AUEGA
א [Alefa]*
1 E! ua nofo toʻatasi o ia, o le aai sa tumu i tagata!+
Ua avea o ia e pei o se fafine ua oti lana tane, ae sa matuā to‘atele o ia nai lo o isi atunuu!+
Sa avea o ia ma purinisese i itumalo, ae ua faatigāina i galuega mamafa!+
ב [Peta]
2 Ua matuā tagi lava o ia i le pō,+ ua i ona alafau ona loimata.
Ua leai se isi mai i ē uma na mananaʻo iā te ia e faamāfanafana iā te ia.+
Ua faaʻoleʻole iā te ia o ana aumea uma lava;+ ua avea foʻi i latou ma ona fili.
ג [Gimela]
3 Ua ave faapagota Iuta+ ma ua puapuagatia ma faapologaina i galuega mamafa.+
Ua nofo o ia faatasi ma atunuu;+ ua lē maua foʻi e ia se mea e mapu ai.
O i latou uma na faasauā iā te ia, na latou maua o ia i tulaga mafatia.
ד [Taleta]
4 Ua faavauvau ala o Siona, auā ua leai nisi e ō mai i le tausamiga.+
Ua tuufua ona faitotoʻa uma;+ ua ōi foʻi ona ositaulaga.
Ua matuā faanoanoa ona taupou* ma ua ootia lava o ia.
ה [He]
5 Ua avea ē e ita iā te ia ma ona matai;* ua lē popole ona fili i se mea.+
Auā o Ieova na aumaia tigā iā te ia, ona o le tele o ana solitulafono.+
Ua ave faapagota foʻi lana fanau i luma o le fili.+
ו [Vau]
6 Ua mavae atu le matagofie uma o le tama teine a Siona.+
Ua avea ona perenise e pei o ni ʻaila ua leai se laufanua e aai ai,
Ua latou savavali foʻi e aunoa ma se malosi i luma o lē o loo tuliloa mai.
ז [Saina]
7 I aso o le puapuaga o Ierusalema ma le leai o se mea e nofo ai, ua ia manatua ai
O ana mea tāua uma sa iai i aso anamua.+
Ina ua paʻuʻū lona nuu i lima o lē na ita mai, ma ua leai sona fesoasoani,+
Na iloa atu o ia e i latou e feita iā te ia ma taliē* ina ua paʻū o ia.+
ח [Heta]
8 Ua matuā agasala lava Ierusalema.+
O le mea lea ua avea ai o ia o se mea inosia.
O i latou uma na āva iā te ia, ua taʻufaatauvaaina o ia, auā ua latou iloa atu lona lē lavalavā.+
Ua ōi o ia+ ma liliuese ma le māsiasi.
ט [Teta]
9 Ua i ona pito ofu lona lē mamā.
E leʻi mafaufau o ia i lona lumanaʻi.+
Ua matuā paʻū leaga o ia; e leai sē e faamāfanafana iā te ia.
Ieova e, ia e silasila mai i loʻu puapuaga, auā ua faasausili le fili.+
י [Iota]
10 Ua faaloaloa atu e lē ua ita mai ona lima i ana mea tāua uma.+
Auā ua vaaia e ia o atunuu ua ulufale mai i lona malumalu,+
O ē na e poloaʻi i ai e aua neʻi ō ane i lau faapotopotoga.
כ [Kafa]
11 Ua mapuitigā lona nuu uma; ua latou saʻili mo ni meaʻai.+
Ua latou avatu a latou mea tāua mo ni meaʻai, ina ia feola ai pea.*
Ieova e, silasila mai ma ia e silafia ai ua avea aʻu e pei o se fafine* e lē aogā.
ל [Lameta]
12 Po o se meanoa ea iā te outou uma o ē e ui ane i le ala?
Inā vaavaai ia ma iloa ai!
