ISAIA
1 O le faaaliga na vaaia e Isaia*+ le atalii o Amota e faatatau iā Iuta ma Ierusalema i aso o Usia,+ Iotama,+ Aasa,+ ma Esekia,+ o tupu ia o Iuta:+
3 Ua iloa lelei e le povi poʻa lē na faatauina o ia,
Ua iloa foʻi e le asini le mea e fafaga ai o ia e lē e ana o ia;
Ae ua lē iloa e Isaraelu aʻu,*+
Ua gaoioi e aunoa ma le poto loʻu nuu.”
4 Oi talofa i le nuu agasala,+
O le nuu e matuā agasala lava,
O le fanau amioleaga, o atalii faapi‘opi‘o!
5 Pe e tou te fouvale mai pea ea ma outou atili tigāina ai?+
Ua tigā le ulu atoa,
Ua ma‘i foʻi le lotoatoa.+
6 E leai se mea e mai i le alofivae e oo i le ulu e mālōlōina.
O loo iai manuʻa, totoulia, ma poʻu.
E leʻi faamamāina, pe fusi, pe faamālūina i le suāuu.+
7 Ua faatafunaina lo outou laueleele.
Ua susunuina o outou aai i le afi.
Ua ʻaina e tagata ese fua o lo outou laueleele i o outou luma.+
Ua pei o se laueleele ua faatafunaina ua osofaʻia e tagata ese.+
8 Ua tuua le tama teine a Siona e pei o se fale lauvao i le togāvine,
E pei o se tamaʻi fale i se togākukama,
E pei foʻi o se aai ua siʻosiʻomia.+
9 Pe ana lē faatotoeina e Ieova o ʻau ni ē e totoe iā i tatou,
Semanū e pei i tatou o Sotoma,
Ma semanū foʻi e pei i tatou o Komoro.+
10 Pule sauā e,* o Sotoma,+ inā faalogo mai ia i le afioga a Ieova.
Le nuu e, o Komoro,+ inā uaʻi mai ia i le tulafono* a lo tatou Atua.
11 Ua fetalai mai Ieova: “O le ā le aogā iā te aʻu o le tele o a outou taulaga?+
Ua ou fiu i a outou taulaga mū o mamoe poʻa+ ma le gaʻo o manu pepeti,+
Ou te lē fiafia foʻi i le toto+ o tamaʻi povi poʻa,+ ma tamaʻi mamoe ma ʻoti.+
12 Pe a outou ō mai i oʻu luma,+
O ai ea na faatonuina outou e faia lenei mea,
Ma soli ai loʻu lotoā?+
13 Aua neʻi toe aumaia ni taulaga i meaʻai* e lē aogā.
Ou te ʻinoʻino i a outou mea manogi ua faamūina.+
Ua outou tausia masina faatoʻā vaaia,+ o sapati,+ ma faia fonotaga.+
Ae ua ou lē lavā onosaia le faaaogā o faiga faataulāitu+ i faapotopotoga paia ua outou faia.
14 Ua ou ʻinoʻino i a outou masina faatoʻā vaaia ma a outou tausamiga.
Ua avea o se avega mamafa iā te aʻu;
Ua ou lē lavā tauave.
E tusa lava pe tele ni a outou tatalo e fai,+
Ou te lē faalogo atu lava i ai;+
Auā ua tutumu o outou lima i le faamasaatoto.+
16 Inā fafano ia outou, inā faamamā ia outou;+
Ia faate‘aese a outou gaoioiga leaga mai i oʻu luma;
Ma aua le toe faia mea leaga.+
17 Ia outou faamasani e fai mea lelei, ia saʻili i le mea ua tonu,+
Ia faasaʻo lē ua sauā,
Ia puipuia aiā tatau a le tamaitiiti ua leai sona tamā,*
Ma ia finau mo le fafine ua oti lana tane.”+
18 Ua fetalai mai Ieova: “Inā ō mai ia e tatou te talanoa faatasi, ina ia faaleleia la outou faiā ma aʻu.+
E ui ina pei o le ʻie mūmū sesega a outou agasala,
Ae o le a paʻepaʻe e pei o le kiona;+
E ui foʻi e pei o le ʻie mūmū pāuli,
Ae o le a avea e pei o fulufulu mamoe.
20 Ae afai tou te mumusu ma fouvale,
O le a faaumatia outou i le pelu,+
Auā ua fetalai mai ai le fofoga o Ieova.”
21 Auē, ua avea ma talitane+ le aai sa faamaoni!+
Sa tumu o ia i le faamasinotonu;+
Sa nofo ai foʻi le amiotonu,+
Ae ua nonofo ai nei le ‘aufasioti tagata.+
23 Ua lotomaaa ou taʻitaʻi ma ua ʻau ma ē e gāoi.+
Ua naunau i latou uma i foaʻi faaalatua ma mananaʻo i meaalofa.+
Ua latou lē faia ni faaiʻuga tonu mo le tama ua leai se tamā,*
Ua lē oo atu foʻi iā i latou le mataupu faaletulafono a le fafine ua oti lana tane.+
24 O le mea lea ua fetalai mai ai le Alii moni o Ieova o ʻau,
O Lē e Malosi o Isaraelu:
“Faalogo mai! O le a ou tafiesea oʻu fili,
Ma o le a ou tauimasui atu i ē e ita mai.+
25 Ou te matuā aʻoaʻia oe,
Ou te faamamā* ese au mea leaga e pei ona faamamā i le fasimoli,
Ma ou te aveesea au mea lē aogā uma.+
26 Ou te toe aumaia ou faamasino e pei ona sa iai muamua,
Ma au ʻaufaufautua e pei ona iai i le amataga.+
Ona faaigoaina ai lea o oe o le Aai o le Amiotonu, o le Aai Faamaoni.+
28 Ae e oo faatasi le malaia i ē e fouvale ma ē e agasala,+
Ma o i latou ua lafoaʻia Ieova, e faaumatia lava i latou.+
31 O le a pei le tagata malosi o se manoa e mūgofie,
O lana galuega foʻi ua pei o se aloiafi;
E mumū faatasi ia mea e lua,
Ma e leai se tasi na te tapēina.”
2 O le mea lenei na vaaia e Isaia le atalii o Amota e faatatau iā Iuta ma Ierusalema:+
2 O aso e gata ai,
O le a oo ina faatumauina ai le mauga o le fale o Ieova
I luga o tumutumu o atumauga,+
O le a faamaualugaina foʻi e sili i aʻega,
Ma e gasolo ane i ai nuu uma.+
3 E ō mai lava tagata e toʻatele ma faapea ane:
“Ō mai ia, tatou ō aʻe i le mauga o Ieova,
I le fale o le Atua o Iakopo.+
E na te aʻoaʻoina ai i tatou i ona ala,
Ma tatou savavali ai i ona ala.”+
4 E faamasino foʻi o ia i atunuu,
Ma faasaʻo mataupu a tagata e toʻatele.
E latou te tuʻi a latou pelu e fai ma uʻamea o suōtosina
Ma a latou tao e fai ma pelu e teu ai laau.+
E lē toe sii le pelu a le tasi atunuu i le tasi atunuu,
Pe latou te toe aʻoaʻo foʻi i taua.+
6 Le Atua e, ua e tuulafoaʻiina lou nuu le aiga o Iakopo,+
Auā ua tumu le nuu i mea mai i Sasaʻe;
Ua latou faia faiga faaagaga+ e pei o tagata Filisitia,
Ma ua tumu foʻi le nuu i fanau a tagata ese.
7 Ua tumu lo latou laueleele i siliva ma auro,
Ma ua lē mafaitaulia a latou ʻoa.
Ua tumu foʻi lo latou laueleele i solofanua,
Ma ua lē mafaitaulia a latou kariota.+
8 Ua tumu lo latou laueleele i atua lē aogā.+
Ua latou ifo i mea ua faia e o latou lava lima,
O mea na faia e o latou lava tamatamaʻilima.
9 Ua paʻū maulalo le tulaga o le tagata, ua faamaulaloina o ia,
Ma e te lē faamagaloina lava i latou.
10 Alu atu ia i totonu o le papa ma lafi ai i le eleele
Ona o le mataʻutia o le toʻasā o Ieova
Ma le ofoofogia o lona silisili ese.+
11 E faamaulaloina mata faasausili o tagata,
E faamaulaloina foʻi le faamaualuga o tagata.
E na o Ieova lava e faasilisilia i lenā aso.
12 Auā o le aso lenā o Ieova o ʻau.+
E oo atu i ē uma e fia tagata ma faamaualuluga,
E oo atu i ē uma e tusa pe e faasilisilia pe e faatauvaa,+
13 E oo atu i arasi uma o Lepanona e uumi ma maualuluga
Ma laau tetele uma o Vasana,
14 E oo atu i mauga maualuluga uma
Ma aʻega maualuluga uma,
15 E oo atu i ʻolo maualuluga ma pā malolosi uma,
16 E oo atu foʻi i vaa uma o Tasesa+
Ma vaa matagofie uma.
17 E faamaulaloina le fiasili o le tagata,
E faamaulaloina foʻi le faamaualuluga o tagata.
E na o Ieova lava e faasilisilia i lenā aso.
18 O le a matuā mou atu atua lē aogā.+
19 E ulu atu foʻi tagata i totonu o ana o papa,
Ma lua i le eleele,+
Ona o le mataʻutia o le toʻasā o Ieova
Ma le ofoofogia o lona silisili ese,+
Pe a tulaʻi o ia e lūlūina le lalolagi.
20 O lea aso, o le a ave ai e tagata o latou atua lē aogā e faia i siliva ma auro
Ia na latou faia mo i latou lava e ifo i ai
Ma lafoaʻi i isumu ma peʻa,+
21 Ma e latou te ulu i totonu o pū o papa,
Atoa ma vā o papa,
Ona o le mataʻutia o le toʻasā o Ieova
Ma le ofoofogia o lona silisili ese,
Pe a tulaʻi o ia e lūlūina le lalolagi.
22 A o outou, aua tou te faatuatua i le tagata,
O lē o loo iai le mānava i ona pogaʻiisu.
E faapefea la ona faalagolago se tasi iā te ia?
3 Auā, faauta! o loo aveesea e le Alii moni o Ieova o ʻau,
Mai i Ierusalema ma Iuta mea uma e manaʻomia mo le tausiga o le ola,
O meaʻai ma vai,+
2 O le tagata malosi ma le toa,
O le faamasino ma le perofeta,+ o lē e faia valovaloga faataulāitu ma le toeaina,
3 O le taʻitaʻiʻau o le toʻa 50,+ o lē e faaaloalogia ma le faufautua,
O lē e atamai i faiga faaagaga, ma lē e atamai e fai togafiti faataulāitu.+
4 Ou te faia tama e avea ma o latou perenise,
Ma e pulea i latou e pulega e lē tumau.
O le a osofaʻia e le tama le toeaina,
Ma o le a tetee le tagata faatauvaa i lē e faaaloalogia.+
6 E taʻitoʻatasi le tagata ma tago atu i lona uso i le aiga o lona tamā, ma faapea atu:
“O lenā e iai lou ofu tele. Ia fai oe ma o matou pule.
Ia e pulea lenei faupu‘ega o mea ua faaleagaina.”
7 Ae o le a tetee o ia i lea aso ma faapea atu:
“E lē avea aʻu ma sē e fusifusia o outou manuʻa;
E leai se meaʻai po o ni ofu i loʻu fale.
Aua neʻi outou faia aʻu ma pule i le nuu.”
8 Auā ua tautevateva Ierusalema,
Ma ua paʻū Iuta,
Auā ua faasagatau a latou upu ma gaoioiga iā Ieova;
Ua latou gaoioi ma le fouvale i lana silafaga mamalu.+
9 Ua molimau o latou foliga vaaia iā i latou lava,
Ma ua latou taʻua foʻi a latou agasala e pei ona faia e Sotoma,+
Ua latou lē taumafai e natia.
Oi talofa iā i latou, auā ua latou aumaia mala iā i latou lava!
10 Ia faapea atu i tagata amiotonu, o le a lelei mea uma mo i latou;
11 Oi talofa i le tagata amioleaga!
O le a malaia o ia,
Auā o mea na ia faia i isi e faapea foʻi ona faia iā te ia!
12 A o loʻu nuu, ua sauā i ai ē e faafaigaluegaina i latou,
Ma ua pule ai fafine.
Loʻu nuu e, ua faasesēina outou e o outou taʻitaʻi,
Ma ua latou faafenuminumiaʻi o outou ala e savavali ai.+
13 Ua tulaʻi mai Ieova e finauina lana mataupu;
Ma ua tulaʻi foʻi e faamasinoina nuu.
14 E faia e Ieova le faamasinoga o toeaina ma perenise o lona nuu.
Ua ia fetalai mai iā i latou, “Ua outou susunu le togāvine,
Ma ua teuina i o outou fale mea na gaoia mai i ē matitiva.”+
15 Ua fetalai atili mai le Alii Pule Silisili Ese o Ieova o ʻau, “O ai outou ua outou tu‘imomomo ai loʻu nuu,
Ma outou olo ai mata o ē matitiva i le palapala?”+
16 Ua fetalai mai Ieova: “Talu ai ua faualuga tama fafine a Siona,
Ua latou savavali ma o latou ua fālō,
Ma o latou mata faatosina, ua latou savavali faamaepaepa,
Ma o latou vae ua iai tauvae tagitagi,
17 O le a faia e Ieova ia poʻupoʻua ulu o tama fafine a Siona,
Ma o le a faataatia fua mai e Ieova o latou muāulu.+
18 O lea aso, o le a aveesea ai e Ieova le matagofie o latou tauvae,
O mea e tatao ai le lauulu ma teuteu e pei o le masina,+
19 O tautaliga, o taulima ma ufimata,
20 O ufiulu, o filifili i tapuvae ma fusi,
O fagu manogi ma mea teuteu e maua ai le laki,
21 O mama e tuu i lima, ma mama e tuu i isu,
22 O ofu talaloa faapitoa, o ofu pito i fafo, o ofu uumi ma ato tupe,
23 O faata e uu i lima+ ma ofu pito i totonu,
O pulou ʻie ma ufimata.
24 O le a iai le manogi leaga nai lo o le sasala o le suāuu pasama;+
O le maea, nai lo o le fusipaʻu;
O le ulu tula,+ nai lo o le lauulu teuteu lelei;
O le ofu ʻie talatala,+ nai lo o le ofu taugatā;
O le ma‘ila,* nai lo o le aulelei.
26 O le a faavauvau ma faanoanoa faitotoʻa o Siona,+
O le a faagaogaoina foʻi o ia, ma o le a nofo i lalo i le eleele.”+
4 O lea aso, o le a fetagofi atu ai fafine e toʻafitu i le tane e toʻatasi,+ ma faapea atu:
“E matou te aai i a matou lava meaʻai
Ma oofu i o matou lava ofu;
Ae tau lava ina ia matou igoa i lou igoa
2 O lea aso, o le a avea ai tātupu e faatupu aʻe e Ieova o ni mea matagofie ma mamalu, ma e avea fo‘i fua o le laueleele o se mea e mitamita ai ma o se mea matagofie iā i latou na faasaoina o Isaraelu.+ 3 O i latou ua iai pea i Siona ma ē o totoe i Ierusalema, o le a taʻua i latou o ē e paia, o i latou uma ua tusia e ola ai pea i Ierusalema.+
4 Pe a uma ona fufulu ese e Ieova mea leaga a* tama fafine a Siona+ ma faamamā ese le faamasaatoto o Ierusalema mai iā te ia, e ala i le agaga o le faamasinoga ma le agaga o le susunuina,+ 5 o le a faia foʻi e Ieova i luga o nofoaga uma i le mauga o Siona, ma luga o le mea e faia ai tauaofiaga, o se ao ma le asu i le ao, ma le afi mumū i le pō;+ ma o le a iai se mea e malu ai i luga o le nofoaga mamalu uma. 6 O le a iai le fale lauvao e faapaolo ai i le ao ona o le vevela o le lā,+ o se sulufaʻiga foʻi ma o se mea e lafi ai mai i matagi malolosi ma timuga.+
Na iai se togāvine a laʻu pele i luga o le aʻega o le laueleele e fua tele mai.
2 Na ia suatia le fanua ma aveese maa.
Ua ia totō ai vine mūmū e sili ona lelei,
Na ia fausia ai se ʻolo i le ogatotonu,
Ma ia tāina se mea e soli ai vine.+
Na ia faamoemoe o le a fua mai ai ni vine lelei,
Ae na fua mai ai vine leaga.+
3 O lea ua ia faapea ane: “O lenei, o outou o ē nonofo i Ierusalema ma outou o tagata o Iuta,
Faamolemole ia faamasino mai iā te aʻu ma laʻu togāvine.+
Aiseā foʻi na fua mai ai vine leaga,
Ae na ou faamoemoe e fua mai ai ni vine lelei?
5 A o lenei faamolemole, seʻi oʻu faailoa atu iā te outou
Le mea o le a ou faia i loʻu togāvine:
O le a ou aveesea le pā laau,
Ma o le a susunuina le togāvine.+
O le a ou soloia i lalo ona pā maa,
Ma o le a solia le togāvine.
O le a lilofia i vao tuitui ma vao leaga,+
Ma ou te poloaʻi atu i ao ina ia aua neʻi totō ifo i ai se timu.+
7 Auā o le togāvine a Ieova o ʻau o le aiga lea o Isaraelu;+
O tagata foʻi o Iuta o lana faatoʻaga lea na fiafia i ai.
Sa ia faamoemoe pea mo le faamasinotonu,+
Ae faauta foʻi! ua iai faiga lē tonu;
Sa ia faamoemoe mo le amiotonu,
Ae faauta foʻi! o le ōi.”+
8 Oi talofa i ē e faaopoopoina isi fale i o latou fale,+
Ma ē e faaopoopo isi fanua i o latou fanua+
Seʻia lē toe iai se mea mo isi
Ma outou nonofo ai na o outou lava i le laueleele!
9 Na ou faalogo i le tautoga a Ieova o ʻau e faapea,
O le tele o fale e ui ina tetelē ma matagofie,
O le a avea ma mea e fefefe ai,
Ma e leai se tasi e nofo ai.+
10 O le a fua mai e le sefulu eka o le togāvine, e na o le tasi le paita* o uaina,
O le a fua mai foʻi e le tasi le somera* o fatu, e na o fua e tusa ma le tasi le efa.*+
11 Oi talofa iā i latou o ē e fealapō i le taeao ina ia inu i le ʻava malosi,+
O ē e inu pea seʻia oo i le afiafipō, ma ua lē pulea a latou amio ona o le uaina!
12 E masani ona iai le kitara* ma le meafaifaaili e fai uaua,
O le topa,* o le fagufagu ma le uaina i a latou faigaʻai;
Ae latou te lē manatunatu i gaoioiga a Ieova,
Ma latou te leʻi vāai foʻi i galuega a ona aao.
13 O le mea lea, e ave faapagota ai loʻu nuu i se isi atunuu
Ona o lo latou lē iloaina o aʻu;+
O le a matelāina o latou tagata aloaʻia,+
Ma e galala i le fia feinu o latou tagata uma.
14 O lea la, ua faalautele ai e le Tuugamau* o ia lava
Ma faamaga lona gutu e leai se mea e gata mai ai;+
O le a ō ifo lava i ai
O ē maualuluga o i Ierusalema, ma ona tagata pisapisaō ma onanā e toʻatele.
15 O le a faamaulaloina le tamāloa,
Ma taʻufaatauvaaina le tagata,
E faamaulaloina foʻi mata o ē e faamaualuluga.
16 O le a faasilisilia Ieova o ʻau e ala i ana faamasinoga;
O le Atua moni, o Lē e Paia,+ o le a ia faapaiaina o ia lava e ala i le amiotonu.+
17 E saʻoloto le aai a tamaʻi mamoe e pei o loo i o latou lava laufanua;
E aai foʻi tagata ese i mea gaogao ia na nonofo muamua ai manu pepeti.
18 Oi talofa iā i latou ua latou toso le sesē i maea o le pepelo,
Ma toso foʻi le agasala e pei o maea o loo toso ai se taavale toso;
19 O ē o loo faapea ane: “Ia faavave e Ia lana galuega;
Ia vave ona oo mai, ina ia tatou vāai i ai.
20 Oi talofa iā i latou ua faapea mai e lelei le leaga, ma e leaga le lelei,+
O i latou ua suia le pogisa i le malamalama, ma le malamalama i le pogisa,
O i latou ua suia le mea oona i le mea suamalie, ma le mea suamalie i le mea oona!
22 Oi talofa i ē e inu tele i le uaina
Ma tagata e popoto i le suiina o le ʻava malosi,+
23 O i latou e taʻutonuina ē e amioleaga ona o faiga faaalatua+
Ma lē faia le faamasinogatonu mo le tagata amiotonu!+
24 O lea, e pei ona faaumatia e le afi le tagutugutu o laau
Ma mou atu mutia mamago i le afi,
E faapea foʻi ona pala o latou aa,
Ma o le a mamago o latou fuga ma lelea e pei o le pauta,
Ona ua latou teena le tulafono* a Ieova o ʻau,
Ma lē āva i le afioga a Lē e Paia o Isaraelu.+
25 O le mea lea ua matuā toʻasā ai Ieova i lona nuu,
E na te faaloaloa ai lona aao faasaga iā i latou ma taia i latou.+
O le a gatete mauga,
Ma o le a pei o latou tino oti o ni otaota i le auala tele.+
Ona o nei mea uma, e leʻi liliuese ai lona toʻasā,
Ae ua faaloaloa pea lona aao e taia i latou.
26 Ua ia faatū se faailoilo* mo se atunuu e mamao;+
Ua ia tuufaaili atu iā i latou ina ia ō mai mai i tuluʻiga o le lalolagi;+
Ma vaai foʻi! o le a faavavevave lava ona latou ō mai.+
27 E leai se tasi o i latou e lē lavā pe tautevateva.
E leai se tasi e tautulemoe pe moe.
E lē matala le fusi o loo fusi ai o latou puimanava,
Pe motu foʻi nonoa o o latou seevae;
O atigivae o a latou solofanua ua pei o se maa malō,
Ma e pei o le matagi malosi uili o a latou kariota.+
E latou te gū ma pupu‘e manu
Ma aumai e aunoa ma se tasi e na te laveaʻiina.
O so o se tasi e vaai atu i le laueleele, o le a vaaia le pogisa e puapuagatia ai;
Ua pogisa foʻi le malamalama ona o ao.+
6 O le tausaga na maliu ai le tupu o Usia,+ na ou iloa ai Ieova o loo afio i se nofoālii sili ma maualuga,+ ma o ona pito ofu ua tumu ai le malumalu. 2 Ua tutū serafi e latalata ane. Ua tofu ma apaʻau ta‘iono. E lua e na te ufiufi ai ona foliga, e lua e na te ufiufi ai ona vae, ma le isi lua e feleleaʻi ai.
3 Ua valaau atu le tasi i le isi:
“E paia, e paia, e paia Ieova o ʻau.+
Ua faatumulia le lalolagi i lona mamalu.”
4 Ona lūlū ai lea o sooga o faitotoʻa i le leo o lē o loo valaau atu, ma ua faatumulia le fale i le asu.+
5 Ona ou faapea atu lea: “Oi talofa iā te aʻu!
O le a ou oti,
Auā o aʻu o se tagata e lē mamā laugutu,
Ma ua ou nofo faatasi ma tagata e lē mamā o latou laugutu;+
Ae ua vaai oʻu mata i le Tupu, o Ieova o ʻau lava ia!”
6 Ona lele mai ai lea o se tasi o serafi iā te aʻu, ma ua i lona lima se malala ola+ ua ia aveese mai i le fata faitaulaga+ i se iofi. 7 Ua ia paʻi mai i loʻu gutu ma faapea mai:
“Silasila! Ua paʻi atu lenei mea i ou laugutu.
Ua aveesea au mea sesē,
Ma ua faia le togisala mo au agasala.”
8 Ona ou faalogo lea i le siʻufofoga o Ieova, ua faapea mai: “O ai ou te auina atu, ma o ai foʻi o le a alu atu mo i matou?”+ Ona ou fai atu lea: “O aʻu lenei! Inā auina atu ia aʻu.”+
9 Ua ia toe fetalai mai: “Inā alu atu ia, ma fai atu i nei tagata:
‘O le a outou faalogo ma saga faalogo,
Ae e tou te lē malamalama;
O le a outou vāai ma toe vāai,
Ae e tou te lē iloa ni mea.’+
10 Ia faamaaa loto o nei tagata,+
Ia faataligatuli o latou taliga,+
Ma faapipii faatasi o latou mata,
Ina ia aua neʻi o latou iloa se mea i o latou mata
Ma aua neʻi faalogo o latou taliga,
Ina neʻi malamalama foʻi o latou loto
Ma latou toe liliu mai ma faamālōlōina i latou.”+
11 Ona ou fai atu lea: “Ieova e, o le ā ea le umi?” Ua fetalai mai o ia:
“Seʻia faatafunaina aai, ma leai se isi e nofo ai,
Ma faagaogaoina fale e leai ni tagata e nonofo ai,
Ma matuā faatamaʻia foʻi le laueleele;+
12 Se‘ia ave e Ieova tagata i se mea mamao,+
Ma matuā tuulafoaʻiina le atunuu atoa.
13 “Peitaʻi, o le a iai pea le tasi vaesefulu, ma e ao ona avea o se mea e toe susunuina e pei o se laau telē ma o se laau e matuā maualuga, pe a tuuina i lalo e iai pea le pogati; o le fanau paia o le pogati lea.”
7 O aso o Aasa+ le atalii o Iotama le atalii o Usia, le tupu o Iuta, na ō aʻe ai Resina le tupu o Suria ma Peka+ le atalii o Remalia le tupu o Isaraelu e tau ma Ierusalema, ae ua lē mafai ona ia* faatoʻilaloina Ierusalema.+ 2 Ua taʻu atu foʻi i le aiga o Tavita e faapea: “Ua ʻau faatasi Suria ma Efaraima.”
Ona gatete ai lea o le loto o Aasa ma loto o ona tagata, e pei o le lūlūina o laau o le vaomatua ona o le matagi.
3 Ona fetalai mai lea o Ieova iā Isaia: “Faamolemole, ia ō atu ma Sarasopa*+ lou atalii e faafeiloaʻi Aasa, i le mea e gata mai ai le alāvai o le vaieli pito i luga,+ i tala ane o le ala tele o le fanua o le tagata tā ofu. 4 E ao ona e fai atu iā te ia, ‘Ia aua neʻi e popole. Aua e te fefe, ma aua neʻi palaai lou loto ona o le ita o Resina le tupu o Suria ma le atalii o Remalia,+ auā ua pei i laʻua o ni motumotu o loo asuasu. 5 Auā ua taupulepule Suria ma Efaraima ma le atalii o Remalia ina ia fai se mea leaga iā te oe, e faapea: 6 “Ia tatou ō aʻe e faasagatau iā Iuta ma matuā faatamaʻia* ma faato‘ilalo mo i tatou lava; ia tatou tofia foʻi le atalii o Taveele e fai ma ona tupu.”+
7 “‘O le fetalaiga lenei a le Alii Pule Silisili Ese o Ieova:
“E lē taulau lea fuafuaga,
Pe taunuu foʻi.
8 Auā o le ulu o Suria o Tamaseko,
O le ulu foʻi o Tamaseko o Resina.
O le a matuā nutililiia Efaraima ma lē toe avea o se nuu+
Ae e leʻi atoa le 65 tausaga.
Afai e lē malosi lo outou faatuatua,
Ona lē umi lea ona tumau o outou.”’”
10 Ua toe fetalai mai Ieova iā Aasa e faapea: 11 “Ia e talosaga atu mo se faailoga mai iā Ieova lou Atua;+ e tusa pe e loloto e pei o le Tuugamau* pe maualuga e pei o le lagi.” 12 Ae ua faapea atu Aasa: “Ou te lē talosaga atu, ou te lē tofotofo foʻi iā Ieova.”
13 Ona faapea atu lea o Isaia: “Le aiga o Tavita e, faamolemole ia faalogo mai. Po ua lē lava ea lo outou tofotofoina o le onosaʻi o tagata? Ae po o le a outou tofotofoina foʻi le onosaʻi o le Atua?+ 14 O le mea lea o le a avatu ai e Ieova iā te outou se faailoga: Faauta! O le a tō le tamaʻitaʻi ma fanau mai se tama tama,+ ma o le a ia faaigoa iā te ia o Emanuelu.*+ 15 E ʻai e ia le pata ma le meli i le taimi e na te iloa ai ona tetee atu i le leaga ma filifili i le lelei. 16 Auā a o leʻi iloa e le tama ona tetee atu i le leaga ma filifili i le lelei, o le a matuā tuulafoaʻia le laueleele o tupu e toʻalua o loo e matuā fefe ai.+ 17 O le a aumaia e Ieova faasaga iā te oe, o lou nuu, ma le aiga o lou tamā, o aso e leʻi faapea ona oo mai talu mai le aso na vavaeese ai Efaraima mai iā Iuta,+ auā o le a Ia aumaia le tupu o Asuria+ e osofaʻia oe.
18 “O lea aso, o le a tuufaaili ai Ieova i lago o loo i mea mamao o alāvai o le Naila i Aikupito, ma pi o loo i le laueleele o Asuria, 19 ma o le a latou ō mai ma nonofo i vanu* e pei o ni tofē, i māvaevae o papa, i laau tuitui uma, ma nofoaga ua iai vai.
20 “O lea aso, o le a tafi ai e Ieova le ulu ma fulufulu o vae, e oo foʻi i le ʻava o le a seleina, e ala i se tafi ua totogiina mai i le vaipanoa o le Vaitafe,* o le tupu lea o Asuria.+
21 “O lea aso, o le a faasaoina ai e se tagata se tamaʻi povi fafine o le lafu, ma ni mamoe se lua. 22 Ona o le matuā tele foʻi o le suāsusu, o le a ʻai ai e ia le pata, auā o le a ʻai e tagata uma e totoe i le atunuu le pata ma le meli.
23 “O lea aso, o le a iai na o laau tuitui ma vao leaga i nofoaga uma sa iai vine e 1,000, e tusa lona tau ma tupe siliva e 1,000. 24 O le a ō atu tagata i inā ma aū ma ʻaufana, auā o le a tumu le atunuu i laau tuitui ma vao leaga. 25 O mauga uma sa masani ona faamamā i le suō, e te lē alu atu i ai ona o le mataʻutia o laau tuitui ma vao leaga; o le a avea lava ma nofoaga e tataa ai povi poʻa ma laueleele e soli e mamoe.”
8 Ua fetalai mai Ieova iā te aʻu: “Ia e ave se laupapa telē+ ma tusia ai i luga ni mataʻitusi faigofie i se peni, o ‘Maelisala-asapasa.’* 2 Ia iai se faamaoniga tusitusia* o lenei mea iā te aʻu e ala i ni molimau faamaoni, o Uria+ le ositaulaga ma Sakaria le atalii o Iperekia.”
3 Ona ma momoe lea ma le perofeta fafine,* ma ua tō ai o ia ona fanau ai lea o le tama tama.+ Ua fetalai mai Ieova iā te aʻu: “Ia faaigoa o ia iā Maelisala-asapasa, 4 auā a o leʻi iloa e le tamaitiiti ona valaau atu, ‘Loʻu tamā e!’ ma ‘Loʻu tinā e!’ ae ua aveesea oloa uma o Tamaseko ma le vete* a Samaria ma aumaia i luma o le tupu o Asuria.”+
5 Ua toe fetalai mai Ieova iā te aʻu:
6 “Talu ai ua teena e lenei nuu le vai o Seloa*+ o loo tafe lemū,
Ma ua matuā fiafia iā Resina ma le atalii o Remalia,+
7 O le mea lea, faauta! o le a aumaia e Ieova faasaga iā i latou
O vai o le Vaitafe,* e malolosi ma e tele lava,
O le tupu lea o Asuria+ ma lona mamalu uma.
O le a tafe atu ma o le a ia lofia, e oo aʻe lava ia i le ua.+
E faaloloa ona apaʻau ma e ufitia ai le lautele o lou laueleele,
9 O outou nuu e, ia outou faamanuʻalia i latou, ae e nutililiia outou.
Inā faalogologo ia outou o ē o nonofo i mea mamao o le lalolagi!
Inā sauni ia mo le taua, ae e nutililiia outou!+
Inā sauni ia mo le taua, ae e nutililiia outou!
10 Inā sauniuni ia se faufauga, ae o le a faalēaogāina!
11 Sa iai le aao malosi o Ieova i luga iā te aʻu a o ia fetalai mai, ina ia lapataʻia aʻu e aua lava neʻi oʻu mulimuli i le ala o lenei nuu. Ua ia faapea mai:
12 “Aua neʻi outou faapea mai o le taupulepulega, le mea lea o loo fai mai lenei nuu o le taupulepulega!
Aua tou te matataʻu i le mea o loo latou matataʻu i ai,
Aua foʻi tou te fefefe i ai.
13 E ao ona outou manatua e na o Ieova o ʻau e paia lava o Ia,+
O Ia e ao ona outou matataʻu i ai,
Ma o Ia foʻi e ao ona outou fefefe i ai.”+
14 O le a avea o ia e pei o se nofoaga paia,
Ae ia pei o se maa e tausuai ai
Ma se papa e tautevateva ai+
I aiga uma e lua o Isaraelu,
Ia avea foʻi e pei o se mailei ma se matāsele
I ē o loo nonofo i Ierusalema.
15 E toʻatele i latou o le a tautevateva ma paʻuʻū ma faamanu‘alia;
O le a maileia foʻi ma puʻea i latou.
17 Ou te faatalitali pea* iā Ieova,+ o lē ua ʻaloese ona fofoga mai i le aiga o Iakopo,+ ma ou te faamoemoe iā te ia.
18 Faauta! O aʻu ma le fanau ua foaʻiina mai e Ieova iā te aʻu,+ o ni faailoga+ ma o ni vavega i Isaraelu mai iā Ieova o ʻau, o lē o loo afio i le mauga o Siona.
19 Afai e latou te fai atu iā te outou: “Ia saʻili atu i taulāitu po o i latou e faia valovaloga, o ē e leo lāiti ma memumemu,” pe e lē tatau ea ona saʻili atu tagata i lo latou Atua? Pe e tatau ea ona fesili atu i ē ua oti mo ē o loo ola?+ 20 Nai lo o lea, e tatau ona latou saʻili i le tulafono ma le faamaoniga tusitusia!*
Pe a latou lē tautatala atu e tusa ai ma ia upu, e latou te lē maua lava le malamalama.+ 21 E taʻitasi ma ui ane i le atunuu ma ua puapuagatia ma fia ʻai;+ ona ua fia ʻai o ia ma ua ita foʻi, ona ia fetuu lea i lona tupu ma lona Atua a o autilo atu i lugā. 22 Ona vaavaai solo lea o ia ma ua ia vaaia ai na o puapuaga ma le pogisa, o le puaoa, o taimi faigatā, o le pōuliuli, ma le leai o se malamalama.
9 Peitaʻi, o le a lē pei lea pōuliuli, o le pōuliuli o le laueleele i le taimi muamua, ina ua inosia ma puapuagatia le laufanua o Sepulona ma le laufanua o Nafatali.+ Ae i se taimi mulimuli ane ona faamamaluina ai lea e Ia, o le auala e agaʻi i le sami, o le vaipanoa foʻi o Ioritana, ma Kalilaia ua nofoia e tagata o nuu ese.
2 Ua vaaia e tagata o ē ua savavali i le pōuliuli
Le malamalama tele.
A o i latou ua nonofo i le laueleele ua pogisa tele,
Ua susulu atu iā i latou le malamalama.+
3 Ua e faatoʻateleina le nuu;
Ua e faateleina le olioli o le nuu.
Ua latou olioli i ou luma
E pei o le olioli o tagata i le taimi o le seleselega,
E pei o le olioli o ē o loo vaevaeina le vete.
4 Auā ua e gausia le amo o la latou avega,
O le tootoo i luga o o latou tauʻau, ma le laau a lē e pule i le galuega,
E pei ona sa faia i le aso o Mitiana.+
5 O seevae uma o ē e savavali ua lūlūina ai le laueleele
Ma ofu uma ua lilo i le toto,
O le a fai ma fafie mo le afi.
O le a faaigoa o ia o le Faufautua Sili,+ o le Atua Malosi,+ o le Tamā o le Faavavau, ma le Perenise o le Filemu.
7 E leai se mea e gata mai ai le tele o lana pulega o se perenise*
Atoa ma le filemu,+
I le nofoālii o Tavita+ ma lona malo
Ina ia faamausalīina+ ma faatumauina ai
I le faamasinotonu+ ma le amiotonu,+
E amata atu nei e oo i le faavavau.
E faia lenei mea i le maelega o Ieova o ʻau.
9 E iloa foʻi e le nuu uma lenei mea,
O Efaraima ma ē o loo nonofo i Samaria,
O ē ua faapea ane ona o o latou lotofaualuga ma o latou lotofaasausili:
Ua tātuu i lalo laau o le sukamoru,
Ae o le a matou suia i laau o le arasi.”
11 E tuu e Ieova fili o Resina e matuā tetee atu iā te ia,
Ma e na te faaoso i fili o lea tagata ina ia gaoioi,
12 O Suria mai i sasaʻe ma Filisitia mai i sisifo,+
O le a faamamaga o latou gutu ma ʻai Isaraelu.+
Ona o nei mea uma, e leʻi liliuese ai lona toʻasā,
Ae ua faaloaloa pea lona aao e taia i latou.+
13 Auā e leʻi toe foʻi le nuu i Lē ua taia i latou,
Ma latou te leʻi saʻili atu foʻi iā Ieova o ʻau.+
14 O le a vavaeeseina e Ieova i le aso e tasi mai i Isaraelu
15 O le ulu, o le toeaina lea ua faaaloalogia,
A o le siʻusiʻu, o le perofeta lea e na te avatua aʻoaʻoga pepelo.+
16 O ē ua taʻitaʻia lenei nuu, o i latou ia ua māfua ai ona fesēaʻi le nuu,
Ma ua fenuminumiaʻi i latou ua taʻitaʻiina.
