Faatomuaga

O LE tusi lenei i tala moni. O loo aumaia mai le tusi sili o le lalolagi, o le Tusi Paia. O tala e aumaia ai iā te oe le talaaga o le lalolagi ina o foafoaina e le Atua le lalolagi seia oo mai lava i o tatou aso. E taʻuina mai ai foi mea o le a faia e le Atua i le lumanaʻi.

E aumaia ai iā te oe e lenei tusi se manatu po o le a moni lava le uiga o le Tusi Paia. O loo faamatala ai tagata o le Tusi Paia ma mea sa latou faia. Ua faaalia ai foi le faamoemoega sili o le ola e faavavau i se lalolagi parataiso e aumaia e le Atua mo tagata.

O loo i ai tala e 116 i le tusi. O loo faavasegaina i vaega e valu. O le itulau i le amataga o vaega taitasi ua faamatala puupuu ai mea o loo i ai i lena vaega. O tala o loo mauaina i lona faasologa i mea na tutupu e tusa ai ma ona talaaga. E fesoasoani lea iā te oe e te iloaina ai le fesootaiga o mea na tutupu e tusa ai ma le talaaga o isi mea na tutupu. Ua faamatalaina tala i se gagana faigofie. O le tele o outou o loo laiti o le a mafai lava ona tou faitauina. O outou matua o le a e iloaina e fiafia tele fanau e toe faitau ma sana faitau atu pea nei tala i a i latou i le tele o taimi.

O le a e mauaina e i ai i lenei tusi se naunau tele mo e laiti ma e matutua. Ua aumaia ni faamatalaga o mau sii o le Tusi Paia i le iʻuga o tala taitasi. Ua uunaia oe ia faitauina nei vaega o le Tusi Paia o loo faavaeina ai le tala. Pe a uma ona faitau i tala taʻitasi, tagaʻi i fesili mo na tala, ia o loo mulimuli mai pe a uma le tala lona 116, ma taumafai e manatua tali.