Ierusalema ma le Malumalu sa Masani ai Iesu
E leʻi umi talu ona soifua mai Iesu, ae ave loa o ia e Iosefa ma Maria i le aai sa tuu i ai e lona Tamā faalelagi Lona suafa, i Ierusalema lea. (Lu 2:22-39) Sa iai foʻi i inā Iesu mo le Paseka ina ua 12 ona tausaga. Na matuā taufaiofo aʻoaʻo sa i le malumalu i lona atamai. (Lu 2:41-51) O le galuega mo le lotoā o lenā malumalu, le vaega o galuega a Herota le Sili, e silia ma le ‘fāgafulu ma le ono tausaga’ o faia.—Ioa 2:20.
I le taimi o lana faiva, sa faatasi atu ai Iesu i le tausamiga i Ierusalema, lea sa masani ona ia aʻoaʻoina ai le motu o tagata. E faalua ona ia tulieseina mai le malumalu ē sa fefaatauaʻi ma fulia i lalo laulau a ē na faatauʻoa.—Mata 21:12; Ioa 2:13-16.
I le itu i mātū o le malumalu, i le vaitaʻele o Petesa, na faamālōlō ai e Iesu se tagata e 38 tausaga o maʻi. Na faapupulaina foʻi e le Alo o le Atua le tauaso e ala i lona fetalai atu i ai e mulumulu i le vaitaʻele o Seloa o loo i le itu i toga o le aai.—Ioa 5:1-15; 9:1, 7, 11.
Sa masani ona asiasi Iesu i ana uō o Lasalo, o Maria, ma Mareta i Petania, “pe lua maila [2.8 kilomita]” i sasaʻe o Ierusalema. (Ioa 11:1, 18; 12:1-11; Lu 10:38-42; 19:29; tagaʻi i “Nuu o Ierusalema,” itulau 18.) E toe o ni nai aso aʻo leʻi oo ina maliu Iesu, na ia malaga ai i Ierusalema e ui atu i le mauga o Olive. Seʻi mafaufau i lona tū ma silasila atu i le aai i sisifo ma tutulu ai. (Lu 19:37-44) E pei lava le vaaiga lea na silasila i ai Iesu ma le vaaiga i le ata lea o loo i le itulau e sosoo ai i le pito i luga. Ona malaga lea o ia i Ierusalema i le tamaʻi asini, e foliga mai sa ui atu i faitotoʻa i sasaʻe o le aai. Na alalaga fiafia le motu o tagata iā te ia o se tupu o Isaraelu i le lumanaʻi.—Mata 21:9-12.
O mea tāua na tutupu muamua atu aʻo leʻi maliu Iesu, sa tutupu i nofoaga e felataʻi ma Ierusalema: i le fanua o Ketesemane i le mea na tatalo ai Iesu; i le Maota fono o Saniterini; i le fale o Kaiafa; i le maota o le kovana o Pilato, ma mulimuli ane ai i Kolokota.—Mare. 14:32, 53–15:1, 16, 22;; Ioa 18:1, 13, 24, 28.
Na iloa Iesu i totonu ma fafo atu o Ierusalema ina ua toetū mai. (Lu 24:1-49) Ona afio aʻe lea o ia i le lagi, nai le mauga o Olive.—Ga 1:6-12.
[Siata i le itulau 31]
(Tagaʻi i le lomiga mo le ata atoa)
Malumalu o Ierusalema/Herota
Vaega o le Malumalu
1. Le Mea e Sili Ona Paia
2. Le Mea Paia
3. O Fata o Taulaga Mū
4. Vai Apamemea
5. Lotoā o Ositaulaga
6. Lotoā o Isaraelu
7. Lotoā o Fafine
8. Lotoā o Nuu Ese
9. Le Pa Maa (Soreka)
10. Le Faapaologa o le Tupu
11. Le Faapaologa a Solomona
MALUMALU
Le Faitotoʻa
Lotoā o Ositaulaga
Le Faitotoʻa
Le Mea e Sili Ona Paia
O Fata o Taulaga Mū
Le Mea Paia
Lotoā o Isaraelu
Lotoā o Fafine
Vai Apamemea
Le Faitotoʻa
Le Faapaologa a Solomona
Le Pa Maa (Soreka)
Lotoā o Nuu Ese
Le Faitotoʻa
Le Faapaologa o le Tupu
O Faitotoʻa
Le ʻOlo o Anatonia
Le Auala Laupapa
Le Maota o Saniterini?
VANU O TUROPOENO
Le Taʻelega o Seloa
Le Alāvai
Fale o Kaiafa?
Maota o le Kovana
Kolokota?
Kolokota?
Le Taʻelega o Petesa
Fanua o Ketesemane?
MAUGA O OLIVE
ĀLIA O KETARONO
Le Vaipuna o Kiona (Kaiona)
Enerokelu
VANU O HINOMA (KĒNA)
[Ata i le itulau 30]
Le Vaaiga i le itu i sasaʻe agaʻi i Ierusalema i ona pō nei: (A) lotoā o le malumalu, (E) fanua o Ketesemane, (I) mauga o Olive, (O) vao o Iuta, (U) Sami Mate
[Ata i le itulau 31]
Le vaaiga i sisifo mai le mauga o Olive, i aso o Iesu