Po o se Tootoo Rimoni ea na Aumai Mai le Fale o Ieova?

NA MAUAINA e tagata suesue o le palapala i Isaraelu ni tootoo se tele, o ni laau sa feaveaʻia e tagata sa iai le pule i na vaitaimi. (Kenese 49:10; Eseta 8:4; Esekielu 19:14) O nisi tootoo sa maua i Lakisa, sa iai ni o latou au e lapotopoto e foliga mai e pei o se rimoni. E iloa lelei e tagata o le Atua lenei fualaau aina.—Teuteronome 8:8; Pese a Solomona 4:13.

Na faatoʻā manino mulimuli ane tagata i le lei lanu paʻepaʻe o le rimoni i le vaitaimi e fuga mai ai, i le itu tauagavale. E 1.68 inisi (43 milimita) le maualuga, ma o se pu e i lona pito i lalo ua faaalia mai ai atonu o se vaega lea o se tootoo. Mātau mataitusi o loo togitogiina ai i le uluai tusitusiga faa-Eperu i le lona valu o senituri T.L.M.

O se vaega o lena lei lanu paʻepaʻe sa gau ese i aso anamua, ma na leiloa ai nisi mataitusi pe na o ni nai vaega foi o loo totoe i le taimi nei. Peitai, na fuafuaina e tagata popoto faapitoa i tusitusiga anamua le toe faafouga e pei o le ata o loo tusia i lalo. (E faavae i le tusi Biblical Archaeologist) O le lē fetaui o va i laina o nei mataitusi ua mafua ai ni faitauga autū se lua. Sa aumaia e se tagata poto mai Falani o André Lemaire se faitauga e faapea: “O Mea Totino o i le Malu[malu o le Ali]i o [Iāuē], o le paia i faitaulaga.” Sa faatū mai e Nahman Avigad se manatu e faapea: “O foaʻi paia mo faitaulaga (i) le Fale o Iāuē.”

O i laua nei ma isi tagata popoto sa faaiʻua e faapea o le tootoo lenei na muai aumaia ai mataitusi Eperu e fa o le suafa totino o le Atua—o Ieova. E ao la ona taʻua faapea o “le fale o Ieova,” o se faaupuga taatele lea i le Tusi Paia.—Esoto 23:19; 1 Tupu 8:10, 11.

E toatele pea nisi o loo latou talitonu o lenei au o le tootoo atonu o se mea totino a se faitaulaga na iai i le malumalu na fausia e Solomona, pe na faameaalofa atu foi i lena malumalu. Ia mātau, o lenei mamanu o le rimoni sa vaaia pea lava i le malumalu o le Atua.—Esoto 28:31-35; 1 Tupu 7:15-20.

[Ē Ana le Ata i le itulau 32]

Falemataaga o Isaraelu, i Ierusalema