17 O le mea lea e lē fiafia ai Ieova i o latou tauleleʻa,
E lē alofa mutimutivale foʻi o ia i tama ua leai ni tamā* ma fafine ua oti a latou tane
Auā ua latou fulitua uma i le mea moni ma faia amioga leaga,+
Ua tautatala foʻi o latou gutu i mea valea.
Ona o nei mea uma, e leʻi liliuese ai lona toʻasā,
Ae ua faaloaloa pea lona aao e taia i latou.+
18 Ua sasao e pei o le afi le amioleaga;
E mū ai vao tuitui ma vao leaga.
E mū ai foʻi vao putuputu o le vaomatua,
Ma e lelea i luga e pei o le alu aʻe o le asu.
E lē toe faaalia e se tasi le alofa e oo lava i lona uso.
20 E vavae e se tasi se mea i le itu taumatau
Ae e fia ʻai pea;
Ma e ʻai foʻi le isi i le itu tauagavale
Ae e lē maʻona lava.
O le a taʻitasi ma ʻai le aano o lona lava lima,
21 E ʻaina Efaraima e Manase,
E ʻaina foʻi Manase e Efaraima.
E ʻau faatasi i laʻua e faasagatau iā Iuta.+
Ona o nei mea uma, e leʻi liliuese ai lona toʻasā,
Ae ua faaloaloa pea lona aao e taia i latou.+
10 Oi talofa iā i latou ua faamamaluina faaiʻuga sauā+
O ē e tusitusia tulafono e faapuapuagatia ai tagata,
2 Ina ia lē talia le mataupu faaletulafono a le tagata faatauvaa,
Ma lē faia le faamasinogatonu mo ē o loo puapuagatia o loʻu nuu,+
Ma fai ma a latou vete mea a fafine ua oti a latou tane,
4 O le mea e tupu, o le a punonou nisi o outou faatasi ma pagota
Pe paʻuʻū faatasi ma ē ua fasiotia.
Ona o nei mea uma, e leʻi liliuese ai lona toʻasā,
Ae ua faaloaloa pea lona aao e taia outou.+
O le tootoo lea o loʻu ita,+
Ma o le laau foʻi o loo i lona lima e faaoo ai laʻu faasalaga!
6 Ou te auina atu o ia i se nuu ua fulitua,*+
E faasagatau i le nuu ua faatupuina loʻu ita tele;
O le a ou avatu se faatonuga ina ia ave le vete ma faoa mea a tagata,
Ma solia i latou e pei o le palapala o le auala.+
7 Ae e lē mana‘o o ia i lenei mea,
E lē fuafua fo‘i lona loto e faia lenei mea;
Auā e loto o ia e fasiotia,
Ma faaumatia le tele o atunuu.
9 Pe e lē o pei ea Kaleno+ o Karekimisa?+
Pe e lē o pei ea Amato+ o Arepa?+
Pe e lē o pei ea Samaria+ o Tamaseko?+
10 Ua faoa e loʻu lima malo o atua lē aogā,
O ē ua tele atu o latou faatusa ua tā nai lo o Ierusalema ma Samaria!+
11 Po ou te lē faia foʻi ea iā Ierusalema ma ona faatusa
E pei ona ou faia iā Samaria ma ona atua lē aogā?’+
12 “Pe a faauma e Ieova ana galuega uma i le mauga o Siona ma Ierusalema, o le a Ia* faasalaina le tupu o Asuria ona o le faualuga o lona loto, ma le fia tagata o ona mata faasiasia.+ 13 Auā ua ia faapea mai,
‘O le a ou faia lenei mea i le malosi o loʻu lima
Atoa ma loʻu atamai, auā ou te poto.
O le a ou aveesea tuaoi o tagata+
Ma faoa a latou ‘oa,+
Ma e pei o se toa, ou te faatoʻilaloina ē o loo nonofo ai.+
14 E pei lava ona tago atu se tagata i le faamoega,
E faapea ona tago atu loʻu lima ma faoa oloa a tagata;
Ma e pei ona aoina e se tasi o fuāmoa ua tuulafoaʻiina,
O le a ou aoina mea uma i le lalolagi!
E leai se tasi e apatā ona apaʻau pe tatala lona gutu pe ʻīʻī foʻi lona leo.’”
15 Pe e faasilisilia ea e le toʻi o ia lava i lē o loo tātā ai?
Pe e faasilisilia ea e le ʻili o ia lava i lē o loo ʻiliina?
Pe e mafai ea e le tootoo ona lūlūina lē o loo siiina a‘e i luga?
Pe e mafai ea foʻi e le tootoo+ ona sii i luga lē o loo uuina?
16 O le mea lea e faaoo ai e le Alii moni o Ieova o ʻau,
I ona* tagata puputa le maʻi e tino vale ai,+
Ma o le a Ia faamūina i lalo o le mamalu o le Asuria se afi mumū.+
17 E avea le Malamalama o Isaraelu+ ma afi,+
Ma e avea Lē e Paia ma afi mumū;
O le a sasao aʻe ma mū ai vao leaga ma vao tuitui a le Asuria i le aso e tasi.
18 O le a Ia aveesea le mamalu o ona vaomatua ma ona togālaau;
Ma o le a pei o le tagata maʻi ua faasolo ina mou atu le malosi.+
19 O le a faaitiitia laau o le a totoe o lona vaomatua,
Ma e mafai e se tamaitiiti ona tusia le aofaʻiga.
20 O lea aso, o ē o le a totoe i Isaraelu
Ma i latou o le a faasaoina o le aiga o Iakopo
E latou te lē toe faalagolago i lē na taia i latou;+
Ae o le a latou faalagolago faamaoni atu iā Ieova,
O Lē e Paia o Isaraelu.
22 Isaraelu e, e ui e toʻatele lou nuu
E pei o le oneone o le sami,
Ae e na o se vaega totoe o i latou o le a toe foʻi mai.+
Ua uma ona faatulagaina le faaumatiaga,+
Ma o le a oo iā i latou le faasalaga amiotonu e pei o se lolo.+
23 Ioe, o le faaumatiaga ua faatulagaina a le Alii Pule Silisili Ese o Ieova o ʻau,
O le a faataunuuina lava i le atunuu atoa.+
24 O le mea lea, o le fetalaiga lenei a le Alii Pule Silisili Ese o Ieova o ʻau: “Loʻu nuu e, o ē o loo nonofo i Siona, aua tou te fefefe ona o Asuria, o lē sa masani ona taia outou i le tootoo,+ ma sii i luga lana laau e faasagatau iā te outou e pei ona faia e Aikupito.+ 25 Auā e toeitiiti ona uma lea o le faasalaga, ma o le a uma loʻu ita pe a faaumatia Asuria.+ 26 E faalālā e Ieova o ʻau le sasa faasaga iā i latou,+ e pei o le taimi na ia faatoʻilaloina ai Mitiana i le papa o Oreva.+ O le a iai foʻi lona tootoo i luga o le sami, ma o le a ia sii aʻe e pei ona sa ia faia iā Aikupito.+
27 O lea aso, o le a sii ese ai la latou avega mai i lou tauʻau,+
Ma la latou amo mai i lou ua,+
Ma o le a gausia le amo+ ona o le suāuu.”
Ua ui ane foʻi i latou i Mekerona;
Ma ua latou tuu a latou mea i Mekemase.+
30 Inā valaau atu ia ma alaga atu, oe le tama fafine a Kali!
Leisa e, ia e uaʻi atu!
Oi talofa iā Anatota!+
31 Ua sola Matemena.
Ua saʻili e ē o loo nonofo i Kipima se mea e malu ai.
32 Ua mālōlō i latou i Nove+ i lenei lava aso.
Ua faalālā atu a latou moto i le mauga o le tama fafine a Siona,
O le mauga o iai Ierusalema.
33 Faauta! O le Alii moni o Ieova o ʻau,
O loo ia tā i lalo lālā laau ma le paʻō tele;+
Ua tātuu foʻi laau e sili ona maualuluga,
Ma ua faamaulaloina ē e maualuluga.
34 Ua ia tā i lalo vao o le vaomatua i le auupega uʻamea,*
Ma o le a paʻū Lepanona ona o lē e malosi.
11 O le a tupu mai se lālā itiiti+ i le pogati o Iese,+
O le a tupu mai foʻi se tātupu+ i ona aa ma o le a fua mai.
2 O le a tumau iā te ia le agaga o Ieova,+
O le agaga o le atamai+ ma le malamalama,
O le agaga o le fautuaga ma le mana,+
O le agaga o le poto ma le mataʻu iā Ieova.
3 E fiafia o ia i le mataʻu iā Ieova.+
O le a lē faamasino e ia e tusa ma mea e vaai i ai ona mata,
E lē aʻoaʻi atu foʻi e tusa ma mea e faalogo i ai ona taliga.+
4 E faamasino e ia ma le amiotonu ē e faatauvaa,
E aʻoaʻi atu foʻi e ia ma le amio saʻo ina ia maua aogā e tagata agamalu o i le lalolagi.
O le a taia e ia le lalolagi i le tootoo o lona fofoga;+
Ma o le a faaumatia e ia o ē e amioleaga i afioga mai i lona fofoga.+
6 O le a mālōlō faatasi le luko ma le tamaʻi mamoe poʻa,+
O le a taooto faatasi le tamaʻi ʻoti ma le nameri,*
E faatasi foʻi le tamaʻi povi ma le leona taanoa ma le manu peti;*+
Ma o le a taʻitaʻiina i latou e le tamaitiiti.
7 E aai faatasi le povi fafine ma le pea;
E taooto faatasi a laʻua fanau.
E ʻai e le leona vao mamago e pei o le povi poʻa.+
8 O le a taalo foʻi le tama e leʻi teʻa ma le susu i le lua o le asipi,*
E tuu atu e le tama ua teʻa ma le susu lona lima i le lua o le gata uogo.
9 E latou te lē faia se mea e lamatia ai+
Pe faaleagaina se mea i loʻu mauga paia uma,+
Auā o le a tumu le lalolagi i le poto e uiga iā Ieova
E pei ona ufitia o le ilititai i le suāsami.+
10 O lea aso, o le a tulaʻi ai le aa o Iese+ e fai ma faailoilo* mo nuu.+
E saʻili atu iā te ia nuu mo se taʻitaʻiga,+
Ma e matagofie lona afioaga.
11 O lea aso, e toe tuu faalua atu ai e Ieova lona aao ina ia aoaoina ē o totoe o lona nuu, o ē o totoe mai i Asuria,+ mai i Aikupito,+ mai i Patoro,+ mai i Kuso,+ mai i Elama,+ mai i Senara,* mai i Amato ma motu o le sami.+ 12 O le a faatūina e ia se faailoilo* mo nuu ma aoaoina ē ua faataapeapeina o Isaraelu,+ ma o le a ia faapotopotoina foʻi ē ua salalau solo o Iuta mai i pito e fā o le lalolagi.+
O le a lē lotoleaga Efaraima iā Iuta,
Pe e ita foʻi Iuta iā Efaraima.+
14 E la te osofaʻia malifa* o Filisitia i le itu i sisifo;
E la te faoa faatasi oloa a tagata o atunuu i Sasaʻe.
I le aasa o lona agaga paia, e na te taia ai le vaitafe i ona tafega e fitu,
E faaui atu ai e ia tagata ia sopoʻia i o latou seevae tosotoso.
16 O le a iai se ala tele+ mo ē o le a totoe o lona nuu,+ e ō ese ai mai i Asuria,
E pei lava ona sa iai se ala mo Isaraelu i le aso na latou ō mai ai, mai i le atunuu o Aikupito.
12 O lea aso, o le a e faapea atu ai:
“Ieova e, ou te faafetai iā te oe,
Auā e ui ina e toʻatamaʻi iā te aʻu,
Ae ua fai ifo lou toʻasā ma ua e faamāfanafana iā te aʻu.+
2 Faauta! O le Atua o loʻu faaolataga.+
Ou te faatuatua i ai ma ou te lē fefe;+
Auā o Ioa* Ieova o loʻu malosi ia ma loʻu malu,
Ma ua avea foʻi o ia ma oʻu faaolataga.”+
4 O lea aso, o le a outou faapea atu ai:
“Ia faafetai atu iā Ieova, ia valaau atu i lona suafa,
Ia faailoa atu ana galuega i nuu!+
Ia faalauiloa atu ua faaeaeaina lona suafa.+
5 Ia pese atu viiga* iā Ieova,+ auā ua ia faia mea silisili.+
Ia faailoa atu lenei mea i le lalolagi uma.
6 Alalaga atu ia ma valaau atu ma le olioli, o outou o loo nonofo i Siona,
Auā ua silisili Lē e Paia o Isaraelu, o lē ua iā te outou.”
13 O le feʻau faasaga iā Papelonia+ lea na vaaia e Isaia+ le atalii o Amota i se faaaliga:
2 “Ia faatū se faailoilo*+ i luga o mauga e leai ni laau.
Ia valaau atu iā i latou, ia talotalo atu lou lima,
Ina ia latou ō mai ai i faitotoʻa o tamālii.
3 Ua ou tuuina atu le poloaʻiga i ē ua ou filifilia.*+
Ua ou poloaʻia oʻu tagata totoa ina ia faatinoina loʻu ita,
Ua latou matuā olioli ma le mitamita.
4 Inā faalogo ia! Ua iai se motu o tagata i mauga;
E pei o se nuu e toʻatele lava!
Inā faalogo ia! Ua iai le pisapisaō o malo,
O atunuu ua aoaoina faatasi!+
O loo faapotopotoina e Ieova o ʻau le ʻautau mo le taua.+
5 O loo ō mai i latou mai i se nuu mamao,+
Mai i le taufaasiʻusiʻuga o le lagi,
O Ieova ma auupega o lona toʻasā,
Ina ia faaumatia le lalolagi uma.+
6 Inā tagiauē ia, auā ua latalata mai le aso o Ieova!
O le a oo mai e pei o se faaumatiaga mai i Lē e ona le malosi uma lava.+
Ua oo iā i latou le tafitivale ma le tigā,
E pei o le fafine ua faatigā o le a fanau.
Ua fevaaiaʻi i latou ma le fefefe.
Ua mūmū foʻi o latou foliga ona o le atuatuvale.
9 Faauta! O loo sau le aso o Ieova,
E ogaoga ona o le maʻemaʻeā ma le toʻasā tele,
Ina ia avea le laueleele ma mea e fefe ai,+
Ma ia faaumatia tagata agasala o loo iai.
10 Auā o le a lē pupula mai le malamalama
O fetu o le lagi ma ona faaputuga fetu;*+
E pogisa le lā pe a oso aʻe,
Ma e lē susulu foʻi le malamalama o le masina.
11 O le a ou faasalaina ē o loo nonofo i le lalolagi ona o a latou mea leaga,+
Ma tagata amioleaga ona o a latou mea sesē.
O le a ou faamutaina le mimita o ē e faamaualuluga,
Ma ou faamaulaloina le faasausili o ē e pule sauā.+
12 O le a ou faia ia sili ona toʻaitiiti tagata nai lo o le auro lelei,+
Ma e sili ona toʻaitiiti tagata nai lo o auro o Ofeira.+
13 O le mea lea o le a ou faaatuatuvaleina ai le lagi,
Ma e lūlūeseina le lalolagi+
Ona o le maʻemaʻeā o Ieova o ʻau i le aso o lona toʻasā tele.
14 E pei o le sevi* ua tuliloaina ma e pei o le lafu e leai se tasi e aoaoina faatasi,
E taʻitoʻatasi i latou ma liliu atu i ona lava tagata;
E taʻitoʻatasi i latou ma sola atu i lona lava atunuu.+
16 E nutipalaina a latou fanau i o latou luma,+
O le a faoa o latou fale,
Ma o le a toso faamalosi foʻi a latou avā.
17 Ou te faaosoina Metai e faasagatau iā i latou,+
E latou te lē manatu i siliva
E latou te lē fiafia foʻi i auro.
18 E nutipalaina foʻi talavou i a latou ʻaufana;+
E latou te lē tigā alofa i fanau
E latou te lē alolofa foʻi i tamaiti.
19 O Papelonia foʻi, ua sili lona mamalu i isi malo,+
O le aai matagofie e mitamita ai tagata Kaletaia,+
O le a pei o Sotoma ma Komoro ina ua faaumatia e le Atua.+
O le a lē faatūina ai e se Arapi lona faleʻie i inā,
E lē avatua ai foʻi e se leoleo mamoe lana lafu e mālōlō ai i lea mea.
21 O le a taooto ai i lea mea manu mai i le toafa;
Ma o le a tumu o latou fale i lulu.
22 O le a fetagisi meaola i totonu o ‘olo o Papelonia,
Ma o le a iai taʻifau o le vao i ona maota matagofie.
Ua lata mai ona vaitaimi, e lē tolopōina foʻi ona aso.”+
14 O le a alofa mutimutivale Ieova iā Iakopo,+ ma o le a ia toe filifilia Isaraelu.+ O le a ia faanonofo i latou* i lo latou laueleele,+ ma e aufaatasi atu ma i latou tagata ese e aumau, e latou te faatasi atu foʻi i le aiga o Iakopo.+ 2 O le a toe faafoʻi i latou i lo latou lava laueleele e tagata o isi nuu, ma o le a fai e le aiga o Isaraelu na tagata ma auauna tane ma auauna teine+ i le laueleele a Ieova; e latou te faapagotaina o ē sa faia i latou ma pagota, e latou te pule foʻi i ē sa faamalosia i latou e faia galuega.*
3 I le aso e tuuina atu ai e Ieova iā te oe le mapusaga mai i lou tigā ma lou atuatuvale ma galuega mamafa i le taimi sa e nofo pologa ai,+ 4 e te lāgā ai se faaupuga* faasaga i le tupu o Papelonia e faapea:
“Ua taofia lē sa faamalosia isi e fai galuega!*
Ma ua faamutaina sauāga!+
5 Ua gausia e Ieova le tootoo o ē e amioleaga,
O le laau a ē e pule,+
6 O lē ua taia ma le maʻemaʻeā tagata i tā e lē aunoa,+
O lē ua faatoʻilaloina ma le ita tele atunuu i sauāga e faaauau pea.+
7 Ua iai le mapusaga i le lalolagi atoa, ua saʻoloto mai i vevesi.
Ua alalaga ma le olioli tagata.+
8 E oo lava i laau o le perosi ua olioli ona o mea ua oo iā te oe,
Ua olioli fo‘i laau o le arasi o Lepanona.
Ua latou faapea mai: ‘Talu lava ona e pa‘ū,
Ua lē toe iai se tagata tā laau ua faasagatau mai iā i matou.’
E na te fafagu i latou ua feoti ona o oe,
O taʻitaʻi sauā* uma o le lalolagi.
E na te faatulaʻi ese tupu o atunuu mai i o latou nofoālii.
10 Ua latou tautatala uma mai ma faapea mai iā te oe,
‘Po ua e vaivai ea fo‘i e pei o i matou?
Po ua pei oe o i matou?
I lalo ifo o oe, ua fola ai ilo e pei o se moega,
Ma anufe e fai ma ou ʻie afu.’
12 Oi ua e paʻū mai i le lagi,
O oe le fetu pupula o le vaveao!
Oi ua tātuu oe i lalo i le eleele,
O oe o lē na faatoʻilaloina nuu!+
13 Sa e faapea ifo i lou loto, ‘O le a ou alu aʻe i lagi.+
Ou te sii loʻu nofoālii+ i luga o fetu a le Atua,
Ma ou te saofaʻi i luga o le mauga o feiloaʻiga,
I vaega pito i mamao o le itu i mātū.+
14 Ou te alu aʻe i luga o tumutumu o ao;
Ou te faia aʻu e tusa ma le Silisili Ese.’
16 O i latou o ē e vāai iā te oe o le a sioa atu iā te oe;
O le a latou matuā saʻiliʻili iā te oe, ma faapea ane,
‘Po o le tamāloa ea lenei na faavevesia le lalolagi,
Ma ia faaatuatuvaleina malo,+
17 O lē na faia le laueleele ia pei o le toafa*
Ma faatoʻilaloina ona aai,+
Ma o lē na musu e tuu atu ana pagota e toe foʻi i o latou aiga?’+
18 O tupu o isi atunuu uma,
Ioe o i latou uma, ua tanuina i se auala faamamaluina,
E taʻitoʻatasi i lona lava loa.*
19 Ae e tuulafoaʻia oe e aunoa ma se tuugamau,
E pei o se tātupu* e inosia,
Ua ufitia lou tino i tagata ua oti, o ē sa tutu‘i i le pelu,
Ma ua ō ifo i maa o le lua,
E pei oe o se tino oti ua solia.
20 E lē tanua oe faatasi ma tupu i se tuugamau,
Auā na e faaleagaina lou lava laueleele,
Na e fasiotia foʻi ou lava tagata.
E lē toe taʻua lava fanau a ē e amioleaga.
21 Inā saunia ia se mea e fasiotia ai ona atalii
Ona o mea sesē a o latou augātamā,
Ina ia latou lē tutulaʻi mai ma fai mo i latou le laueleele
Ma faatumu le fogāeleele i o latou aai.”
22 “Ou te tulaʻi e faasagatau iā i latou,”+ ua fetalai mai ai Ieova o ʻau.
“Ou te tineia le igoa o Papelonia ma ē o totoe, o fanau atoa ma tupulaga fai mai,”+ ua fetalai mai ai Ieova.
23 “O le a ou faia Papelonia ma mea e nofo ai le kifota* ma vaipanoa faataufusi, ou te saluina o ia i le salu o le faaumatiaga,”+ ua fetalai mai ai Ieova o ʻau.
24 Ua tautō Ieova o ʻau e faapea:
“E pei ona ou fuafuaina, e faapea lava ona tupu;
Ma e tusa ma laʻu faaiʻuga, o le mea lea e taunuu.
O le a aveesea lana amo mai i loʻu nuu,
Ma aveesea lana avega mai i o latou tauʻau.”+
26 O le faai‘uga lenei e faasaga i* le lalolagi uma,
O le aao foʻi lenei o loo faaloaloa atu pea e faasagatau i* nuu uma.
O loo faaloaloa atu lona aao,
Ma o ai e na te mafai ona faafo‘iina mai?+
28 O le tausaga na maliu ai le tupu o Aasa,+ na oo mai ai lenei feʻau:
29 “Filisitia e, aua ne‘i olioli so o se tasi o outou,
Talu ai ua gausia le tootoo o lē na taia outou.
Auā o le a tupu mai i le aa o le gata+ se gata uogo,+
Ma o lana tama, o le gata lea e pei o le afi mumū o loo lele.
30 O le a aai ulumatua a ē e faatauvaa,
Ma e taooto ē e matitiva ma le saogalemu,
Ae o le a ou fasiotia lou aa i le oge,
Ma o ē o le a totoe mai iā te oe, o le a fasiotia.+
31 Le faitotoʻa e, inā tagiauē ia! Le aai e, inā alaga leotele atu ia!
Filisitia e, o le a vaivai uma o o outou loto!
Auā o loo sau le asu mai i le itu i mātū,
Ma e leai se fitafita o lana ʻautau e vavaeese.”
32 O le a faapefea ona latou tali atu i avefeʻau o nuu?
O le a latou tali atu, ua faataatia e Ieova le faavae o Siona,+
Ma e sulufaʻi i ai ē faatauvaa o lona nuu.
15 O le feʻau faasaga iā Moapi:+
Ua faatafunaina Aro+ o Moapi i le pō e tasi,
Ua faaumatia lava.
Ua faatafunaina Kiri+ o Moapi i le pō e tasi,
Ua faaumatia lava.
Ua tagiauē Moapi ona o Nepo+ ma Metepa.+
Ua sele mamā o latou ulu uma,+ ua sele foʻi a latou ʻava uma.+
3 Ua latou oofu i ʻie talatala i luga o ona auala.
Ua latou tagiauē uma i luga o taualuga o fale ma nofoaga faitele,
Ua ō ifo ma le fetagisi.+
O le mea lea ua alalaga leotetele ai pea fitafita o Moapi.
Ua matuā fefefe lava o latou loto.
5 Ua alaga loʻu loto ona o Moapi.
Ua oo atu ē ua sosola o Moapi, i Soara+ ma Ekalata-selisa.+
Ua latou fetagisi a o ō aʻe i le aʻega o Luita;
Ua latou alalaga atu ona o le mala ua tupu, a o ō atu i Horonaima.+
6 Ua avea vai o Nimara ma mea mātūtū.
Ua mago le vao muʻa,
Ua pē le mutia ma ua leai se mea e lanu meamata.
7 O le mea lea ua latou amo ai mea ua totoe o a latou ‘oa, ma a latou oloa na teu
Ma sopoʻia le vanu* o laau o le garava.
8 Ua oo atu le alaga i le laufanua atoa o Moapi.+
Ua lagona le tagiauē e oo lava i Ekilaima;
Ua lagona foʻi le tagiauē e oo lava i Pere-alima.
9 Auā ua tutumu vai o Timone i le toto,
Ma ou te faaoo atili atu ni mea leaga iā Timone:
O se leona mo tagata Moapi ua sao mai,
Ma i latou o loo totoe i le laueleele.+
16 Ia outou avatu i le pule o le atunuu se mamoe poʻa,
E mai i Sela e agaʻi atu i le toafa,
E oo i le mauga o le tama fafine a Siona.
2 Auā e pei o le manulele ua tuliesea mai i lona faamoega,+
O le a faapea foʻi tama fafine a Moapi i vaega e sopo‘ia ai le vaitafe* o Arinona.+
3 “Ia outou fai mai ni fautuaga, ma faatino le faaiʻuga.
Ia faapaolo mai lou ata lafoia e peiseaʻī o le pō i le aoauli.
Ia natia ē ua faataapeapeina ma aua e te faalataina ē o loo sosola.
4 Moapi e, seʻi aumau iā te oe oʻu tagata ua faataapeapeina.
Ia fai oe ma lafitaga iā i latou ona o lē e faatamaʻia mea.+
O le a oo lē ua sauā i lona iʻuga,
O le a faaiʻuina foʻi le faatamaʻiaga o mea,
Ma o le a faaumatia mai i le lalolagi ē ua solia isi.
5 Ona faavaeina lea i le alofa faamaoni, o se nofoālii e mausalī.
O le a faamaoni lē o le a nofo ai i le nofoālii i le faleʻie o Tavita;+
E faamasino o ia ma le amiotonu, e vave foʻi ona ia faia le mea tonu.”+
6 Ua matou faalogo i le faamaualuga o Moapi, ma ua matuā faamaualuga lava o ia,+
O lona faualuga, o lona faasausili, ma lona ita tele;+
Ae e lē aogā ana tala pepelo.
O ē ua afāina, o le a tagiauē ona o keke e faia i le vine mai i Kiri-aresa.+
8 Auā ua mamae fanua malifa o Hesepona,+
Ua solia e pule o nuu lālā o vine o Sepena+
Ua tumu i fuifui vine;
Ua oo atu lālā vine i Iasaru;+
Ua sosolo atu i le toafa.
Ua tupu olaola ona tātupu ma ua sosolo atu i le sami.
9 O le mea lea o le a ou tagi ai ona o le vine o Sepena, e pei ona ou tagi mo Iasaru.
Hesepona e, ma Eleale,+ ou te lofia oe i oʻu loimata,
Auā ua faamutaina le alaga i le taimi o le fuata o le tau māfanafana ma le taimi o le seleselega.
10 Ua aveesea le fiafia ma le olioli mai i le togālaau ʻaina,
Ma ua lē toe iai ni pese fiafia po o se alaga i togāvine.+
E lē toe maua e lē e solia vine se uaina i le soligavine,
Auā ua ou faamutaina le alaga.+
11 O le mea lea ua gatete ai totonu o loʻu tino
E pei o uaua o le kitara ona o Moapi,+
Atoa ma loʻu manava ona o Kiri-aresa.+
12 E tusa lava po o le ā le vaivai o Moapi ona o le tele e tapua‘i ai i luga o le mea maualuga, ma le tele e tatalo ai i lona malumalu, ae e leai se aogā.+
13 O le fetalaiga lea na fetalai muamua mai ai Ieova e uiga iā Moapi. 14 A o lenei ua fetalai mai Ieova e faapea: “I totonu o le tolu tausaga, lea e tusa ma tausaga e faigaluega totogi ai se tagata, e faalumaina ai le mamalu o Moapi i le tele o vevesi eseese, ma o ē o le a totoe e toʻaitiiti lava i latou ma faatauvaa.”+
17 O le feʻau faasaga iā Tamaseko:+
“Faauta! o le a lē toe avea Tamaseko o se aai,
Ae o le a fai ma faupu‘ega o mea ua faaleagaina.+
2 O le a tuulafoaʻiina aai o Aroeru;+
O le a fai ma nofoaga o lafumanu e taooto ai
Ma e leai se isi o le a faamataʻu i ai.
3 O le a lē toe iai aai malupuipuia i Efaraima,+
Ma le malo i Tamaseko;+
Ma o ē e totoe i Suria
O le a pei lava o le mamalu o le fanauga a Isaraelu,”* ua fetalai mai ai Ieova o ʻau.
4 “O lea aso, o le a faaitiitia ai le mamalu o Iakopo,
Ma o le a oo ina paee lona tino sa puta.
5 O le a pei lea aso o le taimi e selesele ai e se tasi fanua o saito
Ma aoaoina mai ona fua.
O le a pei lea aso o le taimi e aoaoina ai e se tasi karite i le vanu* o Rafaimi.+
6 O le a na o ni nai fua e totoe i le fanua,
E pei o le laau o le olive pe a sasaina:
E na o le lua pe tolu ni olive pula e totoe i le lālā o loo i le tumutumu;
E na o le fā pe lima e totoe i lālā e fua mai,”+ ua fetalai mai ai Ieova le Atua o Isaraelu.
7 O lea aso, e vaai atu ai le tagata i Lē na faia o ia, ma e pulatoʻa atu ona mata i Lē e Paia o Isaraelu. 8 O le a lē vaai atu o ia i fata faitaulaga,+ o galuega a ona lima;+ ma e lē pulatoʻa atu o ia i mea na faia e ona tamatamaʻilima, po o pou paia* po o fata faitaulaga e faamū ai mea manogi.
9 O lea aso, o le a avea ai ona aai malupuipuia e pei o se nofoaga ua tuulafoaʻia i le vaomatua,+
E pei o se lālā laau ua tuulafoaʻiina i luma o le fanauga a Isaraelu;
E avea foʻi ma mea e faatafunaina.
O le mea lea ua e totōina ai faatoʻaga mananaia,
Ma ua e totō ai foʻi le tātupu o se tagata ese.*
11 I le ao e te faia lelei ai se pā o lou faatoʻaga,
I le taeao foʻi e te faatupu ai lau fatu ia ola,
Ae o le a mou atu le seleselega i le aso o le faamaʻi ma le tigā e leai se togafiti.+
12 Inā faalogo ia! O loo vāvāō le toʻatele o tagata,
O ē ua paʻō e pei o le paʻō o le sami!
Ua pisapisaō foʻi nuu,
O ē ua malomaloā e pei o le ū o vai tetele!
13 O le a malomaloā nuu e pei o le taalili o vai e tele.
O le a Ia aʻoaʻia malosi i latou, ma o le a latou sosola ai i se mea mamao,
E pei ona aveina aʻe e le matagi o aputi o saito i luga o mauga,
Ma e pei ona aveina e le matagi malosi o vao tuitui.
14 Ua iai le mataʻu tele i le afiafipō.
Ma ua lē toe iai i latou a o leʻi oo i le taeao.
O le tofi lea o i latou o ē ua faoa a tatou mea,
Ma le vaega a i latou o ē e faasauā mai iā i tatou.
18 Oi talofa i le atunuu e faapepepepe ai iniseti e fai apaʻau,
O loo i le vaipanoa o le vaitafe o Aitiope!+
2 E na te aauina atu avefeʻau i luga o le sami,
E ala i vaa kome i le fogātai, e faapea:
“Inā ō atu ia outou o avefeʻau televavave
I le nuu e uumi ma lamolemole o latou paʻu,
I le nuu e fefefe ai nuu uma,+
O le nuu e mataʻutia lona malosi ma manumalo,
O ē ua tafia e vaitafe o latou laueleele.”
3 O outou uma o loo nonofo i le laueleele, ma outou o loo nonofo i le lalolagi,
O le a outou vaaia se mea e pei o se faailoilo,* ua faatūina i luga o mauga,
O le a outou faalogo foʻi i se leo e pei o le iliina o le pū.
4 Auā o le fetalaiga lenei a Ieova iā te aʻu:
“Ou te nofo filemu pea ma vaavaai atu i loʻu nofoaga ua faamausalīina,
E pei o le vevela tele i le taimi o le ao,
E pei o le sau foʻi ua totō ifo i le tau vevela o le seleselega.
5 Auā a o leʻi oo i le seleselega,
I le taimi e mamae ai le fuga, ma ua toeitiiti pula lelei le vine,
O le a sala ese tātupu i le pelu teu laau,
Ma o le a sala ese foʻi moemoe ma aveese.
6 O le a tuua i latou uma mo manulele taufeʻai o mauga,
Ma manu taufeʻai o le lalolagi.
I le tau māfanafana, e ʻaina ai i latou e manulele taufeʻai,
Ma e ʻaina foʻi i latou e manu taufeʻai uma o le lalolagi i le taimi o le seleselega.
7 O le taimi lea o le a aumaia ai se meaalofa iā Ieova o ʻau,
Mai i le nuu e uumi ma lamolemole o latou paʻu,
E mai foʻi i le nuu e fefefe ai nuu uma,
O le nuu e mataʻutia lona malosi ma manumalo,
O ē ua tafia e vaitafe o latou laueleele,
E aumaia i le mea ua iai le suafa o Ieova o ʻau, o le mauga lea o Siona.”+
19 O le feʻau faasaga iā Aikupito:+
Faauta! O loo tiʻetiʻe Ieova i le ao saoasaoa ma o loo afio atu i Aikupito.
O le a gatete atua lē aogā o Aikupito ona o ia,+
Ma o le a gatete loto o tagata Aikupito.
2 “Ou te faaoso tagata Aikupito e tetee i isi tagata Aikupito,
O le a tau le tasi ma le isi,
E taʻitoʻatasi ma faasagatau i lona uso ma lona tuaoi,
E faasagatau le tasi aai i le isi aai, ma le tasi malo i le isi malo.
O le a latou saʻili atu i atua lē aogā,
Ma ē e fai togafiti faataulāitu, o ē e saʻili i agaga, ma ē e vavalo i mea e tutupu.+
4 O le a ou tuuina atu Aikupito i le lima o se taʻitaʻi sauā,
Ma o le a sauā le tupu e pule iā i latou,”+ ua fetalai mai ai le Alii moni, o Ieova o ʻau.
6 O le a elo vaitafe;
O le a papaʻu ma mamate alāvai o le Naila i Aikupito.
O le a pala foʻi ū ma vao ʻutuʻutu.+
7 O le a mamago+ laau i tala ane o le vaitafe o le Naila, i le gutu o le vaitafe o le Naila,
Ma laufanua uma ua totō ai mea i autafa o le vaitafe o le Naila.+
O le a faataapeape solo ia mea ma e lē toe iai lava.
8 E faanoanoa foʻi le ʻaufaifaiva,
Ma e lauē i latou ua sasau a latou mātau i le vaitafe o le Naila,
E mou atu foʻi i latou e lafo a latou upega i luga o le vai.
10 O le a nutimomoia loto o tagata lalaga o Aikupito,
E tigā foʻi loto o ē uma e faigaluega mo se totogi.
11 Ua vālea perenise o Soana.+
Ua faia e faufautua e sili ona atamamai a Farao ni fautuaga lē talafeagai.+
E faapefea ona outou fai atu iā Farao:
“O aʻu o sē e tupuga mai i ē e atamamai,
Ma o sē e tupuga mai i tupu o aso anamua”?
12 O fea la o iai ou tagata atamamai?+
Ia latou taʻu atu iā te oe, pe afai ua latou iloa le faaiʻuga a Ieova o ʻau e faatatau iā Aikupito.
13 Ua gaoioi ma le valea perenise o Soana;
Ua faasesēina Aikupito e alii sili o ona ituaiga.
14 Ua liligi ifo e Ieova i le atunuu o Aikupito le agaga o le fenuminumiaʻi;+
Ma ua faasesēina e taʻitaʻi o Aikupito ana galuega uma,
E pei ona tautevateva le tagata onā i ana puaʻiga.
15 E lē toe iai lava se galuega a Aikupito,
E tusa po o se galuega e fai e le ulu po o le siʻusiʻu, o le tātupu po o le vao ʻutuʻutu.*
16 O lea aso, o le a pei ai Aikupito o ni fafine, ua gatete ma fefefe ona o le aao o Ieova ua faalālā atu e faasaga iā i latou.+ 17 E avea le laueleele o Iuta ma mea e fefefe ai Aikupito. E latou te fefefe pe a taʻu atu i ai Iuta, ona o le faaiʻuga ua faia e Ieova o ʻau e faasaga iā Aikupito.+
18 O lea aso, o le a iai aai e lima i le laueleele o Aikupito e tautatala i le gagana a Kanana+ ma tautō e faamaoni iā Ieova o ʻau. E taʻua le tasi aai, o le Aai o le Malaia.
