i na totoe o le fanauga a Koato, mai i le ituaiga o sa Levī, ua maua o latou aai mai i le ituaiga o Efaraima. 21 Ua latou avatu iā i latou Sekema+ le aai o sulufa‘iga mo lē e fasioti tagata pa‘ivalea,+ ma ona fanua e aai ai lafumanu i le vaega maugā o Efaraima, o Kasera+ ma ona fanua e aai ai lafumanu, 22 o Kipesaima ma ona fanua e aai ai lafumanu, ma Pete-orana+ ma ona fanua e aai ai lafumanu; o aai ia e fā.

23 E mai i le ituaiga o Tanu: o Eliteka ma ona fanua e aai ai lafumanu, o Kipetonu ma ona fanua e aai ai lafumanu, 24 o Ailona+ ma ona fanua e aai ai lafumanu, ma Kata-rimoni ma ona fanua e aai ai lafumanu; o aai ia e fā.

25 E mai i le ʻafa o le ituaiga o Manase: o Tanaka+ ma ona fanua e aai ai lafumanu, ma Kata-rimoni ma ona fanua e aai ai lafumanu; o aai ia e lua.

26 O aai uma ma o latou fanua e aai ai lafumanu, na maua e aiga o le fanauga a Koato na totoe, e sefulu ia.

27 A o le fanauga a Keresona+ mai i aiga o sa Levī, na latou maua mai i le ʻafa o le ituaiga o Manase le aai o sulufa‘iga mo lē e fasioti tagata pa‘ivalea, o Koleni+ lea i Vasana ma ona fanua e aai ai lafumanu, ma Peseteri ma ona fanua e aai ai lafumanu; o aai ia e lua.

28 E mai i le ituaiga o Isakara:+ o Kiseona ma ona fanua e aai ai lafumanu, o Taparata+ ma ona fanua e aai ai lafumanu, 29 o Iaremuta ma ona fanua e aai ai lafumanu, ma Ene-kanima ma ona fanua e aai ai lafumanu; o aai ia e fā.

30 E mai i le ituaiga o Asera:+ o Meseala ma ona fanua e aai ai lafumanu, o Apetonu ma ona fanua e aai ai lafumanu, 31 o Helekata+ ma ona fanua e aai ai lafumanu, ma Reopa+ ma ona fanua e aai ai lafumanu; o aai ia e fā.

32 E mai i le ituaiga o Nafatali: o le aai o sulufa‘iga+ mo lē e fasioti tagata pa‘ivalea, o Ketesa+ lea i Kalilaia ma ona fanua e aai ai lafumanu, o Amata-toro ma ona fanua e aai ai lafumanu, ma Karetana ma ona fanua e aai ai lafumanu; o aai ia e tolu.

33 O aai uma o le fanauga a Keresona e tusa ma o latou aiga, e 13 aai ma o latou fanua e aai ai lafumanu.

34 O aiga o le fanauga a Merari,+ o sa Levī o ē na totoe ai, na latou mauaina mai i le ituaiga o Sepulona:+ o Iokeneama+ ma ona fanua e aai ai lafumanu, o Karata ma ona fanua e aai ai lafumanu, 35 o Timena ma ona fanua e aai ai lafumanu, ma Naalali+ ma ona fanua e aai ai lafumanu; o aai ia e fā.

36 E mai i le ituaiga o Reupena: o Peseri+ ma ona fanua e aai ai lafumanu, o Iaesa ma ona fanua e aai ai lafumanu,+ 37 o Katemoti ma ona fanua e aai ai lafumanu, ma Mefata ma ona fanua e aai ai lafumanu; o aai ia e fā.

38 E mai i le ituaiga o Kato:+ o le aai o sulufa‘iga mo lē e fasioti tagata pa‘ivalea, o Ramota i Kiliata lea,+ ma ona fanua e aai ai lafumanu, o Maanaima+ ma ona fanua e aai ai lafumanu, 39 o Hesepona+ ma ona fanua e aai ai lafumanu, ma Iasaru+ ma ona fanua e aai ai lafumanu; o aai uma ia e fā.

