LE PESE A SOLOMONA

 2 “Ia sogi mai o ia iā te aʻu i sogi a lona fofoga,

Auā o faailoaga o lou alofa, ua sili ia nai lo o le uaina.+

 5 Tama fafine a Ierusalema e, o aʻu o se teine uliuli ae e lalelei,

E pei o faleʻie o Kitara,+ e pei foʻi o faleʻie+ o Solomona.

 6 Aua tou te vaavaai mai iā te aʻu ona ou te uliuli,

Auā ua lāina aʻu.

Ua feita mai le fanau tama a loʻu tinā iā te aʻu;

Ua latou tofia ai aʻu e leoleo i togāvine,

A o loʻu lava togāvine ou te leʻi leoleoina.

 7 O oe lenā, o lē ou te alofa tele i ai, ia e taʻu mai iā te aʻu

Po o fea e te fafaga ai lau lafu mamoe,+

Po o fea foʻi e te ave i ai le lafu e taooto ai i le aoauli.

Aiseā e avea ai aʻu e pei o se fafine ua ufiufi ona foliga i se ufimata*

I totonu o lafu a au uō?”

 8 “O oe o lē ua sili ona lalelei i fafine, afai e te lē iloa,

Inā alu atu ia e mulimuli i le lafu,

Ma fafaga i au tamaʻi ʻoti i tafatafa o faleʻie o leoleo mamoe.”

10 Ua matagofie ou alafau i tautaliga,*

O lou ua foʻi i ‘ula.

11 E matou te faia mo oe ni teuga* auro

E teuteu i siliva.”

12 “Ua sasala atu le manogi o laʻu uu manogi,*+

A o afio le tupu i lana laulau.

13 Ua pei laʻu pele o se ato o muro+ manogi iā te aʻu

E iai i le vā o o‘u susu i le pō.

14 Ua pei laʻu pele o se fuifui kofero*+ iā te aʻu,

I togāvine o Enokati.”+

17 Ua faia i arasi laau faalava o lo ta fale,*

O ona iviivi ua faia i perosi.

2 “O aʻu, ua na o se fua o le laau i Sarona,*

O se lili i vanu.”+

 2 “E pei o se lili i vao tuitui,

E faapena laʻu pele i tama teine.”

 3 “E pei o se apu i totonu o laau o le vaomatua,

O loo faapea laʻu pele i tauleleʻa.

Na ou matuā naunau e nofo i lona paolo,

Na suamalie foʻi lona fua i laʻu tofo.

 4 Na ia aumaia aʻu i totonu o le fale o tausamiga,*

O lana fuʻa foʻi na agiagia i oʻu luga, o le alofa lea.

 5 Ia outou faamalosia aʻu i keke vine;+

Ia fafaga aʻu i apu,

Auā ua ou maʻi i loʻu alofa.

 6 Ua i lalo o loʻu ulu lona lima tauagavale,

Ma ua fusi mai foʻi iā te aʻu lona lima taumatau.+

 7 Tama fafine a Ierusalema e, ou te faatautō iā te outou

I sevi+ ma ʻaila o le fanua:

Faauta! O loo sau o ia,

O loo aʻeaʻe i luga o mauga ma osooso i luga o aʻega.

O loo tū mai o ia i tua o lo tatou pā,

O loo vaavaai mai i faamalama,

O loo autilo mai i mea valavala.

‘Laʻu pele e, inā tulaʻi ia,

Si oʻu lalelei e, inā sau ia ta ō.

12 Ua iloa atu le fuga mai o laau i le fanua,+

Ua oo i le taimi e teu ai vine,+

Ma ua lagona foʻi pesega a le manutagi i lo tatou nuu.+

13 Ua matua fua o le mati sa moto;+

Ua fua mai foʻi vine ma ua sasala mai lo latou manogi.

14 Laʻu lupe e, o loo i ana o le papa,+

I le mea lilo o le mato,

Se‘i o‘u vaai atu iā te oe ma faalogo atu i lou leo,+

Auā e mālie lou leo ma e lalelei foʻi ou foliga.’”+

15 “Ia pupuʻe mai alope mo i tatou,

O tamaʻi alope o loo faaleagaina o tatou togāvine,

Auā ua fua mai o tatou togāvine.”

17 A o le‘i mālū le aso ma mou atu ata lafoia,

Laʻu pele e, inā toe fo‘i vave mai ia,

Ia pei oe o le sevi+ po o se tamaʻi ʻaila+ i luga o mauga i lo ta vā.*

3 “I luga o loʻu moega i pō,

Na ou saʻili ai i lē ua ou alofa i ai.+

 2 Ou te tulaʻi ma fealuaʻi solo i le aai;

I auala ma nofoaga faitele,

Se‘i o‘u saʻili i lē ua ou alofa i ai.