Pe e iai ea se tigā e pei o loʻu tigā na faasalaina ai aʻu,
Lea na faatigāina ai aʻu e Ieova i le aso o lona toʻasā aasa?+
מ [Mema]
13 Ua auina mai e ia le afi mai i lugā i totonu o oʻu ivi,+ ma ua ia faatoʻilaloina ai oʻu ivi taʻitasi.
Ua ia fofola le upega mo oʻu vae; ua ia faamalosia a‘u e toe foʻi i tua.
Ua ia faia foʻi aʻu e pei o se fafine ua nofo toʻatasi.
Ua ou maʻi i le aso atoa.
נ [Nuna]
14 Ua ia fusia aʻu solitulafono e pei o se amo, ua faamauina faatasi e lona aao.
Ua tuuina aʻe i loʻu ua, ma ua mou atu ai loʻu malosi.
Ua tuuina atu aʻu e Ieova i lima o ē e lē mafai ona ou tetee atu i ai.+
ס [Sameka]
15 Ua lafoaʻi e Ieova oʻu tagata malolosi uma mai iā te aʻu.+
Ua ia taloina se fono faasaga iā te aʻu, ina ia tuʻimomomo ai oʻu tauleleʻa.+
Ua solia e Ieova le tama teine taupou a Iuta i le mea e soli ai vine.+
ע [Oina]
16 Ua ou tagi ona o nei mea;+ ua maligi ifo oʻu loimata.
Auā ua mamao ese ma aʻu o sē e mafai ona faamāfanafana mai pe e toe faamalosia aʻu.
O laʻu fanau foʻi ua nonofo na o i latou, auā ua manumalo le fili.
פ [Pe]
17 Ua faaloaloa atu e Siona ona lima;+ e leai foʻi sē e faamāfanafana iā te ia.
Ua poloaʻi mai foʻi Ieova iā i latou uma o loo siʻomia Iakopo, ina ia gaoioi e pei o ni ona fili.+
Ua avea Ierusalema ma mea inosia iā i latou.+
צ [Sati]
18 E amiotonu Ieova,+ auā ua ou fouvale i ana poloaʻiga.*+
Inā faalogo mai ia outou uma ma vāai mai i loʻu tigā.
Ua ave faapagota oʻu taupou* ma oʻu tauleleʻa.+
ק [Kofa]
19 Ua ou valaau atu i ē na mananaʻo iā te aʻu, ae ua latou ʻolegia aʻu.+
Ua feoti oʻu ositaulaga ma oʻu toeaina i le aai,
ר [Resa]
20 Ieova e, inā silasila mai ia, auā ua ou matuā puapuagatia lava.
Ua tigā loʻu manava.*
Ua tigā loʻu loto i totonu iā te aʻu, auā ua ou matuā fouvale lava.+
I fafo, ua faavauvau ona o le pelu;+ o totonu foʻi o le fale ua pei o le oti.
ש [Sini]
21 Ua faalogo tagata i loʻu ōi; e leai sē e faamāfanafana iā te aʻu.
Ua faalogo oʻu fili uma i loʻu puapuaga.
Ua fiafia i latou auā o oe lava na e faia lenei mea.+
Ae e te faaoo mai le aso na e folafola mai,+ o le a pei ai i latou o aʻu.+
ת [Tau]
22 Ia oo atu lo latou leaga uma i ou luma, ma ia e faasalaina i latou,+
E pei lava ona e faasalaina aʻu ona o aʻu solitulafono uma.
Auā ua tele oʻu mapuitigā, ma ua maʻi foʻi loʻu loto.
א [Alefa]
2 E! ua ufitia e Ieova le tama teine a Siona i le ao o lona toʻasā.
Ua ia lafo ifo mai i le lagi i le lalolagi le matagofie o Isaraelu.+
Ua lē manatua foʻi e ia le mea e tū ai ona aao+ i le aso o lona toʻasā.