19 O lea aso, o le a iai le fata faitaulaga iā Ieova i le ogatotonu o le laueleele o Aikupito, ma le poutū i lona tuaoi e faamamaluina ai Ieova. 20 E fai ia mea ma faailoga ma molimau iā Ieova o ʻau i le atunuu o Aikupito; auā o le a latou alalaga atu iā Ieova ona o ē e faasauā ane, o le a auina atu foʻi e ia iā i latou se faaola, o lē ua sili, o le a laveaʻiina i latou. 21 O le a faailoa atu e Ieova o ia i tagata Aikupito, ma o le a iloa e tagata Aikupito Ieova i lea aso, e latou te avatu taulaga ma meaalofa, ma e faia foʻi se tautoga iā Ieova ma faataunuuina. 22 O le a taia lava Aikupito+ e Ieova. O le a taia e ia ma faamālōlōina; e latou te toe foʻi iā Ieova, ona ia talia lea o la latou ʻaiʻoi atu ma faamālōlō iā i latou.
23 O lea aso, o le a iai le auala tele+ mai i Aikupito e oo atu i Asuria. O le a ō atu Asuria i Aikupito, ma e ō mai Aikupito i Asuria, ma o le a auauna Aikupito faatasi ma Asuria i le Atua. 24 O lea aso, o le a avea ai Isaraelu ma vaega lona tolu faatasi ma Aikupito ma Asuria,+ o se faamanuiaga lea i totonu o le lalolagi, 25 auā o le a faamanuia e Ieova o ʻau i latou e faapea: “Ia manuia oʻu tagata o Aikupito, ma Asuria le galuega a oʻu lima, ma loʻu tofi o Isaraelu.”+
20 I le tausaga na auina atu ai le Taretana* i Asetota,+ e Sarekona le tupu o Asuria, na tau ai o ia ma Asetota ma faatoʻilaloina le aai.+ 2 O le taimi lea ua oo mai ai le afioga a Ieova iā Isaia+ le atalii o Amota, e faapea: “Ia e alu ma tatala ese le ʻie talatala mai i lou puimanava; ma tatala ese seevae mai i ou vae.” Ona ia faia lea faapea, ua fesavaliaʻi e lē lavalavā* ma e leai ni ona seevae.
3 Ona fetalai mai lea o Ieova: “E pei ona fesavaliaʻi laʻu auauna o Isaia e lē lavalavā ma e leai ni ona seevae mo tausaga e tolu, e fai ma faailoga+ ma mea na valoia faasaga iā Aikupito+ ma Aitiope,+ 4 e faapea foʻi ona taʻitaʻia e le tupu o Asuria o pagota o Aikupito+ ma ē ua faaaunuua o Aitiope, o tama ma toeaina, e lē lavalavā ma e leai ni seevae, e leai foʻi ni mea e ufiufi ai o latou nofoaga. Ioe, o le a faalumaina Aikupito. 5 O le a latou matuā fefefe, ma e māsiasi ona o Aitiope lea sa latou faamoemoe i ai, ma Aikupito lea sa latou mitamita ai.* 6 O lea aso, e fai ane ai ē e nonofo i fanua tū matafaga, ‘Vaai i le mea ua tupu i ē na tatou faamoemoe i ai, o ē na tatou sosola atu i ai mo se fesoasoani ma se laveaʻiga mai i le tupu o Asuria! O le a faapefea nei ona faasaoina i tatou?’”
21 O le feʻau faasaga i le toafa o le sami:*+
“O loo sau e pei o matagi malolosi e ui ane i le itu i saute,
E mai i le toafa, mai i le atunuu mataʻutia.”+
2 Ua iai se faaaliga faigatā ua faailoa mai iā te aʻu:
“O lē e amio piʻopiʻo o loo amio faapiʻopiʻo o ia,
Ma o lē e faaumatia mea o loo ia faaumatiaina mea.
Elama e, inā alu aʻe ia! Metai e, inā osofaʻi atu ia!+
O le a ou faamutaina mapuitigā uma ua tutupu ona o ia.”*+
3 O le mea lea ua ou matuā tigā ai.*+
Ua oo iā te aʻu tigā
E pei o le faatigā o le fafine o le a fanau.
Ua ou matuā mafatia ma ua lē mafai ai ona ou faalogo;
Ua ou matuā atuatuvale foʻi ma ua lē mafai ai ona ou vaai.
4 Ua tātāvale loʻu fatu; ma ua ou gatete ona o le fefe.
O le pogipogi lea na ou moomoo i ai ua avea o se mea ou te fefe ai.
5 Ia teu faalelei le laulau, ma faatulaga nofoa!
Ia aai ma feinu!+
Outou ta‘ita‘i e, inā tutulaʻi ia ma faauu* le talita.
6 Auā o le mea lenei ua fetalai mai ai Ieova iā te aʻu:
“Inā alu ia, ia tofia se tagata vāai, ma e na te taʻu mai mea ua ia vaai i ai.”
7 Ona ia vaaia lea o se kariota o le taua ua toso e solofanua e lua,
O se kariota o le taua ua toso e asini,
Ma se kariota o le taua ua toso e kamela.
Ua ia matuā uaʻi atu ma le lē gāsē.
8 Ona ia valaau atu lea e pei o le leona:
“Ieova e, ua ou tū nei e lē aunoa i le ao i luga o le olomatamata,
Ma o loo oʻu tū i le mea ua tofia i ai aʻu e leoleo ai i pō uma.+
9 Seʻi vaai:
O loo ō mai ni tamāloloa i se kariota o le taua, o loo toso e solofanua e lua!”+
Ona ia faapea mai lea:
“Ua paʻū o ia! Ua paʻū Papelonia!+
O faatusa uma ua tā o ona atua, ua nutipalaina i le eleele!”+
10 Oʻu tagata e, o ē ua solia e pei o saito
Ma le saito* o laʻu mea e soli ai saito,+
Ua ou taʻu atu iā te outou tala na ou faalogo ai mai iā Ieova o ʻau, o le Atua o Isaraelu.
11 O le feʻau faasaga iā Tuma:*
Ua valaau mai iā te aʻu se isi mai i Seira:+
“Le leoleo e, po ua tai ao ea?
Le leoleo e, po ua tai ao ea?”
12 Ua faapea atu le leoleo:
“Ua toeitiiti oo mai le taeao, ma e faapea fo‘i le pō.
Afai e tou te fesili mai, ia fesili mai.
Inā toe ō mai ia!”
13 O le feʻau faasaga i le fanua laugatasi o le toafa:
O outou tagata malaga e,* o Titana,+
O le a outou mālōlō i le pō i le vaomatua o le fanua laugatasi o le toafa.
14 O outou o loo nonofo i le laueleele o Tema,+
Ia outou aumai ni vai e faafetaui ai lē ua fia inu,
Ma aumai se meaʻai mo lē ua sola ese.
15 Auā ua latou sosola ona o le pelu, o le pelu foʻi ua tō aʻe,
Ma e mai i le ʻaufana ua loloʻu, ma le sauā o le taua.
16 Auā o le fetalaiga lenei a Ieova iā te aʻu: “O le a faamuta le mamalu uma o Kitara+ a o leʻi uma le tausaga, lea e tusa ma le tausaga e faigaluega totogi ai se tagata. 17 O le a faatoʻaitiitia ē e totoe o le ʻau fanafana aū, o tagata totoa o Kitara, auā o le mea lea ua fetalai mai ai Ieova, o le Atua o Isaraelu.”
22 O le feʻau i le vanu o Faaaliga:*+
O le ā le mea ua tupu iā te oe, ua ō aʻe uma ai ou tagata i taualuga o fale?
2 Sa tumu oe i le vevesi,
O le aai sa pisapisaō, o le aai foʻi sa olioli.
O ou tagata ua fasiotia e leʻi fasiotia i le pelu,
E leʻi feoti foʻi i le taua.+
3 Ua sosola faatasi uma ou pule sauā.+
Ua ave faapagota i latou e aunoa ma le faaaogāina o le ʻaufana.
O i latou uma ua maua ua ave faapagota,+
E ui ina mamao le mea ua latou sosola i ai.
4 O le mea lea ou te fai atu ai: “Ia liliuese o outou mata mai iā te aʻu,
Ma o le a ou tagi ona o le tigā o loʻu loto.+
5 Auā o le aso o le fenuminumiaʻi ma le faatoʻilaloina, ma le fememea‘i,+
Mai i le Alii Pule Silisili Ese o Ieova o ʻau,
I le vanu o Faaaliga.
Ua lepetia le pā+
Ma ua iai foʻi le alaga atu i le mauga.
6 Ua ave e Elama+ le taga e tuu ai aū
Ma ua sau o ia faatasi ma kariota o le taua ua iai tagata, lea ua tosoina e solofanua,*
7 O le a faatumuina ou vanu* e sili ona lelei
I kariota o le taua,
Ma e tutū foʻi solofanua* i luma o le faitotoʻa o le pā,
“I lea aso, o le a outou vāai atu ai agaʻi i le mea e teu ai auupega i le Fale o le Vaomatua,+ 9 ma o le a outou vāai foʻi i le tele o mea ua lepetia o le Aai a Tavita.+ O le a outou faaputuina foʻi vai i le vailepa pito i lalo.+ 10 O le a outou faitauina fale o Ierusalema, ma o le a outou lepetia fale ina ia faamalosia ai le pā. 11 O le a outou elia foʻi se pū i le vā o pā e lua e tali ai le vai mai i le vailepa tuai, ae o le a outou lē vāai atu i Lē e Sili na faatupuina lea mea, ma o le a outou lē vāai atu foʻi i Lē na saunia lea mea i aso anamua.
12 O lea aso, o le a faatonu mai ai e le Alii Pule Silisili Ese o Ieova o ʻau,
Ina ia fetagisi ma faavauvau,+
Ma ia sele mamā lauulu ma oofu i ʻie talatala.
13 Ae nai lo o lea, ua iai le olioli ma le fiafia,
O le fasiga o povi ma le fasiga o mamoe,
O le ʻaina o aano o manu ma le inuina o le uaina,+
Ua outou faapea ane: ‘Ia aai ma inu auā o a taeao tatou te feoti ai.’”+
14 Ua taʻu mai e Ieova o ʻau lenei mea i oʻu taliga: “‘E lē togisalaina lava lenei agasala mo outou e oo i lo outou oti,’+ ua fetalai mai ai le Alii Pule Silisili Ese o Ieova o ʻau.”
15 O le fetalaiga lenei a le Alii Pule Silisili Ese o Ieova o ʻau: “Inā alu atu ia i le auauna pule, iā Sevena,+ o lē e vaavaaia le maota o le tupu ma ia faapea atu, 16 ‘O le ā lau aiā i inei, ma o le ā lau aiā ua e eli ai mo oe lava ia se tuugamau i lenei mea?’ Ua eli e ia lona tuugamau i se mea maualuga; ua ia tipi le papa e faia ai se tuugamau mo ia lava. 17 ‘Faauta! le tamāloa e, o le a matuā lafoina oe i lalo e Ieova ma le malosi tele ma matuā uumau iā te oe. 18 O le a ia matuā tāʻai mau oe ma togi oe e pei o se polo i le laufanua lautele. O i inā o le a e oti ai, ma o le a iai i inā au kariota matagofie, e avea foʻi ma mea e faalumaina ai le aiga o lou matai. 19 Ou te tulia oe mai i lou tofiga ma aveese oe mai i lou tulaga aloaʻia.
20 “‘O lea aso, ou te aami ai i laʻu auauna o Eliakimo+ le atalii o Hilikia, 21 ma ou te faaofu iā te ia i lou ofu tele, ou te fusi iā te ia i lou fusi ʻie,+ ma ou tuuina atu lau pule i lona lima. O le a avea foʻi o ia ma tamā i ē o loo nonofo i Ierusalema atoa ma le aiga o Iuta. 22 Ou te tuuina atu foʻi le ki o le aiga o Tavita+ i lona tauʻau. O le a ia tatalaina ae e leai se isi e na te tapunia, o le a ia tapunia ae e leai se isi e na te tatalaina. 23 O le a ou tutuʻiina o ia e pei o se pine i se mea tumau, ma e avea o ia e pei o se nofoālii mamalu i le aiga o lona tamā. 24 E latou te tautau i ona luga le mamalu* uma o le aiga o lona tamā, o fanau ma ē e tupuga mai ai, o ituaiga o ipu lāiti uma, o ipu faaofuofu atoa ma fagu tetele uma.’
25 “Ua fetalai mai Ieova o ʻau: ‘O lea aso, o le a aveese ai le pine ua tutuʻi i le mea tumau,+ e tā foʻi ma paʻū i lalo, ma e paʻū foʻi i lalo le avega ua i luga o lea mea ma ua faaleagaina, auā ua fetalai mai ai Ieova lava ia.’”
23 O le feʻau e faasaga iā Turo:+
Inā tagiauē ia outou vaa o Tasesa!+
Auā ua faatafunaina le mea e taula ai vaa; ma e lē mafai ona ulu atu ai.
Ua faailoaina atu lea mea mai i le atunuu o Kitimo.+
2 O outou o ē e nonofo i gataifale, aua tou te pisa.
Auā ua faatumulia oe e tagata faatauʻoa o Saitonu,+ o ē o loo sopoʻia mai le sami.
3 Ua auina atu fatu o Seora*+ ma le seleselega o le vaitafe o le Naila
I luga o vai e tele, ma ua maua ai e Turo le polofiti.
O lea mea ua maua ai e nuu le polofiti.+
4 Saitonu e, ia māsiasi oe, o oe o le mea malupuipuia o le sami,
Auā ua faapea mai le sami:
“E leʻi oo iā te aʻu le tigā a fanau, ou te leʻi fanau,
Ma ou te leʻi tausia aʻe foʻi ni tauleleʻa po o ni teine talavou.”*+
5 E pei ona tigā tagata i le tala e uiga iā Aikupito,+
O le a faapea foʻi ona matuā tigā tagata ona o le tala iā Turo.+
6 Ia sopo atu i Tasesa!
Ia tagiauē outou o ē o nonofo i le gataifale!
7 Po o lo outou aai ea lea sa olioli mai i aso ua leva, e mai lava i lona amataga?
Sa masani ona ave o ia e ona vae i atunuu mamao e aumau ai.
8 O ai ea ua faia lenei faaiʻuga faasaga iā Turo,
O lē e tuuina atu palealii,
O ona faatauʻoa o perenise i latou,
Ma o ona tagata fefaatauaʻi e faaaloalogia i le lalolagi uma?+
9 O Ieova o ʻau lava ia ua ia faia lenei faaiʻuga,
Ina ia faalēaogāina ai le mimitavale o Turo i lona matagofie uma,
Ma faalumaina tagata uma na faaaloalogia i le lalolagi uma.+
10 Le tama fafine a Tasesa e, inā sopo atu ia i lou laueleele e pei o le vaitafe o le Naila.
Ua lē toe iai ni uafu e taula ai vaa.+
11 Ua faaloaloa atu lona aao i luga o le sami;
Ua ia faavevesiina malo.
Ua poloaʻia e Ieova le faatama‘iaga o mea malupuipuia a Foinie.+
12 Ua ia fetalai mai: “O le a e lē toe olioli,+
O oe o lē ua puapuagatia, o le tama fafine a Saitonu.
Inā tū ia i luga ma sopo atu i Kitimo.+
Peitaʻi e te lē maua lava se mālōlōga i lea mea.”
13 Faauta foʻi! O le atunuu o tagata Kaletaia.+
O tagata Kaletaia, ae e lē o tagata Asuria,+
Lea ua faia lenei aai ma mea e nonofo ai manu o le toafa.
Ua latou faatutū o latou ʻolo mo osofaʻiga;
Ua latou faatamaʻia ona ʻolo malolosi,+
Ma faia lenei aai ma faupuʻega o mea ua faaleagaina.
15 O lea aso, o le a galo ai Turo mo tausaga e 70,+ e pei o aso o le tupu e toʻatasi. Pe a mavae tausaga e 70, o le a pei Turo o le fafine talitane lea na usu i ai le pese:
16 “O oe le fafine talitane ua faagaloina, ia ave le kitara, ma ia fealuaʻi i le aai.
Ia e tāina ma le tomai lau kitara;
Ia faatele au pese,
Ina ia latou toe manatua ai oe.”
17 Pe a mavae le 70 tausaga, ona toe liliu atu ai lea o Ieova iā Turo, ma e toe maua e le aai lona totogi, ma ia faia faiga faatalitane ma malo uma o le lalolagi o loo i le fogāeleele. 18 Ae o le a avea ana polofiti ma lona totogi o se mea paia iā Ieova. O le a lē teuina pe faaputuina, auā o lona totogi o le a fai mo i latou o ē o nonofo i luma o Ieova, ina ia latou aai ai ia maoona ma oofu ai i ofu matagofie.+
24 Faauta! O loo faagaogaoina e Ieova le atunuu* ma tuulafoaʻiina.+
Ua ia faafaō le atunuu+ ma faataapeapeina ē o loo nonofo ai.+
2 O le a tutusa le mea e oo i tagata uma:
O tagata lautele ma le faitaulaga,
O le auauna ma lona matai,
O le auauna teine ma lona matai fafine,
O lē e faatau mai ma lē e faatau atu oloa,
O le tagata e nonō atu tupe ma lē e aitalafu tupe,
O lē e talia pasene ma lē e totogia le pasene.+
3 O le a matuā faagaogaoina le atunuu;
O le a matuā faoa lava,+
Auā o le mea lea ua fetalai mai ai Ieova.
4 Ua faavauvau* le laueleele;+ o loo mou atu.
Ua mamae le laueleele sa fua mai; o loo mou atu.
Ua vaivai tagata maualuluga o le atunuu.
5 Ua leaga le atunuu ona o ē o loo nonofo ai,+
Auā ua latou lē tausia tulafono,+
Ua latou suia tuutuuga,+
Ma solia le feagaiga e tumau.+
O le mea foʻi lea ua faaitiitia ai le aofaʻi o i latou o loo nonofo i le atunuu,
Ma e toʻaitiiti lava tagata ua totoe.+
7 Ua faavauvau* le uaina fou, ua mamae le vine,+
Ma ua mapuitigā i latou uma sa fiafia o latou loto.+
8 Ua muta musika mālie o le topa;
Ua uma le pisa o ē na matuā fiafia;
Ua muta foʻi musika mālie o le kitara.+
9 E inu a latou uaina e aunoa ma ni pesepesega,
Ua oona foʻi le ʻava malosi iā i latou e feinu ai.
11 Ua latou alalaga atu mo le uaina i ala tetele.
Ua mavae atu le olioli uma;
Ua mou atu le fiafia o le atunuu.+
12 Ua matuā faaleagaina le aai;
Ua nutililiia le faitotoʻa ma ua avea ma faupu‘ega o mea ua faatafunaina.+
13 Auā o le mea lea o le a oo i le atunuu, atoa foʻi ma tagata:
E pei o le sasaina o le laau o le olive,+
E pei foʻi ona iai fuifui vine e totoe pe a uma ona aoaoina vine.+
14 O le a latou leotetele,
E latou te alalaga atu ma le olioli.
O le a latou faalauiloa mai i le sami* le silisili ese o Ieova.+
15 O le mea lea e latou te faamamaluina ai Ieova i le vaipanoa o le malamalama;*+
E latou te faamamaluina foʻi le suafa o Ieova le Atua o Isaraelu i motu o le sami.+
16 Ua tatou faalogo i pesega mai i tuluʻiga o le lalolagi:
“Ia Viia Lē e Amiotonu!”+
Ae ou te fai atu: “Ua fai ifo loʻu malosi, ua fai ifo loʻu malosi!
Oi talofa iā te aʻu! Ua gaoioi lē faamaoni i latou e lē faamaoni;
Ua gaoioi lē faamaoni ē e lē faamaoni, i a latou gaoioiga lē faamaoni.”+
17 O oe lē ua nofo i le atunuu, o le a oo iā te oe le mataʻu tele, o lua, ma mailei.+
18 O so o se tasi e sola mai i le leo o le mea e mataʻu ai, o le a paʻū i le lua,
O so o se tasi foʻi e alu aʻe mai i le lua, e puʻea i le mailei.+
Auā o le a tatalaina pupuni o vai i lugā,
E lūlūina foʻi faavae o le laueleele.
20 Ua tautevateva le atunuu e pei o se tagata onā,
Ma ua maluelue e pei o se tamaʻi fale ona o le matagi.
Ua mamafa lana agasala iā te ia,+
Ma o le a paʻū, ina ia lē toe tulaʻi ai.
21 O lea aso, o le a uaʻi atu ai Ieova i ʻautau i lugā,
Atoa ma tupu o le lalolagi i luga o le lalolagi.
22 O le a faapotopotoina faatasi i latou
E pei ona faapotopotoina o pagota i le lua,
Ma o le a loka i latou i le falepuipui;
Pe a mavae foʻi aso e tele, ona toe uaʻi atu ai lea iā i latou.
23 O le a faamāina le masina ua atoa,
O le a māsiasi foʻi le lā ua susulu malosi,+
Auā ua avea Ieova o ʻau ma Tupu+ i le mauga o Siona+ ma i Ierusalema,
25 Ieova e, o loʻu Atua lava oe.
Ou te faaneenee atu iā te oe, ou te viiviia lou suafa,
Auā ua e faia mea ofoofogia,+
O mea na e finagalo ai mai anamuā,+
I le faamaoni+ ma le maufaatuatuaina.
2 Auā ua e faia le aai ma faupu‘ega maa,
Ma lepetia le aai malupuipuia.
E lē toe iai nofoaga malupuipuia o tagata ese;
E lē toe fausia lava.
4 Auā ua avea oe ma lafitaga malosi i lē e faatauvaa,
O le lafitaga malosi i lē ua mativa i ona puapuaga,+
O le lafitaga mai i timuga mamafa,
Ma o le paolo mai i le vevela.+
Pe a oo mai foʻi le ita o ē e sauā e pei ona taia le pā i le timu mamafa,
5 E pei o le vevela i le laueleele ua leai ni vai,
E te faafilemuina le pisapisaō o tagata ese.
E pei ona faaitiitia le vevela e le paolo o le ao,
Ua faapena ona taofia le pese a tagata sauā.
6 O le a saunia e Ieova o ʻau i lenei mauga+ mo tagata uma
Se faigaʻai o mea taumafa e sili ona lelei,+
O se taumafataga o uaina e sili ona lelei,
O meaʻai e sili ona lelei ua iai mea lololo o ponaivi,
Ma le uaina e sili ona lelei ua uma ona faamamāina.
7 O le a ia faaumatia i lenei mauga le ʻie ufiufi lea o loo ufitia ai tagata uma
Ma le ʻie* ua lalagaina lea ua ufitia ai nuu uma.
8 O le a faaumatia e ia le oti e faavavau,+
O le a soloiesea foʻi e le Alii Pule Silisili Ese o Ieova loimata mai i mata uma.+
E aveesea foʻi e ia le faalumaina o ona tagata i le lalolagi uma,
Auā ua fetalai mai ai Ieova lava ia.
9 O lea aso, o le a latou faapea mai ai:
“Faauta! O lo tatou Atua lenei!+
O Ieova lava lenei!
Ua tatou faamoemoe iā te ia.
Ia tatou fiafia ma olioli i le faaolataga mai iā te ia.”+
10 Auā o le a mālōlō le aao o Ieova i luga o lenei mauga,+
Ma e solia Moapi i lona lava laueleele+
E pei ona solia o vao mamago i le mea ua iai otaota o manu.
11 E faaloaloa atu e ia ona aao ma taia ai Moapi
E pei ona faaloaloa atu e se tagata aau ona lima ma taia ai le vai pe a aau,
E na te faamaulaloina lona faualuga+
I le faaaogāina ma le atamai o ona aao.
12 O le aai malupuipuia ma ou pā maualuluga e saogalemu ai,
O le a ia faaumatia lava;
O le a ia faagatasi i le eleele, e oo lava i le efuefu.
26 O lea aso, o le a usu ai lenei pese+ i le laueleele o Iuta:+
“Ua iā i tatou le aai malosi.+
Ua ia faia le faaolataga e fai ma ona pā ma puipui.+
2 Inā tatala ia faitotoʻa o le aai+ ina ia ulu atu i ai le nuu amiotonu,
O le nuu ua amio faamaoni pea.
3 O le a e leoleoina i latou ua faalagolago atoatoa iā te oe,
O le a e avatu iā i latou le filemu+ e faaauau pea,
Auā e latou te faatuatuaina oe.+
5 Auā ua ia lafotūina i lalo i latou sa nonofo i le mea maualuga, o le aai maualuga.
Ua ia faamaulaloina,
Ua ia faamaulaloina e oo i le eleele;
Ua ia lafoina i le efuefu.
6 E solia e vae,
O vae lava o ē e puapuagatia, o alofivae foʻi o ē e faatauvaa.”
7 E saʻo* le ala o lē e amiotonu.
Ona e te amio sa‘o,
O le a e faalauleleia ai le ala o lē e amiotonu.
8 Ieova e, a o matou mulimuli i ala o au faamasinoga,
E matou te faamoemoe iā te oe.
Ua naunau o matou loto i lou suafa ma lau faamanatuga.*
9 Ua ou naunau iā te oe i le pō,
Ioe ua ou saʻili pea iā te oe i loʻu loto;+
Auā afai e te faamasino i le lalolagi,
O le a aʻoaʻoina le amiotonu e ē o loo nonofo i le laueleele.+
E oo lava i le laueleele amiotonu o le a ia faia ai lava mea leaga,+
Ma o le a ia lē vaai foʻi i le mamalu o Ieova.+
11 Ieova e, ua e sii lou aao ae latou te lē vāai i ai.+
O le a latou vāai i lou maelega mo ou tagata ma e faamāina ai i latou.
Ioe, o lou lava afi o le a faaumatia ai ou fili.
13 Ieova e lo matou Atua, sa pule iā i matou nisi matai e ese mai iā te oe,+
Ae e na o lou suafa lava e matou te taʻutaʻua.+
14 Ua feoti i latou; o le a latou lē toe feola mai.
Ua leai so latou malosi, o le a lē toetutū mai.+
Auā ua e uaʻi atu iā i latou
Ina ia faaumatia i latou ma lē toe taʻua lava i latou.
Ua e matuā faalautele atu tuaoi uma o le laueleele.+
16 Ieova e, na latou liliu atu iā te oe ina ua latou puapuagatia;
Na sasaa atu o latou loto i le tatalo taumusumusu ina ua e aʻoaʻia i latou.+
17 E pei o se fafine maʻitō ua lata ona fanau,
Ua faatigā ma ua alaga ona o lona tigā,
Ieova e, ua faapena foʻi i matou ona o oe.
18 Sa totō i matou, sa matou faatigā foʻi o le a fananau,
Ae e peiseaʻī na matou fanaua mai le savili.
E matou te leʻi aumaia le faaolataga i le laueleele,
E leai foʻi se isi e fanau mai ina ia nofo i le laueleele.
19 Ua fetalai le Atua, “O le a toe feola mai ou tagata ua feoti.
O le a toetutū oʻu tagata oti.+
Inā ala mai ia ma alalaga fiafia,
O outou o ē o loo nonofo i le efuefu!+
Auā e pei lou sau o le sau o le taeao,*
Ma o le a aumaia e le laueleele ē ua feoti o loo iai.
21 Auā faauta! o loo afio mai Ieova mai i lona afioaga
Ina ia faasalaina ē o loo nonofo i le laueleele e tusa ma a latou agasala,
O le a faaalia foʻi e le laueleele lona faamasaatoto
Ma e na te lē toe ufitia ona tagata ua fasiotia.”
27 O lea aso, o le a faaaogā ai e Ieova lana pelu malō, mataʻutia ma malosi,+
Ma o le a ia ua‘i atu iā Leviatana,* le gata e sosolo televave,
O Leviatana le gata e taata‘ai,
Ma o le a ia fasimatea le meaola lapoʻa o loo i le sami.
2 O lea aso, ia outou pepese atu iā te ia:*
“O le togāvine o uaina ua piapiā!+
3 O aʻu o Ieova, o loo oʻu leoleoina o ia.+
Ou te faasūsūina o ia i taimi uma.+
Ou te leoleo iā te ia i le pō ma le ao,
Ina ia lē faaleagaina o ia e se tasi.+
O ai e na te faafetaia‘ia a‘u i laau tuitui ma vao leaga i le taua?
Ou te solia ma susunuina faatasi ia mea.
5 A lē o lenā, ia sa‘ili atu o ia mo se puipuiga i loʻu lafitaga malosi.
Ia faalelei o ia ma aʻu;
Ia lelei foʻi o ia ma aʻu.”
6 O aso o i luma o le a sosolo ai aa o Iakopo,
O le a fuga mai lava Isaraelu ma oso aʻe tātupu,+
Ma o le a latou faatumuina le fogāeleele i faaeleeleaga.+
7 Pe e tatau ea ona taia o ia i le tā a lē na taia o ia?
Pe e tatau foʻi ona fasiotia o ia e pei ona fasiotia o ona tagata ua fasiotia?
8 O le alaga taufaafefe, e te lua finau ai ma ia pe a tulia o ia.
E te faateʻaina o ia i lou agi faata‘uta‘u mai, i le aso e agi mai ai le matagi mai i sasaʻe.+
9 O lea, e ala i lenei mea o le a ufiufia ai sesē o Iakopo,+
Ma o āuga uma ia pe a aveesea lana agasala:
O le a ia faia maa uma o le fata faitaulaga
E pei o maa penisina ua nutililiia,
Ma e lē toe iai ni pou paia* ma fata faitaulaga e faamū ai mea manogi.+
10 O le a tuufua le aai malupuipuia;
O le a tuulafoaʻiina fanua e aai ai lafumanu ia pei o le toafa.+
O le a tataa ai i inā tamaʻi povi ma taooto ai
Ma aai ai foʻi i ona lālā laau.+
Auā e leai se faautaga loloto i lenei nuu.+
O le mea lea e lē alofa mutimutivale ai iā i latou Lē na faia i latou,
Ma e lē faaalia foʻi iā i latou le agalelei e lo latou Mataisau.+
12 Le fanauga a Isaraelu e, o lea aso o le a sasa ifo ai e Ieova o fua, e mai i le mea e tafe ai le Vaitafe* e oo atu i le ālia* o Aikupito,+ ma o le a aoaoina outou taʻitoʻatasi.+ 13 O lea aso, o le a ilia leotele ai le pū,+ ma o i latou ua lamatia o latou ola i le atunuu o Asuria+ ma i latou ua faataapeapeina i le atunuu o Aikupito,+ o le a latou ō mai ma ifo iā Ieova i le mauga paia i Ierusalema.+
28 Oi talofa i le palealii* faalialiavale* o ē onanā o Efaraima+
Ma le fuga o lona mamalu matagofie ua mamae,
Lea ua i le ulu o le vanu lafulemu o i latou ua faatoʻilaloina i le uaina!
2 Faauta! Ua iai iā Ieova lē e malosi ma mataʻutia.
E pei o le faititili ma le uatoʻa, o le matagi malosi mataʻutia,
E pei foʻi o le faititili ma lologa ua tatafe malosi,
O le a ia lafotūina ma le malosi le palealii i le eleele.
4 O le fuga ua mamae o lona mamalu matagofie,
Lea ua i le ulu o le vanu lafulemu,
O le a pei o le muaʻi mati pula ae e leʻi oo i le tau māfanafana.
Pe a iloa atu e se tagata, e na te tauina ma foloina loa.
5 O lea aso, o le a avea ai Ieova o ʻau ma palealii mamalu ma pale matagofie i ē o totoe o lona nuu.+ 6 O le a avea foʻi o ia ma lē e uunaʻia* le faia o le faamasinogatonu i lē e nofo i le faamasinoga, e avea foʻi ma puna o le malosi i ē ua puipuia le faitotoʻa o le aai+ mai i osofaʻiga a le fili.
7 Ua sesē ala o ositaulaga ma perofeta ona o le uaina;
Ua latou tautevateva solo ona o le ʻava malosi.
Ua latou fesēa‘i ona o le ʻava malosi;
Ua fenuminumiaʻi ona o le uaina,
Ma ua tautevateva solo ona o la latou ʻava malosi;
Ua latou fesēa‘i ona o la latou vaai,
Ma ua lē mautonu ai i le faia o faaiʻuga.+
8 Auā ua tumu a latou laulau i pua‘iga inosia,
E leai lava se mea ua sao.
9 O ai o le a aʻoaʻoina e se tasi i le poto,
O ai foʻi o le a faamalamalama i ai e se tasi le feʻau?
Po o i latou ea ua faateʻa ma le suāsusu,
O i latou ia ua teʻa ma le susu?
10 Auā “ua sosoo le isi poloaʻiga i le isi poloaʻiga, o le isi poloaʻiga i le isi poloaʻiga,
O le fua faataoto* i le isi fua faataoto, o le fua faataoto i le isi fua faataoto,+
O sina mea itiiti i inei ma sina mea itiiti i inā.”
11 O le a fetalai mai o ia i lenei nuu e ala i ē ua ese la latou gagana ma lē manino a latou tala.+ 12 Na ia fetalai mai iā i latou: “O le mea lenei e mapu ai. Ia tuu lē ua vaivai e mālōlō; o le nofoaga lenei e mālōlō ai,” ae ua mumusu i latou e faalogo.+ 13 O lea ua avea ai le afioga a Ieova iā i latou e pei:
“Ua sosoo le isi poloaʻiga i le isi poloaʻiga, o le isi poloaʻiga i le isi poloaʻiga,
O le fua faataoto i le isi fua faataoto, o le fua faataoto i le isi fua faataoto,+
O sina mea itiiti i inei ma sina mea itiiti i inā,”
Ina ia latou tautevateva ai ma paʻuʻū taliaga
Pe a latou savavali
Ma o le a nutililiia, maileia ma maua foʻi.+
14 O lea, inā faalogo mai ia i le afioga a Ieova outou o ē e mimitavale,
O outou o ē o pule i lenei nuu o loo i Ierusalema,
15 Auā ua outou fai atu:
Pe a ui ane lologa e tatafe faafuaseʻi mai,
E lē oo mai iā i matou,
Auā ua fai le pepelo ma o matou lafitaga
Ma ua matou lalafi i tala sesē.”+
16 O lea, o le fetalaiga lenei a le Alii Pule Silisili Ese o Ieova:
“Ua ou tuuina i Siona se maa ua uma ona tofotofoina e fai ma faavae,+
E lē popolevale so o se tasi e faatuatua i ai.+
17 O le a ou faia le faamasinotonu ma fua faataoto+
Ma le amiotonu e fai ma meafaigaluega e faalaugatasi ai.+
E salu ese e le uatoʻa le lafitaga o le pepelo,
Ma e lofia foʻi i le vai le mea e lafi ai.
18 O le a faai‘uvaleina la outou feagaiga ma le Oti,
Pe a ui ane lologa e tatafe faafuaseʻi mai,
O le a faaumatia ai outou.
19 O taimi uma e ui ane ai le lologa,
O le a tafiesea ai outou;+
Auā e ui ane le lologa i lea taeao ma lea taeao,
I le ao ma le pō.
E na o le fefe e māfua ai ona latou malamalama i tala ua faalogo i ai.”*
20 Auā ua puupuu le moega ua lē mafai ona faaloloa ai se tasi,
Ua lauitiiti foʻi le ʻie na lalagaina ua lē mafai ona pulupulu ai se tasi.
21 Auā o le a tulaʻi Ieova e pei ona sa faia i le mauga o Faresa;
O le a ia faapogaia o ia lava e pei ona ia faia i le vanu* e lata i Kipeona,+
Ina ia faia lana gaoioiga, o lana gaoioiga e matuā ese lava,
Ma ina ia faia lana galuega, o lana galuega e uigaese.+
Ina neʻi faamauina atili ai o outou noanoataga,
Auā ua ou faalogo mai i le Alii Pule Silisili Ese o Ieova o ʻau e faapea,
23 Ia uaʻi mai ma faalogo mai i loʻu leo;
Ia faasaga mai ma faalogo mai i aʻu upu.
24 Pe e suaina ea le fanua i le aso atoa e le tagata sua fanua, a o ia leʻi lūlūina fatu?
Pe e faaauau ona ia suatia ma faamalūina lona fanua?+
25 Pe a uma ona ia faalaulelei le laueleele,
Pe e na te lē lūlūina solo ea le kumina uliuli ma totōina kumina,
Ma pe e na te lē totōina ea saito, o tokana* ma karite* i le mea e totō ai
27 Auā e lē solia kumina uliuli i se meafaigaluega e soli ai fatu,+
Ma e lē solia le kumina e le uili o le taavale toso.
Nai lo o lea, e sasa le kumina uliuli i le tootoo,
Ma le kumina i se laau.
28 Pe e masani ea ona nutililiia e se tasi ni fatu mo falaoa?
E leai, e lē faaauau ona ia solia fatu;+
Ma pe a ia faaalu i luga o fatu le mea faataavalevale o lana taavale toso e toso e solofanua,
E na te lē nutililiia fatu.+
29 “Oi talofa iā Arielu,* iā Arielu le aai na faatū ai faleʻie o Tavita!+
Ia outou faia pea tausamiga
I lea tausaga ma lea tausaga.+
2 Ae ou te faatigāina iā Arielu,+
Ma o le a iai i inā le faavauvau ma le auega,+
Ma e avea o ia iā te aʻu e pei o le taʻinafi o le fata faitaulaga a le Atua.+
3 Ou te nofo i faleʻie i itu uma e faasagatau iā te oe,
Ma ou te siʻomia oe i se pā e fai i laau
Ma ou faatūina faupu‘ega maa ina ia tau ma oe.+
O le a alu aʻe lou leo mai i le efuefu+
E pei o le leo o sē e saʻili i agaga,
Ma e te tautala mai i se leo ʻīʻī mai i le pefu.
5 O le a pei ou fili* e toʻatele o pauta ninii,+
O le a pei foʻi pule sauā e toʻatele o aputi o saito ua lelea ese.+
O le a tupu faafuaseʻi lenei mea.+
6 O le a liliu mai Ieova o ʻau e laveaʻi oe
I le faititili, o le mafui‘e, o le taalili,
O le matagi malosi, o le afā, ma le mū o le afi e faaumatia ai.”+
7 E pei o se miti, e pei o se faaaliga i le pō,
E faapea foʻi le mea e tupu i tagata e toʻatele o nuu uma o loo tau faasaga iā Arielu,+
O i latou uma o loo tau faasaga iā te ia,
O ʻolo mo osofaʻiga e faasagatau iā te ia,
Ma i latou uma ua faatigāina iā te ia.