 4 E leʻi leva lava ona ou teʻa ese mai iā i latou,

Ae ou mauaina loa lē ua ou alofa i ai.

Na ou taofimau iā te ia ma ou te leʻi tuuina o ia

Seʻia ou ave iā te ia i le fale o loʻu tinā,+

I totonu o le potu o lē na afuafuaina aʻu.

 5 Tama fafine a Ierusalema e, ou te faatautō iā te outou

I sevi ma ʻaila o le fanua:

 6 “O le ā lenā mea e alu aʻe mai i le toafa* e pei o se asu faaniutū,

Ua faamanogiina i le muro ma le lipano,*

Ma pauta manogi uma a lē e faatauʻoa?”+

E toʻaono sefulu tane malolosi

Mai i tane malolosi o Isaraelu,+ o loo siʻomiaina,

 8 E tofu i latou uma ma le pelu,

Ua aʻoaʻoina i latou uma i le taua,

E tofu le tagata ma lana pelu i lona itu

Ina ia puipui ai mai i mea mata‘utia i le pō.”

 9 “O le fata* a le tupu o Solomona

Na ia faia mo ia lava mai i laau o Lepanona.+

10 O ona pou ua ia faia i le siliva,

A o ona lagolago ua faia i le auro.

O lona nofoa ua faia i le fulufulu mamoe lanu violē;

A o totonu ua teuteuina ma le alofa

E tama fafine a Ierusalema.”

11 “Tama fafine a Siona e, inā ō atu ia,

Ia vaavaai i le tupu o Solomona

O loo fai le pale o le faaipoipoga na faia e lona tinā mo ia+

I le aso o lana faaipoipoga,

Ma le aso na olioli ai lona loto.”

O lou lauulu ua pei o lafu ʻoti

Ua ō ifo mai i mauga o Kiliata.+

 2 O ou nifo ua pei o se lafu mamoe faatoʻā uma ona seleina fulufulu

Ua ō aʻe mai i le tāʻelega,

O i latou uma e tofu ma le masaga,

E leai se tasi o i latou ua leiloa sana tama.

 3 O ou laugutu ua pei o se filo mūmū sesega,

Ma ua logolelei foʻi au upu.

Ua pei o ni fasi rimoni

Ou alafau* mai i totonu o lou ʻie ufimata.

 4 O lou ua,+ ua pei o le ʻolo o Tavita+

Na fausia i laina o maa

O loo tautau ai talipupuni e afe,

O talita lapotopoto uma a tane malolosi.+

 5 O ou susu e lua ua pei o tamaʻi sevi e lua,

O le masaga a le sevi+

O loo aai i lili.”

 6 “A o le‘i mālū le aso ma mou atu ata lafoia,

Ou te alu i loʻu ala i le mauga o iai le muro

Ma le aʻega o iai le lipano.”+

 7 “Laʻu pele e, e matuā lalelei lava oe,+

E leai lava se pona iā te oe.

 8 Le tamaʻitaʻi ou te faaipoipo i ai, inā ta tuua ia o Lepanona,

Inā ta tuua ia o Lepanona.+

Inā alu ifo ia mai i le tumutumu o Amana,

Mai i le tumutumu o Senira, le tumutumu o Heremoni,+

Mai i ana o leona, ma mauga o nameri.

 9 Loʻu tuafafine e, le tamaʻitaʻi ou te faaipoipo i ai, ua e tosina atu lo‘u loto iā te oe,+

Ua e tosina atu lo‘u loto iā te oe i le na o le tasi o lau vaai mai,

Ma le tasi o ʻata o lau asoa.

Ua sili atu faailoaga o lou alofa nai lo o le uaina,+

Ma le manogi o ou uu nai lo o mea manogi lelei uma!+

Ua i lalo o lou laulaufaiva le meli ma le suāsusu,+

O le manogi foʻi o ou ofu ua pei o le manogi o Lepanona.

12 O loʻu tuafafine, o le tamaʻitaʻi ou te faaipoipo i ai, ua pei o se togālaau ua siʻomia e le pā,

O se togālaau ua siʻomia e le pā, o se vaipuna ua punitia.

13 O ou tātupu* o le togārimoni lea

O loo iai fua e silisili ona lelei, o loo iai laau o kofero, o le nato,

14 O le nato+ ma le keroko, o le tolo*+ ma le kinamoni,+

Atoa ma ituaiga o laau eseese uma o le lipano, o le muro ma aloe,+

Atoa foʻi ma mea manogi e silisili ona lelei.+

15 O oe o le vaipuna i faatoʻaga, o se vaieli o vai mamā,

Ma vaitafe e tafe mai i Lepanona.+

16 Le matagi e, mai i le itu i mātū, inā ala mai ia;

Le matagi e, mai i le itu i saute, inā sau ia.