ב [Peta]
2 Ua faaumatia e Ieova e aunoa ma le faapelepeleina o mea uma e mau ai Iakopo.
Ua ia faatamaʻia nofoaga malupuipuia a le tama teine a Iuta i lona maʻemaʻeā.+
Ua ia faagatasia ma le laueleele ma faaleaga le malo+ ma ona perenise.+
ג [Gimela]
3 Ua ia aveese le malosi uma* o Isaraelu i le aasa o lona toʻasā.
Ua faafoʻi mai e ia lona aao taumatau pe a oo mai le fili,+
Ua mumū pea foʻi lona toʻasā iā Iakopo e pei o se afi e faaumatia ai itu uma.+
ד [Taleta]
4 Ua ia loloʻu* lana ʻaufana e pei o le fili; ua sauni foʻi lona aao taumatau e pei o sē e ita mai;+
Ua ia fasiotia i latou uma ua ia finagalo i ai.+
Ua ia sasaa ifo lona toʻasā e pei o le afi+ i le faleʻie o le tama teine a Siona.+
ה [He]
Ua faaumatia e ia ona ʻolo uma;
Ua ia faatafunaina ona nofoaga malupuipuia uma.
Ua ia faateleina foʻi le faanoanoa ma auega o le tama teine a Iuta.
ו [Vau]
6 Ua ia matuā lepeti lona fale lauvao+ e pei o loo i se togālaau.
Ua faaiʻuina* e ia lana tausamiga.+
Ua faagaloina e Ieova i Siona le tausamiga ma le sapati,
O lona toʻasā tele foʻi ua lē faaaloalo ai o ia i le tupu ma le ositaulaga.+
ז [Saina]
Ua tuuina atu e ia i lima o le fili pā o ona ʻolo malupuipuia.+
Ua latou alalaga foʻi i le fale o Ieova,+ e pei ona faia i le aso o le tausamiga.
ח [Heta]
8 Ua finagalo Ieova e faatamaʻia le pā o le tama teine a Siona.+
Ua faataatia e ia le fua.+
Ua lē toe taofia e ia lona aao mai i le aumaia o le faaumatiaga.
Ua ia faapogaia foʻi le faavauvau o le pā puipui ma le pā.
Ua mou atu lo laʻua malosi.
ט [Teta]
9 Ua gogoto ifo ona faitotoʻa i le eleele.+
Ua faaumatia e ia ma gauia ona faamaufaalava.
Ua iai lona tupu ma ona perenise i atunuu.+
Ua leai se tulafono;* ua lē toe maua foʻi e ona perofeta se faaaliga mai iā Ieova.+
י [Iota]
10 Ua nonofo fifilemu i le eleele toeaina o le tama teine a Siona.+
Ua latou tuu efuefu i luga o o latou ulu ma oofu i ʻie talatala.+
Ua punonou foʻi ulu o taupou o Ierusalema i le eleele.
כ [Kafa]
11 Ua vaivai oʻu mata i le tagi.+
Ua tigā loʻu manava.*
Ua masaa loʻu ate i le eleele, ona ua taia le tama teine* a loʻu nuu,+
Auā ua matapogia tamaiti ma tamameamea i nofoaga faitele o le taulaga.+
ל [Lameta]
12 Ua latou fesili atu pea i o latou tinā, “O fea o iai saito ma uaina?”+
Ina ua matapogia i latou e pei o sē ua manu‘a i nofoaga faitele o le aai,
A o faasolo ina uma atu o latou ola i lima o o latou tinā.
מ [Mema]
13 O le ā se mea ou te faia ma molimau,
Po o se mea ou te faatusaina i ai oe, le tama teine a Ierusalema e?
Le taupou e, le tama teine a Siona, o le ā se mea ou te faatutusa ma oe ina ia faamāfanafanaina ai oe?
Auā ua telē lou manuʻa e pei o le sami.+ O ai e mafai ona faamālōlō iā te oe?+
נ [Nuna]
14 O faaaliga na vaaia e ou perofeta mo oe, e pepelo ma faatauvaa,+
Ua latou lē faaalia foʻi au mea sesē ina ia puipuia ai oe mai i le aveina faapagota,+
Ae ua latou ta‘u atu pea iā te oe o faaaliga e pepelo ma taufaasesē.+
ס [Sameka]
15 Ua pati lima ma le aamu iā te oe i latou uma e ui ane i le auala.+
Ua latou tuufaaili*+ ma lūlū o latou ulu i le tama teine a Ierusalema, ua faapea ane:
“Po o le aai ea lenei sa latou faapea mai ai, ‘Ua atoatoa lona matagofie, ma e fiafia i ai le lalolagi uma’?”+
פ [Pe]
16 Ua faamamaga atu iā te oe gutu uma o ou fili.
Ua latou tuufaaili ma lilivau o latou nifo ma faapea mai: “Ua tatou faaumatia o ia.+
O le aso lava lenei na tatou faatalitali i ai!+ Ua taunuu, ma ua tatou vāai i ai!”+
ע [Oina]
17 Ua faia e Ieova le mea na ia finagalo i ai;+ ua faataunuu e ia lana fetalaiga,+
O mea na ia poloaʻi mai ai i aso anamua.+
Ua ia lepetia e aunoa ma le alofa mutimutivale i ai.+
Ua ia faapogaia foʻi le fili e olioli ona o oe; ua ia faasilisilia le malosi* o ē e ita iā te oe.
צ [Sati]
18 Ua alalaga atu o latou loto iā Ieova, Le pā e, o le tama teine a Siona.
Ia tafe ifo loimata e pei o se ālia i le ao ma le pō.
Aua lava e te mālōlō, aua foʻi neʻi mapu ou mata.*
ק [Kofa]
19 Inā tulaʻi ia! Inā alaga atu ia i le pō i le amataga o leoleoga.
Ia sasaa atu lou loto i luma o Ieova e pei o le vai.
Ia sisii atu ou lima iā te ia mo ola o lau fanau,
O ē ua matapogia ona o le oge o loo i fetaula‘iga uma o auala.*+
ר [Resa]
20 Ieova e, inā silasila mai ia ma silafia ai lē na e matuā faasalaina.
Pe e ʻaina pea e fafine a latou lava fanau na fananau mai o malolosi,+
Pe e fasiotia foʻi ositaulaga ma perofeta i le malumalu o Ieova?+
ש [Sini]
21 Ua taatitia ua feoti le tamaitiiti ma le toeaina i le eleele i auala.+
Ua paʻuʻū foʻi i le pelu oʻu taupou* ma oʻu tauleleʻa.+
Ua e fasiotia i latou i le aso o lou toʻasā; ua e fasiotia e aunoa ma le alofa mutimutivale i ai.+
ת [Tau]
22 Ua e valaauina ē e faamataʻu mai mai i itu uma, e pei ona e valaauina o tagata i le aso o se tausamiga.+
E leʻi iai se isi na sao pe faaolaina i le aso o le toʻatamaʻi o Ieova;+
Ua faaumatia e loʻu fili i latou na ou fanauina ma ou tausia.+
א [Alefa]
3 O aʻu o le tagata ua vaai i mafatiaga ona o le tootoo o lona maʻemaʻeā.
2 Na ia tuliesea aʻu ma faasavali i le pōuliuli ae e lē o le malamalama.+
3 E moni, ua faasagatau mai pea lona aao iā te aʻu i le aso atoa.+
ב [Peta]
4 Ua ia faavaivaia loʻu tino ma faamaanuminumi loʻu paʻu;
Ua ia gauia foʻi oʻu ivi.
5 Ua ia si‘osi‘o iā te aʻu; ua ia siʻomia aʻu i le mea e matuā oona+ ma mea faigatā.
6 Ua ia faamalosia aʻu e nofo i nofoaga pogisa e pei o tagata ua leva ona feoti.
ג [Gimela]
7 Ua ia taofia aʻu i se pā ina ia lē mafai ai ona ou sola ese;
Ua ia saisaitia aʻu i faamau ʻapamemea mamafa.+
8 Pe a ou tagi atu faatauanau mo se fesoasoani, e na te teena* laʻu tatalo.+
ד [Taleta]
10 O loo faatalitali o ia e lamalama iā te aʻu e pei o se pea, e pei foʻi o se leona o loo i nofoaga lilo.+
12 Ua ia loloʻu* lana ʻaufana, ma ua ia faatūina aʻu e fai ma taulaʻiga o le aū.
ה [He]
13 Ua ia fana mai aū* o lana taga e tuu ai aū, ua ati i oʻu fatugaʻo.
14 Ua avea aʻu ma mea e taliē i ai le nuu uma, o le autū o la latou pese i le aso atoa.
15 Ua ia fafaga aʻu i mea oona ma faainu aʻu i le laau oona.+
ו [Vau]
17 Ua e aveesea lo‘u filemu; ua ou lē manatua foʻi ni mea lelei.
18 Ona ou faapea ifo lea: “Ua fano loʻu mamalu ma loʻu faamoemoega iā Ieova.”
ז [Saina]
19 Ia e manatua oʻu mafatiaga ma le leai o se mea ou te nofo ai,+ o le laau oona ma le mea e matuā oona.+
20 O le a e manatuaina lava, ma e matuā punou mai ai i oʻu luga.+
21 Ua toe manatua e loʻu loto lenei mea; o le mea lea ou te faatalitali ai pea.+
ח [Heta]
22 O le alofa faamaoni o Ieova ua lē faaumatiaina ai i tatou,+
Auā e lē taitai mavae lona alofa mutimutivale.+
23 E fou pea lava i taeao uma;+ e matuā tele lou faamaoni.+
24 Ua ou faapea ifo: “O Ieova o loʻu tofi,+ o le mea foʻi lea ou te faatalitali ai pea iā te ia.”+
ט [Teta]
25 E lelei Ieova i lē e faamoemoe iā te ia,+ i le tagata e saʻili atu pea iā te ia.+
26 E lelei i se tasi ona faatalitali ma le filemu*+ mo le faaolataga a Ieova.+
27 E lelei i le tagata ona tauaveina le avega a o talavou o ia.+
י [Iota]
28 Ia nofo toʻatasi o ia ma filemu pea, ina ua Ia faaee i ona luga lenei avega.+
29 Ia tuu e ia lona gutu i le efuefu;+ atonu o iai se faamoemoe.+
30 Ia tuuina atu e ia lona alafau i lē na te pōina o ia; ia matuā faalumaina foʻi o ia.
כ [Kafa]
31 Auā e lē lafoaʻiina i tatou e Ieova e faavavau.+
32 E ui lava ina faapogaia e ia o tigā, ae e na te faaalia foʻi le alofa mutimutivale e tusa ma le matuā tele o lona alofa faamaoni.+
33 Auā e lē finagalo o ia e faapuapuagatia pe faatigāina le fanau a tagata.+
ל [Lameta]
34 O le solia i lalo o vae o se tasi o pagota uma o le lalolagi,+
35 O le faapi‘oina o le faamasinogatonu o se tagata i luma o le Silisili Ese,+
36 O le faasesēina o le faamasinoga o se tagata,
E lē fiafia Ieova i na mea.
מ [Mema]
37 O ai ea la e mafai ona tautala pe faia se mea pe afai e leʻi poloaʻi mai ai Ieova?
38 E lē sau mai i le fofoga o le Silisili Ese
Ni mea leaga atoa ma ni mea lelei.
39 Aiseā e faitio ai le tagata ola i āuga o lana agasala?+
נ [Nuna]
40 Ia tatou suʻesuʻe ma iloilo o tatou ala,+ ma ia tatou toe foʻi atu iā Ieova.+
41 Seʻi sii atu o tatou loto faatasi ma o tatou lima i le Atua o loo i le lagi:+
42 “Ua matou solitulafono ma ua matou fouvale,+ ae e te leʻi faamagalo mai.+
ס [Sameka]
43 Ua e punitia i lou toʻasā lo matou faalatalata atu;+
Ua e tuliloaina ma fasiotia i matou e aunoa ma le alofa mutimutivale.+
44 Ua e punitia i se ao lo matou faalatalata atu iā te oe, ina ia lē sao atu ai la matou tatalo.+
45 Ua e faia i matou ma mea ua lafoaʻiina ma otaota i totonu o nuu.”
פ [Pe]
46 Ua faamamaga mai iā i matou gutu o o matou fili uma.+
47 Ua fai mo i matou le fefe ma le lua,+ o le faatafunaina ma le nutililiia.+
48 Ua tafe ifo vai i oʻu mata, ona o le tuʻimomomoina o le tama teine a loʻu nuu.+
ע [Oina]
51 Ua tigā loʻu loto ona o mea ua vaai i ai oʻu mata, ona o fanau teine uma a loʻu aai.+
צ [Sati]
52 Ua tuliloa aʻu e oʻu fili e pei o se manulele, e aunoa ma se māfuaaga.
53 Ua latou faaumatia loʻu ola i le lua; ua latou lafo mai pea maa iā te aʻu.
54 Ua tafe mai vai i luga o loʻu ulu, ma ua ou faapea ifo: “E fasiotia lava aʻu!”
ק [Kofa]
55 Ieova e, na ou valaau atu i lou suafa mai i se lua e matuā maulalo lava.+
56 Ia e faafofoga mai i loʻu leo; aua neʻi ʻalo ou fofoga i loʻu alaga atu mo se fesoasoani.
57 Na e faalatalata mai i le aso na ou valaau atu ai iā te oe. Na e fetalai mai: “Aua e te fefe.”
ר [Resa]
58 Ieova e, ua e puipuia la‘u finauga, ua e faasaoina foʻi loʻu ola.+
59 Ieova e, ua e silafia mea sesē ua faia iā te aʻu; faamolemole ia e faia le faamasinogatonu mo aʻu.+
60 Ua e silafia lo latou tauimasui uma lava, ma a latou faufauga uma faasaga iā te aʻu.
ש [Sina] po o [Sini]
61 Ieova e, ua e faafofoga i a latou faifaiga, ma a latou faufauga uma faasaga iā te aʻu,+
62 O upu a laugutu o ē e tetee mai iā te aʻu, ma a latou taumusumusuga uma faasaga iā te aʻu i le aso atoa.
63 Ia e silasila iā i latou; pe e latou te tutū pe nonofo, e latou te tauemu mai iā te aʻu i a latou pese!
ת [Tau]
64 Ieova e, e te taui atu lava iā i latou e tusa ma a latou gaoioiga.
65 E te faamaaaina o latou loto, o lau fetuu lea iā i latou.
66 E te tuliloa i latou i lou toʻasā, ma faaumatia i latou mai i lalo o le lagi a Ieova.
א [Alefa]
4 E! ua nenefu le auro sa iila, o le auro lelei lava.+
E! ua taapeape solo maa paia+ i fetaulaʻiga uma o auala.*+
ב [Peta]
2 A o le fanau peleina a Siona, o ē sa tautele e pei o le auro ua faamamāina,
E! ua manatu iā i latou o ni fagu omea,
O le galuega a lima o le fai ipu omea.
ג [Gimela]
3 E oo lava i taʻifau o le vao, ua tuuina atu o latou susu e faasusu ai a latou toloaʻi,
Ae o le tama teine a loʻu nuu ua lē alofa,+ e pei o iaena* o loo i le toafa.*+
ד [Taleta]
4 Ua pipii le laulaufaiva o le tamaitiiti o loo susu i lona gutu ona o le fia inu.
Ua ‘aisi atu foʻi tamaiti mo se meaʻai,+ ae ua leai se tasi e tuuina atu se mea iā i latou.+
ה [He]
5 O i latou na aai i mea lelei, ua matelāina* i latou i auala.+
O ē na oofu i ofu mūmū sesega,+ ua taooto i latou i faupuʻega lefulefu.
ו [Vau]
6 Ua sili atu foʻi le faasalaga o le tama teine a loʻu nuu, nai lo o le faasalaga o le agasala a Sotoma,+
Lea na faaumatia e pei o le emo o le mata, ma e leʻi fesoasoani i ai nisi.+
ז [Saina]
7 O ona Naseri+ sa mamā atu nai lo o le kiona; sa paʻepaʻe atu nai lo o le suāsusu.
Sa sili atu foʻi ona enaena mūmū nai lo o ʻamu; sa fe‘ilafi e pei o le safaira.