40 O aai uma na maua e le fanauga a Merari e ala i le faia o le vili, e tusa ma o latou aiga, o ē na totoe ai mai i aiga o sa Levī, e 12 aai.

41 O aai uma o sa Levī i totonu o le tofi o le fanauga a Isaraelu, e 48 aai ma o latou fanua e aai ai lafumanu.+ 42 O nei aai ta‘itasi sa tofu uma ma ona fanua e aai ai lafumanu e faataamilo ai.

43 Ona tuuina atu lea e Ieova iā Isaraelu o le laueleele uma na ia tautō ai e avatu i o latou augātamā,+ ona fai lea ma o latou tofi ma nonofo ai.+ 44 Ua tuuina atu foʻi e Ieova iā i latou le mapusaga i itu uma, e tusa ai ma mea uma na ia tautō ai i o latou augātamā,+ ma e leai foʻi se tasi o o latou fili uma na mafai ona faasagatau atu iā i latou.+ Ua tuuina atu e Ieova o latou fili uma i o latou lima.+ 45 E leai se folafolaga* e leʻi taunuu o folafolaga lelei uma na faia e Ieova i le aiga o Isaraelu; na taunuu uma lava.+

22 Ona aami lea e Iosua o le ituaiga o Reupena, o le ituaiga o Kato, ma le ʻafa o le ituaiga o Manase 2 ua faapea atu iā i latou: “Ua outou tausia mea uma na poloaʻi atu ai Mose le auauna a Ieova iā te outou,+ ma ua outou usiusitaʻi foʻi i mea uma na ou poloaʻi atu ai iā te outou.+ 3 E tou te leʻi tuulafoaʻia o outou uso i nei aso e tele e oo mai i le aso nei,+ ma ua outou tausia poloaʻiga a Ieova lo outou Atua.+ 4 O lea, ua avatu e Ieova lo outou Atua le mapusaga i o outou uso, e pei lava ona ia folafola atu iā i latou.+ O lenei, inā toe foʻi atu ia i o outou faleʻie i le laueleele ua fai ma o outou tofi, lea na avatu e Mose le auauna a Ieova iā te outou i le isi itu* o Ioritana.+ 5 Tau ina ia outou matuā faaeteete e tausia le poloaʻiga ma le Tulafono na tuuina atu e Mose le auauna a Ieova iā te outou,+ tou te alolofa iā Ieova lo outou Atua,+ savavali i ona ala uma,+ tausia ana poloaʻiga,+ pipii iā te ia,+ ma auauna iā te ia+ ma o outou lotoatoa ma o outou ola atoa.”+

6 Ona faamanuia lea o i latou e Iosua ma aauina ese atu, ma ua latou ō i o latou faleʻie. 7 Na foaʻi atu e Mose i le ʻafa o le ituaiga o Manase se tofi i Vasana,+ a o le isi ʻafa na foaʻi i ai e Iosua se tofi i le itu i sisifo o Ioritana+ faatasi ma o latou uso. Ona faamanuia foʻi lea o i latou e Iosua, ma aauina atu i latou e ō i o latou faleʻie. 8 Ua ia faapea atu iā i latou: “Inā toe foʻi ia i o outou faleʻie, ma le tele o ʻoa, o lafumanu e tele, faatasi ai ma siliva, o auro, o ʻapamemea, o uʻamea, ma ofu e matuā tele lava.+ Inā ave ia o mea o le vete+ mai i o outou fili ma tufatufa atu i o outou uso.”

