O le ā o le a Tupu i Nofoaga Paia o Kerisinetoma?

UA FESILI ē na lomia le tusi Holy Places of Christendom, a le tagata suesue i le eleele o Stewart Perowne, e faapea: “O ai, ma po o le ā lava le talatuu faa-Kerisiano e sau ai o ia, e mafai lava ona tu atu i luga o Kalevario i totonu o le Falesa o le Toetu [po o le Falesa o le Holy Sepulcher] i Ierusalema e aunoa ma le iai o se lagona mataʻu: auā o i inei i se nofoaga ua faamamaluina ma oo lava ina faia ai taua mo le tele o senituri, o le ogatotonugalemu lea o Kerisinetoma.”

E leai lava se tasi ua mafai ona ia faamaonia faapea o lenei falesa sa fausia i luga o Kalevario, i le mea na maliu ai Iesu Keriso. O le mea moni, a o leʻi filifilia e le emeperoa Roma o Konesetatino e fausia le falesa i inā, sa faatuina ai se malumalu faapaupau i inā. E lē gata i lea, na fetalai Iesu: “O le Atua o le agaga lava ia; o e tapuai ia te ia, e tatau ona tapuai atu ai i le agaga ma le faamaoni.” (Ioane 4:24) O na tagata tapuai latou te lē faamamaluina nofoaga “paia” faaletino.

I se tasi taimi, sa avea ai Ierusalema ma nofoaga o le malumalu o le Atua ma i lea, na avea ai ma ogatotonu o le tapuaiga mamā. Ae peitai ona o le lē faamaoni o tagata na aināina le aai, na tuulafoaia ai e Ieova le Atua lea aai, e pei ona fetalai Iesu o le a faapena foi ona ia faia. (Mataio 23:37, 38) Na valoia foi e Iesu le faaumatiaga o lena nofoaga autū o tapuaiga, lena sa faaauau ona manatu i ai le toatele o se nofoaga paia. Sa faataunuuina ana upu ina ua faaumatia e Roma Ierusalema ma lona malumalu i le 70 T.A.—Mataio 24:15, 21.

Ua lē o toe umi ae faia loa se faataunuuga sili ona tele o le valoaga a Iesu i luga o le nofoaga aoao faalotu o Kerisinetoma, lea o loo faapea mai o le nofoaga paia. Ua fesagaʻi nei Kerisinetoma ma ona nofoaga paia ma se faaumatiaga e ala i au malolosi e lē faalelotu ua taʻua o “le mea inosia e faatafunaina ai.” (Tanielu 11:31) O le a fiafia Molimau a Ieova e taʻu atili atu ia te oe nisi o mea e uiga i lenei mea e gatete ai o le a oo mai.

[Ata i le itulau 32]

O se potu e tapuai ai i totonu o le Falesa o le Holy Sepulcher

[Ē Ana le Ata]

Pictorial Archive (Near Eastern History) Est.