8 Ioe, e pei o se tasi o fia ʻai ae ua fai sana miti o loo ʻai,
Ua ala o ia ae o loo mole pea,
E pei foʻi o se tasi ua fia inu ae ua fai sana miti o loo inu,
Ua ala o ia ae ua vaivai ma ua fia inu.
E faapea lava le mea e tupu i tagata e toʻatele o nuu uma
O loo tau faasaga i le mauga o Siona.+
Ua onanā i latou, ae e lē ona o le uaina;
Ua tautevateva i latou, ae e lē ona o le ʻava malosi.
10 Auā ua liligi atu e Ieova i o outou luga le agaga e moegase ai;+
Ua ia pupuni o outou mata, le ʻauperofeta,+
Ua ia ufitia foʻi o outou ulu, le ʻau vāai i faaaliga.+
11 Ua avea faaaliga uma iā te outou e pei o upu o le tusi ua faamauina.+ Ina ua latou tuuina atu i lē ua iloa faitau ma faapea atu: “Faamolemole seʻi faitau leotele mai,” ae o le a ia faapea mai: “Ou te lē mafaia auā ua faamauina le tusi.” 12 Ina ua tuuina atu foʻi le tusi i lē e lē iloa faitau ma faapea atu: “Faamolemole seʻi faitau mai,” ae o le a ia faapea mai: “Ou te lē iloa faitau.”
13 Ua fetalai mai Ieova: “Ua faalatalata mai nei tagata i o latou laugutu
Ma ua latou faamamaluina aʻu i o latou laugutu,+
Ae ua mamao ese lava o latou loto mai iā te aʻu;
Ma ua latou matataʻu iā te aʻu ona o poloaʻiga a tagata ua aʻoaʻoina ai i latou.+
14 O lea, o aʻu lenei, o Lē o le a toe faia gaoioiga ofoofogia i lenei nuu,+
I se auala ofoofogia ma o se mea ofoofogia foʻi;
O le a faaumatia le atamai o o latou tagata atamamai,
E natia foʻi le malamalama o o latou tagata faautauta.”+
15 Oi talofa i ē ua taumafai malosi e natia a latou fuafuaga* mai iā Ieova.+
Ua faia a latou gaoioiga i le mea pogisa,
Ae ua faapea ane: “O ai o loo vaai mai iā i tatou?
O ai e iloa mai i tatou?”+
16 Pagā lo outou faauiga sesē o mea!*
Pe e ao ona manatu i le fai ipu omea e pei ona manatu i le omea?+
Pe e tatau ea ona fai atu le mea na faia e faatatau i lē na faia o ia:
“E na te leʻi faia aʻu”?+
Pe e fai atu foʻi le mea na gaosia e faatatau i lē na gaosia o ia:
“E leai sona malamalama”?+
17 E toeitiiti lava ona liua lea o Lepanona e fai ma togālaau ʻaina,+
Ma o le a manatu i le togālaau ʻaina o se vaomatua.+
18 O lea aso, o le a faalogo ai ē e tutuli i upu o le tusi,
O le a vāai foʻi mata o ē e tauaso ma o le a saʻoloto mai i le mea pōuliuli ma pogisa.+
19 O le a matuā olioli iā Ieova ē e agamalu,
O le a fiafia foʻi i Lē e Paia o Isaraelu,+ ē e matitiva o le fanau a tagata.
20 Auā o le a lē toe iai le pule sauā,
O le a faaumatia lē e mimitavale,
Ma o le a faaumatia ē uma e nofosauni e fai mea leaga i isi,+
21 O i latou ua faaaogā tala sesē e taʻusalaina ai isi,
O ē e tuu se mailei i le faitotoʻa o le aai mo le tagata o loo aʻoaʻia,+
Ma ē ua faaaogā faamatalaga lē faavaea ina ia lē maua ai e le tagata amiotonu le faamasinogatonu.+
22 O lea, o le fetalaiga lenei a Ieova, o lē na togiolaina Aperaamo,+ ua fai atu i le aiga o Iakopo:
23 Auā pe a vaai atu o ia i lana fanau,
O le galuega a oʻu lima o loo iai faatasi ma ia,+
O le a latou faapaiaina loʻu igoa;
Ioe, o le a latou faapaia Lē e Paia o Iakopo,
Ma o le a latou matataʻu foʻi i le Atua o Isaraelu.+
24 O i latou na taasē o le a latou maua le malamalama,
Ma o ē foʻi na muimui o le a latou talia faatonuga.”
30 O le fetalaiga lenei a Ieova: “Oi talofa i atalii lotomaaa,+
O ē e faia fuafuaga, ae e lē mai iā te aʻu,+
O ē ua faia sootaga faapaaga,* ae e lē taʻitaʻia e loʻu agaga,
Ina ia faaopoopo ai le isi agasala i luga o le isi agasala.
2 E latou te ō ifo i Aikupito+ e aunoa ma le fesili mai iā te aʻu,+
Ina ia malu ai i le puipuiga a Farao*
Ma sulufaʻi ai i le paolo o Aikupito!
3 Ae e avea le puipuiga a Farao iā te outou ma mea e faamāina ai,
Ma le sulufaʻi i le paolo o Aikupito ma mea e māsiasi ai.+
5 O le a faamāsiasiina i latou uma
E se nuu e lē aogā iā i latou,
O ē e lē mafai ona fesoasoani atu ma e lē aogā,
Ae e na o le māsiasi ma le faalumaina e maua mai ai.”+
6 O le feʻau faasaga i manu i le itu i saute:
E ui atu i le laueleele o le puapuaga ma faigatā,
O loo iai le leona, o le leona o loo tagi,
O le gata feʻai ma le gata e pei o le afi mumū o loo lele,
Ua latou ave ai a latou oloa i tua o asini
Ma a latou uta i mea patupatu i tua o kamela.
Ae o le a lē aogā nei mea i tagata.
7 Auā e matuā lē aogā le fesoasoani a Aikupito.+
O lea ua ou faaigoa ai o ia: “O Raava,+ o lē e na o le nofo e leai se mea e faia.”
8 “O lenei, alu ia ma tusi i le laupapa i o latou luma,
Ma tusia foʻi i se tusi,+
Ina ia avea ma molimau tumau
I se aso i le lumanaʻi.+
10 O ē ua fai atu i tagata e iloa faaaliga, ‘Aua tou te vāai i faaaliga,’+
Ma i perofeta, ‘Aua tou te valoia mai ni valoaga moni.
Ia faamatala mai iā i matou tala e logolelei; ia valoia mai mea pepelo.+
11 Ia ʻaloese mai i le ala; ia liliuese mai i le auala.
Aua tou te toe talanoa mai e faatatau i Lē e Paia o Isaraelu.’”+
12 O lea, o le fetalaiga lenei a Lē e Paia o Isaraelu:
“Ona ua outou teena la‘u upu,+
Ma ua outou faatuatuaina faiga faagaoi ma mea faaʻoleʻole,
Ma ua outou faalagolago i nei mea,+
13 O lea o le a avea ai lenei agasala iā te outou e pei o se pā ua malepe,
E pei o se pā maualuga ua piʻo.
O le a solo faafuaseʻi i lalo, i se taimi puupuu lava.
14 O le a nutililiia e pei ona nutililiia o se fagu lapoʻa na faia e se fai ipu omea,
E matuā tuʻininiia lava ma e leai se mea e faasaoina,
E lē maua ai i mea ua nutililiia se taʻega fagu e salu mai ai le afi mai i le taʻinafi
Pe e asu mai ai ni vai mai i se vaivai.”*
15 O loo faapea ona fetalai mai le Alii Pule Silisili Ese o Ieova, o Lē e Paia o Isaraelu:
“O le a faaolaina outou pe a outou toe foʻi mai ma mālōlō;
O le a malolosi outou pe a outou nonofo fifilemu pea ma faatuatua.”+
Ae ua outou lē mananaʻo e faia faapea.+
16 Ae ua outou faapea atu: “E leai, e matou te sosola i solofanua!”
O le mea lea tou te sosola ai lava.
Ua outou faapea atu foʻi: “E matou te tiʻetiʻe i solofanua saoasaoa!”+
O le mea lea e saoasaoa ai foʻi ē o le a tuliloaina outou.+
17 O le a gatete le toʻaafe ona o le faamataʻu a le toʻatasi;+
Ae ona o le faamataʻu a le toʻalima, e tou te sosola ai lava
Seʻia oo ina avea ē e totoe o outou, e pei o se pou* i le tumutumu o le mauga,
E pei o se pou faailoilo i luga o le aʻega.+
18 Ae o le a faatalitali pea ma le onosaʻi Ieova ina ia agalelei atu iā te outou,+
O le a tulaʻi foʻi o ia ina ia alofa mutimutivale iā te outou.+
Auā o Ieova o le Atua e faamasinotonu.+
E fiafia i latou uma o ē e faatalitali* iā te ia.+
19 Pe a nonofo le nuu i Siona i Ierusalema,+ e tou te lē fetagisi.+ O le a matuā agalelei mai lava o ia iā te outou pe a outou alalaga atu mo se fesoasoani; o le taimi lava e faafofoga mai ai o ia o le a tali mai o ia iā te outou.+ 20 E ui o le a avatu iā te outou e Ieova le meaʻai o le puapuaga ma le vai o le sauā,+ ae o le a lē toe lafi lo outou Aʻoaʻo Sili, ma e tou te vāai atu i lo outou Aʻoaʻo Sili+ i o outou lava mata. 21 Pe afai tou te ō ese mai i le ala saʻo ma afe i le itu taumatau pe afe i le itu tauagavale, o le a faalogo o outou taliga i le upu mai i o outou tua e faapea: “O le ala lenei.+ Ia outou savavali ai.”+
22 O le a outou faaleaga le ufiufi siliva o a outou tupua ua tā ma le ufiufi auro o a outou tupua uʻamea.+ E tou te lafoa‘iina ia mea e pei o se ʻieʻie ua faaleagaina i le maʻi masina o se fafine, ma fai atu i ia mea: “E inosia nei mea!”+ 23 O le a ia foaʻi mai le timu i a outou fatu e lūlūina i le eleele,+ ma o le a anoanoaʻi ma matuā lelei* meaʻai mai i fua o le laueleele.+ O lea aso, o le a aai ai a outou lafu i fanua lafulemu.+ 24 O le a aai lafu povi ma asini ia e galueaʻiina le fanua i meaʻai lelei ua faafefiloi faatasi, lea na faamamāina i le suō ma le tui. 25 O le a iai vaitafe ma ālia i luga o mauga maualuluga uma ma aʻega maualuluga uma,+ i le aso o le fasiotiga tele lava pe a paʻuʻū i lalo ʻolo. 26 O le a pei le malamalama o le masina ua atoa, o le susulu malosi o le lā; ma le malamalama o le susulu malosi o le lā e faafitu ona malosi atu+ e pei o le malamalama o aso e fitu, i le aso e fusi ai e Ieova le manuʻa o lona nuu,+ ma faamālōlōina ai le manuʻa tugā na māfua mai i lona tāina o i latou.+
27 Faauta! O loo afio mai Ieova* mai i se mea mamao,
O loo mū i lona toʻasā ma o loo si‘omia o ia i ao mamafa.
Ua tumu foʻi ona laugutu i le toʻasā,
O lona laulaufaiva foʻi ua peiseaʻī o se afi e faaumatia ai.+
28 O lona agaga* e pei o se lologa ua tatafe ua oo i le ua,
Ina ia lūlūina ai nuu i se vaimamā o le faaumatiaga;
E iai foʻi i auvae o le nuu le faagutu+ e taʻitaʻisesēina ai i latou.
29 Ae o le a pei la outou pese o se pese e usuina i le pō
Pe a outou sauniuni* mo se tausamiga+ paia,
Ma o le a olioli o outou loto e pei o se tasi
Ua savali ma* se fagufagu
E agaʻi atu i le mauga o Ieova, le Papa o Isaraelu.+
30 O le a faapogaia e Ieova le faalogoina e tagata o le mamalu o lona siʻufofoga+
Ma e faaalia foʻi e ia le paʻū ifo o lona aao+ ona o lona toʻasā tele,+
Faatasi ma le mumū o le afi e faaumatia ai,+
32 O sasau uma o lona tootoo o le aʻoaʻiga,
Lea o le a faaoo e Ieova i luga o Asuria
O le a oo mai faatasi ma topa ma kitara+
A o faalālā atu lona aao faasaga iā i latou i le taua.+
Ua ia faateleina lana faaputuga fafie ina ia faatumu ai se mea loloto,
Ua mumū saesae foʻi le afi ma ua tele fafie.
O le mānava a Ieova, lea e pei o le tafe o le teiō*
O le a faamūina ai.
31 Oi talofa iā i latou e ō ifo i Aikupito mo se fesoasoani,+
O ē e faalagolago i solofanua,+
O ē e faatuatuaina kariota o le taua, auā ua tele ia mea,
Ma faatuatuaina solofanua* ona e malolosi.
Ae e latou te lē faamoemoe atu i Lē e Paia o Isaraelu
Ma ua lē saʻili atu iā Ieova.
2 Ae e atamai o ia, ma o le a ia faaoo mai le malaia,
Ma e na te lē toe faafoʻi mai ana afioga.
O le a ia faasala aiga o ē e fai mea leaga,
Ma ē o loo fesoasoani i tagata o loo faia mea leaga.+
3 O tagata o Aikupito ua na o ni tagata ae e lē o le Atua;
O a latou solofanua o tino ia ae e lē o ni agaga.+
Pe a faaloaloa e Ieova lona aao,
E tautevateva le nuu e ofoina atu le fesoasoani,
E paʻū foʻi le nuu e mauaina le fesoasoani;
O le a faaumatiaina uma i latou i le taimi e tasi.
4 Auā o loo faapea ona fetalai mai Ieova iā te aʻu:
“E pei ona gū le leona, o se tamaʻi leona malosi,* i lana manu ua fasia,
Pe a ō atu faatasi se vaega o leoleo mamoe e tulia o ia,
E lē fefe o ia i o latou leo,
Pe faavaivai ona o lo latou pisapisaō,
O le a faapea foʻi ona afio ifo Ieova o ʻau e faasagatau atu
Ona o le mauga o Siona ma lona aʻega.
5 E pei ona faapepepepe o se manulele e puipuia lana toloaʻi, e faapea foʻi ona puipuia Ierusalema e Ieova o ʻau.+
O le a ia puipuia o ia ma laveaʻiina o ia.
O le a ia faasaoina o ia ma faaola iā te ia.”
6 “O outou le fanauga a Isaraelu e, ia toe foʻi i Lē na outou matuā fouvale i ai.+ 7 Auā o lea aso o le a taʻitoʻatasi outou ma teena ona atua siliva lē aogā ma ona atua auro e lē aogā, na faia e o outou lava lima ma outou agasala ai.
8 E oti le Asuria i le pelu, e lē o se pelu a le tagata;
Ma o le a faaumatia o ia i se pelu, ae e lē o se pelu a se tagata.+
E sola o ia ona o le pelu
Ma o le a faatigāina ona tauleleʻa i galuega mamafa.
9 O le a mou atu lona papa ona o le fefe tele,
E matuā fefefe foʻi ona ta‘ita‘i ona o le pou faailoilo,” ua fetalai mai ai Ieova,
O lē ua iai lona malamalama* i Siona ma lana ogaumu i Ierusalema.
2 E avea i latou taʻitoʻatasi o se lafitaga mai i le matagi,
Ma se mea e malu ai mai i timuga mamafa,
E pei o vaitafe i atunuu e leai ni vai,+
E pei foʻi o le paolo o le papa tele i le laueleele naumati.
3 O le a lē toe faapipiiina faatasi mata o ē e vāai,
Ma o le a uaʻi atu taliga o ē e faalogo.
4 O ē e osovale, o le a manatunatu o latou loto i le poto,
Ma o ē sa tautoʻai a latou tala, o le a vave ona tautatala ma le manino.+
5 O lē e valea, e lē toe taʻua o lē e limafoaʻi,
Ma o le tagata e lē popoi, e lē toe taʻua o ia o le tamālii;
6 Auā o le a tautala le tagata valea i mea faavalevalea,
Ma e sauni lona loto e fai mea leaga,+
Ina ia faaauiluma ai le fulitua i le upu moni* ma tautala i mea pepelo e faasagatau ai iā Ieova,
Ina ia matelāina ai lē e fia ʻai,
Ma lē maua ai se meainu a lē ua fia inu.
7 O le tagata lē popoi, e leaga lava ona ala;+
Ua ia faaauiluma amioga matagā,
Ina ia faaleagaina ai lē ua puapuagatia i tala pepelo,+
E ui lava ina tautala le tagata mativa i le mea ua tonu.
8 A o lē e limafoaʻi, e mana‘o o ia e foa‘i atu le tele o mea,
Ma o le a faaauau pea ona ia limafoaʻi.
9 “O outou fafine faifaimālie, inā tutulaʻi ia ma faalogo mai i loʻu leo!
O outou afafine faatamala,+ inā uaʻi mai ia i aʻu upu!
10 Pe a mavae le tausaga ma ni nai aso, o le a atuatuvale outou o ē e faatamala,
Auā o le a uma le seleselega o vine, ae e leai se fua na aoina mai.+
11 Ia gatete outou fafine faifaimālie!
Ia atuatuvale outou o ē e faatamala!
12 Ia outou tuʻi i o outou susu i le faanoanoa
Ona o le mea ua tupu i fanua mananaia ma togāvine.
13 Auā o le a ufitia le laueleele o loʻu nuu i laau tuitui, ma laau talatala,
Ma o le a ufitia uma ai fale na iai muamua le olioli,
Ioe, o le aai o le olioli.+
Ua avea Ofele+ ma le olomatamata ma fanua lafulafuā
E fiafia ai asini o le vao,
Ma o le fanua foʻi e tataa ai lafumanu,+
15 Seʻia oo ina liligi ifo le agaga i o tatou luga mai i lugā,+
Ma avea le toafa ma togālaau ʻaina,
Ma e manatu i le togālaau ʻaina o se vaomatua.+
17 O le a tupu le filemu+ mai i le galuega a le amiotonu moni,
E tupu foʻi le toʻafilemu ma le saogalemu tumau mai i le amiotonu moni.+
19 Ae o le a totō ifo le uatoʻa ma faaleagaina ai le vaomatua,
Ma o le a matuā soloia le aai.
33 Oi talofa iā te oe o lē o loo faaumatiaina isi, ae e leʻi faaumatiaina oe;+
Ma oe o lē taufaasesē, ae e leʻi faasesēina oe!
Pe a māeʻa ona e faaumatiaina isi, o le a faaumatiaina foʻi oe.+
Pe a māeʻa ona e taufaasesē i isi, o le a faasesēina foʻi oe.
2 Ieova e, ia e agalelei mai iā i matou.+
Ua matou faamoemoe iā te oe.
3 Ua sosola tagata ina ua faalogoina le leo o le vevesi.
Ua faataapeapeina nuu ona o lou tulaʻi atu.+
4 O le a aoaoina e tagata la outou vete e pei ona aoaoina e sē akerise o mea;
O le a mumu atu i ai tagata e pei ona mumu mai o sē akerise.
5 O le a faasilisilia Ieova,
Auā e afio o ia i le mea maualuga.
O le a ia faatumuina Siona i le faamasinotonu ma le amiotonu.
6 O ia e tou te saogalemu ai;
O le mea e sili ona tāua iā te ia,
O lona faaolaina lea o outou i auala silisili,+ o le atamai ma le poto e na te foaʻi mai, ma lo outou matataʻu iā Ieova.+
7 Faauta! Ua fetagisi o latou toa i le auala;
Ua masūsū foʻi avefeʻau o le filemu.
8 Ua faatafunaina ala tetele;
E lē toe ui ane ai se tasi.
9 Ua faavauvau* le laueleele, ua mamae foʻi.
Ua faamāina Lepanona+ ma ua pala.
Ua avea Sarona e pei o le toafa,
Ua toʻulu foʻi lau o laau o Vasana ma Karamelu.+
10 Ua fetalai mai Ieova: “O lenei, o le a ou tulaʻi atu lava,
O lenei, o le a ou faasilisilia aʻu lava;+
O lenei, o le a ou faamamaluina aʻu lava.
11 E tou te afuafua vao mamago ma fanaua mai tagutugutu o laau.
O le a faatamaʻia outou e o outou manatunatuga e pei o le afi.+
12 O le a avea nuu e pei o lefulefu.*
E pei o laau tuitui ua salaina, o le a susunuina i latou i le afi.+
13 O outou o ē e mamao, inā faalogo mai ia i mea o le a ou faia!
O outou o ē ua lata mai, inā iloa ia loʻu mana.
‘O ai se isi o i tatou e mafai ona nofo i le mea o loo iai le afi e faaumatia ai?+
O ai se isi o i tatou e mafai ona nofo i le mea o iai le afi e lē mafai ona tineia?’
15 O lē o loo savali pea i le amiotonu,+
Ma tautala i le mea saʻo,+
O lē ua teena polofiti ua maua mai i faiga faagaoi,
O lē ua teena e lona lima le taliaina o se foaʻi faaalatua,+
O lē ua pupuni ona taliga mai i taupulepulega e faamasaatoto,
Ma o lē foʻi ua moeiini ona mata ina ia lē vaai ai i le mea leaga,
16 O le a nofo o ia i mea maualuluga;
O le a avea papa ma ona malu e faigatā ona alu atu i ai se tasi,
O le a avatu iā te ia lana meaʻai,
Ma o le a maua pea e ia le vai.”+
17 O le a vaai ou mata i le matagofie o le tupu;
O le a vaai i se atunuu mamao.
18 O le a e manatunatu i lou loto i lenei mea mataʻutia:
“O fea o iai le failautusi?
O fea lē e na te totogiina atu le meaalofa?+
O fea foʻi le tagata e faitauina ʻolo?”
19 E te lē toe vaai i se nuu faamaualuga,
O se nuu e faigatā tele ona malamalama i* la latou gagana,
O se laulaufaiva tautoʻai e te lē malamalama ai.+
20 Faauta! o Siona le aai e fai ai a tatou tausamiga!+
O le a vaai ou mata i Ierusalema o se mea e nofo filemu ai,
O se faleʻie e lē tatalaina e se tasi.+
E lē aveesea lava ona pine,
Ma e lē motusia e se isi ona maea.
21 O i inā, o le a fai ai Ieova o Lē e malualii,
Ma se nofoaga o vaitafe ma alāvai lautetele mo i tatou.
E lē folau ai ni vaa e fai foe,
E lē folau atu ai foʻi ni vaa tetele.
22 Auā o Ieova o lo tatou Faamasino,+
O Ieova o lo tatou Faitulafono,+
O Ieova o lo tatou Tupu;+
O ia o Lē e faaolaina i tatou.+
O lea foʻi taimi o le a vaevaeina ai le anoanoaʻi o le vete;
E oo lava i le pipili o le a ia aveina le tele o mea ua faoa.+
24 E lē fai mai foʻi se tasi ua nofo ai: “Ou te maʻi.”+
O le a faamagaloina agasala a i latou o loo nonofo i le laueleele.+
34 O outou nuu e, inā faalatalata mai ia ma faalogo mai,
O outou atunuu e, inā uaʻi mai ia.
Ia faalogo mai foʻi le lalolagi ma mea o loo tumu ai,
O le fogāeleele ma mea uma o loo ola ai.
O le a ia faaumatia i latou;
O le a ia tuuina atu foʻi i latou ia fasiotia.+
3 O le a lafoa‘ia o latou tagata ua fasiotia,
Ma o le a alu aʻe le elo mai i o latou tino oti;+
O le a liusuāvai mauga ona o o latou toto.+
4 O le a pala ʻau uma o le lagi,
Ma o le a taata‘ai le lagi e pei o se tusi tāʻai.
O le a mamae a latou ʻautau uma,
E pei ona mamae ma toʻulu o lau o le vine,
E pei foʻi ona pa‘ū ese se mati ua magumagu mai i le laau o le mati.
5 “Auā o le a matuā susū laʻu pelu i le lagi.+
O le a paʻū ifo iā Etoma,+
I luga o le nuu ua ou tuuina mo le faaumatiaga.
6 O loo iā Ieova se pelu; o le a lilofia i le toto.
O le a lilofia foʻi i le gaʻo,+
I le toto o tamaʻi mamoe poʻa ma ʻoti,
Ma le gaʻo o fatugaʻo o mamoe poʻa.
Auā ua saunia e Ieova le taulaga i Posara,
Ma le fasiotiga tele i le atunuu o Etoma.+
7 O le a fasia povi poʻa o le vao faatasi ma i latou,
O tamaʻi povi poʻa faatasi ma povi poʻa malolosi.
O le a matuā susū lo latou laueleele i le toto,
Ma o le a gaʻoa le efuefu i le gaʻo.”
8 Auā e iai le aso o le tauimasui a Ieova,+
O le tausaga lea e taui atu ai e tusa ma le mataupu faaletulafono ona o Siona.+
9 O le a liua ona* vaitafe i le tā,
Ma e liu teiō* ona efuefu,
O le a avea foʻi lona laueleele ma tā ua mumū.
10 E lē tineia i le pō po o le ao;
O le a pusa aʻe pea e faavavau lona asu.
O le a tumau pea ona faatafunaina o ia mai i lea tupulaga i lea tupulaga;
E lē toe ui ane se tasi iā te ia e faavavau, faavavau lava.+
11 O le a nofo ai le manulele o le kati ma le manu o le kifota,*
E nonofo ai foʻi lulu e uumi taliga ma manulele o le oreva.
O le a fuaina e le Atua lenei laueleele i le fua faataoto ma le maa o le fua tautau
Ina ia faaalia ai o le a avea o se mea gaogao ma lē aogā.
12 E leai sona tamālii e toe avea ma tupu,
Ma o le a lē toe iai ni ona perenise.
13 E sosolo laau tuitui i ona ‘olo malupuipuia,
E ola foʻi laau tuitui ma vao tuitui i ona nofoaga malupuipuia.
14 O le a fetaiaʻi manu o le toafa ma manu ua uiō leotetele,
O le a valaau atu foʻi le ‘oti o le vao* i lana uō.
Ioe, o le a mālōlō ai i inā le lilita* ma maua ai sona mapusaga.
15 O i inā foʻi e fai ai le faamoega o le gata oso ma tuufua ai,
E fofoa foʻi ona fua ma e na te ufiufi i lana fanau.
Ioe, o i inā e potopoto ai manulele o le aia, e taʻitasi ma lana paaga.
16 Ia outou saʻiliʻili i le tusi a Ieova ma faitau leotele i ai:
E leai se isi o i latou e leiloa;
E leai se isi o i latou e leai sana paaga,
Auā o le fofoga o Ieova ua fetalai mai ai lenei poloaʻiga,
Ma o lona agaga foʻi ua faapotopoto faatasi ai i latou.
17 Ua Ia faia foʻi le vili* mo i latou,
Ua vaevaeina fo‘i e lona aao lea mea mo i latou e ala i le fua faataoto.
O le a fai lea mea mo i latou i aso uma;
E latou te nonofo ai i augātupulaga uma.
35 O le a olioli le toafa ma le laueleele ua leai se vai,+
O le a fiafia foʻi le fanua laugatasi o le toafa ma e fua mai e pei o le lili.+
O le a latou vāai atu i le mamalu o Ieova, ma le matagofie o lo tatou Atua.
4 Ia fai atu iā i latou ua popole o latou loto:
“Ia faamalolosi. Aua le fefefe.
Faauta! o le a afio mai lo outou lava Atua ma le tauimasui,
O le a faia e le Atua le faasalaga.+
O le a afio mai o ia ma faaola iā te outou.”+
5 O lea foʻi taimi o le a faapupulaina ai mata o ē e tauaso,+
Ma o le a faalogo foʻi taliga o ē e tutuli.+
Auā o le a oso mai le vai i le toafa,
Ma vaitafe i fanua laugatasi o le toafa.
7 O le a avea le laueleele ua mago i le vevela o le lā ma vailepa ua tutupu ai ū,
Ma e avea foʻi le laueleele naumati ma vaipuna.+
O mea na nonofo ai taʻifau o le vao,+
O le a ola ai le mutia ma ū ma laau o le kome.
E lē ui atu ai lē ua lē mamā.+
Ua saunia mo lē ua savali i le ala,
Ma e lē faatagaina ona savavali ai tagata vālea.
9 O le a lē maua ai i inā se leona,
E lē alu aʻe foʻi i ai se manufeʻai.
10 O le a toe foʻi mai ē ua togiolaina e Ieova+ ma e ō mai lava i Siona ma le alalaga fiafia.+
O le a iai i luga o o latou ulu le olioli i taimi uma.+
O le a latou maua le fiafia ma le olioli,
Ae o le a mou atu le faavauvau ma le ōi.+
36 O le tausaga lona 14 o le nofoaiga a le tupu o Esekia, na alu aʻe ai Sanerivi le tupu o Asuria,+ ua siitaua atu i aai malupuipuia uma o Iuta ma faoa na aai.+ 2 Ua aauina mai foʻi e le tupu o Asuria o le Ravesaki,*+ ma se ʻautau toʻatele mai i Lakisa+ i le tupu o Esekia i Ierusalema. Ua latou tutū i autafa o le alāvai o le vaieli pito i luga,+ lea o loo i le ala tele o le fanua o le tagata tā ofu.+ 3 Ona ō atu lea iā te ia o Eliakimo+ le atalii o Hilikia o lē na vaavaaia le aiga o le tupu,* o Sevena+ le failautusi, ma Ioaa le atalii o Asafo o lē e faia faamaumauga.
4 Ona fai mai lea o le Ravesaki iā i latou: “Faamolemole, ia fai atu iā Esekia, ‘O le mea lenei ua fai mai ai le tupu sili, le tupu o Asuria: “Aiseā ua e matuā mautinoa ai?+ 5 Ua e fai mai, ‘Ua iā te aʻu le poto ma le malosi mo le taua,’ ae ua na o ni upu lava. O ai ea ua e faatuatua i ai, ua e tofotofo ai e te fouvale mai iā te aʻu?+ 6 Faauta! ua e faatuatua i le lagolagosua a lenei ū ua nutililii o Aikupito, lea afai e totoo i ai se tagata, e tuia lava lona lima ma ati ai. E faapena lava Farao le tupu o Aikupito i ē uma e faatuatua iā te ia.+ 7 Ae afai e tou te faapea mai iā te aʻu, ‘E matou te faatuatua iā Ieova lo matou Atua,’ pe e lē o ia ea e ona mea maualuluga ma fata faitaulaga na aveesea e Esekia,+ ae ua ia faapea atu iā Iuta ma Ierusalema, ‘Ia outou ifo i lenei fata faitaulaga’?”’+ 8 O lenei, ia fai se petipetiga ma loʻu alii le tupu o Asuria:+ O le a ou avatu iā te oe solofanua e 2,000, pe afai e mafai ona e tuu i ai ni tagata tiʻetiʻe. 9 E tusa pe e tuu lou faatuatuaga iā Aikupito e maua ai kariota ma tagata ti‘eti‘e solofanua, ae pe e mafai ea ona e tulia, e oo lava i se kovana e to‘atasi, o sē e sili ona faatauvaa o auauna a lo‘u alii? 10 O lenei, pe na ou sau e aunoa ma le pule mai iā Ieova e tau ma lenei nuu ma faaumatia ai? O Ieova lava ia na fetalai mai iā te aʻu, ‘Ia e alu aʻe e tau ma lenei atunuu, ma faaumatia ai.’”
11 Ona fai atu lea o Eliakimo, o Sevena,+ ma Ioaa i le Ravesaki:+ “Faamolemole, ia e fai mai i au auauna i le gagana Arama,*+ auā e matou te malamalama i ai; ae aua e te fai mai iā i matou i le gagana a tagata Iutaia, a o faalogo le nuu o loo i luga o le pā.”+ 12 Ae ua tali mai le Ravesaki: “Pe e na o lou alii ea ma oe, na auina mai ai aʻu e loʻu alii e taʻu atu i ai nei upu? Pe e lē o tagata ea fo‘i o loo nonofo i luga o le pā, o ē o le a aai i o latou otaotavale ma feinu i o latou lava feʻaulata, faatasi ma outou?”
13 Ua tū pea le Ravesaki ma valaau mai ma le leotele i le gagana a tagata Iutaia,+ e faapea: “Ia outou faalogologo mai i le upu a le tupu sili, o le tupu o Asuria.+ 14 O le mea lenei ua fai mai ai le tupu, ‘Aua neʻi ʻolegia outou e Esekia, auā e lē mafai ona ia laveaʻi outou.+ 15 Aua fo‘i neʻi faatupuina e Esekia lo outou faatuatuaina o Ieova,+ e ala i le faapea ane: “E laveaʻia lava i tatou e Ieova, e lē tuuina atu foʻi lenei aai i lima o le tupu o Asuria.” 16 Aua neʻi faalogo iā Esekia, auā o le mea lenei ua fai mai ai le tupu o Asuria: “Ia faia se leleiga ma a‘u ma ia outou siilima,* ona taʻitasi lea o le tagata ma ʻai mai i lona lava vine ma lona lava mati, ma inu mai i lona lava vaieli, 17 seʻia ou alu atu ma ave outou i le laueleele e pei o lo outou lava laueleele,+ o le laueleele o saito ma uaina fou, o le laueleele o falaoa ma togāvine. 18 Aua le faalogo iā Esekia, auā ua ia faasesēina outou e ala i le faapea mai, ‘E laveaʻiina i tatou e Ieova.’ Pe na laveaʻia ea e atua o nuu o latou lava nuu mai i lima o le tupu o Asuria?+ 19 O fea o iai atua o Amato ma Arepa?+ O fea o iai atua o Sefavaima?+ Pe na latou laveaʻiina Samaria mai i loʻu lima?+ 20 O ai fo‘i i atua uma o nei nuu, na mafai ona lavea‘iina o latou nuu mai i lo‘u lima, e mafai ai e Ieova ona lavea‘iina Ierusalema mai i lo‘u lima?”’”+
21 Ae ua fifilemu pea i latou, ua lē tali atu iā te ia i se upu, auā ua poloaʻi mai le tupu: “Aua tou te tali atu iā te ia.”+ 22 Ae ua ō mai iā Esekia o Eliakimo le atalii o Hilikia o lē na vaavaaia le aiga o le tupu,* ma Sevena+ le failautusi, ma Ioaa le atalii o Asafo o lē e faia faamaumauga, ma o latou ofu ua saeia, ua faamatala mai iā te ia upu a le Ravesaki.
37 Ina ua faalogo i ai le tupu o Esekia, ona ia saeia lea o ona ofu ma ufiufi o ia i le ʻie talatala, ma alu atu i le fale o Ieova.+ 2 Ua ia aauina atu Eliakimo o lē e vaavaaia le aiga,* o Sevena le failautusi, ma toeaina o le ʻauositaulaga, o loo ufiufi i latou i ʻie talatala, ua ō atu i le perofeta o Isaia+ le atalii o Amota. 3 Ua latou faapea atu iā te ia: “O le mea lenei ua fai mai ai Esekia, ‘O le aso lenei o le aso o puapuaga, o aʻoaʻiga, ma le faalumaina; auā ua pei i tatou o se fafine o le a fanau, ae ua leai se malosi e fanau ai.+ 4 Atonu e faafofoga mai Ieova lou Atua i upu a le Ravesaki, o lē na auina mai e le tupu o Asuria lona alii e faifai i le Atua soifua,+ ma faasala o ia e tusa ma upu na faafofoga i ai Ieova lou Atua. Ia e tatalo atu+ foʻi mo ē ua totoe o loo iai.’”+
5 Ua oo atu auauna a le tupu o Esekia iā Isaia,+ 6 ma ua faapea mai Isaia iā i latou: “O le mea lenei e tou te fai atu ai i lo outou alii, ‘O loo faapea ona fetalai mai o Ieova: “Aua e te fefe+ ona o upu na e faalogo i ai, na upuleagaina ai aʻu e auauna a le tupu o Asuria.+ 7 Ou te tuuina iā te ia se manatu, e faalogo foʻi o ia i se tala ma toe foʻi atu i lona lava nuu;+ ma o le a ou fasiotia o ia i le pelu i lona lava nuu.”’”+
8 Ina ua faalogo le Ravesaki ua alu ese le tupu o Asuria mai i Lakisa, ona ia toe fo‘i atu lea iā te ia ma maua atu o ia o loo tau ma le aai o Lipena.+ 9 Ua faalogo le tupu o Asuria i le tala e faatatau iā Tiraka le tupu o Aitiope, e faapea: “Ua sau o ia e tau ma oe.” Ina ua faalogo o ia i lenei mea, ona ia toe aauina atu lea o ni avefeʻau iā Esekia,+ e faapea: 10 “O le mea lenei e tou te fai atu ai iā Esekia le tupu o Iuta, ‘Aua ne‘i faatagaina lou Atua ua e faatuatua i ai, e ‘olegia oe e ala i le faapea mai: “E lē tuuina atu Ierusalema i le lima o le tupu o Asuria.”+ 11 Faauta! Ua e faalogo i mea na faia e tupu o Asuria i nuu uma i le faaumatiaina o i latou;+ ae po o le a laveaʻiina ea oe? 12 Pe na laveaʻiina ea nuu na faaumatia e oʻu augātamā, e o latou atua?+ O fea o iai Kosane, o Karana,+ o Risefa, ma le fanauga a Etena sa i Tilasa? 13 O fea ea o iai le tupu o Amato, o le tupu o Arepa, ma le tupu o le aai o Sefavaima,+ ma le tupu o Ena, ma Iva?’”