9 Ua mavae lenā, ona ō ese atu lea o le fanauga a Reupena, o le fanauga a Kato, ma le ʻafa o le ituaiga o Manase, mai i le isi fanauga a Isaraelu mai i Sailo i le nuu o Kanana, e ō atu i le laueleele o Kiliata,+ i le nuu o lo latou tofi lea na latou nonofo ai e tusa ai o le faatonuga a Ieova e ala mai iā Mose.+ 10 Ina ua latou latalata i Ioritana i le nuu o Kanana, ona fausia lea i inā e le fanauga a Reupena, ma le fanauga a Kato, ma le ʻafa o le ituaiga o Manase, o se fata faitaulaga e lata i le vaitafe o Ioritana, o se fata faitaulaga telē e iloagofie. 11 Mulimuli ane, ua faalogo isi o le fanauga a Isaraelu i lenei mea+ ona latou faapea ane lea: “Faauta! Ua fausia e le fanauga a Reupena, o le fanauga a Kato, ma le ʻafa o le ituaiga o Manase se fata faitaulaga i le tuaoi o le nuu o Kanana e latalata i Ioritana, i la tatou itu.” 12 Ina ua faalogo i ai le faapotopotoga atoa o le fanauga a Isaraelu, ona latou faapotopoto ai lea i Sailo+ ina ia ō atu e siitaua iā i latou.

13 Ona auina atu lea e le fanauga a Isaraelu o Fineaso+ le atalii o Eleasaro le ositaulaga i le fanauga a Reupena, ma le fanauga a Kato, ma le ʻafa o le ituaiga o Manase i le laueleele o Kiliata, 14 ma ua faatasi ma ia taʻitaʻi e toʻasefulu, e taʻitoʻatasi mai i ituaiga uma o Isaraelu, ma o i latou o ulu o aiga o o latou tamā mai i le faitau afe o Isaraelu.+ 15 Ua oo atu i latou i le fanauga a Reupena, ma le fanauga a Kato, ma le ʻafa o le ituaiga o Manase i le nuu o Kiliata, ma faapea atu iā i latou:

16 “O le mea lenei ua fai mai ai le faapotopotoga uma a Ieova, ‘Aiseā ua outou lē faamaoni+ ai i le Atua o Isaraelu? Ua outou liliuese i le aso nei mai i le mulimuli atu iā Ieova, e ala i lo outou fausia o se fata faitaulaga ma fouvale ai iā Ieova.+ 17 Pe e lē lava ea le mea sesē na faia i Peoro? E leʻi faamamāina lava i tatou e oo mai i le aso nei, e ui na oo le mala i le faapotopotoga a Ieova.+ 18 Po ua outou mananaʻo ea e liliuese mai i le mulimuli atu iā Ieova? Afai tou te fouvale iā Ieova i le asō, e oo mai lava taeao lona toʻasā i le faapotopotoga atoa o Isaraelu.+ 19 O lenei, afai e lē o mamā le laueleele o lo outou tofi, ia outou sopo atu i le laueleele o le tofi o Ieova+ lea o loo iai le faleʻie paia o Ieova,+ ma nonofo ai faatasi ma i matou; ae aua neʻi outou fouvale iā Ieova e ala i lo outou fausia o se fata faitaulaga, e faaopoopo atu i le fata faitaulaga a Ieova lo tatou Atua,+ ma matou aafia ai i la outou fouvalega. 20 Pe e leʻi oo mai ea le toʻasā o le Atua i le faapotopotoga uma o Isaraelu,+ ina ua lē faamaoni Akana+ le atalii o Sera i mea e tatau ona faaumatia? E lē na o ia na fano ai i le mea sesē na ia faia.’”+

21 Ona tali mai lea o le fanauga a Reupena, ma le fanauga a Kato, ma le ʻafa o le ituaiga o Manase, ma faapea mai i ulu o le faitau afe o Isaraelu:+ 22 “O le Atua o atua, o Ieova!* O le Atua o atua, o Ieova!+ O loo silafia lava e ia, ma o le a iloa foʻi e Isaraelu. Afai ua matou fouvale ma lē faamaoni iā Ieova, aua neʻi faaolaina i matou i le asō. 23 Afai na matou fausia mo i matou se fata faitaulaga e liliuese ai mai i le mulimuli atu iā Ieova, ma ofoina atu ai taulaga mū, o taulaga i meaʻai,* ma taulaga faifaatasi, e faasalaina lava i matou e Ieova.+ 24 Ae na matou faia lenei mea, auā na matou popole neʻi iai se aso e faapea mai ai a outou fanau i a matou fanau: ʻ“Pe e iai ea sa outou faiā ma Ieova le Atua o Isaraelu? 25 Ua tuuina e Ieova le vaitafe o Ioritana, e fai ma tuaoi i le vā o i matou ma outou le fanauga a Reupena, ma le fanauga a Kato. E tou te lē maua se tofi mai iā Ieova.” E mautinoa o le a taofia ai e a outou fanau a matou fanau mai i le tapua‘i* iā Ieova.’

26 “Ona matou faapea ane lea, ‘Ia tatou fausia se fata faitaulaga, e lē faia ai ni taulaga mū po o se isi taulaga, 27 ae e avea o se molimau i le vā o i matou ma outou,+ ma o tatou tupulaga e mulimuli mai, ina ia tatou faia ai le auaunaga i luma o Ieova e ala i a tatou taulaga mū, o isi taulaga, ma taulaga faifaatasi,+ ina neʻi iai se aso e faapea mai ai a outou fanau i a matou fanau: “E tou te lē maua se tofi mai iā Ieova.”’ 28 Ona matou faapea ane lea, ‘Ina neʻi latou fai mai iā i tatou ma o tatou tupulaga e mulimuli mai, ona tatou fai atu lea: “Tagaʻi i le faatusa lenei o le fata faitaulaga a Ieova na faia e o matou tamā, e lē ina ia faia ai taulaga mū po o se isi taulaga, ae ina ia avea ma molimau i le vā o i matou ma outou.”’ 29 E mamao iā i matou ona fouvale iā Ieova, ma liliuese i le aso nei mai i le mulimuli atu iā Ieova,+ e ala i le faia o se fata faitaulaga mo taulaga mū, o taulaga i meaʻai, ma isi taulaga, e ese mai i le fata faitaulaga a Ieova lo tatou Atua lea o loo i luma o lona faleʻie paia!”+

30 Ina ua faalogo Fineaso le ositaulaga, ma taʻitaʻi o le faapotopotoga, o ulu ia o le faitau afe o Isaraelu na faatasi ma ia, i upu na fai atu ai le fanauga a Reupena, o le fanauga a Kato, ma le fanauga a Manase, ona faamalieina ai lea o i latou.+ 31 Ona fai atu lea o Fineaso le atalii o Eleasaro le ositaulaga i le fanauga a Reupena, o le fanauga a Kato, ma le fanauga a Manase: “Ua matou iloa i le aso nei o loo faatasi Ieova ma i tatou, auā ua outou lē faia lenei gaoioiga lē faamaoni iā Ieova. O lenei, ua outou laveaʻiina le fanauga a Isaraelu mai i le aao o Ieova.”

32 Ona toe foʻi lea o Fineaso le atalii o Eleasaro le ositaulaga ma taʻitaʻi, mai i le fanauga a Reupena, ma le fanauga a Kato i le nuu o Kiliata, ma ō atu i le nuu o Kanana ma taʻu atu le tala i isi o le fanauga a Isaraelu. 33 Ua lelei fo‘i lenei tala i le fanauga a Isaraelu; ma ua vivii atu le fanauga a Isaraelu i le Atua, e latou te leʻi toe talanoa foʻi e ō atu e siitaua i le fanauga a Reupena ma le fanauga a Kato, ma faaumatia le laueleele o loo latou nonofo ai.

34 Ona faaigoa lea e le fanauga a Reupena ma le fanauga a Kato o le fata faitaulaga,* auā “ua avea ma molimau iā i tatou e faapea o Ieova o le Atua moni ia.”

