‘O Le Leaga Ua Faia o Le a Oo Lava Ina Sili Ona Faatetele’

E TELE se aofaiga o mea ua faia e le Taua 1 a le Lalolagi, i ola o tagata faapea ma mea totino. Peitaʻi, e itiiti se iloa i mea na faia e le taua i misionare Kerisinetoma i Aferika. E tusa ai ma le tala a se misionare Katoliko o Francis Schimlek i lana tusi Medicine Versus Witchcraft, o tala i lenei fetauaʻiga i le kelope, “sa pei o se mafuie, o lona lūlūina lea na lagona i se mamao, na oo atu i le fale faamisiona i le togavao o Aferika. . . . Na matuā maasiasi ave feau a Keriso, a e ua iso Kerisiano o le Atunuu lava latou.”

Ai se ā ua faapea ai? Na sii mai e Schimlek se faamatalaga a le misionare o Albert Schweitzer e faapea: “O i tatou, i tatou uma lava, ua iloa faapea, e toatele Tagatānuu moni ua iso i le fesili, pe e mafai faapefea ona fai e tagata papaʻe, o ē na aumaia le Tala Lelei o le Alofa, a e ua toe fasioti nei e le tasi le isi, ma lafoaʻi atu i matagi poloaiga a le Alii o Iesu, Ina ua latou tuu mai le fesili ia i tatou, ua tatou lē ma fesoasoania. . . . Ua ou fefe ina neʻi oo ina faatetele le leaga ua faia.”