Fesoasoani mo Faafitauli i Aiga

Sa avatu i se fafine i Veracruz, i Mekisikō, se kopi o le Ala Mai! lea na talanoaina ai se faafitauli tonu lava o loo tupu i lona aiga. Na ia tusi e faapea: “Sa ou matuā fiafia lava i le mekasini, ona o le mataupu o loo iai o loo talanoaina ai mea o loo tutupu i lo‘u aiga.” Na faaauau lana tusi i le ofisa o le lālā o Molimau a Ieova: “O le a fesoasoani lenei mataupu iā te a‘u faapea fo‘i ma la‘u tane ma le fanau.”

Sa faaopoopo atu i ai ma le talosaga a le fafine lenei e faapea: “Ou te mana‘o ia iloa atili e faatatau i Molimau a Ieova ma le mea e tū ai le faapotopotoga e aupito i lata ane. Ou te mana‘o e auai atu i ai ma lo‘u aiga ona ou te talitonu e matou te mana‘omia ona faalatalata atu i le Atua.” Sa faailoa i le itulau mulimuli o le Ala Mai! le tusi Le Ala e Maua ai le Fiafia i le Aiga lea na matuā faagaeetia ai lava le fafine. O lea, na ia talosagaina ai loa se kopi.

O loo iai i lenā tusi se mea e aogā i tagata uma lava o le aiga—tane, avā, mātua, tamaiti, mātua o mātua—ioe o tagata uma lava. O loo iai i ona mataupu ia mataupu nei, “Ia A‘oa‘o Lau Tamaitiiti e Afua Mai a o Tama Meamea,” “Fesoasoani i Lau Tama Talavou Ina ia Agaigai i Luma ma Manuia Ai,” “Ia Puipui Lou Aiga Mai Taa‘iga e Faaleagaina Ai,” ma le “Tausisia le Filemu i Lou Auaiga.”

E mafai ona e talosagaina se kopi o lenei tusi e ala i le faatumu o le kuponi o loo i lalo ma meli i le tuatusi o loo i le kuponi po o se tuatusi talafeagai o loo i le itulau e 5 o lenei mekasini.

□ Ou te talosagaina se kopi o le tusi Le Ala e Maua ai le Fiafia i le Aiga.

□ Faamolemole faafesoota‘i mai a‘u mo se su‘esu‘ega faale-Tusi Paia i le aiga e aunoa ma se totogi.