“Ia sau ai laʻu pele i lona togālaau

Ma ʻai i ona fua e silisili ona lelei.”

5 “Loʻu tuafafine e, le tamaʻitaʻi ou te faaipoipo i ai,

Ua ou sau i loʻu togālaau.+

Ua ou ʻaina laʻu meli mai i le faamoega lagomeli;

Ua ou inu foʻi laʻu uaina ma laʻu suāsusu.”+

‘Loʻu tuafafine, laʻu pele e, inā tatala mai ia le faitoto‘a iā te aʻu,

La‘u lupe e, o lē ua lē ponā!

Auā ua susū loʻu ulu i le sau,

O lauulu foʻi o loʻu ulu i le maʻulu o le sau o le pō.’+

 4 Ua aveese e laʻu pele lona lima mai i le pū o le faitotoʻa,

Ma ua faagaee ai o‘u faalogona mo ia.

 5 Na ou tulaʻi e tatala le faitotoʻa i laʻu pele;

Ona sisina ifo lea o le muro mai i oʻu lima,

Ma le muro ua sisina ifo mai i oʻu tamatamaʻilima

I luga o le loka.

 6 Na ou tatala atu le faitoto‘a i laʻu pele,

Ae ua toe liliuese o ia, ua alu ese.

Afai tou te mauaina laʻu pele,

Ia ta‘u atu iā te ia ua ou maʻi i loʻu alofa.”

 9 “O oe lenā o lē e silisili ona lalelei i fafine,

E faapefea ona sili lau pele nai lo o se isi pele?

E faapefea ona sili lau pele nai lo o se isi pele,

Ua e faatautō ai i matou faapenei?”

10 “E aulelei ma e enaena le tino o laʻu pele;

E matilatila ese o ia i le faitau sefulu afe.

O lona lauulu e pei o le lelelelea o lau o le pama,*

E uliuli e pei o le oreva.

12 O ona mata e pei o lupe o loo i tafatafa o alāvai,

O loo tāʻeele i le suāsusu

Ma nonofo i tafatafa o se vai tā‘ele ua tumu i vai.*

13 O ona alafau ua pei o se togālaau o mea manogi,+

O mea maupu‘epu‘e o loo iai laau manogi.

16 O lona fofoga ua matuā suamalie,

Ma o mea uma foʻi e uiga iā te ia e matagofie lava.+

6 “O oe lenā e sili ona lalelei i fafine,

O fea ua alu i ai lau pele?

 2 “Ua alu ifo laʻu pele i lona togālaau,

O le togālaau o laau manogi,

E leoleo ai i togālaau

Ma tau mai lili.+

 3 O laʻu pele e ona aʻu,

Ma o aʻu e ona laʻu pele.+

 4 “Laʻu pele e,+ ua lalelei oe e pei o Tiresa,*+

Ua lalelei e pei o Ierusalema,+

E matagofie e pei o ʻautau ua faapotopoto faatasi i o latou tagāvai.+

 5 Inā liliuese ia ou fofoga+ mai iā te aʻu,

Auā ua ou fefe ai.

O lou lauulu ua pei o lafu ʻoti

Ua ō ifo mai i mauga o Kiliata.+

 6 O ou nifo ua pei o se lafu mamoe

Ua ō aʻe mai i le tāʻelega,

O i latou uma e tofu ma le masaga,

E leai se tasi o i latou ua leiloa sana tama.

 7 Ua pei o ni fasi rimoni

Ou alafau* mai i totonu o lou ʻie ufimata.

 8 Atonu e toʻa 60 masiofo,

E toʻa 80 palake,

Ma le lē mafaitaulia o tamaʻitaʻi talavou.+

Na vāai teine iā te ia ma na latou faaamuia iā te ia;

O masiofo ma palake, na latou viiviia foʻi o ia.

10 ‘O ai lenei ua susulu* e pei o le tafa o ata,

E lalelei e pei o le masina ua atoa,

E mamā e pei o le pupula o le lā,

E matagofie e pei o ʻautau ua faapotopoto faatasi i o latou tagāvai?’”+

11 “Na ou alu ifo i le togālaau o laau ʻaina,+

E vaavaai i fuga o laau i le vanu,*

Ina ia iloa ai po ua fua mai le vine,

Po ua fuga mai foʻi laau o rimoni.

12 Ae ou te leʻi iloaina,

O loʻu naunau ua tuuina ai aʻu

I kariota a oʻu tagata aloa‘ia.”*

Inā foʻi mai ia, inā foʻi mai ia,

Ina ia o matou vaavaai atu ai iā te oe!”

7 “Le tama teine lotoalofa e,

Maʻeu lava le matagofie o ou vae i ou seevae!

