‘Faafetai i Molimau a Ieova Ona o le Saʻolotoga Tau Tapuaʻiga’

UA FAAPEA mai se mataupu i le nusipepa o le USA Today: “A o leʻi e teena se Molimau a Ieova, seʻi faatali laʻitiiti lava ae manatunatu i sauāga matagā na pagatia ai i latou i se taimi e leʻi mamao tele atu, faapea ma se sao matuā telē na latou faia i le Aiāiga Muamua o le Tulafono o saʻolotoga lea ua tatou olioli uma ai.” Sa sauāina Molimau a Ieova i le Iunaite Setete i le faagasologa o tausaga o le 1940 ma agaʻi mai ai, ona o se tasi o māfuaaga, o lo latou lē fāʻalo i le fuʻa.—Esoto 20:4, 5.

E 30 ni faamasinoga na aafia ai Molimau a Ieova na oo atu i luma o le Faamasinoga Maualuga a le Iunaite Setete i le lima tausaga i le vā o le 1938 ma le 1943. Ua faapea mai le mataupu: “Talu ai le lāgā soo e Molimau o ni mataupu faavae o le Aiāiga Muamua, o lea na tusi mai ai le faamasino o Harlan Fiske Stone e faapea, ‘Ua tatau lava ona maua e Molimau a Ieova se taui tau tupe, ona o le fesoasoani na latou faia i le foʻiaina o faafitauli faaletulafono e faatatau i saʻolotoga o tagata lautele.’”

O lea, i le tau faaiʻuiʻuga o le mataupu ua taʻua ai e faapea: “E tatau lava i lotu uma ona faafetai atu i Molimau a Ieova ona o le faalauteleina o le saʻolotoga [tau tapuaʻiga].”

[Faamatalaga i Ata i le itulau 32]

Ata pito i tua: Photo by Josh Mathes, Collection of the Supreme Court of the United States; faamasino, itu tauagavale pito i lalo: Collection of the Supreme Court of the United States