14 Ua ave e Esekia tusi mai i lima o avefeʻau ma faitauina. Ona alu aʻe lea o Esekia i le fale o Ieova ma fofola atu tusi i luma o Ieova.+ 15 Ua tatalo Esekia iā Ieova,+ ma faapea atu: 16 “Ieova o ‘au e,+ le Atua o Isaraelu, o lē e afio i luga* o kerupi, e na o oe lava le Atua moni o malo uma o le lalolagi. O oe na faia le lagi ma le lalolagi. 17 Ieova e, ia e liuliualo ma faafofoga mai.+ Ia silasila mai ou fofoga Ieova e, ma e silafia ai.+ Ia faafofoga mai i upu uma a Sanerivi ua auina mai e faifai i le Atua soifua.+ 18 Ieova e, e moni lava ua faatafuna e tupu o Asuria atunuu uma+ ma o latou lava laueleele. 19 Ua latou susunuina o latou atua i le afi,+ auā e lē o ni atua i latou, a o galuega a lima o tagata,+ o laau ma maa. O le mea lea ua mafai ai ona latou faaumatia na mea. 20 O lenei, Ieova e lo matou Atua, ia e faaola mai iā i matou mai i lona lima, ina ia iloa ai e malo uma o le lalolagi, o oe Ieova e, e na o oe le Atua e toʻatasi.”+
21 Ona auina atu lea e Isaia le atalii o Amota, o lenei feʻau iā Esekia: “Ua faapea ona fetalai mai Ieova le Atua o Isaraelu, ‘Ona ua e tatalo mai iā te a‘u e faatatau iā Sanerivi le tupu o Asuria,+ 22 o le afioga lenei a Ieova na ia fetalai mai ai e faasaga iā te ia:
“Ua ʻinoʻino le tama teine taupou a Siona iā te oe, ma ua ia tauemu iā te oe.
Ua lūlū mai le ulu o le tama teine a Ierusalema iā te oe.
23 O ai ua e faifai+ ma upuleaga i ai?
O ai ua e leotele i ai+
Ma e faamaualuga i ai?
O Lē e Paia o Isaraelu!+
24 Ua e faifai iā Ieova+ e ala i au auauna ma e faapea ane,
‘O aʻu kariota tau e matuā tele lava
Ou te alu aʻe ai i vaega maugā maualuluga,+
O vaega pito i mamao o Lepanona.
Ou te tuuina i lalo ona arasi maualuluga, ma ona perosi matagofie.
Ou te ulu atu i ona nofoaga e pito i sili ona maualuluga, o vaomatua e pei o se togālaau.
26 Pe e te leʻi faalogo ea? Ua uma ona ou filifilia mea e faia, mai lava i aso anamua.
Na ou fuafuaina mai i aso ua mavae.+
O lenei, o le a ou faataunuuina.+
E te faia aai malupuipuia, e avea ma faupu‘ega o mea ua faatafunaina.+
27 E vaivai o latou tagatānuu;
E latou te matuā fefefe lava ma māsiasi.
E avea i latou e pei o vao o le fanua ma mutia lanu meamata,
E pei foʻi o le mutia i taualuga, ua mamae i le matagi mai i sasaʻe.
28 Ae ou te iloa lelei mea uma e te faia: pe a e nofo i lalo, pe a e ulufafo, ma pe a e ulufale,+
Ma le taimi e te ita tele ai iā te aʻu,+
29 Auā ua ou faalogo i lou ita tele iā te aʻu+ ma lou pisapisaō.+
O lea, ou te tuuina ai laʻu mātau i lou isu, ma laʻu faagutu+ i ou laugutu,
Ou te taʻitaʻi atu lava oe i le ala na e sau ai.”
30 “‘O le faailoga lenei mo oe:* E tou te aai i lenei tausaga i mea ua tutupu mai i fatu na toʻulu; o le tausaga lona lua, e tou te aai mai i saito e tutupu mai ai; a o le tausaga lona tolu, e tou te lūlūina ai fatu, ma selesele, ma totō ai togāvine ma aai mai i o latou fua.+ 31 A o ē o totoe o tagata o Iuta,+ o le a pei o laau, e sosolo o latou aa ma fua mai ai ni fua. 32 Auā e iai ē o totoe o le a ō ese mai i Ierusalema, ma ē e faasaoina o le a ō ese mai i le mauga o Siona.+ E faia lenei mea i le maelega o Ieova o ʻau.+
33 “‘O le mea lea ua fetalai mai ai Ieova e faatatau i le tupu o Asuria:+
“E lē sau o ia i lenei aai,+
Pe fanaina mai i ai se aū,
Pe sau i ai ma se talipupuni,
Pe tanu se mea maupuʻepuʻe ina ia osofaʻi mai ai.”’+
34 ʻO le ala e sau ai o ia, e toe foʻi atu ai;
E lē sau lava o ia i totonu o lenei aai,’ ua fetalai mai ai Ieova.
36 Ona alu atu lea o le agelu a Ieova, ma fasiotia le toʻa 185,000 o le ʻautau a Asuria. Ina ua feala aʻe tagata i le taeaopō, ona latou vaaia ai lea o tino oti uma.+ 37 Ona alu ese ai lea o Sanerivi le tupu o Asuria, ua toe foʻi atu ma nofo i Nineva.+ 38 A o ifo o ia i le fale* o Nisero lona atua, ona fasiotia lea o ia i le pelu+ e ona atalii o Atameleko ma Salese, ona la sosola ai lea i le nuu o Ararata.+ Ae ua avea Esara-atona+ lona atalii ma tupu e sui iā te ia.
38 I na aso, na maʻi ai Esekia ma ua toetoe lava a oti.+ Ona sau ai lea iā te ia o le perofeta o Isaia+ le atalii o Amota, ma ua faapea mai: “O le mea lenei ua fetalai mai ai Ieova, ‘Inā fai atu ia ni faatonuga i lou aiga, auā o le a e oti lava, e te lē toe malosi.’”+ 2 Ona faasaga lea o Esekia i le puipui, ma ua tatalo atu iā Ieova e faapea: 3 “Ieova e, ou te ʻaiʻoi atu iā te oe, faamolemole, ia e manatua+ ua ou savali ma le faamaoni i ou luma ma le lotoatoa,+ ua ou faia foʻi le mea ua tonu i lau silafaga.” Ona tagi masūsū ai lea o Esekia.
4 Ona fetalai mai lea o Ieova iā Isaia, e faapea: 5 “Inā toe foʻi atu ia, ma e fai atu iā Esekia,+ ‘O le mea lenei ua fetalai mai ai Ieova le Atua o Tavita lou augātamā: “Ua ou faalogo i lau tatalo.+ Ua ou vaai i ou loimata.+ O lenei, ou te faaopoopoina tausaga e 15 i ou aso,+ 6 ou te laveaʻi foʻi iā te oe ma lenei aai mai i le lima o le tupu o Asuria, ma ou te puipuia lenei aai.+ 7 O le faailoga lenei mai iā Ieova, ina ia e iloa ai o le a faataunuu e Ieova le mea na ia fetalai mai ai:+ 8 Ou te faafoʻi le ata lafoia o le lā ua alu ifo i sitepu* o Aasa, i le sefulu sitepu i tua.”’”+ Ona toe foʻi atu lea o le lā i faasitepu e sefulu ia ua uma ona alu ifo ai.
9 O le tusitusiga a Esekia le tupu o Iuta ina ua maʻi o ia ma toe malosi mai i lona gasegase.
O le a aveesea foʻi oʻu tausaga o totoe.”
11 Sa ou faapea ane: “Ou te lē toe vaai iā Ioa,* o Ioa i le laueleele o loo nonofo ai ē o loo feola.+
Ou te lē toe vaai i tagata,
Pe a ou faatasi atu i ē ua feoti.
Ua ou taata‘aia loʻu ola e pei ona taata‘aia e le tagata lalaga ʻie, o se ‘ie ua uma ona lalagaina;
Ua vavaeeseina aʻu e le Atua e pei o le vavaeeseina o se ʻie ua uma ona lalagaina, mai i le mea na lalaga ai.
E na te tuuina atu pea aʻu i faigatā e mai i le ao seʻia oo i le pō.+
13 Ou te fifilemu seʻia oo i le taeao.
E pei o le leona, e na te gauia pea oʻu ponaivi uma;
E na te tuuina atu pea aʻu i faigatā e mai i le ao seʻia oo i le pō.+
14 E pei o tama‘i manulele o le peʻapeʻa ma le akuru, e faapea lava ona ou ‘ī‘ī;+
Ua ou olo e pei o le lupe.+
Ua nenefu oʻu mata i le vaai atu i le mea maualuga:+
‘Ieova e, ua ou matuā puapuagatia.
Ia e lagolago mai iā te aʻu!’+
15 O le ā saʻu upu e fai atu?
O lea ua ia fetalai mai ma ua ia faia.
O le a ou savali pea ma loʻu lotomaulalo i oʻu tausaga uma
Ona o lenei mea oona ua oo mai iā te aʻu.
O le a e faafoʻisia mai iā te aʻu le ola mālōlōina ma faasaoina aʻu.+
17 Faauta! Nai lo o le filemu, na ou maua le mea oona,
Ae ona o lou alofa i loʻu nei tagata,
Ua e faasaoina ai aʻu mai i le lua e pala ai.+
Ua e lafoaʻiina aʻu agasala uma i ou tua.*+
18 Auā e lē mafai ona faamamaluina oe e le Tuugamau.*+
E lē mafai foʻi ona vivii atu le oti iā te oe.+
E lē mafai e i latou ua ō ifo i le lua ona faamoemoe i lou faamaoni.+
19 O lē ua ola, o lē ua ola e mafai ona vivii atu iā te oe,
E pei ona ou faia i le asō.
O lea, e mafai e se tamā ona faailoa i ona atalii e uiga i lou faamaoni.+
20 Ieova e, ia e faaolaina aʻu,
Ona matou tāina lea o pese i meafaifaaili e iai uaua+
I aso uma o o matou olaga i le fale o Ieova.’”+
21 Ona faapea atu lea o Isaia: “Ia aumai se keke o mati mamago ma tuu i luga o le maʻi sua, ina ia toe malosi ai o ia.”+ 22 Ua fai atu Esekia: “O le ā le faailoga e iloa ai o le a ou alu aʻe i le fale o Ieova?”+
39 O le taimi lenā na aauina mai ai e le tupu o Papelonia, e igoa iā Merota-palata le atalii o Palata, ni tusi ma se meaalofa iā Esekia,+ auā na ia faalogo na maʻi Esekia, ae ua toe malosi.+ 2 Ua talia i latou e Esekia, ma faaali atu iā i latou oloa uma i lona fale e teu ai oloa,+ o siliva, o auro, o suāuu pasama ma isi suāuu lelei, o lona fale o auupega, ma mea uma na maua i ana oloa. E leai lava se mea i lona fale ma lona malo uma e leʻi faaalia atu e Esekia iā i latou.
3 Mulimuli ane, ua sau le perofeta o Isaia i le tupu o Esekia, ma fesili mai iā te ia: “O le ā le mea na fai mai ai nei tagata, ma o fea na latou ō mai ai?” Ona tali atu lea o Esekia: “Na latou ō mai i se nuu mamao, mai i Papelonia.”+ 4 Ua fesili mai o ia: “O ā mea na latou vāai i ai i lou fale?” Ua tali atu Esekia: “Na latou vāai i mea uma o loo i loʻu fale. E leai se mea ou te leʻi faailoaina atu iā i latou i aʻu oloa.”
5 Ua fai mai Isaia iā Esekia: “Ia faalogo ia i le afioga a Ieova o ʻau, 6 ‘Faauta! E oo mai aso e ave ai i Papelonia mea uma o loo i lou fale, ma mea na faaputu e ou augātamā seʻia oo mai i le aso nei. E leai se mea e totoe ai,’+ ua fetalai mai ai Ieova.+ 7 ‘O le a aveina foʻi nisi o ē e tupuga mai iā te oe, ma fai i latou ma tagata aloaʻia i le maota o le tupu o Papelonia.’”+
8 Ona fai atu lea o Esekia iā Isaia: “Ua lelei le afioga a Ieova na e fai mai ai.” Ua ia fai atu foʻi: “Auā o le a iai pea le filemu ma le saogalemu* i loʻu olaga.”+
40 “Inā outou faamāfanafana atu ia, inā faamāfanafana atu ia i loʻu nuu,” ua fetalai mai ai lo outou Atua.+
2 “Ia tautatala atu i le loto o* Ierusalema,
Ma faailoa atu iā te ia ua māeʻa le taimi sa faamalosia e faigaluega ai o ia,
Ua uma fo‘i ona totogi lana agasala.+
Ua ia maua mai i le aao o Ieova le faasalaga atoa mo ana agasala uma.”+
3 O loo alaga se tasi i le toafa:
“Ia outou faalaulelei* le ala o Ieova!+
Ia faasaʻosaʻo le ala tele+ e ui atu i le toafa mo lo tatou Atua.+
4 Ia faatumuina vanu uma,
Ma ia faamaulaloina mauga ma aʻega uma.
5 O le a faaalia le mamalu o Ieova,+
Ma e vāai faatasi i ai tagata uma,+
Auā ua fetalai mai ai le fofoga o Ieova.”
6 Faalogo! O loo faapea mai se tasi: “Ia valaau atu!”
Ona faapea mai lea o le isi: “O le ā le mea ou te valaau atu ai?”
“O tagata uma, e pei o le mutia muʻamuʻa.
Ma o lo latou alofa faamaoni e pei o fuga o laau o le fanua.+
E moni, o le mutia muʻamuʻa o le nuu lava lea.
8 Ua mago le mutia muʻamuʻa,
Ua mamae fuga o laau,
Ae o le afioga a lo tatou Atua e tumau lea e faavavau.”+
Ia e matuā leotele atu,
O oe le fafine e aumaia le tala lelei i Ierusalema.
Ia e leotele ma aua e te fefe.
Ia faalauiloa atu i aai o Iuta: “O lo outou Atua lenei.”+
10 Faauta! O le a afio mai le Alii Pule Silisili Ese o Ieova ma le malosi,
Ma e pule lona aao mo ia.+
Faauta! Ua iā te ia lana taui,
Ma ua i ona luma le totogi na te totogiina atu.+
11 E na te tausia* lana lafu mamoe e pei o se leoleo mamoe.+
E na te aoaoina tamaʻi mamoe i lona aao,
Ma tauave mamoe i lona fatafata.
E na te taʻitaʻiina ma le alofa mamoe o loo faasusu a latou fanau.+
O ai ua ia aoaoina i totonu o se fua le pefu o le eleele+
Pe fuatia mauga i le fua
Ma fua aʻega i le fua faatautau?
13 O ai ea ua fuatia* le agaga o Ieova,
Ma o ai e mafai ona avea ma ana faufautua e faatonuina o ia?+
14 O ai ua la soālaupule faatasi ina ia mafai ona malamalama ai o ia,
Po o ai foʻi e aʻoaʻo atu iā te ia i le ala o le faamasinotonu,
Pe e aʻoaʻo iā te ia le poto,
Pe e faasino atu iā te ia le ala i le malamalama?+
15 Faauta! Ua pei atunuu o sina vai e sisina ifo mai i le pakete,
Ma ua manatu i ai e pei i latou o le pefu i luga o fua faatautau.+
Ua ia siitia foʻi motu e pei o ni pefu ninii.
16 E oo lava i laau o Lepanona, e lē lava e faamumū ai pea le afi,*
Ma e lē lava ona manu o le vao e fai ai le taulaga mū.
17 Ua pei atunuu uma o se meanoa i lana silafaga;+
Ua matuā leai lava, ma e lē aogā i latou i lona manatu.+
18 O ai tou te faatusaina i ai le Atua?+
Po o le ā foʻi se faatusa tou te faatusa i ai o ia?+
19 E gaosia e le tufuga se faatusa,*
E ufiufi foʻi i le auro e le tagata fai ʻapamemea,+
Ma e na te faia filifili siliva e teuteuina ai.
E na te saʻilia se tufuga atamai
Ina ia saunia se faatusa ua tā e lē maluelue.+
21 Pe e tou te leʻi iloa ea?
Pe e tou te leʻi faalogo foʻi ea?
Pe e leʻi taʻuina atu ea iā te outou mai i le amataga?
Pe e tou te leʻi malamalama ea talu ona faavaeina le lalolagi?+
22 Ua iai Lē o loo afio i luga o le faataaliʻoliʻo o le lalolagi,+
Ma o ē o loo nonofo ai ua pei o ni sē.
O loo ia fofola le lagi e pei o se ʻie valavala,
E na te faamafolafola foʻi e pei o le faleʻie e nonofo ai.+
24 E lē totōina i latou,
E lē lūlūina lava i latou,
E lē mauaa foʻi o latou pogati i le eleele.
Pe afai e feula atu i ai, ona mamago ai lea o i latou,
Ma e pei i latou o tagutugutu o saito e lelea ese i le matagi malosi.+
25 “O ai tou te faatusaina i ai aʻu ina ia ma tutusa?” ua fetalai mai ai Lē e Paia.
26 “Ia outou tetepa aʻe i le lagi ma vāai.
O ai ua na faia ia mea?+
O Lē o loo taʻitaʻia nei mea e pei o se ʻautau e tusa ma lo latou faitau aofaʻi;
E na te valaau i latou uma i o latou igoa.+
Ona o le tele ma le mataʻutia o lona malosi, ma le matuā tele o lona mana,+
E leai se mea o nei mea ua leiloa.
27 Iakopo e, aiseā ua e faapea ane ai, ma Isaraelu e, aiseā ua e faapea atu ai,
‘Ua lilo loʻu ala mai iā Ieova,
Ma e lē o faia e le Atua se faamasinogatonu mo aʻu’?+
28 Pe e te leʻi iloa pe faalogo foʻi?
O Ieova o Lē na foafoaina tuluʻiga uma o le lalolagi, o le Atua e soifua e faavavau.+
E lē vaivai pe lē lavā foʻi o ia.+
E lē masuʻesuʻeina* lona poto.+
30 E vaivai ma lē lavavā tama talavou,
Ma e tautevateva ma paʻuʻū tauleleʻa,
31 A o ē e faamoemoe iā Ieova o le a toe malolosi i latou.
E latou te ō aʻe e pei ua iā i latou ni apaʻau o aeto.+
E latou te taufetuli ae e lē vaivai;
E latou te savavali foʻi ae e lē taitai lē lavavā ai.”+
Ia latou faalatalata mai, ma ia latou tautatala mai.+
Seʻi o tatou faatasi mai mo le faamasinoga.
2 O ai na ia faatulaʻi se isi mai i le mea e oso aʻe ai le lā,*+
Ma valaau atu iā te ia ina ia faia le auaunaga iā te Ia ma le amiotonu,
Ina ia tuuina atu iā te ia atunuu,
Ma ia faatoʻilaloina tupu?+
O ai e na te tuuina atu i latou i lana pelu, ina ia faataapeapeina ai e pei o le pefu,
Ma faataapeape i latou i lana ʻaufana e pei o tagutugutu o saito?
3 E na te tuliloaina i latou, ma e ui atu e aunoa ma le faalavelavea
I auala e le‘i uia muamua e ona vae.
4 O ai ua gaoioi ma faia lenei mea,
Ma taʻu atu i tupulaga mai i le amataga?
5 Ua vāai i ai motu ma fefefe ai.
Ua gatete tuluʻiga o le lalolagi.
Ua latou faalatalata mai ma ō mai pea.
6 Ua taʻitoʻatasi ma fesoasoani i lana uō,
Ma faapea atu i lona uso: “Ia faamalosi.”
7 Ona faamalosi atu lea o le tufuga i lē e faia uʻamea;+
O lē e faalamolemoleina mea i le samala,
E na te faamalosi atu i lē o loo sasaina mea i le u‘amea e tu‘i ai mea.
Ua ia faapea atu e faatatau i le faiga o le uelo e soo ai mea: “Ua lelei.”
Ona faamauina ai lea i fao ina ia lē maluelue ai.
8 “A o oe Isaraelu e, o laʻu auauna,+
O oe Iakopo e, o lē ua ou filifilia,+
O le fanau a laʻu uō o Aperaamo,+
9 O oe, o lē na ou aumaia mai i tuluʻiga o le lalolagi,+
O oe foʻi na ou valaauina mai i vaega mamao o le lalolagi.
10 Aua e te fefe, auā ou te faatasi ma oe.+
Aua e te atuatuvale, auā o aʻu o lou Atua.+
Ou te faamalosi iā te oe, ma ou te matuā fesoasoani iā te oe,+
Ou te matuā lagolagoina oe i loʻu lima taumatau o le amiotonu.’
11 Faauta! O i latou uma e feita iā te oe o le a māsiasi ma faalumaina.+
O i latou o ē e femisaaʻi ma oe, o le a pei o se meanoa ma o le a faaumatia.+
12 O le a e saʻili iā i latou na finau ma oe, ae o le a e lē maua i latou;
O i latou o loo tau ma oe, o le a peiseaʻī ua lē iai i latou ma e pei ua leai lava.+
13 Auā o aʻu o Ieova lou Atua, o loo uuina lou lima taumatau,
O Lē e fai atu iā te oe, ‘Aua e te fefe. O le a ou fesoasoani iā te oe.’+
14 Aua e te fefe oe Iakopo+ le anufe* e,
O outou tagata Isaraelu, ou te fesoasoani iā te outou,” ua fetalai mai ai Ieova, o Lē e toe faatauina oe,+ o Lē e Paia o Isaraelu.
15 “Faauta! ua ou faia oe ma laupapa e aveese ai fatu,+
O se meafaigaluega fou maʻai e aveese ai fatu.
O le a e soli ai mauga ma nutililii ai;
E te faia foʻi aʻega e pei o aputi o saito.
17 “Ua saʻili ē ua mafatia ma matitiva mo ni vai, ae e leai se vai.
Ua mātūtū o latou laulaufaiva ona o le fia feinu.+
O aʻu o Ieova, ou te tali atu iā i latou.+
O aʻu o le Atua o Isaraelu, ou te lē tuua lava i latou.+
Ou te faia le toafa e avea ma vailepa ua tutupu ai ū,
Ma faia foʻi le laueleele naumati e avea ma puna o vai.+
19 O le a ou totō i le toafa le laau o le arasi,
O le laau o le setima, o le laau o le atasi, ma le laau o le olive vao.+
O le a ou totō i le fanua laugatasi o le toafa le laau o le perosi,
Faatasi ma le titara ma le laau o le paina,+
20 Ina ia vāai ma iloa ai e tagata uma,
Ia uaʻi i ai, ma malamalama ai,
Ua faataunuuina nei mea e le aao o Ieova,
Ma ua faia nei mea e Lē e Paia o Isaraelu.”+
21 “Ia faailoa mai la outou finauga,” ua fetalai mai ai Ieova.
“Ia faailoa mai foʻi o outou manatu e lagolago ai,” ua fetalai mai ai le Tupu o Iakopo.
22 “Ia faailoa mai faamaoniga ma taʻu mai iā i matou mea o le a tutupu.
Ia taʻu mai mea na tutupu muamua,
Ina ia matou mafaufau i ai ma iloa ai le i‘uga e oo i ai.
Pe faailoa mai foʻi iā i matou mea o le a oo mai.+
Ioe, ia outou faia se mea e lelei po o se mea e leaga,
Ina ia matou maofa ai pe a matou vāai i ai.+
O so o se tasi e filifilia outou, e inosia o ia.+
25 Ua ou faatulaʻi se tasi mai i le itu i mātū, ma o le a sau o ia,+
O se tasi mai i le mea e oso aʻe ai le lā,*+ o lē o le a valaau mai i loʻu igoa.
O le a ia solia ta‘ita‘i* o ē e pei o omea,+
E pei ona solia e le tagata fai ipu omea o le omea ua susū.
26 O ai na ia taʻuina mai lenei mea mai i le amataga, ina ia tatou iloa ai,
Pe e mai i aso ua tuanaʻi, ina ia tatou faapea atu ai, ‘E saʻo o ia’?+
E moni, e leai se isi na taʻu maia!
E leai fo‘i se isi na ia faailoa maia!
E leai se isi na faalogo i se upu na outou faia!”+
27 O aʻu o lē na muamua faapea atu i Siona: “Faauta! O mea nei o le a tutupu!”+
Ma ou te auina atu i Ierusalema sē e na te avatua le tala lelei.+
28 Ua ou vaai pea ae e leai se tagata;
Ma e leai se isi o i latou e aumaia se fautuaga.
Ua ou fesili atu pea iā i latou ina ia latou tali mai.
29 Faauta! Ua matuā leai lava i latou uma.
O se meanoa a latou galuega.
O a latou faatusa uʻamea* ua na o le savili ma e lē aogā.+
42 Faauta! O laʻu auauna+ ua ou lagolagoina!
O lē ua ou filifilia,+ o lē foʻi ua fiafia i ai loʻu loto!+
O le faamaoni o le a ia faia ai le faamasinotonu.+
4 O le a lē mū itiiti o ia pe nutililiia seʻia faatūina e ia le faamasinotonu i le lalolagi;+
Ma e faatalitali foʻi motu i lana tulafono.*
5 O le mea lenei ua fetalai mai ai le Atua moni o Ieova,
O Lē na faia le lagi, ma o Lē e silisili na faamafolafolaina le lagi;+
O Lē na folasia le lalolagi ma mea uma o loo tutupu ai,+
O Lē foʻi na te avatua le mānava i tagata o iai,+
Ma le malosi e ola ai i ē o loo savavali ai:+
6 “O aʻu lava o Ieova, ua ou valaau atu iā te oe i le amiotonu;
Ua ou uuina lou lima.
O le a ou leoleoina oe ma avatu oe e fai ma feagaiga mo le nuu,+
Ma avea ma malamalama o atunuu,+
7 Ina ia e faapupula mata o tauaso,+
Ina ia tatala pagota mai i le lua maulalo,
Ma tatala mai i le falepuipui i latou o loo nonofo i le pōuliuli.+
8 O aʻu o Ieova. O loʻu igoa lea;
Ou te lē avatua loʻu mamalu i se tasi,
E lē avatua foʻi loʻu viiga i faatusa ua tā.+
9 Vaai fo‘i, ua taunuu mea muamua;
Ae o loo oʻu taʻuina atu mea fou.
Ou te faailoa atu iā te outou ia mea a o leʻi tutupu mai.”+
10 Inā usu ia se pese fou iā Ieova,+
O lona viiga e mai i tuluʻiga o le lalolagi,+
O outou o ē ō ifo i le sami ma mea uma o loo tumu ai,
O outou motu ma outou o ē e ʻaināina.+
Ia alalaga atu ma le olioli ē o loo nonofo i le mea papa;
Ia latou alalaga atu mai i tumutumu o mauga.
13 O le a afio atu Ieova e pei o sē e malosi.+
O le a ia faatupu lona maelega e pei o se toa.+
O le a alaga atu o ia, ioe, o le a alaga o ia i le alaga o le taua;
O le a ia faailoa atu i ona fili e sili atu lona malosi.+
14 Ua fetalai le Atua: “Ua umi ona ou nofo filemu.
Ua ou lē pisa ma ua ou pulea aʻu lava.
E pei o se fafine o le a fanau,
Ou te ōi, ou te selasela ma ou gaʻegaʻe i le taimi e tasi.
15 O le a ou faagaogaoina mauga ma aʻega,
Ma faamamago vao ma laau uma.
16 O le a ou taʻitaʻiina ē e tauaso i se ala e latou te lē iloa+
Ma faasavavali ai i latou i auala e latou te lē masani ai.+
O le a ou liua le mea pogisa i o latou luma e avea ma malamalama,+
Ma faalaugatasi le laueleele gaoā.+
O mea ia o le a ou faia mo i latou, ma ou te lē tuua i latou.”
17 O le a latou solomuli ma o le a matuā faalumaina i latou,
O i latou o ē e faatuatua i faatusa ua tā,
O i latou ua faapea atu i faatusa uʻamea:* “O outou o o matou atua.”+
19 O ai ua tauaso, pe e lē o laʻu auauna ea,
Ma o ai foʻi e tutuli e pei o le avefeʻau na ou auina atu?
O ai e tauaso e pei o lē ua tauia,
Ma o ai fo‘i e tauaso e pei o le auauna a Ieova?+
20 Ua e vaaia le tele o mea, ae ua e lē ua‘i pea i ai.
Ua lagona e ou taliga, ae e te lē faalogo i ai.+
22 Ae o le nuu lenei ua faoa a latou mea ma ua aveesea faamalosi,+
Ua taofiofia i latou uma i lua, ma ua natia i latou i falepuipui.+
Ua faoa a latou mea e aunoa ma se tasi e laveaʻi iā i latou,+
Ua aveesea foʻi e aunoa ma se tasi e faapea atu: “Inā toe faafo‘i mai ia i latou!”
23 O ai se isi o outou o le a faalogo mai i lenei mea?
O ai foʻi o le a uaʻi mai ma faalogo ina ia manuia ai i le lumanaʻi?
24 O ai ua tuuina atu Iakopo e faoa ana mea,
Ma Isaraelu i ē e vetea a latou mea?
Pe e lē o Ieova ea, o Lē ua tatou agasala i ai?
25 Ua Ia sasaa mai pea i o latou luga lona maʻemaʻeā,+
O lona toʻasā, ma le mataʻutia tele o le taua.
Ma ua si‘omia ma faaumatia ai i latou, ae ua latou lē ano i ai.+
Ua sasao atu pea iā i latou, ae ua lē tau ane ai o latou loto.+
43 O le fetalaiga lenei a Ieova,
O Lē na foafoaina oe Iakopo e, ma le Mataisau na faia oe Isaraelu e:+
“Aua e te fefe, auā ua ou toe faatauina mai oe.+
Ua ou valaauina oe i lou igoa.
Ua fai oe mo aʻu.
Pe a e savali i le afi, e te lē afāina ai,
Pe e te mū i le mumū o le afi.
3 Auā o aʻu o Ieova lou Atua,
O Lē e Paia o Isaraelu, o lou Faaola.
Ua ou tuuina atu Aikupito e fai ma togiola mo oe,
O Aitiope ma Sepa e sui ai oe.
O lea, o le a ou avatu ai tagata e sui ai oe,
Ma nuu e sui ai lou ola.
5 Aua e te fefe auā ou te faatasi ma oe.+
O le a ou aumaia lau fanau mai i le itu i sasa‘e,
Ou te faapotopotoina faatasi foʻi outou mai i le itu i sisifo.+
6 O le a ou fai atu i le itu i mātū, ‘Tuu mai ia i latou!’+
Ma fai atu i le itu i saute, ‘Aua le taofia i latou.
Ia aumai oʻu atalii mai i mea mamao, ma oʻu afafine mai i tuluʻiga o le lalolagi,+
7 O i latou uma ua faaigoa i loʻu igoa+
Ma na ou faia mo loʻu lava mamalu,
O i latou o ē na ou faia.’+
O ai se tasi o i latou e mafai ona taʻu maia lenei mea?
Pe e mafai ona latou taʻu mai mea o le a tutupu muamua?*+
Seʻi aumai ni a latou molimau ina ia faamaonia ai e sa‘o i latou,
Pe e faalogo foʻi i latou ma faapea mai, ‘O le upu moni lenei!’”+
10 O le fetalaiga lenei a Ieova: “O outou o aʻu molimau,+
Ioe, o laʻu auauna ua ou filifilia,+
Ina ia outou iloa ma faatuatua mai ai iā te aʻu,*
Ma ia outou malamalama ai o aʻu lava lea e tasi.+
E leʻi iai se Atua na faia e muamua iā te aʻu,
Ma e leai lava se isi Atua talu mai aʻu.+
11 O aʻu, o aʻu lava o Ieova+ ma e leai se faaola ua na o aʻu lava.”+
12 “O aʻu lava na ou faailoa atu ma ou faaolaina, ma logoina atu,
Ina ua leai se atua ese iā te outou.+
O lea, o outou o aʻu molimau, ma o aʻu o le Atua,” ua fetalai mai ai Ieova.+
13 “E lē gata i lea, o aʻu lava lea e tasi;+
Ma e leai se tasi e mafai ona se‘i ese se mea mai i loʻu lima.+
Pe a ou gaoioi, o ai e mafai ona taofia aʻu?”+
14 O le fetalaiga lenei a Ieova, o Lē e toe faatauina outou,+ o Lē e Paia o Isaraelu:+
“Ona o outou, o le a ou aauina atu ai se ‘autau i Papelonia ma ave ifo pou faalava o faitotoʻa,+
Ma o le a tagiauē tagata Kaletaia+ i totonu o o latou vaa.
15 O aʻu o Ieova o Lē e Paia iā te outou,+ o Lē na faia Isaraelu,+ o lo outou Tupu.”+
16 O le fetalaiga lenei a Ieova,
O Lē ua faia le ala i le sami
Ma le auala i vai e tatafe malolosi,+
17 O Lē ua aumaia faatasi le kariota o le taua ma le solofanua,+
O le ʻautau faatasi ma tagata totoa malolosi:
“O le a taooto i latou ma e lē toe tutulaʻi.+
O le a tineia i latou e pei ona tineia o le vavae o le molī.”
18 “Aua neʻi manatuaina mea na tutupu i aso ua mavae,
Ma aua neʻi outou manatunatu i mea ua tuana‘i.
Pe e tou te lē o iloa atu ea?
20 O le a faamamaluina a‘u e manufeʻai,
O taʻifau o le vao ma iaena,*
Auā ou te saunia vai i toafa,
O vaitafe i fanua valevalenoa,+
Ina ia feinu ai loʻu nuu, o lē ua ou filifilia,+
21 O le nuu ua ou faia mo aʻu,
Ina ia latou taʻutaʻu atu pea loʻu viiga.+
23 Ua e lē aumaia iā te aʻu mamoe o le taulaga mū,
Pe faamamaluina aʻu i au taulaga.
Ou te leʻi faamalosia oe e aumaia iā te aʻu se meaalofa,
24 E te le‘i faatauina i au tupe se tolo* suamalie mo aʻu;
E te le‘i faamalieina foʻi aʻu i gaʻo o au taulaga.+
Nai lo o lea, ua e faaee mai avega mamafa iā te a‘u ona o au agasala
Ma ua ou fiu ona o au mea sesē.+
25 O aʻu, o aʻu lava o Lē ua soloiesea au solitulafono*+ mo loʻu lava lelei,+
Ma ou te lē toe manatua au agasala.+
26 Ia faamanatu mai iā te aʻu; seʻi faamasinoina faatasi i taʻua;
Ia fai lau faamatalaga ina ia faamaonia ai pe e te saʻo.
28 O le mea lea ou te faalumaina ai taʻitaʻi o le nofoaga paia,
Ma o le a ou tuuina atu Iakopo ina ia faaumatia,
Ma tuuina atu Isaraelu ia upuleagaina.+
2 O le fetalaiga lenei a Ieova,
O Lē na faia oe ma o le Mataisau na foafoaina oe,+
O lē na fesoasoani iā te oe a o e iai i le manava:
O le a liligi ifo loʻu agaga i lau fanau,+
Ma aʻu faamanuiaga i ē e tupuga mai iā te oe.
4 E tutupu aʻe i latou e pei o le mutia muʻamuʻa,+
E pei foʻi o le laau o le garava i tala ane o alāvai.
5 O le a faapea mai se tasi: “O Ieova e ona aʻu.”+
E faaigoa foʻi e se isi o ia lava i le igoa o Iakopo,
Ae o le a tusi e le isi i lona lima: “E mo Ieova.”
Ma o le a ia faaigoa o ia lava iā Isaraelu.’
6 O le mea lenei ua fetalai mai ai Ieova,
O le Tupu o Isaraelu+ ma o Lē e toe faatauina o ia,+ o Ieova o ʻau:
‘O aʻu o lē e muamua, o aʻu foʻi o lē e mulimuli.+
E leai se isi Atua ua na o aʻu lava.+
7 O ai se tasi e tusa ma aʻu?+
Inā valaau mai ia o ia ma taʻu mai, ma ia aumai iā te aʻu faamaoniga!+
Pe e iai se tasi mai i le taimi na ou faavaeina ai le nuu, lea e mai i aso ua mavae
E mafai ona taʻuina mai mea o le a oo mai
Ma mea o le a tutupu?
Po ou te leʻi mua‘i taʻuina atu ea iā te outou taʻitoʻatasi ma faailoa atu?
O outou o aʻu molimau.+
Pe e iai se isi Atua e ese mai iā te aʻu?
E leai, e leai se isi Papa.+ Ou te lē iloa lava se isi.’”
Ua avea nei mea o ni a latou molimau, ae e lē vāai pe iloa ni mea,+
Ma e faamāina ai o ē na faia nei mea.+
11 Faauta! O le a faamāina ana paaga uma!+
O tufuga ua na o ni tagata i latou.
Ia faapotopoto faatasi i latou uma ma tutū ma le lē gāsē.
O le a matataʻu i latou ma faamāina faatasi.
12 A o le tufuga fai uʻamea, ua ia faaaogā lana meafaigaluega, e faavevela ai le uʻamea i luga o malala ola.
Ua ia faia i le samala,
Ua ia faia lenei galuega i lona lima malosi.+
Ua fia ʻai o ia, ma ua lē lavā ai.
E leʻi inu o ia i se vai, ma ua vaivai ai.
13 A o le tufuga e vaneina mea i laau, e na te faataatia le fua faataoto ma faailoga le mea i le penisina mūmū.
E na te vaneina i le tofi ma faailoga i le fua faataaliʻoliʻo.
Ua ia faia ina ia foliga mai e pei o se tagata,+
E tusa ma le matagofie o le tagata,
Ina ia nofo i le fale.+
14 E iai lē o lana pisinisi o le tāina i lalo o laau o le arasi.
E na te filifilia se ituaiga o laau, o se laau telē,
Ma tausia mai i laau o le vaomatua+ seʻia malosi.
E na te totō le laau o le orene, ona tupu tele ai lea ona o timuga.
15 Ona faia lea e le tagata o lenei mea ma fafie e faamumū ai le afi.
Ua ia ave le isi vaega o le laau ina ia faamāfanafana ai o ia;
E na te tafu le afi ma tao ai le falaoa.
