Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • g04 4/8 itu. 30
  • Tumau e ui i Faigatā

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Tumau e ui i Faigatā
  • Ala Mai!—2004
  • Mataupu e Taitutusa
  • Pe Māfua Ou Faafitauli Ona o se Faasalaga Mai le Atua?
    Ala Mai!—2009
  • Po o se Faasalaga Mai i le Atua Mafatiaga o le Olaga?
    Le Olomatamata Faasilasilaina le Malo o Ieova—2009
  • Lo‘u Fiafiaga i le Faia o Soo
    Le Olomatamata Faasilasilaina le Malo o Ieova—2007
  • O Laau e Tutumau i Taimi Faigatā
    Le Olomatamata Faasilasilaina le Malo o Ieova—2001
Faitau Atili
Ala Mai!—2004
g04 4/8 itu. 30

Tumau e ui i Faigatā

E pei ona valoia i le Tusi Paia, ua tatou ola nei i “aso faigatā.” (2 Timoteo 3:1) Atonu o nisi o faigatā o loo oo iā te oe e aofia ai omiga i aiga, o faalētonu tau le soifua mālōlōina, ma faafitauli tau tupe. Atonu e iai foʻi taimi ua e lagonaina ai, ua e lē mafaia lava ona onosai. Ae ui i lea, e mafai ona e tumau e ui i nei faigatā. Seʻi tagaʻi foʻi i le faataʻitaʻiga lea o loo sosoo mai.

E iai se laau e taʻua o le violeti (Teide violet) e ola i se nofoaga maualuga e tusa ma le 12,000 futu, i le motu o Tenerife, e lata i le talafatai o Aferika i Mātū. O le mauga mū o Pico de Teide, lea e faaigoaina ai le violeti e mafai ona iloa mai i so o se vaega o lea motu, lea e lata i le teropika, ma e foliga mai e leai se mea e ola ai i ona vaega pito i luga. Ae a oo i le tau e totogo ai mea, ua lava le suāvai e tafe mai le kiona lea ua liu suāvai, e faasūsū ma toe faaola aʻe ai nei violeti, ma fua mai e pei o se ula ona fua violē manaia i luga o lea mauga. Ioe, e ui ina foliga vāivāi, ae ua mafai ona ola malaulau i lea siʻomaga faigatā.

I le pei o lea violeti , e mafai foʻi ona e onosaia tulaga faigatā. E toʻatele Molimau a Ieova ua mafai ona latou faia faapea e ala i le fesoasoani mai le Tusi Paia. O se faataʻitaʻiga, na mafai ona tumau pea i latou na faafalepuipuiina i nofoaga o faasalaga i Siamani, a o pulea e le ʻau Nasi. Ua taʻua e Björn Hallström, o se tusitala o nusipepa mai Suetena e faapea: “Sa sili ona faileagaina i latou na i lo se isi lava vaega, ae e ala i lo latou faatuatua i le Atua, na sili atu ona mafai ona latou tumau na i lo isi.”

Po o le ā lava le tulaga o loo e iai, e mafai ona fesoasoani le Tusi Paia iā te oe ina ia e tumau e ui i faigatā. Ia faafesootaʻi Molimau a Ieova i lou vaipanoa, po o le tusi atu foʻi i le tuatusi o loo i le itulau e 5 o lenei mekasini mo se suʻesuʻega faale-Tusi Paia e faia e aunoa ma se totogi.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga