“Na Oo Mai i le Taimi Tonu Lava”

O LE tala lenā a se tamāloa mai le aai o Abakaliki na tusi atu ai i le ofisa o le lālā o Molimau a Ieova i Nigeria. Sa ia taʻua ai le polosiua, Pe a Maliu se Tasi e Pele i a te Oe, lea na tuuina atu iā te ia i se taimi e leʻi leva tele atu. Na ia faamatala mai e faapea:

“Na maliu laʻu avā pele o Tochi, ina ua faatoʻā uma lava ona fanauina sana tama iā Iuni 18, 2000. E silia ma le masina mulimuli ane o tumau pea ona ou faanoanoa ona o faalogona gaogao na faateʻia ai, ma le lē talitonu i se mala e sili ona mataʻutia na oo iā te aʻu. O lea, iā Iulai lava, na tuu mai ai e se tasi o Molimau a Ieova iā te aʻu se kopi o la outou lomiga e taʻua, Pe a Maliu se Tasi e Pele i a te Oe. Sa pei le polosiua o se vailaau iā te aʻu, ma ua faasolosolo mālie lava ona amata ona toe faaleleia mea na faalētonu o loʻu olaga, ona o le fesoasoani o fautuaga o loo aumaia ai. Ua toe faamautinoa mai ai iā te aʻu se faamoemoe moni, ma ou iloa ai, o loo iai se faamoemoe pupula pe a mavae atu mafatiaga.”

Atonu, o le a e maua foʻi e oe po o se tasi e te masani ai se faamāfanafanaga mai le faitauina o lenei polosiua e 32 itulau. E mafai ona e talosaga atu mo se kopi e ala i lou faatumuina o lenei kuponi ma aauina atu i le meli i le tuatusi o loo faaalia i le kuponi po o se tuatusi talafeagai na o loo lisiina i le itulau e 5 o lenei mekasini.

□ Aauina mai iā te aʻu se kopi o le polosiua, Pe a Maliu se Tasi e Pele i a te Oe.

□ Faamolemole faafesootaʻi mai aʻu e tusa ai ma se suʻesuʻega faale-Tusi Paia e faia fua e leai se totogi.