Ae ua ia faia ai foʻi se atua ma tapua‘i i ai.
Ua ia faia ai se faatusa ua tā, ma ifo faō i ai.+
16 Ua ia susunu le ʻafa o le laau i le afi;
Ua ia tunu ai fo‘i le aano o manu e ʻai ai, ma ua maʻona ai.
Ua ia faamāfanafana iā te ia ma faapea ane:
“A! Ua ou māfanafana a o ou vaavaai atu i le afi.”
17 A o mea e totoe ai ua ia faia ai se atua, o se faatusa ua tā.
Ua ia ifo faō ma tapua‘i i ai.
Ua tatalo i ai ma faapea atu:
“Ia e laveaʻi mai iā te aʻu, auā o oe o loʻu atua.”+
18 E latou te lē iloa se mea, pe malamalama foʻi,+
Auā ua punitia o latou mata ma ua lē mafai ona vāai,
Ma e leai fo‘i se malamalama i o latou loto.
19 E leai se isi e manatu i lona loto,
Pe e poto pe e malamalama foʻi ma faapea ifo:
“Ua ou susunuina i le afi le ʻafa o le laau,
Ma ua ou tao le falaoa i luga o ona malala, ma tunu ai aano o manu ou te ʻai ai.
Pe e tatau ea la ona ou faia ai se mea inosia i le mea ua totoe?+
Pe e tatau ona ou tapua‘i i se ogālaau mai i se laau?”
20 Ua ʻai o ia i le lefulefu.
Ua faasesēina o ia e lona lava loto ua ʻolegia.
Ua lē mafai ona ia laveaʻiina o ia lava, pe faapea ane:
“Pe e lē o iai ea i loʻu lima taumatau le mea pepelo?”
21 “Iakopo e, ia manatua ia mea, ma oe Isaraelu e,
Auā o oe o laʻu auauna.
Na ou faia oe, ma o oe o la‘u auauna.+
Isaraelu e, e lē galo oe iā te aʻu.+
22 O le a ou ufitia au solitulafono e pei ua ufitia i se ao,+
Ma au agasala e pei ua ufitia i se ao mafiafia.
Ia foʻi mai iā te aʻu, ona ou toe faatauina mai lea o oe.+
23 O outou lagi e, inā alalaga atu ia ma le fiafia,
Auā ua gaoioi Ieova!
Mea maulalalo e, o le lalolagi, ia alalaga atu ma le manumalo!
Mauga e, ia alalaga ma le fiafia,+
Faapea foʻi oe le vaomatua ma laau uma ua iai!
Auā ua toe faatauina e Ieova o Iakopo,
Ma ua ia faaalia lona matagofie ona o Isaraelu.”+
24 O le fetalaiga lenei a Ieova, o Lē e toe faatauina oe,+
O Lē na Foafoaina oe a o e iai i le manava:
“O aʻu o Ieova, o lē na faia mea uma.
O ai sa faatasi ma aʻu?
25 Ua ou faalēaogāina faailoga a ē e faia tala lē aogā,*
O aʻu foʻi o Lē e faapogaia faataulāitu ia gaoioi e pei o ni vale;+
O Lē e faafenumiaʻia tagata atamamai,
Ma liua lo latou poto i le faavalevalea;+
26 O Lē e faataunuuina upu e folafola atu e lana auauna,
Ma faataunuuina atoatoa valoaga a ana avefeʻau;+
O Lē foʻi ua faapea mai e uiga iā Ierusalema, ‘O le a toe ʻainā o ia,’+
E faapea mai fo‘i e uiga i aai o Iuta, ‘O le a toe fausia,+
Ma ou te toe faatūina ana mea ua faatafunaina’;+
27 O Lē e fai mai i vai loloto, ‘Ia mitiia;
Ma ou te faamātūtūina ou vaitafe uma’;+
28 O Lē e faapea mai e uiga iā Kuresa,+ ‘O laʻu leoleo mamoe o ia,
Ma o le a ia faataunuuina atoatoa mea uma ou te loto i ai’;+
O Lē ua faapea mai e uiga iā Ierusalema, ‘O le a toe fausia lava o ia,’
Ma faapea mai e uiga i le malumalu, ‘O le a toe fausia lou faavae.’”+
45 O le fetalaiga lenei a Ieova i lē ua ia faauuina, o Kuresa,+
O lē ua ou uu i lona lima taumatau,+
Ina ia faatoʻilaloina atunuu i ona luma,+
Ina ia ou aveesea le malosi o* tupu;
Ina ia tatalaina i ona luma faitotoʻa e lua ona itu,
Ina ia lē tapunia ai faitotoʻa o le aai:
O le a ou nutililiia faitotoʻa ʻapamemea,
Ma ou gauia pou faalava uʻamea.+
3 O le a ou avatu iā te oe oloa ua i le mea pogisa
Ma oloa ua natia i mea lilo,+
Ina ia e iloa ai o aʻu o Ieova,
O le Atua o Isaraelu, o Lē ua valaauina oe i lou igoa.+
4 Ona o laʻu auauna o Iakopo ma Isaraelu lē na ou filifilia,
Ua ou valaauina ai oe i lou igoa.
Ua ou tuuina atu iā te oe se igoa faaaloalogia, e ui e te leʻi iloa aʻu.
5 O aʻu o Ieova, e leai se isi.
E leai se isi Atua seʻi vaganā ai aʻu.+
O le a ou faamalosia* oe e ui e te leʻi iloa aʻu,
6 Ina ia iloa ai e tagata
Mai i le mea e oso aʻe ai le lā i le mea e goto i ai,*
E leai se isi e na o aʻu lava.+
O aʻu o Ieova, e leai se isi.+
7 O aʻu o lē ua faia le malamalama+ ma faia foʻi le pōuliuli,+
O lē ua faia le filemu+ ma faatupu mala,+
O aʻu o Ieova, o loo oʻu faia nei mea uma.
Ia matala le laueleele ma ia fua mai i le faaolataga,
Ma ia tutupu aʻe faatasi ma le amiotonu.+
O aʻu o Ieova, na ou foafoaina lea mea.”
9 Oi talofa i lē e finau ma lona Mataisau,*
Auā ua na o ia o se taʻega ipu omea
O loo taatitia i le eleele ma isi taʻega ipu omea!
Pe e tatau ea ona fai atu le omea i le Fai Ipu Omea:* “O le ā le mea o loo e faia?”+
Pe e fai atu foʻi le mea na e faia: “E leai ni ona lima”?
10 Oi talofa i lē ua fai atu i se tamā: “O le ā ea lenei mea ua e fanaua?”
Ma i se tinā: “O le ā ea lenei mea ua e fanauina mai?”*
11 O le fetalaiga lenei a Ieova, o Lē e Paia o Isaraelu,+ ma le Mataisau o lē na foafoaina o ia:
“Pe e te fesiligia ea a‘u e uiga i mea o le a oo mai
Ma faatonuina a‘u e faatatau i oʻu atalii+ ma galuega a oʻu lima?
12 O aʻu na faia le lalolagi+ ma foafoaina le tagata o loo iai.+
13 Ua fetalai mai Ieova o ʻau: “Ua ou faatulaʻi se tagata i le amiotonu,+
Ma o le a ou faasaʻoina ona ala uma.
O ia o le a fausia loʻu aai,+
Ma faasa‘oloto+ e aunoa ma se tau po o se totogi faaalatua,+ oʻu tagata e aveina faapagota.”
14 O le fetalaiga lenei a Ieova:
“O polofiti* a Aikupito, o ‘oa* a Aitiope, ma tagata Seepa o ē e uumi,
O le a latou ō mai lava iā te oe, ma o le a fai mo oe.
O le a latou savavali i ou tua, ma filifili uʻamea ua faamau i o latou vae,
O le a latou ifo atu foʻi iā te oe.+
O le a latou tatalo iā te oe e faapea, ‘E moni ua faatasi le Atua ma oe,+
Ma e leai se isi; e leai lava se isi Atua.’”
16 O le a faamāsiasiina ma faamāina i latou uma;
O le a savavali ese ma le faalumaina i latou uma o loo fausia tupua.+
17 Ae o le a faaolaina Isaraelu e Ieova, i se faaolataga e faavavau.+
O le a lē faamāsiasiina outou, pe faalumaina fo‘i e oo i le faavavau.+
18 Auā o le fetalaiga lenei a Ieova,
O Lē na foafoaina le lagi,+ o le Atua moni,
O le Mataisau na faia le lalolagi, o Lē na faatumauina,+
Na ia lē foafoaina fua le lalolagi, ae na ia faia ina ia ʻainā:+
“O aʻu o Ieova, e leai se isi.
19 Ou te leʻi tautala atu i se mea lilo, i se laueleele pogisa;+
Ou te leʻi fai atu foʻi i le fanau a Iakopo,
‘Ia saʻili mai iā te aʻu, ae e leai se aogā o a outou taumafaiga.’
O aʻu o Ieova, o lē e tautala atu i mea ua tonu, ma taʻu atu mea ua saʻo.+
20 Ia outou faapotopoto ma ō mai.
Inā faalatalata faatasi mai ia, o outou o ē na sao mai i atunuu.+
E lē iloa se mea e i latou ua tauaveina faatusa ua tā i le laau,
Ma tatalo atu i se atua e lē mafai ona faaolaina i latou.+
21 Ia outou tautatala ma ia faailoa mai la outou mataupu.
Ia soālaupule faatasi i latou i le autasi.
O ai na valoiaina lenei mea mai i aso anamuā
Ma faailoa mai i taimi ua mavae?
Pe e lē o aʻu ea, o Ieova?
E leai lava se isi Atua, ua na o aʻu lava;
O le Atua amiotonu ma le Faaola,+ e leai se isi e na o aʻu lava.+
22 Ia liliu mai iā te aʻu ma faaolaina+ ai outou, o outou uma ua i tuluʻiga o le lalolagi;
Auā o aʻu o le Atua, e leai se isi.+
23 Ua ou tautō iā te aʻu lava;
Ua alu atu le upu mai i loʻu gutu i le amiotonu,
Ma e lē toe foʻi mai:+
E tootuli tulivae uma i oʻu luma,
Ma e tautō laulaufaiva uma o le a latou faamaoni+
24 Ma faapea mai, ‘E moni e iā Ieova le amiotonu moni ma le malosi.
O i latou uma e feita iā te ia e ō atu iā te ia ma le māsiasi.
25 O le a faamaonia le saʻo o le fanau a Isaraelu ona o Ieova,+
Ma o le a latou mitamita foʻi ona o ia.’”
46 Ua punou Pele,+ ua faanoʻunoʻu Nepo.*
Ua faaee o laʻua tupua i luga o manu, o manu ave avega,+
O ni uta ua avea ma avega mamafa ua vaivai ai manu.
2 Ua la faanoʻunoʻu ma punonou faatasi i lalo;
Ua lē mafai ona la faasaoina avega,*
Ma ua ave faapagota foʻi i laʻua.
3 “Le aiga o Iakopo e, inā faalogo mai ia iā te aʻu, ma outou uma o ē ua totoe o le aiga o Isaraelu,+
O ē na ou tauaveina talu ona fananau mai, ma ou tausia talu ona iai i le manava.+
4 Pe a oo ina loa lou soifua, o aʻu lava lea e tasi;+
Pe a oo ina e ulusinā, o le a ou tauaveina pea oe.
E pei lava ona ou faia, o le a ou amoina lau avega, ma ou te tauaveina ma laveaʻiina oe.+
5 O ai o le a outou faatusaina i ai aʻu pe ma te tutusa,+
Pe faatusa i ai aʻu ina ia taitutusa ai i maʻua?+
6 E iai i latou ua soona sasaa le auro mai i a latou ato tupe;
Ua latou fua le siliva i le fua faatautau.
Ua latou faafaigaluega se tagata fai uʻamea, ma ua ia faaaogā ia mea e fai ai se atua.+
Ona latou faapaʻuʻū faō lea, ioe, ua latou tapua‘i atu i ai.*+
7 Ua latou tauave lenei tupua i o latou tauʻau,+
Ua latou amoina ma tuu i le mea e ao ona tuu ai, ma ua na ona tū ai i inā.
Ua lē alu ese mai i inā.+
Ua latou alalaga atu i ai, ae e lē tali mai;
E lē mafai foʻi ona faaolaina e le tupua se tasi mai i lona puapuaga.+
8 Ia manatua lenei mea ma ia outou lototetele.
O outou o ē ua solitulafono, ia manatunatu loloto i lenei mea i o outou loto.
9 Ia manatua mea na tutupu i aso ua mavae,
Ia manatua o aʻu o le Atua, ma e leai lava se isi Atua.
O aʻu o le Atua, ma e leai se isi e pei o aʻu.+
10 Ua ou taʻu mai talu mai le amataga le iʻuga,
Ma taʻu mai foʻi talu mai aso anamuā mea e leʻi faia.+
11 Ua ou valaau i le manulele taufeʻai mai i le mea e oso aʻe ai le lā,*+
O le tagata lea mai i se nuu mamao o le a faataunuuina laʻu faaiʻuga.*+
Ua ou taʻuina atu, ma o le a ou faaooina lava.
Ua ou faia le faaiʻuga, ma o le a ou faataunuuina lava.+
O le a ou avatu le faaolataga i Siona, ma loʻu matagofie i Isaraelu.”+
Le tama fafine a Kaletaia e,
Inā nofo ia i le laueleele i le mea e lē o iai se nofoālii.+
Auā o le a lē toe taʻua oe e tagata o lē e faapelepeleina.
2 Ia ave se mea e olo ai saito ma ia fai ai se falaoamata.
Ia aveese lou ufimata.
Ia tatala ese lou ofu umī, ma ia faaaliali ou vae.
Ia sopoʻia atu vaitafe.
3 O le a faaalialia lou lē lavalavā.
O le a iloa foʻi lou faalumaina.
O le a ou tauimasui atu,+ ma e leai se tasi e mafai ona tetee mai.*
Ae e te leʻi alofa mutimutivale iā i latou.+
E oo lava i ē matutua, na e faaee i ai avega mamafa.+
7 Ae na e faapea mai: “O le a avea pea aʻu ma Matai Fafine* e oo i le faavavau.”+
E te leʻi manatunatu i ia mea i lou loto;
E te leʻi manatunatu foʻi i le iʻuga o ia mea.
8 O lenei, inā faalogo mai ia oe o lē e naunau tele i mea faafiafia,+
O lē e nofo ma le saogalemu, ma o lē ua faapea ifo i lona loto:
“Ua na o aʻu, ma e leai lava se isi.+
O le a lē avea a‘u o se fafine ua oti lana tane.
O le a ou lē iloa lava faalogona o le feoti o le fanau.”+
9 Ae o le a oo faafuaseʻi mai nei mea e lua iā te oe i le aso e tasi:+
O le feoti o le fanau ma le oti o lau tane.
O le a oo moni mai lava nei mea uma iā te oe+
Ona o le* tele o au togafiti faataulāitu ma au faiga faalauatau malolosi uma.+
10 Na e faatuatuaina lou leaga.
Na e faapea ifo: “E leai se isi o iloa mai aʻu.”
Na taʻitaʻisesēina oe e lou atamai ma lou poto,
Na e faapea ane foʻi i lou loto: “Ua na o aʻu ae e leai se isi.”
11 Ae o le a oo mai mala iā te oe,
Ma o le a lē aogā ni faiga faataulāitu e tetee atu i ai.
O le a oo mai iā te oe le puapuaga; e lē mafai ona e ʻalofia.
O le a oo faafuaseʻi mai iā te oe le faatafunaina, lea e leʻi oo muamua iā te oe.+
12 Ia faaauau pea la ona fai au faiga faalauatau ma le tele o au togafiti faataulāitu,+
Na e galue malosi ai talu mai lou talavou.
Atonu e te maua ai ni aogā,
Atonu foʻi o le a matataʻu ai tagata iā te oe.
13 Ua e fiu i le toʻatele o au faufautua.
Seʻi o latou laulaututū mai nei ma faaolaina oe,
O ē e tapuaʻi atu i le lagi,* o ē e sioa i fetu,+
O i latou ua faaalia le poto i masina faatoʻā vaaia
E faatatau i mea o le a oo iā te oe.
14 Faauta! Ua pei i latou o tagutugutu o saito.
O le a susunuina i latou i le afi.
E lē mafai ona latou laveaʻia i latou lava mai i le malosi o le afi.
O lenei afi e lē o ni malala ola e faamāfanafana ai,
E lē o se afi foʻi e nofonofo ai i autafa.
15 O le a faapena foʻi ou tagata fai mea faataulāitu,
O ē na outou tautigā faatasi talu mai lou talavou.
O le a latou feofeoaʻi solo, e taʻitoʻatasi ma alu i lona lava ala.*
E leai se isi o le a faaola iā te oe.+
48 Le aiga o Iakopo e, inā faalogo mai ia i lenei mea,
O outou o ē ua faaigoa outou lava i le igoa o Isaraelu+
Ma o ē e ō mai mai i vai o* Iuta,
O outou o ē ua tautō i le suafa o Ieova+
Ma valaau i le Atua o Isaraelu,
Ae e lē o faia e tusa ma le upu moni ma le amiotonu.+
2 Auā ua outou faapea mai o outou o le aai paia,+
Ma e tou te faalagolago i le Atua o Isaraelu,+
O Ieova o ʻau lona suafa.
3 “Na ou taʻu atu iā te outou i aso ua mavae mea na tutupu muamua.
Na alu atu foʻi mai i loʻu gutu,
Ma na ou faailoaina atu.+
Ona faafuaseʻi lea ona ou gaoioi ma na taunuu ai ia mea.+
4 Talu ai na ou iloa lou lotomaaa,
O lou ua o le uaua uʻamea ma o le ʻapamemea foʻi lou muāulu,+
5 Na ou taʻu atu ai iā te oe i aso ua mavae.
A o leʻi taunuu ia mea, na ou faailoa atu iā te oe ina ia e faalogo i ai,
Ina neʻi e faapea ane, ‘Na faia e la‘u tupua ia mea,
Na poloaʻiina foʻi e la‘u faatusa ua tā ma la‘u faatusa uʻamea.’*
6 Ua e faalogo ma vaai i ia mea uma.
Pe e te lē taʻuina atu ea nei mea?+
E amata atu i le taimi nei ona ou faailoa atu iā te oe mea fou,+
E oo i mea sa natia e te leʻi iloa.
7 Ua faatoʻā faia ia mea i le taimi nei, ae e lē o aso ua mavae,
O mea e te leʻi faalogo muamua i ai a o leʻi oo i lenei aso,
Neʻi e faapea ane, ‘Vaai! O lea ua ou iloa ia mea.’
8 E leai, e te leʻi faalogo i ai,+ e te leʻi iloaina fo‘i,
Ma e te le‘i fia faalogo mai i aso ua mavae.
9 Ae ona o lo‘u igoa, o le a ou pulea ai loʻu ita;+
Ona o loʻu viiga, o le a ou taofiofia ai aʻu lava mai iā te oe,
Ma o le a ou lē faaumatiaina oe.+
10 Faauta! ua ou faamamāina oe, ae e lē pei ona faia i le siliva.+
Ua ou tofotofoina* oe i le ogaumu* o puapuaga.+
11 Ona o aʻu, ona o aʻu lava, o le a ou gaoioi ai,+
Auā e faapefea ona ou tuu atu loʻu igoa e taʻuleagaina?+
Ou te lē avatua loʻu mamalu i se isi.
12 Iakopo e, inā faalogo mai ia iā te aʻu, ma oe Isaraelu e, o lē na ou valaauina.
O aʻu lava lea e tasi.+ O aʻu o lē e muamua. O aʻu foʻi o lē e mulimuli.+
Pe a ou valaau atu i nei mea, ona latou tutū faatasi lea.
14 Ia faapotopoto faatasi uma mai outou ma faalogo.
O ai se isi o i latou na faailoaina mai nei mea?
Ua alofa Ieova iā te ia.+
O le a ia faia lava lona finagalo e faasaga iā Papelonia,+
Ma o le a oo lona lima i tagata Kaletaia.+
15 O aʻu lava na ou fai atu, ma na ou valaauina o ia.+
Na ou aumaia o ia, ma o le a manuia foʻi lona ala.+
16 Ia outou faalatalata mai iā te aʻu ma faalogo i lenei mea.
Talu mai lava le amataga, ou te leʻi tautala atu lava faalilolilo.+
Sa ou iai ina ua amata ona tupu lea mea.”
O lenei, ua auina mai aʻu e le Alii Pule Silisili Ese o Ieova, atoa ma* lona agaga.
17 O le fetalaiga lenei a Ieova o Lē e toe faatauina oe, o Lē e Paia o Isaraelu:+
“O aʻu o Ieova, o lou Atua,
O Lē o loo aʻoaʻo oe i mea e aogā iā te oe,*+
O Lē e taʻitaʻiina oe i le ala e ao ona e ui ai.+
18 E lelei pe a e faalogo mai i aʻu poloaʻiga!+
E lē soloiesea lou igoa pe aveesea mai i oʻu luma.”
Ia sosola ese mai i tagata Kaletaia!
Ia taʻu atu ma le leo o le alaga fiafia! Ia faalauiloa atu!+
Ia faailoa atu i tuluʻiga o le lalolagi.+
Ia faapea atu: “Ua toe faatauina mai e Ieova lana auauna o Iakopo.+
21 E leʻi fia feinu i latou ina ua ia taʻitaʻia i latou e ui atu i le toafa.+
Na ia faatafe mai le vai mai i le papa mo i latou;
Na ia isilua le papa ona tafe mai ai lea o le vai.”+
22 Ua fetalai mai Ieova: “E leai se filemu i ē e amioleaga.”+
Na valaauina aʻu e Ieova ae ou te leʻi fanau mai.*+
Na ia taʻua loʻu igoa mai i le taimi na ou iai i le manava o loʻu tinā.
Na ia faia aʻu e pei o se aū maʻai;
Ua ia faalilo aʻu i lana taga e tuu ai aū.
3 Ua ia fetalai mai iā te aʻu: “Isaraelu e, o oe o laʻu auauna,+
O le a faaalia loʻu matagofie e ala iā te oe.”+
4 Ae ua ou faapea ifo: “Ua ou galue fua.
Ua alu uma loʻu malosi i se mea e lē aogā ma iʻuvale.
5 A o lenei, ua fetalai mai Ieova o Lē na faia aʻu i le manava, e fai ma ana auauna,
Ia ou toe aumaia Iakopo iā te ia,
Ina ia faapotopoto Isaraelu iā te ia.+
O le a faamamaluina aʻu i le silafaga a Ieova,
Ma avea loʻu Atua ma oʻu malosi.
6 Ua fetalai mai foʻi o ia: “E lē lava le tau ina avea o oe ma aʻu auauna
Ina ia faaeaina ituaiga o Iakopo
Ma toe aumai ē o malupuipuia o Isaraelu.
Ua ou tuuina atu foʻi oe e fai ma malamalama o nuu ese,+
Ina ia oo laʻu faaolataga i tuluʻiga uma o le lalolagi.”+
7 O le fetalaiga lenei a Ieova, o Lē e toe faatauina Isaraelu, o Lē e Paia o Isaraelu,+ i lē e matuā inosia,+ o lē ua ʻinoʻino i ai le nuu, o le auauna a ē e pule:
“O le a vāai i ai tupu ma tutulaʻi mai,
Ma o le a ifo foʻi perenise
Ona o Ieova, o lē e faamaoni,+
O Lē e Paia o Isaraelu, o lē ua filifilia oe.”+
8 O le fetalaiga lenei a Ieova:
“I le taimi sologa lelei, na ou tali atu iā te oe,+
I le aso foʻi o le faaolataga, na ou fesoasoani ai iā te oe;+
Na ou leoleoina pea oe ina ia tuuina atu oe e fai ma feagaiga mo tagata,+
Ina ia toe faaleleia le laueleele,
Ina ia latou toe nofoia o latou tofi ua faatafunaina,+
Ma i latou o loo i le pogisa,+ ‘Ia faailoa mai outou!’
O le a aai i latou i tala ane o ala,
Ma o le a iai o latou laufanua e aai ai i tafatafa ane o auala* uma.
Auā o le a taʻitaʻia i latou e Lē e alofa mutimutivale iā i latou,+
Ma o le a ia taʻitaʻia i latou i vaipuna.+
12 Faauta! O le a ō mai i latou mai i mea mamao,+
Vaai foʻi! o i latou nei mai i le itu i mātū ma le itu i sisifo,
Ma o i latou nei mai i le atunuu o Sainima.”+
13 O outou lagi e, inā alalaga fiafia ia, ma ia olioli oe le lalolagi.+
Ia olioli mauga ma alalaga fiafia.+
Auā ua faamāfanafana e Ieova ona tagata,+
Ma ua ia alofa mutimutivale i ona lava tagata ua puapuagatia.+
14 Ae ua fai mai pea Siona:
“Ua tuulafoaʻia aʻu e Ieova,+ ma ua galo aʻu iā Ieova.”+
15 Pe e mafai ona galo i se tinā lana tama o loo susu,
Ma lē alofa i le tama tama a lona manava?
E tusa pe e galo i nei tinā, ae e lē galo oe iā te aʻu.+
16 Faauta! Ua vaneina oe i oʻu alofilima.
Ua i oʻu luma pea ou pā.
17 Ua vave ō mai lau fanau tama.
O le a ō ese mai iā te oe ē ua lepetiaina ma faatafunaina oe.
18 Inā tepa aʻe ia ma vaavaai solo.
Ua faapotopotoina faatasi i latou uma.+
Ua latou ō mai iā te oe.
Ua fetalai mai Ieova: “O loo ola aʻu,
O le a e ofu iā i latou uma e pei o mea teuteu,
Ma e te fusia i latou iā te oe e pei ona faia e se tamaʻitaʻi faaipoipo.
19 E ui na faatafunaina ma tuulafoa‘ia ou nofoaga ma na tuufua lou laueleele,+
A o lenei o le a pūmoomoo mo tagata o loo nonofo ai,+
20 O le a faapea atu i ou taliga lau fanau tama sa fananau ina ua aveesea lau fanau,
‘Ua pūmoomoo tele lenei nofoaga mo aʻu.
Ia faatelē atu le mea ina ia ou nofo ai.’+
21 O le a e fai ifo i lou loto,
‘O ai le tamā o nei fanau ua tuuina mai iā te aʻu,
Auā o aʻu o le fafine ua leai se fanau ma ua pā,
Na faapagotaina aʻu ma ou nofo i se mea mamao?
O ai na tausia aʻe i latou nei?+
22 O le fetalaiga lenei a le Alii Pule Silisili Ese o Ieova:
O le a latou aumai lau fanau tama i o latou fatafata,
Ma faatiʻetiʻe lau fanau teine i o latou tauʻau.+
O le a latou faapaʻuʻū faō i ou luma+
Ma etoeto le pefu o ou vae,+
Ma o le a e iloa ai o aʻu o Ieova;
E lē faamāina i latou e faamoemoe iā te aʻu.”+
24 Pe e mafai ona toe aveesea o ē ua ave e se tagata malosi,
Pe e mafai ona laveaʻiina pagota mai i se pule sauā?
25 Ae ua faapea ona fetalai mai o Ieova:
O le a ou tetee i ē e tetee iā te oe,+
Ma o le a ou faaolaina lau fanau tama.
26 O le a ou fafagaina i latou o ē e faasauā iā te oe i o latou lava tino,
Ma o le a onanā i latou i o latou toto, e pei ona onanā i le uaina suamalie.
O le a iloa ai e tagata uma, o aʻu lava o Ieova,+
O lou Faaola+ ma o Lē e toe faatauina oe,+
O le Atua Malosi o Iakopo.”+
50 Ua faapea ona fetalai mai Ieova:
“O fea le tusi e faamaonia ai ua tatala le faaipoipoga+ a lo outou tinā, o lē na ou tuliesea?
O ai le tagata na ou aitalafu ai ua ou faatauina atu i ai outou?
Faauta! Ua faatauina atu outou ona o a outou mea sesē,+
Ua tuliesea foʻi lo outou tinā ona o a outou solitulafono.+
2 Aiseā ua leai ai se tasi ina ua ou sau?
Aiseā foʻi ua leai ai se tasi e tali mai ina ua ou valaau atu?+
Po ua puupuu ea loʻu lima ma lē mafai ai ona faaolaina,
Po ona ua leai se mana iā te aʻu e laveaʻi ai?+
E pala iʻa i ia mea ona ua lē lava vai,
Ma mamate ai ona o le fia feinu.
4 Ua foaʻi mai iā te aʻu e le Alii Pule Silisili Ese o Ieova le laulaufaiva o ē ua aʻoaʻoina,*+
Ina ia ou iloa ai le tala talafeagai e fai atu i lē ua vaivai.+
E na te fafagu iā te aʻu i lea taeao ma lea taeao;
E na te fafagu iā te aʻu ina ia faalogo oʻu taliga e pei o ē ua aʻoaʻoina.+
5 Ua tuuina mai le malamalama e le Alii Pule Silisili Ese o Ieova iā te aʻu,
Ae o aʻu, ou te leʻi tetee i ai.+
Ou te leʻi liliu i le isi itulagi.+
6 Ua ou tuuina atu loʻu papatua i ē e tā mai,
Ma oʻu alafau i ē e futi i le ʻava.
E leʻi natia foʻi oʻu mata mai i mea e māsiasi ai ma le feanu mai.+
7 Ae o le a fesoasoani mai le Alii Pule Silisili Ese o Ieova iā te aʻu.+
O le mea lea ou te lē mā ai.
O le mea foʻi lea, ua faia ai oʻu mata e pei o se maa malō,+
Ou te iloa foʻi o le a lē faamāina aʻu.
8 Ua latalata mai Lē o loo taʻuamiotonuina aʻu.
O ai sē e mafai ona finau mai iā te aʻu?*+
Seʻi o maʻua tutū faatasi.*
O ai sē e finau faasaga iā te aʻu i le faamasinoga?
Ia sau o ia iā te aʻu.
9 Faauta! O le a fesoasoani mai le Alii Pule Silisili Ese o Ieova iā te aʻu.
O ai e mafai ona taʻusalaina aʻu?
Tagaʻi foʻi! O le a pala i latou uma e pei o se ofu.
E ʻaina i latou e lelefua.
O ai ua savali i le pogisa e aunoa ma se mea e faamalamalama ai?
Ia faatuatuaina e ia le suafa o Ieova ma ia faalagolago i lona Atua.
11 “Faauta! O outou uma o ē ua tutuina le afi,
Ma faatupuina aloiafi,
Ia savavali i le malamalama o la outou afi,
Ma aloiafi ua outou tutuina.
E oo iā te outou lenei mea mai i loʻu lima:
O le a outou taooto ma le matuā tigāina.
51 “Ia faalogo mai iā te aʻu, outou o ē o loo tausisi atu i le amiotonu,
O outou foʻi o ē o loo saʻili iā Ieova.
Ia vāai atu i le papa na vane mai ai outou
Ma le lua na eli mai ai outou.
3 Auā o le a faamāfanafanaina Siona e Ieova.+
O le a faamāfanafanaina e ia ana mea faatafunaina uma lava,+
Ma o le a avea lona fanua valevalenoa e pei o Etena,+
Ma lona fanua laugatasi o le toafa e pei o le faatoʻaga a Ieova.+
O le a maua e ia le olioli ma le fiafia,
O le lotofaafetai ma leo o pesega.+
Auā o le a alu atu se tulafono mai iā te aʻu,+
Ma ou te faatumauina laʻu faamasinogatonu e fai ma malamalama i le nuu.+
6 Ia outou tetepa aʻe i le lagi,
Ma vāai i le lalolagi i lalo.
Auā o le a mou atu le lagi e pei o le asu;
O le a pala foʻi le lalolagi e pei o le ofu,
Ma o le a feoti ē e ʻaināina e pei o le namu.
Aua le fefefe i faifaiga mai i tagata,
Ma aua le matataʻu ona o a latou upu faatigā.
8 Auā o le a ʻaina i latou e lelefua e pei ona ʻaina o se ofu;
O le a ʻaina foʻi i latou e lelefua ʻai ofu,* e pei ona ʻaina o le fulufulu mamoe.+
A o laʻu amiotonu o le a tumau e oo i le faavavau,
Ma laʻu faaolataga i augātupulaga uma.”+
Ia ala mai e pei o aso ua leva, e pei o aso o tupulaga ua mavae.
10 Pe e lē o oe ea na mātūtū ai le sami, o vai o le sami loloto?+
O lē foʻi na faia mea loloto o le sami, ma ala na sopoʻia e ē ua toe faatauina mai?+
11 O le a toe foʻi ē ua togiolaina o Ieova.+
O le a latou ō atu ma le alalaga fiafia i Siona,+
O le a maua e i latou le fiafia ma le olioli,
Ma o le a mou atu le faanoanoa ma le mapuitigā.+
12 “O aʻu, o aʻu lava o Lē e faamāfanafana iā te outou.+
Aiseā e te fefe ai fua i le tagata e oti+
Ma le atalii o le tagata o lē o le a pei o vao mu‘a ua mamae?
13 Aiseā ua e faagaloina ai Ieova o Lē na faia oe,+
Ma o Lē na folasia le lagi+ ma faia le faavae o le lalolagi?
Ua e fefe pea i le aso atoa ona o le lotoa o lē e faasauā iā te oe,
E pei ua sauni o ia e faaumatia oe.
O fea la le lotoa o lē o loo sauāina oe?
14 O lē o loo faanoʻunoʻu i filifili uʻamea ua toeitiiti ona faasa‘olotoina lea;+
O le a lē oti o ia ma alu atu i le lua,
Pe matelāina foʻi i le fia ʻai.
15 A o aʻu o Ieova lou Atua,
O lē e faagaepu le sami ina ia ū mai ona galu.+
O Ieova o ʻau lo‘u igoa.+
16 O le a ou tuu aʻu upu i lou gutu,
Ma ou ufiufia oe i le paolo o loʻu lima,+
Ina ia faavaeina le lagi ma faia le faavae o le lalolagi+
Ma fai atu iā Siona, ‘O loʻu nuu lava oe.’+
17 Ierusalema e, inā ala mai ia oe, inā ala ia oe, inā tulaʻi ia,+
O oe o lē na inu mai i le lima o Ieova i le ipu o lona toʻasā.
Ua e inu mai i le ipu,
Ua e inuina uma le ipu lea e tautevateva ai.+
18 Ua leai se isi o lana fanau tama uma na ia fanaua e taʻitaʻiina o ia,
Ua leai foʻi se isi o lana fanau tama uma na ia tausia e tago atu i lona lima.
19 O mea ia e lua o le a oo iā te oe.
O ai o le a tigā alofa iā te oe?
O le a faatafunaina ma lepetia oe. O le a e feagai ma le fia ʻai ma le pelu!+
O ai o le a faamāfanafana iā te oe?+
20 Ua matapogia lau fanau tama.+
Ua latou taooto i le fetaula‘iga o auala uma*
E pei o mamoe taaloa i le upega.
O i latou ua oo i ai le toʻasā tele o Ieova, o le aʻoaʻiga malosi mai i lou Atua.”
21 O le mea lea, faamolemole inā faalogo mai ia i lenei mea,
O oe le fafine e, o lē ua puapuagatia ma onā, ae e lē i le uaina.
22 O loo faapea ona fetalai mai lou Alii o Ieova, o lou Atua foʻi o lē o loo tau mo lona nuu:
“Faauta! O le a ou aveesea mai i lou lima le ipu e tautevateva ai,+
E te lē toe inu lava i le ipu;
O le ipu o loʻu toʻasā.+
23 O le a ou tuu atu lea mea i lima o ē ua faatigā mai iā te oe,+
O ē na faapea mai iā te oe, ‘Inā punou ia i lalo ina ia matou savavali atu i ou luga!’
O lea ua fai ai lou papatua e pei o le eleele,
E pei foʻi o se auala mo i latou ina ia savavali ai.”
52 Ia ala mai ia, inā ala mai ia, Siona e,+ inā ofu ia i le malosi!+
Ierusalema e, le aai paia, ia e ofu i ou ofu matagofie!+
Auā o le a lē toe sau iā te oe lē ua lē peritomeina ma lē ua lē mamā.+
2 Ierusalema e, ia e tafiese le pefu mai iā te oe, inā tulaʻi ia ma nofo i se nofoa.
Le tama fafine a Siona e, o lē sa faapagotaina, inā tatala ia noanoataga mai i lou ua.+
3 Auā ua faapea ona fetalai mai Ieova:
“Na faatauina atu outou ae e leai se tupe na maua mai ai,+
Ma o le a toe faatauina mai outou e aunoa ma se tupe e alu ai.”+
4 Auā ua faapea ona fetalai mai le Alii Pule Silisili Ese o Ieova:
“O Aikupito na ō ifo muamua i ai loʻu nuu ina ia aumau ai o ni tagata ese;+
Ona sauāina lea o i latou e Asuria e aunoa ma se māfuaaga.”
5 “O lenei, o le ā se mea ou te faia e tusa ma lenei tulaga?” ua fetalai mai ai Ieova.
“Auā na ave loʻu nuu e aunoa ma se tupe ua maua mai ai.
Ua alalaga ē ua pule iā i latou i le alaga o le manumalo,”+ ua fetalai mai ai Ieova,
“Ma ua faalumaina pea loʻu igoa i aso uma.+
6 Ona o lea mea, o le a iloa ai e loʻu nuu loʻu igoa;+
O le mea foʻi lea e latou te iloa ai i lea aso, o aʻu lava o Lē o loo tautala atu.
Faauta! O aʻu lava lenei!”
7 Maʻeu le matagofie i luga o mauga o vae o lē e aumaia le tala lelei,+
O lē e folafolaina atu le filemu,+
O lē e aumaia le tala lelei i mea e sili ona lelei,
O lē e folafolaina atu le faaolataga,
O lē ua faapea atu i Siona: “Ua fai lou Atua ma Tupu!”+
8 Faalogo mai! Ua leotetele ou tagata vāai.
Ua latou alalaga faatasi ma le olioli,
Auā o le a latou vāai manino i ai,* pe a toe faapotopotoina mai e Ieova i latou o loo i Siona.
