MATAUPU AUTŪ | PO O E PULEA LOU OLAGA?
Pe e Mafai Ona E Pulea Lou Olaga?
E LEAI se tasi i aso nei o feagai ma ni tulaga e lelei atoatoa. E masani lava, o le auala sili e pulea ai lou olaga, o le talia lea o tulaga ua tutupu iā te oe ma taumafai e fai le mea e gata ai lou mafai. Pe afai e mafai ona e pulea lou olaga e ui lava i tulaga e tutupu faafuaseʻi mai, o se mea lelei lenā. Pe afai o loo faasolosolo ona faaleleia tulaga ua tutupu iā te oe, o se mea e lelei tele lenā. Peitaʻi, i le lumanaʻi, o le a iai tulaga e sili atu ona lelei.
Ua folafola mai i le Tusi Paia se taimi o le a mafai ai e tagata ona pulea o latou olaga. O le a mafai ona latou ausia mea e mananaʻo e fai, ma saʻoloto mai i tulaga tigā, popolega i aso faisoo ma faalogona lē saʻo. (Isaia 65:21, 22) Ua taʻua i le Tusi Paia lenei tulaga o “le ola moni.”—1 Timoteo 6:19.
“O le a latou fausia fale ma nonofo ai; e latou te totō foʻi togāvine ma latou aai i ona fua. O le a latou lē fausia ae e nonofo ai isi; o le a latou lē totō ae e aai ai isi. Auā e pei o le umi o aso o le laau o aso o loʻu nuu; ma o le a matuā fiafia uma oʻu tagata ua filifilia i galuega a o latou lima.”—Isaia 65:21, 22.