Na ia Ausia Lona Sini

I le taimi na faia ai se lauga faale-Tusi Paia, na faaepa mai ai se faifefau e tatau i Kerisiano ona faatūtū ni sini totino ma taumafai ina ia ausia. O se teine itiiti e fa tausaga lona matua na faalogo i le lauga, na ia faailoa atu i ona mātua i le taeao na sosoo ai faapea ua uma ona ia faataatia lona sini, o le faalogologo lea i le tusi atoa e 256 ona itulau Laʻu Tusi o Tala o Le Tusi Paia ua uma ona puʻeina i lipine. Na tusi mai ai lona tinā:

“Sa ia fuafuaina lelei lona nofoa i aluga, faatasi ai ma le laau, lipine, ma le tusi ma na ia talosagaina foi ina ia avatu ni nai mea e ʻai i lea aso. Ma loʻu lei ano lava i ai, sa ou ioe loa, ma loʻu manatu, o le a lē umi lava a e vaivai o ia. I le taeao, sa ou siakiina pea o ia e fia iloa po o faapefea mai o ia. Ina ua uma le lua itula, sa ou faapea atu atonu pe ua lava lea ma e mafai lava ona faauma i le isi aso e sosoo ai. A e sa maumauai pea o ia. Mulimuli ane i le afiafi, sa ia sau i fafo mai le potu, ua falolō auā ua fai sina umi i nofo, sa ia ata mimita mai. Ua toeitiiti lava atoa le ono itula, a e ua ia ausia lona sini!

“Talu mai lea taimi na amata loa ona ia alu i le aʻoga, a e fai mai lona faiaʻoga, o ia o se faitau tusi sili i le vasega e le i faapea ona latou faalogoina.”

E mafai foi ona e maua nei lipine ma tusi Laʻu Tusi o Tala o Le Tusi Paia, e maua uma foi, i le na ona faatumu o le kuponi ma auina mai i le meli.

Faamolemole auina mai i le meli le pusa lanu enaena anagatā faatasi ai ma lipine e fa o Laʻu Tusi o Tala o Le Tusi Paia. Ua uma ona totogi. O loo lafo atu ai ma le $14 ($8 U.S) [ ] Auina mai le tusi ata e 256 itulau o Laʻu Tusi o Tala o Le Tusi Paia, lea ua ou lafo atu ai le $4 ($2.50 U.S.) [ ] Siaki le tasi po o mea uma e lua, ma ia faasaʻo mai le mea alofa saʻo.