9 Ia fiafia, ia alalaga faatasi i le olioli outou laueleele ua faatafunaina o Ierusalema,+
Auā ua faamāfanafanaina e Ieova lona nuu;+ ua ia toe faatauina mai Ierusalema.+
10 Ua faailoa mai e Ieova lona aao paia i luma o atunuu uma;+
Ma o le a vāai tuluʻiga uma o le lalolagi i galuega o le faaolataga* a lo tatou Atua.+
11 Inā liliuese ia, ia liliuese, ia ō ese mai i inā,+ aua tou te papaʻi atu i se mea e lē mamā!+
12 Auā tou te lē ō ese ma le fefevale,
E tou te lē sosola foʻi.
Auā o le a afio Ieova i o outou luma,+
Ma o le a puipuia outou e le Atua o Isaraelu mai i o outou tua.+
13 Tagaʻi foʻi! O le a gaoioi laʻu auauna+ ma le tofā mamao.
O le a siitia o ia i se tulaga maualuga,
Ma e faasilisilia ma matuā faaeaina o ia.+
14 E pei ona vaavaai atu ma le ofo le toʻatele iā te ia,
Auā na faaleagaina ona foliga e sili atu i lo o se isi tagata,
Atoa foʻi ma lona tino malualii e sili atu i lo o tagata,
O le a punitia e tupu o latou gutu* i ona luma,+
Auā o le a latou vāaitino i mea e leʻi faamatalaina atu iā i latou
Ma manatunatu i mea e latou te leʻi faalogo i ai.+
53 O ai ua faatuatua i le mea ua faalogo ai mai iā i matou?*+
O ai foʻi ua faaalia i ai+ le aao o Ieova?+
2 O le a tupu aʻe o ia e pei o se tātupu+ i ona* luma, ma e pei o se aa i se laueleele ua leai se vai.
E leai sona tino malualii po o sona mamalu;+
Pe a tatou vāai foʻi iā te ia, e tatou te lē tosina atu iā te ia ona o ona foliga vaaia.
Ua peisea‘ī ua natia ona fofoga mai iā i tatou.*
Ua inosia o ia ma ua tatou faalēaogāina o ia.+
Ae ua tatou manatu ua faamalaiaina o ia, ua taia ma faapuapuagatia e le Atua.
6 O i tatou uma na feoaʻi solo e pei o mamoe,+
Ua taʻitasi ma liliu ma alu i lona lava ala,
Ma ua tuuina atu e Ieova a tatou agasala uma i luga o lea tagata.+
Ua taʻitaʻiina o ia e pei o le mamoe o le a fasia,+
Ma e pei o le mamoe fafine e gūgū i luma o ē e sele i ona fulufulu,
E lē tautala atu foʻi o ia.+
8 Na noanoatia* o ia ma aveesea e aunoa ma le faamasinoina ma le tonu;
Ma o ai foʻi e manatunatu i faamatalaga uma e uiga i lona tupuaga?*
9 Ma ua tuuina atu iā te ia se tuugamau faatasi ma tagata amioleaga,+
Ma tagata mauʻoa ina ua maliu o ia,+
E ui e na te leʻi faia se mea sesē*
Ma e leʻi tautala foʻi lona fofoga i ni upu taufaasesē.+
10 Ae o le finagalo o Ieova ua nutililiia ai o ia, ma faatagaina ai le oo o le maʻi iā te ia.
Afai e te tuuina atu lona ola e fai ai le taulaga o le nofosala,+
O le a vaai o ia i lana fanau, e faaumiumi foʻi ona aso,+
Ma e ala iā te ia o le a manuia ai mea e fiafia* i ai Ieova.+
11 Ona o ona mafatiaga, o le a vaai ai o ia i mea lelei ma faamalieina ai.
O mea ua silafia e lē ua amiotonu, o laʻu auauna lea,+
O le a taʻuamiotonuina ai le toʻatele o tagata,+
Ma o le a ia tauaveina a latou mea sesē.+
12 O le mea lea, ou te tofia atu ai iā te ia se vaega faatasi ma le toʻatele,
O le a vaevae foʻi e ia mea na vetea faatasi ma ē e malolosi,
Talu ai na ia sasaaina lona ola e oo lava i le oti+
Ma faitauina faatasi o ia ma tagata solitulafono;+
Na tauave foʻi e ia agasala a le toʻatele o tagata,+
Ma ua fautua atu o ia ona o tagata solitulafono.+
54 “Inā alaga fiafia ia oe le fafine pā e lē fanau!+
Inā olioli ia ma alaga fiafia ma le leotele,+ o oe le fafine e leʻi tigā i le tigā a fanau,+
Auā e toʻatele atu le fanau a* lē ua tuulafoaʻiina
Nai lo o le fanau a le fafine ua iai lana tane,”*+ ua fetalai mai ai Ieova.
2 “Ia faalautele atu le mea e tū ai lou faleʻie.+
Ia falō ʻie o lou faleʻie paia sili.
Aua e te faaitiitia, ae ia faauumi maea o lou faleʻie,
Ma ia malolosi pine o lou faleʻie.+
3 Auā o le a faalautele atu ou tuaoi i le itu taumatau ma le itu tauagavale.
O le a fai ma lau fanau atunuu,
Ma o le a latou nofoia aai ua faatafunaina.+
O le a galo iā te oe le mā i le taimi o lou talavou,
Ma e te lē toe manatua le faalumaina o lou nofo o se fafine ua oti lana tane.”
5 “Auā o Lē Silisili na faia oe,+ ua pei o se tane* iā te oe,+
O Ieova o ʻau lona suafa,
Ma o Lē e Paia o Isaraelu o Lē na toe faatauina oe.+
E taʻua o ia o le Atua o le lalolagi uma.+
6 Auā na valaau Ieova iā te oe e pei o se avā na tuulafoaʻiina ma matuā faavauvau,+
E pei foʻi o sē na avea ma avā a o talavou, ae mulimuli ane tuulafoaʻiina,” ua fetalai mai ai lou Atua.
7 “Auā na ou tuulafoaʻiina oe mo sina taimi,
Ae o le alofa mutimutivale tele o le a ou aoaoina mai ai oe.+
8 Na ʻalo oʻu mata mai iā te oe mo sina taimi e ala i le sasaaina atu o loʻu ita,+
Ae o le a ou alofa mutimutivale iā te oe, i le alofa faamaoni e faavavau,”+ ua fetalai mai ai Ieova o Lē e toe faatauina mai oe.+
9 “Ua pei lenei mea iā te aʻu o aso o Noa.+
E pei ona ou tautō atu e lē toe lofia le lalolagi i vai e pei o aso o Noa,+
Ua faapena foʻi ona ou tautō atu ou te lē toe ita iā te oe pe aʻoaʻi malosi iā te oe.+
10 Auā e mafai ona aveesea mauga,
Ma maluelue aʻega,
Ae e lē aveesea loʻu alofa faamaoni mai iā te oe,+
Pe maluelue foʻi laʻu feagaiga o le filemu,”+ ua fetalai mai ai Ieova o Lē e alofa mutimutivale iā te oe.+
11 “Le fafine mafatia e,+ ua afātia ma ua lē faamāfanafanaina,+
O loo oʻu atiina ou maa i le paluga e sosoo ai maa,
Ma ou te faia lou faavae i safaira.+
12 O le a ou faia tumutumu o ou ʻolo i salikea,
Ma ou faitotoʻa i maa tāua e fe‘ilafi,
Ma ou tuaoi uma i maa tāua matagofie.
14 O le a faamausalīina oe i le amiotonu.+
O le a mamao oe mai i sauāga,+
O le a e lē fefe i se isi ma e leai se mea e te mataʻu ai,
Auā o le a lē latalata mai iā te oe se mea e mataʻu ai.+
15 Afai ae osofaʻia oe e se isi,
E lē māfua ona o saʻu faatonuga.
O so o se isi e osofaʻia oe o le a paʻū lava ona o oe.”+
16 “Faauta! O aʻu lava na foafoaina le tufuga,
O lē e feula le afi ua faia i malala ola,
Ma fausia se auupega i lana galuega.
O aʻu foʻi na ou faia le tagata e faaleagaina mea, e na te faaumatiaina mea.+
17 O so o se auupega ua faia e faasagatau iā te oe e lē manuia,+
Ma o so o se laulaufaiva e tetee atu iā te oe i le faamasinoga e te taʻusalaina.
O le tofi lenei o auauna a Ieova,
Ma o la latou amiotonu e mai iā te aʻu,” ua fetalai mai ai Ieova.+
55 O outou uma o ē o fia feinu,+ inā ō mai ia i le vai!+
O outou foʻi e leai ni tupe, inā ō mai ia e faatau ma aai!
Ioe, inā ō mai ia e faatau le uaina ma le susu+ e aunoa ma se tupe, ma e leai foʻi se tau.+
2 Aiseā ua outou totogi atu ai pea tupe i mea e lē o ni meaʻai,
Ma aiseā foʻi e faaalu ai a outou tupe* i mea e lē faamalieina ai outou?
Ia faalogo lelei mai iā te aʻu, ma aai i mea lelei,+
Ona matuā fiafia ai lea o outou loto i mea lololo.+
3 Inā uaʻi mai ia o outou taliga ma ō mai iā te aʻu.+
Inā faalogo mai ia ma outou feola ai pea,
O le a ou osia ma outou se feagaiga e tumau e faavavau,+
E tusa ai ma faaaliga o le alofa faamaoni iā Tavita, lea e moni lava.*+
5 Faauta! E te valaau atu i se nuu e te lē iloa,
Ma e taufetuli mai iā te oe se nuu o ē e leʻi iloa oe,
Ona o Ieova lou Atua,+ ma o Lē e Paia o Isaraelu,
Auā e na te faamamaluina oe.+
6 Ia outou saʻili atu iā Ieova manū o maua o ia.+
Ia valaau atu iā te ia manū o latalata mai o ia.+
7 Ia lafoaʻi e le tagata amioleaga lona ala,+
Ia lafoaʻi foʻi e le tagata faufau leaga ona manatu;
Ia foʻi mai o ia iā Ieova, o lē e alofa mutimutivale iā te ia,+
Ma i lo tatou Atua, auā e na te matuā faamagaloina lava.+
8 “Auā o o outou manatu e lē o oʻu manatu ia,+
O oʻu ala foʻi, e lē o outou ala ia,” ua fetalai mai ai Ieova.
9 “Auā e pei ona maualuga o le lagi i le lalolagi,
E faapena ona maualuga o oʻu ala i o outou ala,
Ma oʻu manatu i o outou manatu.+
10 Auā e pei ona totō ifo o le timu ma le kiona mai i le lagi,
Ma lē toe foʻi atu i ai, seʻiloga ua matuā faasūsūina le laueleele e faatupu ai laau ma fua mai,
Ma maua ai fatu a lē e lūlū fatu ma le falaoa a lē e ʻai ai,
E lē foʻi fua mai iā te aʻu,+
Ae e faataunuuina so o se mea ou te fiafia* i ai,+
E taulau foʻi e tusa ma le mea na ou auina atu ai.
O le a olioli mauga ma aʻega i o outou luma i le alaga fiafia,+
E patipati foʻi lima o laau i le fanua.+
13 O le a tupu aʻe le laau o le perosi nai lo o le laau tuitui,+
Ma o le a tupu aʻe foʻi le laau o le atasi nai lo o le laau matuitui.
E avea ma se mea taʻutaʻua mo Ieova,+
O se faailoga e faavavau, lea e lē mavae atu.”
56 O le fetalaiga lenei a Ieova:
“Ia tausisi i le faamasinotonu,+ ma faia le mea tonu,
Auā ua latalata ona oo mai laʻu faaolataga,
Ma faaalia laʻu amiotonu.+
2 E fiafia le tagata e na te faia lenei mea
Ma le atalii o le tagata e taofimau i ai,
O lē o loo tausia ma e na te lē o solia le Sapati,+
Ma taofia lona lima mai i le faia o so o se mea leaga.
3 Ia aua neʻi faapea ane le tagata ese, o lē ua faatasi atu iā Ieova,+
‘E lē taumatea o le a aveesea aʻu e Ieova mai i lona nuu.’
Aua foʻi neʻi faapea ane le eunuka, ‘Faauta! O aʻu o le laau mago.’”
4 Auā o le fetalaiga lenei a Ieova i eunuka, o ē ua tausia oʻu sapati ma ua filifili i le mea ou te fiafia i ai, ma taofimau i laʻu feagaiga:
5 “O le a ou avatu iā i latou i loʻu fale ma i totonu o oʻu pā se maa faamanatu ma se igoa,
O se mea e sili atu ona lelei nai lo o atalii ma afafine.
O le a ou avatu iā i latou se igoa e tumau e faavavau,
Lea e lē aveeseina lava.
6 A o tagata ese o ē ua faatasi atu iā Ieova ina ia auauna iā te ia,
Ina ia alolofa i le suafa o Ieova,+
Ma avea ma ana auauna,
O i latou uma o loo tausia ma e lē o solia le Sapati,
Ma ē ua taofimau i laʻu feagaiga,
7 O le a ou aumaia i latou i loʻu mauga paia,+
Ma faafiafia iā i latou i loʻu fale tatalo.
O le a taliaina i loʻu fata faitaulaga a latou taulaga mū ma a latou taulaga.
Auā e taʻua loʻu fale o le fale tatalo mo tagata uma.”+
8 O le fetalaiga lenei a le Alii Pule Silisili Ese o Ieova, o lē o loo faapotopotoina ē ua faataapeapeina o Isaraelu:+
“O le a ou faapotopotoina iā te ia, o isi e ese mai i ona tagata ua uma ona faapotopotoina.”+
10 E tauaso ona tagata vāai,+ ma e leai se isi o i latou ua mātauina se mea.+
O i latou uma o taʻifau e gūgū, e lē mafai ona ōu.+
Ae e selasela, e taooto, ma e fiafia foʻi e momoe.
11 O i latou o taʻifau e naunau e ʻai tetele;
Ae e lē maoona i latou.
O i latou foʻi o leoleo mamoe e leai so latou malamalama.+
Ua taʻitasi i latou ma alu i lona lava ala;
Ua taʻitasi ma saʻili se polofiti mai i faiga lē faamaoni ma faapea ane:
12 “Inā ō mai ia! Seʻi o‘u aumai le uaina,
Ma tatou feinu ina ia tatou onanā ai i lenei ʻava malosi.+
O le a pei taeao o le asō, ae o le a sili atu ona manaia!”
57 Ua fano lē ua amiotonu,
Ae e leai se isi e manatu i ai.
2 Ua ulu atu o ia i le filemu.
Ua latou mālōlō i o latou moega,* o i latou uma ua savavali ma le tonu.
3 “A o outou, ia outou faalatalata mai i inei,
O outou o fanau tama a le fafine vavalo,
O fanau a lē e mulilua ma le fafine talitane:
4 O ai ua outou aamu i ai?
O ai ua faamaga i ai o outou gutu, ma faaeto i ai o outou laulaufaiva?
Pe e lē o outou ea o fanau o le solitulafono,
O fanau foʻi o le pepelo,+
5 O ē e faatupu le manaʻo i atua sesē i mea ua iai laau tetele,+
I lalo o laau lauolaola uma,+
O ē e fasiotia fanau i vanu,*+
I lalo o maluapapa?
6 Ua e filifilia maa lamolemole o le vanu.*+
Ioe, o mea ia ua fai ma ou tofi.
Ua e liligi atu fo‘i i ai le taulaga i meainu, ma ofo atu i ai meaalofa.+
Pe e faamalieina ea aʻu* i ia mea?
7 Ua e tuu lou moega i le tumutumu o le mauga maualuga,+
Ma ua e alu aʻe i inā ina ia faia ai taulaga.+
8 Ua e tuuina se faatusa i totonu o lou fale.*
Ua e tuulafoaʻi aʻu ma faalēlavalavā iā te oe lava;
Ua e alu aʻe ma faalautele atu lou moega.
Ua e osia fo‘i se feagaiga ma i latou.
Ua e auina atu au avefeʻau i mea mamao,
Ma ua e alu ifo ai i le Tuugamau.*
10 Ua e galue mamafa ina ia mulimuli i le tele o ou ala,
Ae ua e lē fai mai, ‘Ua siliga se faamoemoe!’
Ua toe faafouina lou malosi.
O le mea lea ua e lē faavaivai ai.*
E te le‘i manatua a‘u.+
E te le‘i teua se mea i lou loto.+
Talu ai ou te le‘i tautala atu ma faia se mea e tusa ai o au gaoioiga,+
O lea, ua e lē fefe ai iā te aʻu.
O le a aveese ia mea uma e le matagi,
E aveese foʻi ia mea e se mānava,
A o lē e sulufaʻi mai iā te aʻu o le a fai le laueleele ma ona tofi
Ma nofo i loʻu mauga paia.+
14 O le a faapea mai se isi, ‘Inā outou faia ia, inā faia ia se auala! Ia faalaulelei le ala!+
Ia aveese so o se mea o loo faalavelave i le ala o loʻu nuu.’”
15 Auā o le fetalaiga lenei a Lē ua Silisili ma Maualuga,
“Ou te nofo i le mea maualuga ma le mea paia,+
E ma te mau foʻi ma lē ua nutimomoia ma faamaulalo,
Ina ia faafouina loto o ē ua faamaulalo
Ma faafouina loto o ē ua nutimomoia.+
16 Auā e lē faavavau ona ou tetee iā i latou
Pe tumau pea ona ou ita;+
Auā o le a vaivai le loto o le tagata ona o aʻu,+
E oo lava i foafoaga o loo mānava na ou faia.
17 Na ou ita ona o lona sa‘ilia o polofiti i faiga faagaoi,+
O lea na ou taia ai o ia ma natia oʻu foliga, ma na ou ita.
Ae ua savali pea o ia ma le fouvale+ e tusa ma lona lava loto.
18 Ua ou vaai i ona ala,
Ae o le a ou faamālōlōina o ia+ ma taʻitaʻi iā te ia+
Ma toe faamāfanafana iā te ia,+ ma i latou o loo faanoanoa faatasi ma ia.”+
19 Ua fetalai mai Ieova: “O loo oʻu faia le fua o laugutu.
O le a foa‘i atu le filemu e lē mavae i lē ua mamao atoa ma lē ua lata mai,+
Ma ou te faamālōlōina o ia.”
20 “A o ē e amioleaga, ua pei i latou o le sami ua sousou, e lē mafai ona malū,
Ae e laga aʻe i luga e le suāsami o limu ma le palapala.”
21 Ua fetalai mai loʻu Atua: “E leai se filemu i ē e amioleaga.”+
58 “Ia alaga leotele ae aua le leo laʻitiiti; aua foʻi le taofiofia!
Ia e leotele e pei o se pū.
Ia taʻu atu i loʻu nuu lo latou fouvale,+
Ma taʻu atu i le aiga o Iakopo a latou agasala.
2 Ua latou saʻili mai iā te aʻu i lea aso ma lea aso,
Ma faailoa mai lo latou manana‘o e fia iloa o‘u ala,
E peisea‘ī o se nuu na faia pea le amiotonu
Ma e le‘i tuulafoa‘ia le faamasinogatonu a lo latou Atua.+
Ua latou talosaga mai iā te aʻu mo le faamasinogatonu,
E peisea‘ī e manana‘o e faalatalata atu i le Atua.+
3 Ua latou faapea mai: ‘Aiseā ua e lē silasila mai ai pe a matou anapopogi?+
Ma aiseā ua e lē ano mai ai pe a matou faapuapuagatia i matou lava?’+
Talu ai ua outou faia o outou lava loto i le aso o le anapogi,
Ma faatigāina a outou tagata faigaluega.+
4 E faai‘u a outou anapogi i le femisaaʻi ma le fetauaʻi,
Ma e tou te sasau atu ma le sauā a outou tuʻi.*
E lē mafai ona outou anapopogi i lenei auala, ma faatalitalia e faalogoina o outou leo i le lagi.
5 Pe e tatau ona faapea le anapogi na ou filifilia,
E pei o se aso e faapuapuagatia ai e le tagata o ia lava,
E punou ai lona ulu e pei o vao ʻutuʻutu,
Ma ia fofola le ʻie talatala ma le lefulefu e fai ma ona moega?
Po o le mea ea lenei ua outou taʻua o le anapogi ma le aso e talileleia ai e Ieova?
6 E leai, o le anapogi lenei na ou filifilia:
Ia tatala fusi o le amioleaga,
Ia tatala foʻi noataga o le amo,+
Ia faasaʻoloto ē ua nutimomoia,+
Ma gauluaina amo uma.
7 Ia tufa atu au meaʻai i lē ua fia ʻai,+
Ia aumai i lou fale lē e mativa ma lē ua leai se mea e nofo ai,
Ia faaofu se isi e lē lavalavā, pe a e vaaia o ia,+
Ma aua e te lafi mai i tagata o lou lava aiga.
8 Ona susulu mai ai lea o lou malamalama e pei o le tafa mai o ata,+
Ma e vave foʻi ona toe faafoʻisia lou malosi.
O le a savali lau amiotonu i ou luma,
Ma o le a puipuia oe mai i ou tua,+ e le mamalu o Ieova.
9 Ona e valaau lea iā Ieova, ma o le a tali mai o ia;
O le a e alaga atu mo se fesoasoani, ona faapea mai lea o ia, ‘O aʻu lenei!’
Afai e te aveesea mai iā te oe le amo,
Ma tuu le tusitusilima ma le tautala i mea e faatigā,+
10 Afai fo‘i e te avatu i lē ua fia ʻai le mea foʻi lea e te fiafia i ai,+
Ma faamalieina ē ua puapuagatia,
Ona susulu atu lea o lou malamalama i le pōuliuli
Ma e pei lou pogisa o le tutonu o le lā.+
11 O le a taʻitaʻiina pea oe e Ieova
Ma faamalieina oe e oo lava i le laueleele ua leai ni vai;+
O le a ia faamalosia ou ivi,
Ma e avea foʻi oe e pei o le togālaau ua faasūsūina lelei,+
E pei foʻi o se puna o vai e lē taitai mate.
12 Ona o lau faatonuga o le a toe fausia ai e tagata mea na faatafunaina anamua,+
Ma e te toe faia foʻi faavae na faaleagaina i tupulaga ua mavae.+
O le a taʻua oe o lē e toe faaleleia pā ua solo,+
O lē e faafouina ala i mea e nonofo ai.
13 Afai o le Sapati ua māfua ai ona e lē faia lou lava loto i loʻu aso paia,+
Ma ua e taʻua le Sapati o se mea e matuā fiafia i ai, o se aso paia iā Ieova, o se aso e faamamaluina,+
Ma ua e faamamaluina nai lo o le faia o lou lava loto ma tautala i upu lē aogā,
14 Ona e matuā fiafia ai lea iā Ieova,
Ma o le a ou faatiʻetiʻe oe i luga o mea maualuluga o le lalolagi.+
O le a ou fafaga foʻi oe mai i le tofi o Iakopo lou augātamā,+
Auā ua fetalai mai ai le fofoga o Ieova lava ia.”
2 E leai, ae o a outou lava mea sesē, ua vavaeesea ai outou mai lo outou Atua.+
O a outou agasala ua māfua ai ona natia ona fofoga mai iā te outou,
Ma ua musu ai e faafofoga mai iā te outou.+
3 Auā ua faaleagaina o outou alofilima i le toto+
Ma ua faaleagaina o outou tamatamaʻilima i mea sesē.
Ua tautatala o outou laugutu i pepelo+ ma ua magamagagū o outou laulaufaiva i mea lē tonu.
4 E leai se isi ua valaau atu mo le amiotonu,+
E leai foʻi se isi ua alu i le faamasinoga ma le faamaoni.
Ua latou faatuatuaina mea e lē moni,*+ ma tautatala i mea e lē aogā.
Ua latou faufau i mea leaga ma ua fanau mai ai mea e tigā ai.+
O so o se tasi e ʻaina fua o le gata uogo o le a oti,
Ma o le fua na solia, e fofoa mai ai le gata feʻai.
O a latou galuega, o galuega ia e tigā ai,
Ma ua iai gaoioiga sauā i o latou lima.+
7 Ua taufetuli o latou vae ina ia faia mea leaga,
Ua televavave foʻi i latou e sasaa le toto o ē e lē sala.+
O o latou manatu o manatu ia e tigā ai;
Ua i o latou ala le faatafunaina ma le puapuagatia.+
Ua latou faapiʻopiʻoina o latou ala;
E leai se isi e savali ai e iloa le filemu.+
9 O le mea lea ua mamao ai le faamasinotonu mai iā i matou,
Ua lē maua mai foʻi i matou e le amiotonu.
Ua matou faamoemoe pea mo le malamalama, ae vaai! o le pogisa;
Ua matou faamoemoe foʻi mo le pupula, ae ua matou savavali pea i le pōuliuli.+
10 Ua matou tautagotago mo le pā e pei o tagata tauaso;
Ua matou tautagotago atu pea e pei o ē ua leai ni mata.+
Ua matou tau sūsūlu i le aoauli e pei ua afiafipō;
Ua pei i matou o ni tagata feoti pe a faatasi ma ē ua malolosi.
11 O i matou uma ua gū e pei o ni pea,
Ma ua tagi faanoanoa e pei o le olo a le lupe.
Ua matou faamoemoe pea mo le faamasinotonu, ae ua leai;
Ua matou faamoemoe mo le faaolataga, ae ua mamao ese ma i matou.
12 Auā ua tele a matou fouvalega i ou luma;+
Ua molimau a matou agasala taʻitasi faasaga iā i matou.+
Ua matou iloa lelei a matou fouvalega
Faapea foʻi a matou mea sesē.+
13 Ua matou agasala ma faafitia Ieova;
Ua matou fulitua i lo matou Atua.
Ua matou tautatala e uiga i le sauā ma le fouvale;+
Ua matou fafau tala pepelo mai i le loto+ ma magamagagū ai.
14 Ua tuu i tua le faamasinotonu,+
Ua tū mamao foʻi le amiotonu;+
Ua tautevateva le upu moni* i nofoaga faitele,
Ua lē mafai ona ulu atu i ai le mea saʻo.
Ua silasila mai Ieova i lenei mea ma ua leaga i lana silafaga,
Ona ua leai se faamasinotonu.+
16 Ina ua ia silafia ua leai se tagata e fesoasoani mai,
Ma ua ofo o ia ona ua leai se isi e faalaa ane,
Ona faia ai lea e lona lava aao le faaolataga,*
Ma na lagolagoina fo‘i o ia e lana amiotonu.
17 Ua ofu o ia i le amiotonu e pei o se ofutau ‘apamemea,
18 O le a ia tauia i latou e tusa ma a latou galuega:+
O le toʻasā i ē o tetee mai, ma le faasalaga i ona fili.+
E na te taui atu i motu e tusa ma mea ua tatau iā i latou.
19 E matataʻu i le suafa o Ieova i latou mai i le itu e goto i ai le lā,
E matataʻu foʻi i lona mamalu i latou mai i le itu e oso aʻe ai le lā,
Auā o le a afio mai o ia e pei o se vaitafe ua tatafe malosi,
Lea o loo uuna‘ia e le agaga o Ieova.
20 “O Lē e toe faatauina mai,+ o le a afio mai+ i Siona
Iā i latou o loo iā Iakopo ua liliuese mai i solitulafono,”+ ua fetalai mai ai Ieova.
21 “A o aʻu, o laʻu feagaiga lenei ma i latou,”+ ua fetalai mai ai Ieova. “O loʻu agaga o loo i ou luga ma aʻu upu ua ou tuu atu i lou gutu, e lē aveesea mai i lou gutu po o gutu o lau fanau, po o gutu o fanau a lau fanau, e amata atu nei e oo i le faavavau,” ua fetalai mai ai Ieova.
60 “Le fafine e, inā tulaʻi ia,+ ia faasusulu atu le malamalama, auā ua oo mai lou malamalama.
Ua susulu mai i ou luga le mamalu o Ieova.+
2 Auā vaai foʻi! o le a ufitia le lalolagi i le pōuliuli
Ma e matuā pogisa nuu;
Ae o le a susulu mai Ieova i ou luga,
Ma e vaaia lona mamalu i ou luga.
4 Ia e tepa aʻe i itu uma ma vaai!
Ua faapotopoto uma i latou; ua latou ō mai iā te oe.
5 I lenā taimi o le a e vaai ai ma e matuā olioli,+
E olioli foʻi lou loto ma matuā fiafia,
Auā o le a ō atu iā te oe ʻoa o le sami;
E ō mai foʻi iā te oe puna‘oa o atunuu.+
O le a ō mai uma tagata mai i Seepa;
O le a latou tauave auro ma lipano.
O le a latou tala atu viiga o Ieova.+
7 E faapotopotoina iā te oe lafu uma o Kitara.+
E auauna iā te oe mamoe poʻa o Nepaiota.+
O le a latou ō aʻe i loʻu fata faitaulaga ma e taliaina ma le fiafia,+
Ou te faamatagofieina foʻi loʻu lava fale matagofie.+
9 Auā o le a faamoemoe mai iā te aʻu motu;+
Ua muamua mai vaa o Tasesa,
E aumai lau fanau tama mai i mea mamao,+
Faatasi ma a latou siliva ma a latou auro,
I le suafa o Ieova lou Atua ma Lē e Paia o Isaraelu,
10 O le a fausia ou pā e tagata ese,
O le a auauna atu foʻi o latou tupu iā te oe;+
Auā na ou taia oe i loʻu ita,
Ae ona o loʻu lotomalie, o le a ou alofa mutimutivale ai iā te oe.+
11 O le a tatala pea ou faitotoʻa;+
E lē tapunia i le ao ma le pō,
Ina ia aumai ai iā te oe o puna‘oa o atunuu,
Ma e tausolomua o latou tupu i le faia faapea.+
12 Auā o le a faaumatia so o se atunuu ma so o se malo e lē auauna iā te oe;
Ma o le a faatafunaina atunuu.+
13 O le a oo mai iā te oe le mamalu o Lepanona,+
Faatasi ma le laau o le perosi, o le laau o le titara, ma le paina+
Ina ia faamatagofie ai loʻu malumalu;
O le a ou faamamaluina le mea e tū ai oʻu vae.+
14 O le a ō mai atalii o ē o loo faapuapuagatia oe, ma ifo mai iā te oe;
O le a ifo i ou vae i latou uma e lē faaaloalo iā te oe,
E latou te taʻua foʻi oe o le aai o Ieova,
O Siona a Lē e Paia o Isaraelu.+
15 O le a ou faia oe ma mitamitaga i aso uma,+
Ma se mea e fiafia ai i augātupulaga uma,
Nai lo o le tuulafoaʻiina ma inosia o oe, e aunoa ma se tasi e ui ane ai.+
16 O le a e inu i le suāsusu o atunuu,+
O le a e susu foʻi i susu o tupu;+
Ma e te matuā iloa ai o aʻu o Ieova, o lou Faaola,
Ma o Lē e Malosi o Iakopo, o Lē e na te toe faatauina oe.+
17 Ou te aumaia le auro e sui aʻi le ʻapamemea,
Ou te aumaia foʻi le siliva e sui aʻi le uʻamea,
O le ʻapamemea e sui aʻi le laupapa,
O le uʻamea e sui aʻi maa;
Ou te tofia le filemu e fai ma ou ovasia
Ma le amiotonu e fai ma lē e tofia atu galuega.+
18 E lē toe lagonaina i lou laueleele ni faiga sauā,
Po o le faaleagaina ma le lepetia o mea i totonu o ou tuaoi.+
O le a e taʻua ou pā, o le Faaolataga,+ ma ou faitotoʻa o le pā, o le Viiga.
19 E lē toe avea le lā ma malamalama iā te oe i le ao,
E lē toe faamalamalamaina foʻi oe i le susulu o le masina.
Auā o le a fai Ieova ma ou malamalama e faavavau,+
E fai foʻi lou Atua ma ou matagofie.+
20 E lē toe goto lou lā,
E lē mavae atu foʻi lou masina,
Auā o le a fai Ieova lava ia ma ou malamalama e faavavau,+
O le a muta foʻi ou aso faavauvau.+
21 O le a amiotonu tagata uma o lou nuu;
O le a fai le laueleele ma o latou tofi e faavavau.
22 O le a avea lē e toʻaitiiti ma toʻaafe,
E avea foʻi lē e faatauvaa ma se atunuu malosi.
O aʻu o Ieova, ou te faavave ona fai i ona aso.”
61 Ua i oʻu luga le agaga o le Alii Pule Silisili Ese o Ieova,+
Auā ua faauuina aʻu e Ieova e folafola atu le tala lelei i ē e agamalu.+
Ua ia auina atu aʻu e fusifusi i ē ua lotomomomo,
E folafola atu le saʻolotoga i ē ua ave faapagota
Ma le matuā faapupulaina o mata o pagota,+
2 Ina ia folafola atu le tausaga e faaalia mai ai e Ieova lona agalelei
Ma le aso o le tauimasui a lo tatou Atua,+
Ina ia faamāfanafanaina ai ē uma o loo faavauvau,+
3 Ina ia tausia ē o faavauvau ona o Siona,
Ma avatu iā i latou se ufiulu e sui ai le lefulefu,
O le suāuu o le olioli e sui ai le faavauvau,
O le ofu tele o viiga e sui ai le agaga nutimomoia.
4 E latou te toe fausia mea na faatafunaina mai anamua;
E latou te toe atiaʻe mea na gaogao mai i aso ua mavae,+
E latou te toe faafouina aai ua faatafunaina,+
O mea na gaogao mai i lea tupulaga ma lea tupulaga.+
5 “E ō mai foʻi tagata ese ma leoleo i a outou lafu,
E fai foʻi tagata ese+ ma a outou faifaatoʻaga ma ē e galulue i o outou togāvine.+
7 E suia le faamāina i le faaluaina o mea e maua e o‘u tagata,
Ma e suia le faalumaina i le alalaga fiafia ona o vaega o mea e latou te maua.
O lea la, o le a faaluaina mea latou te maua e fai ma o latou tofi i lo latou laueleele.+
O le a latou maua le olioli e faavavau.+
8 Auā o aʻu o Ieova, ou te fiafia i le faamasinotonu;+
Ae ou te ʻinoʻino i le gaoi ma le amiolētonu.+
O le a ou avatu ma le faamaoni lo latou totogi,
Ma o le a ou osia ma i latou se feagaiga e faavavau.+
O ē uma e vāai iā i latou, o le a iloaina i latou,
O fanau ua faamanuiaina e Ieova.”+
10 Ou te matuā olioli iā Ieova.
E fiafia loʻu loto i loʻu Atua.+
Auā ua ia faaofu aʻu i ofu o le faaolataga;+
Ua ia faapulupulu aʻu i le ofu talaloa* o le amiotonu,
E pei o le alii faaipoipo o lē na te faia lona ufiulu e pei o le ositaulaga,+
Ma e pei foʻi o le tamaʻitaʻi faaipoipo o lē e teuteu o ia i ana teuga.
11 Auā e pei ona faatupuina mai e le laueleele ona tātupu,
E pei foʻi ona faatupuina mai e le togālaau o mea ua uma ona totō ai,
E faapea foʻi ona faatupuina e le Alii Pule Silisili Ese o Ieova
62 Ou te lē filemu pea ona o Siona,+
Ou te lē nofo filemu foʻi ona o Ierusalema
Seʻia alu atu lana amiotonu e pei o le malamalama ua pupula,+
Ma lona faaolataga e pei o se sulu e mumū.+
E faaigoa foʻi oe i se igoa fou,+
Lea e taʻu atu e Ieova lava ia.
3 E fai oe ma pale matagofie i le aao o Ieova,
Ma o le pulou ʻie o le tupu i le alofilima o lou Atua.
4 E lē toe taʻua oe o le fafine ua tuulafoaʻiina,+
E lē toe taʻua foʻi lou laueleele ua faatafunaina.+
Ae e taʻua oe o Lē ua Ou Fiafia i Ai,+
E taʻua foʻi lou laueleele o Lē ua Faaipoipo.
Auā ua fiafia Ieova iā te oe,
Ma o le a avea lou laueleele e pei o lē ua faaipoipo.
5 Auā e pei ona faaipoipo se tauleʻaleʻa i se taupou,
E faapea fo‘i ona avea oe ma avā a ou tagata.
O le a olioli lou Atua iā te oe
E pei ona olioli o le alii faaipoipo i le tamaʻitaʻi faaipoipo.+
6 Ierusalema e, ua ou tofia tagata vāai i luga o ou pā.
Ia aua neʻi faaauau ona fifilemu i latou i le ao atoa ma le pō.
O outou o ē o taʻutaʻu atu Ieova,
Aua tou te fifilemu,
7 Ma ia faaauau ona tatalo atu iā te ia seʻia ona faamausalīina Ierusalema,
Ioe, seʻia faia e ia Ierusalema ma viiga i le lalolagi.”+
8 Ua tautō Ieova i lona aao taumatau, o lona aao malosi lea:
“Ou te lē toe avatua lau fatu e fai ma meaʻai a ou fili,
Pe feinu foʻi tagata ese i lau uaina fou, o mea ia sa e galue mamafa ai.+
9 Ae o le a aai ai i latou e aoaoina, ma o le a latou vivii atu iā Ieova;
Ma o ē e faaputuina vine, o le a latou feinu i le uaina i o‘u lotoā paia.”+
10 Inā ui atu ia, ia ui atu i faitotoʻa o le aai.
Ia teu le ala mo le nuu.+
Inā atiaʻe ia, ia atiaʻe le ala tele.