ח [Heta]
Ua maanuminumi o latou paʻu i o latou ivi;+ ua pei fo‘i o se laau ua mago.
ט [Teta]
9 E sili atu ona lelei i latou ua fasiotia i le pelu, nai lo o ē na fasiotia i le oge,+
Ua mou ese atu lo latou malosi, ua taia ona o le leai o ni mea‘ai mai i le fanua.
י [Iota]
10 Ua tunu e lima o fafine alolofa a latou lava fanau.+
Sa fai i latou ma meaʻai o le faavauvau, ina ua faatamaʻia le tama teine a loʻu nuu.+
כ [Kafa]
Ua ia tutu foʻi se afi mumū i Siona, ua susunuina ai ona faavae.+
ל [Lameta]
12 E leʻi talitonu tupu o le lalolagi ma ē uma o loo nonofo i le laueleele,
Ua sao mai i faitotoʻa o Ierusalema o lē e ita mai ma le fili.+
מ [Mema]
13 Ona o agasala a ona perofeta, ma mea sesē a ona ositaulaga,+
O ē na faamaligiina le toto o ē e amiotonu sa faatasi ma ia.+
נ [Nuna]
14 Ua latou feoaʻi solo e pei o ni tauaso+ i auala.
Ua faaleagaina i latou i le toto,+
Ua lē mafai ai e se tasi ona paʻi atu i o latou ofu.
ס [Sameka]
15 Ua latou valaau atu iā i latou: “Inā ō ese ia! O outou o ē e lē mamā! Inā ō ese ia! Ō ese ia! Aua le papaʻi mai iā i matou!”
Auā ua leai se mea e nonofo ai i latou ma ua feoaʻi solo.
Ua faapea ane tagata o atunuu: “E lē mafai ona latou nonofo i inei ma i tatou.*+
פ [Pe]
E lē toe faaaloalo tagata i ositaulaga,+ pe alolofa foʻi i toeaina.”+
ע [Oina]
17 Ua vaivai o matou mata i le vaavaai atu mo se fesoasoani, ae ua lē aogā.+
Sa matou vaavaai ma vaavaai pea mo se fesoasoani mai i se atunuu e lē mafai ona faaolaina i matou.+
צ [Sati]
18 Sa latou tulitatao mai i o matou tulagavae+ ina ia lē mafai ona matou savavali i nofoaga faitele.
Ua lata mai lo matou iʻuga; ua i‘u fo‘i o matou aso, auā ua oo mai lo matou iʻuga.
ק [Kofa]
19 Ua sili atu ona televavave ē na tuliloaina i matou nai lo o aeto o le lagi.+
Ua latou tuliloa i matou i luga o mauga; ua latou lalafi i le toafa e lamalama iā i matou.
ר [Resa]
20 O le mānava a o matou pogaʻiisu, o lē ua faauuina a Ieova,+ ua puʻea o ia i la latou lua telē,+
O lē na matou faapea ane ai: “E matou te nonofo i atunuu i lona paolo.”
ש [Sina]
21 Inā fiafia ia ma olioli oe le tama teine a Etoma e,+ o loo nofo i le nuu o Usa.
Ae e oo atu lava foʻi iā te oe le ipu,+ ma e te onā ai ma e lē lavalavā.+
ת [Tau]
22 Le tama teine a Siona e, ua faaiʻuina le faasalaga o lau mea sesē.
E na te lē toe aveina faapagota oe.+
Le tama teine a Etoma e, e liuliualo mai o ia i lau mea sesē.
