Po o le a E Faia le Finagalo o Ieova?

Faafetai i le faaaluina o lou taimi e suʻesuʻe ai lenei polosiua ina ia e iloa ma faamasani i Molimau a Ieova, ia malamalama e faatatau i a matou galuega ma le faagaoioiga o la matou faalapotopotoga. E matou te faamoemoe o le a fesoasoani lea iā te oe e mātaulia ai, o i matou o loo faia le finagalo o Ieova i aso nei. E matou te faalaeiau oe ina ia faaauau ona ave i fale le poto i le Atua, ia taʻu atu i isi o lou aiga ma uō e uiga i mea ua e aʻoaʻoina, ma auai e lē aunoa ma i matou i a matou sauniga faa-Kerisiano.​—Eperu 10:23-25.

O le a e iloaina ai e faapea, o le tele o lou aʻoaʻoina e uiga iā Ieova, o le tele foʻi lenā o lou iloa e alofa moni lava o ia iā te oe. O le a uunaʻia ai oe e fai le mea e sili e te mafaia ina ia faaali atu ai lou alofa iā te ia. (1 Ioane 4:8-10, 19) Ae e mafai faapefea ona faaalia lou alofa iā Ieova i le auala o loo e ola ai? Aiseā e avea ai le usitaʻi i ana tapulaa tau amio o se mea e sili ona lelei mo oe? Ma o le ā o le a fesoasoani iā te oe ina ia faia ai le finagalo o le Atua faatasi ma i matou? E fiafia lou faiaʻoga o le Tusi Paia e saʻili faatasi ma oe tali o nei fesili, ina ia mafai ai e oe ma lou aiga ona “faatumau iā te outou i le alofa o le Atua . . . lea e iʻu ai i le ola e faavavau.”​—Iuta 21.

E matou te valaaulia ma le māfana oe ia faaauau ona agaʻigaʻi i luma i le ala o le upu moni, e ala i le sosoo ona suʻesuʻeina o le lomiga lenei . . .