23 Ua mavae aso e tele talu ona avatu e Ieova iā Isaraelu le mapusaga+ mai i o latou fili i itu uma, ua toeaina Iosua ma ua afu lona soifua,+ 2 ona aami lea e Iosua o Isaraelu uma,+ o toeaina, o ulu o aiga, o faamasino, ma alii,+ ma ua faapea atu iā i latou: “Ua ou toeaina ma ua ou matua foʻi. 3 A o outou, ua outou vāai i mea uma na faia e Ieova lo outou Atua i nei nuu uma ona o outou, auā na tau Ieova lo outou Atua mo outou.+ 4 Silasila foʻi, ua ou tofia atu iā te outou nuu uma+ nei o loo totoe, e fai ma tofi o o outou ituaiga,+ ma nuu uma na ou faaumatia+ e mai i Ioritana e oo atu i le Sami Tele* i le itu i sisifo.* 5 O Ieova lo outou Atua na ia teena i latou i o outou luma,+ ma ia tuliesea i latou ona o outou, ma fai mo outou lo latou laueleele, e pei lava ona folafola mai e Ieova lo outou Atua iā te outou.+

6 “Ia outou matuā lototetele e tausi ma faia mea uma ua tusia i le tusi o le Tulafono+ a Mose, ia lē liliuese mai ai i le itu taumatau po o le itu tauagavale,+ 7 ia aua lava neʻi outou faifaimea faatasi ma nei nuu+ o loo totoe pea iā te outou. Aua lava neʻi outou taʻua igoa o o latou atua+ pe tautō i ai, aua foʻi neʻi outou auauna pe ifo i ai.+ 8 Ae e tatau ona outou faamaoni pea iā Ieova lo outou Atua,+ e pei ona outou faia e oo mai i le aso nei. 9 E tuliesea foʻi e Ieova o nuu tetele ma malolosi mai i o outou luma,+ auā e leai se tasi ua mafai ona faasagatau atu iā te outou e oo mai lava i le aso nei.+ 10 E na o le toʻatasi o outou e tulia le toʻa 1,000,+ auā o loo tau Ieova lo outou Atua mo outou,+ e pei lava ona ia folafola mai iā te outou.+ 11 Ia outou matuā faaeteete+ e ala i lo outou alolofa iā Ieova lo outou Atua.+

12 “Ae afai e tou te tuulafoa‘ia o ia ma outou pipii i ē o i nuu o loo totoe+ iā te outou, ma outou faaipoipo atu i o latou atalii ma afafine,+ ma faifaimea faatasi ma i latou, 13 ia outou iloa lelei, e lē toe tuliesea e Ieova lo outou Atua nei nuu mai i o outou luma;+ ae e fai i latou ma mailei ma matāsele iā te outou, ma sasa i o outou tua,+ e fai foʻi ma mea matuitui i o outou mata seʻia faaumatia outou mai i lenei laueleele lelei, na foaʻiina atu e Ieova lo outou Atua iā te outou.

14 “Faauta! O le a ou oti,* ae ua outou iloa lelei ma o outou lotoatoa, ma o outou ola atoa, e leʻi i‘uvale se upu e tasi o folafolaga lelei uma na fetalai mai ai Ieova lo outou Atua iā te outou. Ua faataunuuina uma iā te outou. E leʻi i‘uvale se tasi o na upu.+ 15 O lea, e pei ona taunuu o folafolaga lelei uma na fetalai mai ai Ieova lo outou Atua iā te outou,+ e faapea foʻi ona faaoo mai e Ieova iā te outou o mala uma na ia folafolaina mai,* ma faaumatia outou mai i lenei laueleele lelei na foaʻiina mai e Ieova lo outou Atua.+ 16 Pe afai e tou te solia le feagaiga a Ieova lo outou Atua na ia poloaʻi mai iā te outou e tausia, ma outou ō atu ma auauna i isi atua ma ifo i ai, ona matuā toʻasā ai lea o Ieova iā te outou,+ ma vave ona faaumatia outou mai i le nuu lelei na ia foaʻiina mai.”+

24 Ona faapotopoto faatasi lea e Iosua o ituaiga uma o Isaraelu i Sekema, ma aami toeaina o Isaraelu, o ulu o aiga, o faamasino, ma alii,+ ona latou ō mai ai lea ma tutū i luma o le Atua moni. 2 Ua faapea atu Iosua i le nuu uma: “O le mea lenei ua fetalai mai ai Ieova le Atua o Isaraelu, ‘O le isi itu o le Vaitafe* na nonofo ai o outou augātamā+ i aso anamua,+ o Tara le tamā o Aperaamo, o le tamā foʻi o Nakori, ma na latou auauna ai i isi atua.+

