Le Sauniga e Lē Tatau ona E Misia

“O mea lelei uma . . . atoa ma mea alofa uma e atoatoa ona lelei” e mai le Atua, lo tatou Tamā faalelagi. (Iakopo 1:17) O le meaalofa aupito silisili ua aumaia e le Atua i tagata agasala o le sauniuniga lea mo lo latou toe faafoisiaina i le lelei atoatoa e ala i lona Alo pele e toatasi, o Iesu Keriso. O le maliu o Iesu e fai ma o tatou Togiola, ua mafai ai ona maua le ola e faavavau i luga o se lalolagi parataiso. I le Luka 22:19, ua faatonuina ai i tatou ina ia faamanatuina lona maliu.

Ua valaaulia ma le mafana oe e Molimau a Ieova ina ia e faatasi ma i latou i le utagiaina o le faatonuga a Iesu. O lenei sauniga faaletausaga o le faamanatuga, o le a faia pe a mavae le goto o le la i le aso e fetaui tonu ma Nisani 14 i le kalena faalemasina a le Tusi Paia, lea o le a paʻū i le Aso Lua, Aperila 2, 1996. Ia faamau lenei aso, ina ia lē galo ai ia te oe. E mafai ona taʻu atu e Molimau a Ieova o loo i lou lava vaipanoa le nofoaga ma le taimi tonu e fai ai.