E na te faaalia foʻi au agasala.+
5 Ieova e, ia e manatua le mea ua tupu iā i matou.
Ia e silasila mai ma silafia ai lo matou faalumaina.+
2 Ua avatu lo matou tofi i tagata ese, ma o matou fale i tagata mai i isi atunuu.+
3 Ua avea i matou o ni ē ua mātuaoti, ua leai ni tamā; ua pei o matou tinā o fafine ua oti a latou tane.+
4 Ua matou faatauina a matou lava vai ina ia feinu ai;+ ua faatau mai foʻi a matou lava fafie.
5 Ua toetoe lava papaʻi mai i o matou ua ē ua tuliloaina i matou;
Ua matou vaivai lava, ae ua lē maua sa matou mālōlōga.+
6 Ua matou faalagolago atu iā Aikupito+ ma Asuria,+ ina ia faamalieina ai i meaʻai.
7 Ua lē toe iai o matou augātamā na agasala, ae ua matou tauaveina a latou mea sesē.
8 Ua pule auauna iā i matou; ua leai foʻi se tasi e aveesea i matou mai i o latou lima.
9 Ua lamatia o matou ola i le aumaia o a matou meaʻai,+ ona o le pelu a le toafa.
10 Ua mū o matou paʻu e pei o se ogaumu, ona o le matuā fia aai.+
11 Ua latou faamāsiasi* avā i Siona, faapea foʻi taupou i aai o Iuta.+
12 Ua latou sisi perenise i o latou lima,+ ua lē āva foʻi i toeaina.+
13 Ua sii e tauleleʻa le mea e olo ai saito, ma ua tau paʻuʻū tamaiti i avegāfafie.
14 Ua lē toe iai ni toeaina i le faitotoʻa o le aai;+ ua lē tāina e tauleleʻa a latou pese.+
15 Ua mavae atu le fiafia o o matou loto; ua liua foʻi a matou siva i le faavauvau.+
16 Ua paʻū ese le pale mai i lo matou ulu. Oi talofa iā i matou, auā ua agasala i matou!
17 O le mea lea ua mamaʻi ai o matou loto,+
O mea fo‘i nei ua nenefu ai o matou mata,+
18 Ona ua tuufua le mauga o Siona;+ ua feoaʻi ai alope i luga.
19 A o oe Ieova e, e te afio i lou nofoālii e faavavau.
O lou nofoālii e mai i lea tupulaga i lea tupulaga.+
20 Aiseā ea ua e faagaloina ai i matou e faavavau, ma tuulafoa‘ia i matou mo se taimi umi?+
21 Ieova e, ia e toe faafoʻi atu i matou iā te oe, ona matou foʻi atu lea ma le lotoatoa.+
Ia e faafouina o matou aso e pei o aso anamua.+
22 Peitaʻi, ua e matuā teena lava i matou.
Ua e matuā toʻatamaʻi pea iā i matou.+
O Mataupu 1-4 o solo faanoanoa o loo faatulaga i le alafapeta faa-Eperu.
Po o “tamaʻitaʻi talavou.”
Epe., “ulu.”
Po o le “fiafia.”
Po o le “toe malolosi ai i latou.”
O loo faasino atu iā Ierusalema.
Epe., “lona fofoga.”
Po o “tamaʻitaʻi talavou.”
Po o le “toe malolosi ai i latou.”
Epe., “oʻu gaʻau.”
Epe., “nifo uma.”
Epe., “solia.”
Po o le “faaumatia.”
Po o “se faatonuga.”
Epe., “oʻu gaʻau.”
O se faaupuga faafatusolo atonu e faailoa mai ai le tigā alofa.
E foliga mai e faaalia ai le ofo po o le faaʻamuʻamu.
Epe., “le nifo.”
Po o “tamatamaʻimata.”
Epe., “i le mea e amata mai ai auala uma.”
Po o “tamaʻitaʻi talavou.”
Po o le “faalavelavea; pupuni.”
Pe atonu “ua ia faia aʻu ia taoto, ia lē toe gaoioi.”
Epe., “solia.”
Epe., “atalii.”
Po o le “faatalitali ma le onosaʻi.”
Epe., “i le mea e amata mai ai auala uma.”
Tagaʻi i le Uiga o Upu.
Tagaʻi i le Uiga o Upu.
Epe., “faatafunaina.”
Epe., “pogisa.”
Po o le “nonofo i inei o ni tagata ese.”
Po o le “toso faamalosi.”