3 “‘Mulimuli ane, na ou aumaia lo outou augātamā o Aperaamo+ mai i le isi itu o le Vaitafe,* ma tuu atu o ia e fealuaʻi i le laueleele atoa o Kanana, ma faatoʻateleina lana fanau.+ Na ou foaʻiina atu iā te ia o Isaako.+ 4 Na ou foaʻiina atu iā Isaako o Iakopo ma Esau.+ Mulimuli ane, ona ou avatu lea iā Esau o le mauga o Seira e fai ma ona tofi;+ ae na ō ifo Iakopo ma lana fanau i Aikupito.+ 5 Mulimuli ane, ona ou aauina atu lea o Mose ma Arona,+ ma ou taia Aikupito i mala;+ ona ou aumaia ai lea o outou. 6 Ina ua ou aumaia o outou tamā mai i Aikupito+ ma latou ui mai i le sami, ona tuliloa mai lea e tagata Aikupito o o outou tamā i kariota o le taua ma ʻautau, seʻia oo i le Sami Ulaula.+ 7 Ua latou alalaga mai iā te aʻu, o Ieova,+ ona ou tuu lea o le pōuliuli i le vā o outou ma tagata Aikupito, ma faatafe mai le sami i o latou luga ma ufitia ai i latou,+ na vāai foʻi o outou mata i mea na ou faia i Aikupito;+ ma outou nonofo ai i le toafa mo tausaga* e tele.+

8 “‘Na ou aumaia outou i le laueleele o tagata Amorī, o ē na nonofo i le isi itu* o Ioritana, ma na latou siitaua mai iā te outou.+ Ae na ou tuuina atu i latou i o outou lima, ina ia fai mo outou lo latou laueleele, ma na ou faaumatia i latou mai i o outou luma.+ 9 Ona tulaʻi lea o Palako le atalii o Seporu le tupu o Moapi, ma siitaua iā Isaraelu. Ona ia aami lea o Palaamo le atalii o Peoro e fetuu iā te outou.+ 10 Ae ou te leʻi fia faalogo iā Palaamo.+ O lea, na ia faamanuia atu pea iā te outou,+ ma na ou laveaʻiina ai outou mai i lona lima.+

11 “‘Ona outou sopoʻia lea o Ioritana+ ma ō mai i Ieriko.+ Na siitaua atu iā te outou taʻitaʻi* o Ieriko, o tagata Amorī, o tagata Perisē, o tagata Kanana, o tagata Hetī, o tagata Kirekasē, o tagata Hivī, ma tagata Iepusē; ae na ou tuuina atu i latou i o outou lima.+ 12 Ona ou faaoo atu lea o le mataʻu e muamua iā te outou, ma oo ina tutuliesea ai i latou mai i o outou luma,+ e pei ona faia i tupu e toʻalua o Amorī. E leʻi tuliesea ona o lau pelu po o lau ʻaufana.+ 13 Ua ou avatu iā te outou se nuu e tou te leʻi tigāina e galueaʻiina, ma aai tou te leʻi fausia+ e tou te nonofo ai. Ua outou aai foʻi i togāvine ma togāolive tou te leʻi totōina.’+

14 “O lea, ia outou matataʻu iā Ieova ma auauna iā te ia ma le lē taʻuleagaina ma le faamaoni,+ ma aveese atua ia na auauna i ai o outou augātamā i le isi itu o le Vaitafe* ma Aikupito,+ ae ia auauna iā Ieova. 15 O lenei, afai e leaga iā te outou le auauna iā Ieova, inā outou filifili ia i le aso nei po o ai e tou te auauna i ai,+ po o atua na auauna i ai o outou augātamā i le isi itu o le Vaitafe,*+ po o atua o tagata Amorī o ē e ona le laueleele o loo outou nonofo ai.+ A o aʻu ma loʻu aiga, e matou te auauna iā Ieova.”

