“A o Oʻu Vaavaai Pea i Foafoaga Agaga”

E mautinoa na vaai Esekielu i ni faatagata tetelē o povi poʻa ma leona e iai apaʻau ma ulu o tagata, sa tutū e leoleo luma o maota o aigātupu ma malumalu. Sa iai na faatagata i vaipanoa o Asuria ma Papelonia anamua. I le pei o isi tagata, e lē taumatea sa ia vaavaai ma le maofa i nei faatagata uigaese lea e pe ā ma le 20 futu le maualuluga. E ui i le mataʻina o nei faatagata, ae e leai ni ola ma na vane mai i maa.

I se faaeseesega, o foafoaga agaga e fā na vaaia e Esekielu i le faaaliga, o ni foafoaga ola. Na matuā telē le aafiaga iā Esekielu, auā e silia ma le 11 taimi na ia taʻua ai le faaupuga “foafoaga agaga” i le faatomuaga o lana valoaga. (Eseki. 1:5-22) O le faaaliga o le gaoioi ma le autasi o foafoaga agaga e fā i lalo ifo o le nofoālii o le Atua, na matuā mautinoa ai Esekielu o loo faatonutonuina atoatoa e Ieova ana foafoaga uma. I aso foʻi nei, o lenā faaaliga ua tatou matuā mautinoa ai i le malualii ma le mana o Ieova, ma le ofoofogia o lana pule silisili ese.—1 No. 29:11.