O le tino mai o ou ogāvae ua pei o ni teuteu matagofie,

O le galuega a lima o se tufuga tomai.

O lou manava o se faaputuga saito,

Ua siʻomia i lili.

 3 O ou susu e lua ua pei o tamaʻi sevi e lua,

O le masaga a le sevi.+

O ou mata+ ua pei o vai tāʻele i Hesepona,+

I tafatafa o le faitotoʻa o Pete-repima.

O lou isu ua pei o le ʻolo o Lepanona,

Lea e feagai ma Tamaseko.

 5 O lou ulu e matagofie e pei o le mauga o Karamelu,+

O fili foʻi o lou lauulu*+ ua pei o fulufulu mamoe lanu violē.+

 6 Le teine pele e, maʻeu lava lou lalelei,

Maʻeu foʻi lou matagofie e sili atu nai lo o isi mea lelei uma!

 7 O lou maualuga ua pei o le laau o le pama,

Ma o ou susu ua pei o taufuifui o fua o le pama.+

 8 Na ou faapea ifo, ‘O le a ou aʻe i le laau o le pama

Ina ia ou tago atu i ona fua.’

Tau ina ia avea ou susu e pei o fuifui vine,

Ma lau mānava ia manogi e pei o apu,

 9 O lou fofoga fo‘i ia pei o le uaina e sili ona lelei.”

“Tau ina ia alu ifo lemū mo laʻu pele,

E tafe lemū ifo i laugutu o ē o loo momoe.

10 O laʻu pele e ona aʻu,+

Ua naunau mai foʻi o ia iā te aʻu.

11 Laʻu pele e, inā sau ia,

Seʻi o ta ō atu i le fanua;

Se‘i o ta nonofo i totonu o laau o kofero.+

12 Inā ta alapopō ia ma ta ō atu i togāvine,

Seʻi o ta iloa ai po ua fua mai le vine,

Po ua matala ona fuga,+

Ma po ua fuga mai foʻi rimoni.+

13 Ua sasala mai le manogi o tutaima;*+

O loo iai i o tatou faitotoʻa ituaiga o fua eseese uma e sili ona lelei.+

O fua faatoʻā tau ma fua ua leva,

Na ou teuina mo oe laʻu pele.

8 “Ma‘imau pe ana pei oe o soʻu tuagane,

O lē na susu i susu o loʻu tinā!

Ona ou sogi atu lea iā te oe pe a ou maua oe i fafo,+

Ma e lē ʻinoʻino mai ai tagata iā te aʻu.

 2 Ou te taʻitaʻi iā te oe;

Ou te aumaia oe i le fale o loʻu tinā,+

O lē na aʻoaʻo mai iā te aʻu.

Ou te avatu iā te oe le uaina ua sui i mea manogi e te inu ai,

O le sua o rimoni fou.

 3 Ua i lalo o loʻu ulu lona lima tauagavale,

Ma ua fusi mai foʻi iā te aʻu lona lima taumatau.+

 5 “O ai lenei o loo alu aʻe mai i le toafa,

O loo faalagolago i lana pele?”

 6 Ia e tuu aʻu e pei o se faamaufaailoga i lou loto,

E pei o se faamaufaailoga i lou lima,

Auā ua malosi le alofa e pei o le oti,+

O le faamaoni foʻi e maumauaʻi e pei o le Tuugamau.*

 7 E lē mafai e vai e tele ona tineia le alofa,+

E lē mafai foʻi ona tafiesea e vaitafe.+

Afai e avatu e se tagata ‘oa uma mai i lona fale ina ia alofagia ai o ia,

E matuā inosia lava na mea* e tagata.”

 8 “E iai lo matou tuafafine laʻitiiti+

Ma e leai ni ona susu.

O le ā se mea e matou te faia mo lo matou tuafafine,

I le aso e sau ai se tasi e faamalamalama iā te ia?”

 9 “Afai o se pā o ia,

E matou te atiaʻe i ona luga se pā siliva;

Ae afai o se faitotoʻa o ia,

E matou te pupuni iā te ia i se laupapa arasi.”

10 “O aʻu nei o le pā,

Ma o oʻu susu ua pei o ni ʻolo.

O lea, i lana vaai ua avea aʻu

E pei o lē ua mauaina le filemu.

Solomona e, e fai mo oe tupe siliva e afe,*

Ae o le lua selau e fai mo i latou o loo leoleoina ona fua.”

13 “O oe lenā o loo nofo i togālaau,+

O loo faalogologo mai o ē ua faatasi ma oe i lou leo.

14 “Laʻu pele e, inā faavave ia,

Ma ia televave e pei o se sevi+

Po o se tamaʻi ʻaila

I luga o mauga o loo ola ai laau o mea manogi.”