Ia aveese maa.+
Ia faatū se faailoilo* mo le nuu.+
11 Faauta! Ua faalauiloa atu e Ieova i tuluʻiga o le lalolagi:
“Ia fai atu i le tama fafine a Siona,
‘Faauta! O loo faaloloʻi mai lou faaolataga.+
Faauta! Ua iā te ia lana taui,
Ma ua i ona luma le totogi na te totogiina atu.’”+
12 E taʻua lava i latou, o le nuu paia, o ē na toe faatauina e Ieova,+
E taʻua foʻi oe, O le Aai ua Saʻilia, o se Aai e Leʻi Tuulafoaʻiina.+
63 O ai lea o loo afio mai mai i Etoma,+
O lē e mai i Posara,+ o loo ofu i ofu sesega,*
O lē ua matagofie ona ofu,
Ua savali i le tele o lona mana?
“O aʻu, o Lē e tautala i le amiotonu,
O Lē ua tele le mana e faaola ai.”
2 Aiseā ua mūmū ai ou laʻei,
Ma aiseā ua pei ai ou laʻei o ofu o i latou e solia vine i le mea e soli ai vine?+
3 “Ua ou solia na o a‘u le mea e soli ai vine,
Ae ua leai se tasi mai i le nuu e faatasi ma aʻu.
Ua ou solia pea i latou ona o loʻu ita,
Ma ua ou solia pea i latou i loʻu to‘asā.+
Ua pisipisi mai o latou toto i oʻu ofu,
Ma ua pisipisia uma ai oʻu ofu.
5 Ua ou vaavaai pea, ae ua leai se isi e fesoasoani mai;
Ua ou ofo foʻi ona e leai se isi ua fia lagolago mai.
6 Na ou solia tagata ona o loʻu ita,
Ma ou faaonanā i latou i loʻu to‘asā,+
Ma sasaa i le eleele o latou toto.”
7 Ou te taʻutaʻu atu gaoioiga o le alofa faamaoni o Ieova,
O galuega a Ieova ua tatau i ai le viiga,
Ona o mea uma na faia e Ieova mo i tatou,+
O le anoanoaʻi o mea lelei ua ia faia mo le aiga o Isaraelu,
E tusa ma lona alofa mutimutivale ma le tele o lona alofa faamaoni.
8 Auā ua ia fetalai mai: “E moni o loʻu nuu i latou, o atalii o le a lē pepelo.”+
O lea, na fai ai o ia ma o latou Faaola.+
9 Na mafatia o ia i taimi o o latou mafatiaga.+
Ma na faaolaina i latou e lana lava avefeʻau.+
Na ia toe faatauina i latou ona o lona alofa ma lona alofa mutimutivale,+
Ma na ia siitia ma tauave i latou i aso uma i aso ua mavae.+
10 Ae na latou fouvale+ ma faatigā i lona agaga paia.+
11 Ona latou manatua ai lea o aso ua mavae,
O aso o Mose lana auauna:
“O fea o iai Lē na taʻitaʻiina i latou mai i le sami+ faatasi ma leoleo mamoe o lana lafu?+
O fea o iai Lē na tuuina i totonu iā te ia Lona lava agaga paia,+
12 O Lē foʻi na tuuina atu Lona aao mamalu i le lima taumatau o Mose,+
O Lē na vaeluaina vai i o latou luma+
Ina ia faia ai se suafa e tumau e faavavau mo ia lava,+
13 O Lē na ia faasavavali i latou i le vā o galu maualuluga,*
Ina ia latou savavali e aunoa ma le tausūsūlu,
E pei o le solofanua i le fanua taalaelae?*
14 E pei ona ō ifo o se lafumanu i le fanua laugatasi,*
Na avatu e le agaga o Ieova le mālōlōga iā i latou.”+
O fea lou matuā manatu mamafa mo i matou ma lou malosi atoa,
Ua e taofia ia mea mai iā te aʻu.
E ui e lē iloa i matou e Aperaamo,
Ma e lē iloa foʻi e Isaraelu i matou,
O oe Ieova e, o lo matou Tamā.
O Lē na toe faatauina i matou i aso ua mavae, o lou suafa lea.+
17 Ieova e, aiseā ua e tuua ai i matou* e ō ese mai i ou ala?
Aiseā foʻi ua e tuua ai i matou ia faamaaa o matou loto ina ia lē matataʻu ai iā te oe?+
Ia e liuliualo mai mo le lelei o au auauna,
Ma ituaiga o lou tofi.+
18 E puupuu se taimi na nonofo ai lou nuu paia i le laueleele na e tuuina iā i latou.
Ua solia i lalo e o matou fili lou malumalu.+
19 Ua umi tele se taimi o pei i matou o ni ē e te le‘i pulea,
E pei foʻi o i latou e le‘i taʻua ai lava lou suafa.
64 Maʻimau e, pe ana e saeia lagi ma e afio ifo,
Ina ia galulu ai mauga ona o oe,
2 Pe ana e afio ifo fo‘i e pei o le afi e mū ai vao iti,
Ma le afi e pupuna ai le vai,
Ona iloa ai lea e ou fili o lou suafa,
Ma atuatuvale ai atunuu i ou luma!
3 Na e faia mea mataʻutia, ia e le‘i tau lava i ai o matou mafaufau,+
Na e afio ifo, ma ua galulu ai mauga i ou luma.+
4 E leai se tasi na faalogo pe ua‘i atu talu mai aso ua mavae,
Pe vāai mata i se Atua seʻi vaganā ai oe,
Faauta! Ua e toʻatamaʻi a o matou agasala pea,+
Na matou faia faapea mo se taimi umi,
Pe e tatau ea la ona faaolaina i matou?
6 Ua avea i matou uma e pei o se tasi ua lē mamā,
Ma o a matou gaoioiga uma o le amiotonu, ua pei o se ‘ie‘ie ua leaga i le maʻi masina.+
E mou atu i matou uma e pei o se laulaau,
Ma o le a aveesea i matou e a matou mea sesē, e pei ona aveesea o mea e le matagi.
7 Ua leai se isi e valaau i lou suafa,
Ua leai foʻi se isi e faamalosi iā te ia lava e saʻili atu iā te oe,
Auā ua e natia ou fofoga mai iā i matou,+
Ma ua e faaliusuāvaia i matou ona o a matou mea sesē.
8 O lenei Ieova e, o oe o lo matou Tamā.+
Faamolemole, seʻi e silasila mai, auā o lou nuu i matou uma.
10 Ua avea ou aai paia ma toafa.
Ua fai foʻi Siona ma toafa,
Ma ua faatafunaina Ierusalema.+
11 O lo matou fale* e paia ma mamalu,*
Lea na vivii atu ai iā te oe o matou augātamā,
Ua susunuina i le afi,+
Ma ua faatafunaina a matou mea tāua uma lava.
12 Ieova e, po o le a faaauau ona e faatuai e faia se gaoioiga e tusa ai o lenei mea?
Po o le a e nofo filemu ea ma tuu ai pea i matou e matuā faapuapuagatiaina?+
65 “Ua ou tuu atu aʻu e saʻilia e i latou o ē e le‘i fesili mai mo aʻu.
Ua ou tuu atu aʻu e maua e i latou o ē e le‘i saʻili mo aʻu.+
Ua ou faapea atu i se nuu e lē o valaau i loʻu igoa, ‘O aʻu lenei, o aʻu lenei!’+
2 Ua ou faaloaloa atu i le aso atoa oʻu lima i se nuu lotomaaa,+
O ē e savavali i le ala e lē lelei,+
Ma ua mulimuli i o latou lava manatu;+
3 O se nuu ua faia aʻe i ē e faatigā mai pea iā te a‘u a o ou vaavaai atu,+
Ua latou faia taulaga i togālaau+ ma faamū taulaga i luga o piliki,
5 Ua latou faapea ane, ‘Ia e nofo pea i inā; aua e te faalatalata mai iā te aʻu,
Auā e sili atu ona ou paia nai lo o oe.’*
Ua sau le asu mai i oʻu pogaʻiisu ona o nei tagata, ma ua latou faatigā pea iā te a‘u, e pei o se afi e mumū i le aso atoa.
6 Faauta! Ua tusia i oʻu luma;
Ou te lē filemu pea,
Ae o le a ou faasalaina i latou,+
O le a ou faasalaina i latou e tusa ai o mea uma*
7 Ona o a latou mea sesē ma mea sesē a o latou augātamā,”+ ua fetalai mai ai Ieova.
“Talu ai ua latou faamū taulaga i luga o mauga,
Ma faalumaina aʻu i luga o aʻega,+
O le a ou faasalaina muamua i latou, ona o a latou gaoioiga leaga uma.”*
8 O le fetalaiga lenei a Ieova:
“E pei ona maua le uaina fou i se fuifui vine
Ma ua faapea mai se tasi, ‘Aua le faatamaʻiaina, auā o loo iai lava sina mea lelei* i le fuifui vine,’
E faapea foʻi ona ou faia ona o aʻu auauna;
Ou te lē faaumatiaina i latou uma.+
9 O le a ou aumaia mai iā Iakopo se fanau,
Ma e mai iā Iuta o lē o le a fai mo ia oʻu mauga;+
O le a fai fo‘i ma tofi mo ē ua ou filifilia,
Ma o le a nonofo ai foʻi aʻu auauna i inā.+
10 E fai Sarona+ ma laufanua e aai ai mamoe,
E fai foʻi le vanu* o Akori+ ma mea e mālōlō ai povi,
O se nofoaga foʻi mo loʻu nuu o ē ua saʻili mo aʻu.
11 Ae o outou o tagata o ē ua tuua Ieova,+
O ē ua faagaloina loʻu mauga paia,+
O ē ua laulauina se laulau mo le atua o le Laki,
Ma o ē e faatumuina le ipu i le uaina ua suia mo le atua o Iʻuga Tuupōina.
12 O lea, o le a ou tuu atu ai outou i le pelu,+
Ma o le a outou ifo uma atu ina ia fasiotia,+
Auā na ou valaau atu ae e tou te leʻi tali mai,
Na ou tautala atu ae e tou te leʻi faalogo mai;+
Ua outou faia pea mea leaga i oʻu luma,
Ma na outou filifilia le mea ou te lē fiafia i ai.”+
13 O le mea lenei ua fetalai mai ai le Alii Pule Silisili Ese o Ieova:
“Faauta! E aai aʻu auauna, a o outou e tou te fia aai.+
E feinu aʻu auauna,+ a o outou e tou te fia feinu.
E fiafia aʻu auauna,+ a o outou e tou te māsiasi.+
14 Faauta! O le a alalaga aʻu auauna i le fiafia ona o le lelei o o latou loto,
A o outou e tou te tagiauē ona o le tigā o le loto,
Ma e tou te ōi foʻi ona o le matuā mafatia tele o le agaga.
15 E tou te tuua foʻi se igoa lē lelei, lea o le a faaaogā o se fetuu e oʻu tagata ua filifilia,
E tuuina atu foʻi e le Alii Pule Silisili Ese o Ieova outou taʻitoʻatasi i le oti,
Ae o le a ia faaigoa ana auauna i se isi igoa;+
16 O lea, o so o se tasi e saʻili mo se faamanuiaga mo ia lava i le lalolagi,
O le a faamanuiaina o ia e le Atua o le upu moni,*
O se tasi foʻi e faia se tautoga i le lalolagi,
17 Auā faauta! o loo oʻu faia le lagi fou ma le lalolagi fou;+
E lē toe manatua mea sa iai muamua,
E lē toe alu aʻe foʻi i le loto.+
18 O lea, ia outou olioli ma fiafia e faavavau i mea o loo oʻu faia.
Auā faauta! o loo oʻu faia Ierusalema ma mea e fiafia ai,
E fai foʻi ona tagata ma mea e olioli ai.+
19 Ma o le a ou olioli iā Ierusalema ma ou fiafia i loʻu nuu;+
E lē toe lagonaina foʻi iā te ia le leo o le tagiauē po o le tagi faanoanoa.”+
20 “O le a lē toe iai i lea mea se pepe e susu e ola mo na o ni nai aso,
Po o se toeaina e lē atoa ona aso.
Auā o so o se tasi e oti ua selau tausaga, o le a manatu i ai ua na o se talavou lava,
Ma o le a faamalaiaina le tagata agasala, e ui lava ua selau ona tausaga.*
22 O le a latou lē fausia ae e nonofo ai isi;
O le a latou lē totō ae e aai ai isi.
Auā o le a pei aso o loʻu nuu o le umi o aso o le laau;+
Ma o le a matuā fiafia uma oʻu tagata ua filifilia i galuega a o latou lima.
23 O le a lē galulue fua i latou,+
Pe fananau mai ma tupu ai ni mala,
Ona o i latou o le fanau ua faia aʻe i ē ua faamanuiaina e Ieova,+
Faatasi ma a latou fanau.+
24 A o leʻi valaau mai i latou, o le a ou tali atu;
A o latou tautatala mai, o le a ou faalogo atu lava.
25 E aai faatasi le luko ma le tamaʻi mamoe,
E ʻai e le leona vao mamago e pei o le povi poʻa,+
A o le gata e fai ma ana meaʻai le efuefu.
E lē faia e ia meaola se mea e lamatia ai, pe faaleagaina foʻi se mea i loʻu mauga paia uma,”+ ua fetalai mai ai Ieova.
66 O le fetalaiga lenei a Ieova:
“O le lagi o loʻu nofoālii lea, a o le lalolagi o le mea lea e tū ai oʻu vae.+
2 “Na faia e oʻu lava lima nei mea uma,
Ma o le mea lea ua māfua ai ona iai nei mea uma,” ua fetalai mai ai Ieova.+
“A o le tagata ou te vaai i ai,
O le tagata ua mafatia ma nutimomomo lona agaga, ma ua gatete* i laʻu upu.+
3 O lē ua fasia le povi poʻa, ua pei o lē ua fasiotia se tamāloa.+
O lē e faia se taulaga i le mamoe, ua pei o lē ua gausia le ua o le taʻifau.+
O lē e ofoina atu se meaalofa, ua pei o lē e ofoina atu le toto o le puaa!+
O lē e ofoina atu se faamanatuga o lipano,+ ua pei o lē e fai atu se faamanuiaga i ni upu faataulāitu.*+
Ua latou filifilia o latou lava ala,
Ma ua fiafia i mea e inosia.
4 A o aʻu, ou te filifilia ala e faapuapuagatia ai i latou,+
Ou te aumaia foʻi i o latou luga mea e latou te matata‘u ai.
Talu ai na ou valaau atu, ae e leai se isi na tali mai;
Na ou tautala atu, ae e leai se isi na faalogo mai.+
Na latou faia pea mea leaga i oʻu luma,
Ma na latou filifili e faia le mea ou te lē fiafia i ai.”+
5 Inā faalogo mai ia i le afioga a Ieova, o outou o ē e gatete* i ana upu:
“Ua faapea ane o outou uso o ē ua ʻinoʻino iā te outou ma faaesea outou ona o loʻu igoa, ‘Ia faamamaluina Ieova!’+
Ae o le a faaali mai o Ia ma foa‘i mai le olioli iā te outou,
Ma o le a faamāina i latou na.”+
6 Ua iai le leo o le vāvāō mai i le aai, o le leo mai i le malumalu!
O le leo o le taui atu e Ieova i ona fili o le mea ua tatau iā i latou.
7 Ua fanau o ia a o leʻi oo ina tigā o le a fanau.+
Ua fanau mai e ia se tama tama, a o leʻi oo ina faatigā o le a fanau.
8 O ai na faalogo i se mea faapenei?
O ai na vaai i ni mea faapenei?
Pe e fanau mai ea se laueleele i se aso e tasi?
Pe e fanau mai ea se nuu i se taimi e tasi?
Ae na fanaua e Siona lana fanau tama, i le taimi lava na faatigā ai o le a fanau.
9 “A o aʻu, po ou te tatalaina ea le faaautama, ae e taofia le fanau mai o le tama?” ua fetalai mai ai Ieova.
“Po ou te faapogaia ea le fanau mai, ona ou toe punitia lea o le faaautama?” ua fetalai mai ai lou Atua.
10 Ia olioli ma fiafia faatasi ma Ierusalema,+ o outou uma o ē e alolofa iā te ia.+
Ia matuā fiafia faatasi ma ia, o outou uma o ē o loo faavauvau ona o ia,
11 Auā o le a outou fesusui ma faamalieina i ona susu o faamāfanafanaga,
Ma o le a outou feinu fo‘i ma maua le fiafia mai i le tele o lona mamalu.
12 Auā o le fetalaiga lenei a Ieova:
“O aʻu lenei, ou te avatu iā te ia le filemu e pei o le vaitafe,+
Ma le mamalu o atunuu e pei o se lologa ua tatafe.+
O le a tausia outou ma afisi i lona itu,
Ma o le a tausia ma le alofa outou i luga o ona vae.
13 E pei o se tinā e faamāfanafana i lana tama,
E faapea foʻi ona ou faamāfanafana pea iā te outou;+
Ma e faamāfanafanaina outou ona o Ierusalema.+
14 O le a vāai outou i lenei mea, ma olioli ai o outou loto,
O le a tupu olaola o outou ivi e pei o le mutia muʻamuʻa.
15 “Auā o le a afio mai Ieova e pei o le afi,+
Ma e pei ana kariota o le matagi malosi,+
Ina ia taui atu iā i latou i lona ita tele,
Ma aʻoaʻi malosi i latou i le afi mumū.+
16 Auā o le a faaoo atu e Ieova le faasalaga faafaamasinoga e ala i le afi,
Atoa foʻi ma le pelu e faasagatau ai i tagata uma;
Ma e toʻatele o le a fasiotia e Ieova.
17 “O i latou ua faapaiaina ma faamamāina i latou lava ina ia ō atu i togālaau,*+ ma mulimuli atu i lē o loo i le ogatotonu, e aai i le aano o le puaa,+ faapea mea inosia ma isumu,+ o le a oo faatasi mai lo latou iʻuga,” ua fetalai mai ai Ieova. 18 “Talu ai ua ou iloa a latou galuega ma o latou manatunatuga, o lea ua ou alu atu ai ina ia faapotopotoina atunuu uma ma gagana, ma o le a latou ō mai ma vāai i loʻu mamalu.”
19 “O le a ou faatū se faailoilo iā i latou, ma o le a ou aauina atu nisi o i latou ua sao i atunuu o Tasesa,+ o Pula ma Luti,+ o ē ua lolo‘u le ʻaufana, o Tupalu ma Iavana,+ ma motu tū mamao, o ē e leʻi faalogo i se faamatalaga e uiga iā te aʻu pe vāai i loʻu mamalu; o le a latou faalauiloa atu lava i atunuu loʻu mamalu.+ 20 O le a latou aumaia o outou uso mai i atunuu uma+ o se meaalofa iā Ieova, i luga o solofanua, o kariota, o taavale toso, o asini,* ma kamela televavave, ma avatu i loʻu mauga paia, o Ierusalema lea,” ua fetalai mai ai Ieova, “e pei lava ona aumaia e le fanauga a Isaraelu a latou meaalofa i se ipu mamā i le fale o Ieova.”
21 “Ou te aumaia mai iā i latou nisi e fai ma ositaulaga ma nisi e fai ma sa Levī,” ua fetalai mai ai Ieova.
22 “Auā e pei ona tumau i oʻu luma o le lagi fou ma le lalolagi fou+ lea o loo ou faia,” ua fetalai mai ai Ieova, “e faapea foʻi ona tumau pea a outou fanau ma lo outou igoa.”+
23 “O le a ō mai lava tagata uma ina ia ifo mai* iā te aʻu,
Mai i lea masina faatoʻā vaaia i lea masina faatoʻā vaaia, ma mai i lea sapati i lea sapati,”+ ua fetalai mai ai Ieova.
24 “O le a latou ō atu ma vāai i tino oti o tagata na fouvale iā te aʻu;
E lē mamate foʻi ilo o loo i o latou tino,
E lē tineia lo latou afi,+
Ma e avea i latou ma mea e inosia e tagata uma.”
Lona uiga “Faaolataga a Ieova.”
Po o “lona matai.”
Po o “Pule.”
Po o le “faatonuga.”
Po o “taulaga i fatu.” Tagaʻi i le faamatalaga pito i lalo o le Levitiko 2:1.
Po o le “ua mātuaoti.”
Po o le “pia ua faia i le saito.”
Po o le “ua mātuaoti.”
E faasino atu i le faaliusuāvaia o ni uʻamea ina ia faamamā ai.
E foliga mai e iai le sootaga o laau ma togālaau i tapuaʻiga i tupua.
Po o le “faatonuga.”
Epe., “O le a latou aai i fua o a latou gaoioiga.”
E faasino atu i se faailoga e susunuina i le tino o se pologa po o se pagota.
E faasino atu i le faalumaina ona o le lē faaipoipo ma le leai o se fanau.
Epe., “otaotavale o.”
Tagaʻi i le Faa. E14.
Tagaʻi i le Faa. E14.
Tagaʻi i le Faa. E14.
O se meafaifaaili anamua e ese mai i le kitara i aso nei. O le upu Peretania, o le harp.
O se meafaifaaili e tagitagi. O le upu Peretania, o le tambourine.
Po o “Seoli.” Tagaʻi i le Uiga o Upu.
Po o le “faaiʻuga a; fautuaga a.”
Po o le “faatonuga.”
Po o le “pou faailoilo.”
Po o le “ua sauni e fana.”
Po o “tama‘i leona taanoa.”
Pe atonu “la.”
Lona uiga “O le a Toe Foʻi na o se Vaega e Totoe.”
Pe atonu “faamataʻu.”
Po o “Seoli.” Tagaʻi i le Uiga o Upu.
Lona uiga “Ua iā i Tatou le Atua.”
Po o “ālia.”
E faasino atu i le vaitafe o Eufirate.
Atonu e uiga atu “Ua Faatopetope Atu i Mea o le Vete, ua Faavave Mai i Mea ua Faoa.”
Po o le “molimau.”
E faasino atu i le avā a Isaia.
Tagaʻi i le Uiga o Upu.
O Seloa o se alāvai.
E faasino atu i le vaitafe o Eufirate.
Tagaʻi i le Isa 7:14.
O le faaupuga “Ua iā i matou le Atua” o le uiga lea o le igoa Eperu Emanuelu. Tagaʻi i le Isa 7:14; 8:8.
Po o “le molimau.”
Po o le “faatonuga.”
Po o le “faatalitali ma le naunautaʻi.”
Po o “le molimau.”
Po o “le malo.”
Po o “le tele o lona malo.”
Pe atonu “o le lālā o le pama ma le ū.”
Po o le “ua mātuaoti.”
Po o le “ua mātuaoti.”
Po o le “mamalu.”
E faasino atu iā i latou ua fulitua i le Atua moni po o le tapuaʻiga moni.
Epe., “ou.”
E faasino atu i “le Asuria.”
Po o le “sopoʻia asaga.”
Po o “se toʻi.”
Tagaʻi i le Uiga o Upu.
Pe atonu “E aai faatasi le tamaʻi povi ma le leona.”
Tagaʻi i le Uiga o Upu.
Po o le “pou faailoilo.”
E faasino atu iā Papelonia.
Po o le “pou faailoilo.”
Epe., “felelei atu i le tauʻau.”
Pe atonu “faapaʻumātū.”
Epe., “laulaufaiva.”
E faasino atu i le vaitafe o Eufirate.
O “Ioa” o le faapuupuuga o le suafa o Ieova.
Po o le “tā ma usuina pese.”
Po o le “pou faailoilo.”
Epe., “i oʻu tagata ua faapaiaina.”
Epe., “ma ona Kisila.”
Tagaʻi i le Uiga o Upu.
Tagaʻi i le Uiga o Upu.
Pe atonu “temoni e foliga e pei o ni ʻoti.”
Po o le “avatu iā i latou le mapusaga.”
Po o le “i o latou pule i le galuega.”
Po o le “taufaifaiga.”
Po o “lē e pule i le galuega!”
Po o “Seoli.” Taga‘i i le Uiga o Upu.
Epe., “O ‘oti po‘a.”
Po o “Seoli.” Taga‘i i le Uiga o Upu.
Po o “Seoli.” Taga‘i i le Uiga o Upu.
Tagaʻi i le Uiga o Upu.
Epe., “fale.”
Po o le “lālā.”
Tagaʻi i le Uiga o Upu.
Epe., “O le aʻoaʻiga lenei ua aʻoaʻia ai.”
Po o le “e sauni e taia.”
Po o “le Malumalu.”
Po o le “ālia.”
Po o “i asaga.”
Epe., “o atalii o Isaraelu.”
Po o le “fanua laugatasi.”
Tagaʻi i le Uiga o Upu.
Po o “se atua ese.”
Po o le “pou faailoilo.”
O le “lino” o se laau na totō i Aikupito e fai mai ai ofu lino.
Po o “Mafi.”
Pe atonu “o le lālā o le pama po o le ū.”
Po o “le taʻitaʻiʻau.”
Po o “e na o ni nai ofu ua ofu ai.”
Po o “lea sa latou viiviia lona matagofie.”
E foliga mai e faasino atu i le vaipanoa o Papelonia anamua.
E foliga mai e faasino atu iā Papelonia.
Epe., “ua matuā tigā ai oʻu puimanava.”
Po o le “faasuāuu.”
Epe., “atalii.”
Lona uiga “Saō.”
O tagata e faimalaga faatasi ma a latou manu ave avega.
E foliga mai e faasino atu iā Ierusalema.
O se faaupuga faafatusolo atonu e faailoa mai ai le tigā alofa.
Po o “tagata tiʻetiʻe solofanua.”
Po o le “sauniunia.”
Po o “fanua laugatasi.”
Po o “tagata tiʻetiʻe solofanua.”
Po o le “puipuiga.”
Epe., “mamafa.”
E faasino atu i se maga o le vaitafe o le Naila.
Epe., “taupou.”
Po o le “lalolagi.”
Pe atonu “Ua mātūtū.”
Pe atonu “Ua mātūtū.”
Po o “i le itu i sisifo.”
Po o le “i le itu i sasaʻe.”
Epe., “i luma o ona toeaina.”
Po o le “ufimata.”
O “Ioa” o le faapuupuuga o le suafa o Ieova.
Po o le “gatasi.”
E faasino atu i le manatuaina ma le faalauiloa atu o le Atua ma lona suafa.
Pe atonu “sau o laau faisua.”
Po o le “faasalaga.”
Tagaʻi i le Uiga o Upu.
E foliga mai e faasino atu iā Isaraelu, o lē ua faatusaina i se togāvine.
Tagaʻi i le Uiga o Upu.
E faasino atu i le vaitafe o Eufirate.
Tagaʻi i le Uiga o Upu.
E foliga mai e faasino atu iā Samaria o le laumua.
Po o le “faasausili; faamaualuga.”
Po o le “faasausili; faamaualuga.”
Po o le “agaga e uunaʻia.”
O le “fua faataoto” i lenei mau e faasino atu i se tulafono po o se tapulaa tau amioga.
Pe atonu “faia se faaaliga.”
Po o “Seoli.” Taga‘i i le Uiga o Upu.
Po o “Seoli.” Taga‘i i le Uiga o Upu.
Pe atonu “Pe a latou malamalama, o le a matuā fefefe i latou.”
Po o le “fanua laugatasi.”
Po o le “lalolagi uma.”
O se tamaʻi laau e iai ona fatu ninii e fai ai falaoa. O le upu Peretania, o le millet.
O se isi ituaiga saito. O le upu Peretania, o le barley.
O se ituaiga o saito e lē tāua tele. O le upu Peretania, o le spelt.
Po o le “aʻoaʻia; faasala.”
Po o le “fuafuaga.”
Po o “O lē foʻi ua silisili lona atamai aogā.”
Atonu o lona uiga “Taʻinafi o le Fata Faitaulaga a le Atua,” ma e foliga mai e faasino atu iā Ierusalema.
Epe., “tagata ese.”
Po o “fautuaga.”
Po o le “Pagā lo outou faatuʻiese!”
E faasino atu i le sesega ona o le māsiasi ma le lē fiafia.
Epe., “ua sasaaina atu se taulaga i meainu.” E foliga mai e faasino atu i le faia o se maliega.
Epe., “i le nofoaga malupuipuia a Farao.”
Po o le “faatonuga.”
Pe atonu “se vaieli.”
Epe., “fanā.”
Po o le “faatalitali ma le naunau.”
Epe., “o le a lololo ma gaʻoa.”
Epe., “le suafa o Ieova.”
Po o “lana mānava.”
Po o le “faapaia outou lava.”
Po o le “savali e fua i le leo o.”
O loo faasino le upu “Tofeta” i inei i se nofoaga faafaatusa o loo mū i le afi, e faaata ai le faaumatiaga.
O le elemeni samasama e faigofie ona mū e iai sona manogi malosi. O le upu Peretania, o le sulfur.
Po o “tagata tiʻetiʻe solofanua.”
Po o “se tamaʻi leona taanoa.”
Po o le “lana afi.”
Po o le “Ina ia gaoioi i se auala faalēmataʻu.”
Po o le “ma ia na o ni nai ofu e oofu ai.”
Po o le “malosi.”
E faasino atu i le fili.
Pe atonu “Ua mātūtū.”
Epe., “e pei o ni mea na susunuina i namu.” O se pauta paʻepaʻe e maua mai pe a susunuina mea e pei o maa manutinuti, ʻamu, o ponaivi ma atigi figota. O le upu Peretania, o le lime.
Epe., “e loloto.”
E faasino atu i se pou e faamau ai lā o le vaa.
E foliga mai e faasino atu iā Posara, le laumua o Etoma.
O le elemeni samasama e faigofie ona mū e iai sona manogi malosi. O le upu Peretania, o le sulfur.
Tagaʻi i le Uiga o Upu.
Tagaʻi i le Uiga o Upu.
Pe atonu “le temoni e foliga e pei o se ʻoti.”
O se manulele e fai ana galuega i le pō ma e tai pei o se lulu.
Tagaʻi i le Uiga o Upu.
Po o “le pule o le ʻautautū uaina.”
Po o “le maota o le tupu.”
Po o le “gagana Suria.”
Epe., “Ia faia se faamanuiaga ma aʻu ma ia ō mai iā te aʻu.”
Po o “le maota o le tupu.”
Po o “le maota o le tupu.”
Pe atonu “i le vā.”
Po o “alāvai o le Naila.”
E faasino atu iā Esekia.
Po o le “malumalu.”
Atonu o nei sitepu na faaaogāina e tau ai le taimi, e ala i le mātauina o le mea ua oo i ai le ata lafoia.
Po o “Seoli.” Tagaʻi i le Uiga o Upu.
O “Ioa” o le faapuupuuga o le suafa o Ieova.
E faasino atu i afioga ma galuega a le Atua.
Po o le “Ua e aveesea aʻu agasala uma mai i ou luma.”
Po o “Seoli.” Tagaʻi i le Uiga o Upu.
Po o le “faamaoni.”
Po o le “Ia faamāfanafana iā.”
Po o le “saunia.”
E faasino atu i le fanua laugatasi i le pito i lalo o se vanu.
Po o le “leoleoina.”
O le vā lea mai i le tumutumu o le limamatua agaʻi i le tumutumu o le limatamatama pe afai e tatala le alofilima. Tagaʻi i le Faa. E14.
Pe atonu “ua malamalama i.”
Po o le “e lē lava ai ni fafie.”
Po o “se faatagata ‘apamemea.”
Po o “taʻitaʻi.”
Po o le “lē mafai ona fuatia.”
Po o le “inā fifilemu ia i oʻu luma.”
Po o le “mai i le itu i sasaʻe.”
E faasino atu i le leai o se puipuiga ma le faatauvaa.
E faasino atu i le fanua laugatasi i le pito i lalo o se vanu.
Po o le “mai i le itu i sasaʻe.”
Po o “sui pule.”
Po o “faatagata ‘apamemea.”
Po o le “faatonuga.”
Po o “fanua tū matafaga.”
Po o “faatagata ‘apamemea.”
Po o le “faatonuga.”
Po o le “faatonuga.”
Atonu e faasino atu i mea o le a muamua tutupu i le lumanaʻi.
Po o le “ma maufaatuatuaina aʻu.”
Tagaʻi i le Uiga o Upu.
Tagaʻi i le Uiga o Upu.
O se laau o le ū e manaia lona manogi.
Po o “gaoioiga fouvale.”
Atonu e faasino atu i faiaʻoga o le Tulafono.
Lona uiga “O Lē ua Amio Saʻo,” o se taʻu e aloaʻia mo Isaraelu.
Po o “i le laueleele ua galala.”
Po o “se faatagata ‘apamemea.”
Po o “a perofeta pepelo.”
Epe., “tatalaina sulugātiti o.”
Epe., “matuā fusia.”
Po o le “Mai i le itu i sasaʻe i le itu i sisifo.”
Po o “ma Lē na foafoaina o ia.”
Po o “i Lē na faia o ia.”
Po o “O le ā ea lenei mea ua e tigā a fanau ai?”
Epe., “a latou ʻautau uma.”
Pe atonu “tagata faigaluega mamafa.”
Pe atonu “le ʻaufaatauʻoa.”
O “Pele” ma “Nepo” o ni atua Papelonia.
E faasino atu i tupua ua faaee i luga o manu.
Epe., “ifo atu i ai.”
Po o le “fuafuaga; fautuaga.”
Po o le “mai i le itu i sasaʻe.”
Po o le “fuafuaga; fautuaga.”
Epe., “lotomalosi.”
Pe atonu “ma o le a ou lē agalelei i so o se tasi e ma te fetaiaʻi.”
Po o le “Masiofo.”
Po o le “Masiofo.”
Pe atonu “E ui i le.”
Pe atonu “O ē e vaevaea le lagi; O ē e saʻiliʻili i fetu.”
Epe., “i lona lava vaipanoa.”
Pe atonu “o ē e tupuga mai iā.”
Po o le “faatagata ‘apamemea.”
Po o le “suʻesuʻeina.” Pe atonu “filifilia.”
E faasino atu i le faaliusuāvaia o uʻamea i ulo, ina ia aveese ai otaota mai i uʻamea.
Po o le “faatasi ma.”
Po o le “mo lou lava lelei.”
Epe., “mai i le manava.”
Po o le “e faia e Ieova le faamasinotonu mo aʻu.”
Po o le “taui.”
Pe atonu “o aʻega taalaelae.”
Po o le “pou faailoilo.”
Po o le “laulaufaiva ua lelei ona toleniina.”
Po o le “ona tauivi ma aʻu?”
Po o le “faafesagaʻi.”
Po o le “na fanaua mai outou ma le tigā a fanau.”
Po o le “malosi.”
Po o le “e lē nutililiia.”
Po o le “faatonuga.”
Pe atonu “e anufe.”
Tagaʻi i le Uiga o Upu.
Epe., “o le a iai i luga o o latou ulu.”
Epe., “i le mea e amata mai ai auala uma.”
Po o le “vāai faafesagaʻi lava.”
Po o “i le manumalo.”
Po o “O le a lē magagana tupu.”
Pe atonu “i le mea ua matou faalogo i ai?”
E mafai ona faasino atu le “ona” i se tagata o loo vaavaai ane po o le Atua foʻi.
Pe atonu “Na pei o ia o se tasi na liliuese mai ai mata o tagata.”
Po o le “sauāina.”
Epe., “i lana augātupulaga.”
Po o “ni faiga sauā.”
Po o le “finagalo.”
Epe., “atalii o.”
Po o “ua iai lona matai.”
Po o “se matai.”
Epe., “ou atalii.”
Epe., “o ou atalii.”
Po o “tupe e maua mai i galuega mamafa.”
Po o le “maufaatuatuaina.”
Po o “ou te finagalo.”
E faasino atu i le feoti.
E faasino atu i le tuugamau.
Po o “ālia.”
Po o le “ālia.”
Po o le “Pe e faamāfanafanaina ea aʻu.”
Epe., “i tua o le faitotoʻa ma pou o le faitotoʻa.”
Atonu e faasino atu i tapuaʻiga i tupua.
Pe atonu “i le tupu.”
Po o “Seoli.” Tagaʻi i le Uiga o Upu.
Epe., “lē fiu ai.”
Po o le “afio.”
Epe., “sasau atu moto o le amioleaga.”
Epe., “mamafa.”
Po o le “mea e gaogao.”
Po o le “faamaoni.”
Po o le “faamaoni.”
Po o “le manumalo mo ia.”
Po o le “manumalo.”
Po o le “ofu talaloa lima pupuu.”
Epe., “oe.”
Po o “i pū o o latou fale?”
Po o le “faamatagofieina.”
Po o le “faamatagofieina.”
Po o “i a latou ʻoa.”
Po o le “ofu talaloa lima pupuu.”
Po o le “pou faailoilo.”
Pe atonu “mūmū sesega.”
Po o le “manumalo.”
Po o “vā o vai loloto.”
Po o “i le toafa?”
E faasino atu i le fanua laugatasi i le pito i lalo o se vanu.
Po o le “matagofie.”
Po o le “matagofie.”
Po o le “faapogaia ai i matou.”
Po o le “faatalitali ma le onosaʻi.”
Po o “Lē na faia i matou.”
Po o le “malumalu.”
Po o le “matagofie.”
Pe atonu “i tamaʻi fale leoleo.”
Po o le “mea lē mamā.”
Pe atonu “Auā o le a alu atu ai loʻu paia iā te oe.”
Po o “O le a ou avatu le taui i o latou lava fatafata.”
Po o “O le a muamua ona ou fuaina atu o latou totogi i o latou lava fatafata.”
Epe., “se faamanuiaga.”
Po o le “fanua laugatasi.”
Po o le “faamaoni.” Epe., “Amene.”
Po o le “faamaoni.” Epe., “Amene.”
Po o “faafitauli.”
Pe atonu “Ma o se tasi e lē atoa le selau tausaga, e manatu i ai ua faamalaiaina.”
Po o le “ma ua atuatuvale e faatatau.”
Pe atonu “o lē o loo vivii atu i se tupua.”
Po o le “atuatuvale e faatatau.”
Po o le “malosi.”
E faasino atu i togālaau faapitoa e faaaogā mo tapuaʻiga i tupua.
O le upu Eperu e faasino atu i le tama a le asini poʻa ma le solofanua fafine.
Po o le “e tapuaʻi.”