16 Ona tali mai lea o le nuu: “Ia mamao iā i matou ona matou tuua Ieova ae auauna i isi atua. 17 Auā o Ieova lo tatou Atua na aumaia i tatou ma o tatou tamā mai i le nuu o Aikupito,+ mai i le mea na nonofo pologa ai,+ o lē na faia nei faailoga tetele i o tatou luma,+ o lē na leoleoina pea i tatou i le ala na tatou savavali ai, ma nuu uma na tatou uia.+ 18 Na tuliesea foʻi e Ieova mai i o tatou luma o tagata uma, e oo lava i tagata Amorī sa nonofo i le laueleele. O lea, e matou te auauna foʻi iā Ieova, auā o ia o lo tatou Atua.”

19 Ona fai atu lea o Iosua i le nuu: “E lē mafai ona outou auauna iā Ieova, auā o ia o le Atua paia;+ o le Atua e finagalo e tapuaʻi atu tau lava o ia.+ E na te lē faamagaloina a outou solitulafono* ma a outou agasala.+ 20 Ae afai e tou te tuua Ieova ma outou auauna i atua ese, o le a liliu mai lava o ia, ma faaumatia outou, ina ua uma ona ia faia o mea lelei iā te outou.”+

21 Ae ua faapea mai le nuu iā Iosua: “E leai, e matou te auauna lava iā Ieova!”+ 22 Ona fai atu lea o Iosua i le nuu: “O molimau outou iā te outou lava, auā o outou lava ua outou filifili e auauna iā Ieova.”+ Ona latou faapea mai lea: “O molimau i matou.”

23 “O lenei, inā aveese ia o atua ese o loo iā te outou, ma ia uaʻi atu o outou loto iā Ieova le Atua o Isaraelu.” 24 Ona faapea mai lea o le nuu iā Iosua: “O Ieova lo tatou Atua e matou te auauna i ai, o lona siʻufofoga foʻi e matou te faalogo i ai!”

25 Ona osia lea e Iosua o se feagaiga ma le nuu i lenā aso, ma tuuina atu iā i latou poloaʻiga ma iʻuga o faamasinoga i Sekema. 26 Ua tusia e Iosua nei upu i le tusi o le Tulafono a le Atua,+ ma ave se maa telē+ ma tuu ai i inā i lalo o le laau telē, lea e i tafatafa o le nofoaga ua faapaiaina e Ieova.

27 Ona faapea atu lea o Iosua i le nuu uma: “Faauta! Ua avea lenei maa ma molimau iā i tatou,+ auā ua ia faalogo i fetalaiga uma a Ieova na fetalai mai ai iā i tatou, ma e fai foʻi ma molimau iā te outou, ina neʻi outou faafitia lo outou Atua.” 28 Ona tuu atu lea e Iosua o le nuu e ō, e taʻitoʻatasi i lona tofi.+

29 Ua mavae nei mea, ona maliu ai lea o Iosua le atalii o Nuno le auauna a Ieova, i le 110 o ona tausaga.+ 30 Ua latou tanu o ia i le laueleele o lona tofi i Timenata-sera,+ i le vaega maugā o Efaraima, i le itu i mātū o le mauga o Kaasa. 31 Sa auauna pea le nuu o Isaraelu iā Ieova i aso uma o Iosua, ma aso uma o toeaina o ē na iai pea ina ua mavae Iosua, o ē na iloa galuega uma na faia e Ieova iā Isaraelu.+

32 O ivi foʻi o Iosefa+ ia na aumai e le fanauga a Isaraelu mai i Aikupito, na latou tanu i Sekema i le fasi fanua lea na faatau e Iakopo i tupe e 100+ mai i le fanauga a Hamoro+ le tamā o Sekema; ma ua avea ma tofi o le fanauga a Iosefa.+

33 Ua oti foʻi Eleasaro le atalii o Arona,+ ona latou tanu lea o ia i le aʻega o Fineaso lona atalii,+ lea na tuuina atu iā te ia i le vaega maugā o Efaraima.